بنات نور ( روايات ليبية )

حلقة 16🔥

🔥 انتقال الي ناهد 🔥
ناهد : وين كنت جمعة شروق جت في سيارت صحبتها
جمعة : سامحيني كنت مع أستاذ فارس
ناهد : ان شاء الله خير
جمعة : وصلته للمستشفي
ناهد : اه اه 😱 خيره
جمعة : لا ما خيره شي ماشي منعرفش بألك لصاحبه
المهم اني شفت معاه زين و يزن
ناهد : زين و يزن معاهم
جمعة : ايه
ناهد : باهي باهي برا انت توا
( مشت تجري لشروق )
ناهد : شروق شروق
شروق : شن فيه شن فيه
ناهد : توا كلمي واحد من خوتك اسألي عليهم بسرعة
شروق : و ليش شن فيه
ناهد : قالي جمعة وصلهم للمستشفي من عندهم
شروق : باهي حاضر
ناهد : هيا
( اتصلت بيزن )
ناهد : افتحي المايك
شروق : الو يزن
يزن : ها شروق
شروق : شن جوكم
يزن : الحمد الله يا رب
شروق : شن أمانا قال جمعة وصلكم للمستشفي
يزن : ايه وصل فارس
شروق : شن فيه ان شاء الله خير
يزن : بنت جارتنا ضربتها سيارة تقرا مع زين
ناهد : 🔥🔥🔥🔥🔥🔥😶
(صوت ليلي معاه في المكالمة )
ليلي : من هاذي اختك
.
شروق : من بحداك
يزن : اخت يلي ضربتها سيارة
شروق : باهي المهم أمكم مشغولة عليكم
يزن : لالا ما فينا الا العافية
شروق : هيا أمانا باي
يزن : باي
..
شروق : ها وحدة تسكن بحداهم ضربتها سيارة و رافعينا
ناهد : 😳
شروق : ماما
ناهد : 😳
شروق : ماما
ناهد : ها
شروق : وين سرحتي
ناهد : لا حبيبتي ما فيه شي
هيا أمانا خلي نمشي نشوف خوك و ولاد خوك
تعالي بعدين قعمزي بحدانا
شروق : انكمل شغل و نجي
ناهد ؛ باهي
...
طلعت ناهد من الدار و هيا فاقدة التوازن وكأنها سخرت كل شي و ولادها رجعوا لنفس الدائرة و نفس القصة
و كان روح امهم ماسكة في رقبتي
لازم اندير حل
...
🔥انتقال الي قمر 🔥
بدت الضلم الدنيا
قمر : اني بنطلع شوي نشم هوا لو خلوكم تشرفوها كلميني
احلام : باهي
( طلعت قمر برا المستشفي و طلع وراها فارس )
قمر : ( قعدت تشم في الهواء و حاطة يديها علي كتافها )
فارس : خيرك سقعتي
( تلفتت و شافتله )
فارس : خيرك تشوفيلي
قمر : لامتي
فارس : شن لامتي
قمر : القصة هاذي شن النهاية متعها
فارس : اي قصة وضحي
قمر : القصة يلي عايشين فيها توا
فارس : قاعد مش فاهم
قمر : ( رجعنا لأنفس الدائرة نفس القصة نفس الاحدات ليال تعشق زين و ليلي تموت في يزن و احلام تتمني اليوم يلي تشوف فيه زياد )
فارس : و انتي
قمر : 😳
فارس : ردي
قمر : مش عارفة شن انرد الحق مش عارفة شن انقول
فارس: باهي انتي خيرك مش عاجبك الموضوع
قمر : كيف رح يعجبني نسيت امك نسيت اختي نسيت الماضي
فارس : انسي
قمر : ننسي
الله قداش الكلمة عندك سهلة
الكلمة هاذي ما تنقالش ليا يا فارس
. ( المهم اني اخديت قرار اني بنحول الحوش و بنطلع منه و زي ما اني رح انسي خواتي في خوتك انت نسي خوتك في خواتي
فارس : و اني وياك
( جئ اتصال من احلام )
قمر : اكيد خلوهم يخشوا
( مشت تجري للقسم لقتهم في الدار )
خشت
قمر : ليال 🤭😖😢
ليال : ☺️ قمر
قمر : يا وخيتي قلبي عليك نار اقسم بالله
ليال : لالا الحمد الله كويسة
( وجه ليال كله ازرق و رأسها شوي مخيط و رجلها مكسورة و ايدها فيها فك ) مدمرة كلها
ليال : وين زين
يزن : كان معانة
ليال : اوخي ناديهولي
( طلع يدور علي زين لقاه في تركينا يبكي )
يزن : زين خيرك تبكي
زين : لالا منبكيش
يزن : تي كيف أمانا هذا شني
معش تبكي خليك راجل
تعال البنت تسال عليك
زين : لالا مش رح انخشلها
يزن : ليش
زين : هكي . هيا توا كويسة
يزن : كويسة
زين : باهي الحمد الله
يزن : تي غير تعالا
زين : لالا
...
مشي رجع للغرفة
ليال : وين زين
يزن : ما يبيش يجي
ليال : خيره
يزن : ما نندريش
ليال : قمر بري جيبيه اوخيتي
قمر : حاضر
ليال : بري معاها احلام
احلام : حاضر
( مشوله )
قمر : زين هيا تعالا نبيك ليال
احلام : هيا تعالا اوخي
قمر : خيرك زين تبكي
احلام : تبكي علي خاطر ليال
( هوا مقعمز قعمزت بحداه قمر )ً
زين : ما نبكيش
قمر : خلاص ليال ما فيها شي
هيا تعال عد اقسم بالله ما فيها جاحة
( قامته قمر واحلام و رفعوه )
( خش و رأسه لوطة )
ليال : اطلعوا برا كلكم
قمر : هيا اطلعوا هيا
طلع يزن و ليلي و احلام و قمر
جئ يجري و اضبت ليال
و قعد يبكي
ليال : خيرك تبكي
زين : اني اسف ليال
ليال : اني آسفة و الله
زين : و اللهي ما نكتله
ليال : لالا خلاص تم المرضوع
اني ليك و انت ليا
و بس
زين : ❤️
اضبتها
ليال: اه اه كتفي
زين : اني اسف
ليال :😂
..
خشت قمر
هيا خلاص الدنيا ليل سلموا علي ليال و روحوا بنقعد معاها اني هني
ليال : ما نبي حد يقعد معاي
يقعد معاي زين
و بعدين اني كويسة و كان تبيني حتي انوض توا انوض
قمر : باهي خلاص علي راحتك
...
( سلمنا عليها و طلعنا
ليلي : توا اني مع مني بروح
قمر : مع مني جيتي
ليلي : مع يزن
قمر : خلاص روحي مع يلي جيتي معاه بري روحي مع يزن و فارس
ليلي : باهي
قمر : هيا تعالي احلام
..
ركبنا السيارة
احلام : ما شاء الله خواتك متعلقيين هلبا بولاد ناهد
قمر : مدايرا حسابي خلاص حنحولوا من هلحوش
احلام : و كيف حنسيهم فيهم
قمر : اني انسي خواتي و فارس اينسي خوته
احلام : اني خاطري نشوف زياد
أمتا بنشوفه
قمر :ً خلاص سكري المرضوع توا نهدرزوا فيه
وصلنا
احلام : صحيتوا بارك الله فيكم
قمر : شكرا ليكم
فارس : لا شكر علي واجب
( ليلي واقفة مع يزن )
ليلي : صحيت
يزن : عيب الكلمة هاذي راه ليال زي اختي
ليلي :و اللهي عارفة لكن لازم صحيت
يزن: اسمعي بتكلميني
ليلي : تي شن أنكلمك اليوم كله اني و ياك
يزن : ايه لازم تكلميني نبي نسمع صوتك
ليلي : باهي توا نشوف
هي تصبح علي خير
يزن :و انتي من أهله
..
🔥 انتقال الي ليال 🔥
ليال : اقسم بالله هوا يلي شدلي أيدي
زين : و اللهي عارف
خلاص انسي
..
في المستشفي
خش احمد و معاه باقة ورد كبيرة
احمد : السلام عليكم ممكن نعرف وين غرفة حالة اسمها ليال
الاستعلامات : جديدة
احمد : ايه
الاستعلامات : في الدور التاني حجرة تالتة
احمد : شكرا
..
ركبت
ليال : اقسم بالله نحبك اقسم بالله
زين : حتي اني و الله
ليال : تي قرب عليا و انت تبعد
تعالا
اضبتاته
.
علي جية احمد يشوف فيهم من حاشية الباب
احمد: 🔥💔
( ليال خلاص نستني خلاص نستني
مش سهل يلي درته فيها
اكيد زين يستاهلها اكتر مني
ليال كانت ليا و اني معرفتش نحافظ عليها
الله يسعدهم 💔 )
( احمد يحب ليال و لو تذكروا اول مرة حكيت عليه قلتلكم احمد كويس بس هل ممكن يستمر حبهم و هوا للاسف سمع كلام امه و انه لازم يمشي لعمه و يحب بنته علي خاطر الفلوس و انسي ليال و كانت من نصيب زين يلي يستحقها ) نصيب
حط الورد قدام الباب و مشي
....
بعد وقت
جت ممرضة و دخلت الورد و قالت لليال و زين انه كان قدام الباب و ليال كانت شاكة انه احمد حطت الورد و غيرت المرضوع و قعدت هيا و زين يهدرزوا علي اول لقاء و علي اشياء صارت معاهم و تمت الليلة علي خير ❤️ )
.
🔥 انتقال الي ناهد 🔥
( الحوش كله يوتي لعيد ميلاد شروق و كل شخص يجيب شي و بدت التحضيرات للحفلة )
ناهد : انت يلي غادي ساوي الزينة من هني معوجة
شروق : صباح الخير ماما
ناهد : ما تقوليش ماشية للعمل
شروق : ايه و الله
ناهد :وخليك معاي و ساعديني في الوقوف مع العمال
شروق : لالا لازم نمشي ينعزم بعض الأشخاص
ناهد : باهي خلاص بس متعطليش باش نمشوا السوق
شروق : حاضر
..
مشت شروق لشركة
موضفين الشركة : هابي بورتي تو يؤ
شروق : 😍 حبايبي
شكرا ليكم هلبا
و للعلم كلكم غدوا معزومين علي عيد ميلادي اوكي
و رح نعطيكم بعد شوي اوراق دعوة و مكان بيتي باش كلكم تكونوا موجودين
الموضفين : هههههههااااااااااا✨💥
.
شروق : صباح الخير انجي
أنجي : صباح النور
شروق : جئ اليوم مالك
انجي : ايه بس نزل المطبعة
شروق : اوكي كلميهولي
أنجي : حاضر
..
بعد ما كلمت انجي مالك
جئ لشروق
فتح باب المكتب و خش
مالك : صباح الخير
شروق : صباح النور
مالك : قالولي تبيني
شروق : ايه تعال قعمز
( قعمز )ً
شروق : تفضل
مالك : شن هذا
شروق : دعوة حضور لعيد ميلادي غدوا و لازم تكون موجود باي طريقة
مالك : حاضر
شروق : اوعدني
مالك : وعد
شروق : 😍
مالك : اصلا اني يوم ميلادك محفوظ عندي و لو ما عزمتينيش كنت حنجي للحوش و نعطيك هديتك
شروق : عارفاتك
❤️❤️
...
🔥 انتقال الي بنات نور 🔥
( ناضت قمر و احلام الصبح طلعوا طول لليال و الباين ان بيعطوها خروج )
و قعدت ليلي بروحها في الحوش
طق الباب
.
جت تفتح : مني
يزن : اني
فتحت
ليلي : يزن مش من عواديك انك تجي من الباب متعودة عليك تنقز من الحديقة
يزن : باهي شن بنقعد في الباب
ليلي : تفضل
خش
يزن : مافيش فطور
ليلي : برا نوض عليا شن تحسابني خدامة
يزن : نبصر عليك خيرك اهدي
تفضلي
ليلي : شن هذا
يزن : هاذي دعوة حضور لعيد ميلاد اختي
ليلي : اختك
يزن : ايه شروق
ليلي : ايه ايه قتلي مرة عليها
أمتا به
يزن : غدوا
ليلي : خلاص حنمشي
يزن : اوكي
وين احلام و قمر
ليلي : مشو لليال من الصبح
يزن : شن تشربي
ليلي : شاهي
يزن : ممكن جغمة
ليلي : وووه عليا و انت تقول تتوحم
.....
🔥 انتقال الي ليال 🔥
قمر : كيف حالك اليوم
ليال : كويسة هلبا الحمد الله
احلام : شن صار في ورقة الخروج
ليال : لالا مزال يبوا دكتور الأعصاب يجي يشوف الجرح يلي في الدماغ و الصورة و يبوا ينضفوا الخياطة
احلام : ايه عادي
.
قمر : برا زين انت توا روح ارتاح و بعدين تعالا
خود مفتاح سيارتي
روح انت و روح بأحلام
احلام : ايه هي
..
( طلعت احلام و زين من المستشفي و روحوا بسيارة قمر )
قمر : من جابلك ألبوكي
ليال : منعرفش
قمر : اسمعي بما اننا قعدنا بروحنا
احكيلي كل شي توا علي الحادت
.
( قعدت ليال تحكي لقمر )
و بعد ساعة او ساعتين جت ليلي و يزن و بعدها رجع زين و احلام و زاد جئ فارس و قعد يهدرز هوا و قمر كل الوقت نفس الكلام )
.
🔥 انتقال الي ناهد و شروق 🔥
( التحضيرات للعيد ميلاد كملت و ديكور الحفلة صار جاهز و بدوا يعدوا في المعازيم و يكلموا في خوتهم زين و زياد و فارس و يزن كم عزموا و يقدروا كم )
.
( في الليل باتت قمر مع ليال اطمنت احلام علي ليال ان حالها باهي فا رجعت هيا و ليلي للحوش )
ليلي : قمر نبي نقولك حاجة
احلام : شني
ليلي : يزن عازمني علي عيد ميلاد اخته
احلام : من اخته
ليلي : عزمني و قالي لازم تمشي
احلام : انتي قصدك يزن هذا جارنا
ليلي : ايه فيه غيره
احلام : باهي عادي أمتا
ليلي : غدوا
احلام : ايه باهي و شن تبي
ليلي : يلي يجي منك
احلام : قصدك فلوس
و اللهي
ليلي : و راس بوك من غير حلف
احلام : اسمعي انتي تبي تاخدي قفطان و لاه
ليلي : ايه
احلام : خلاص غدوا نطلع اني و ياك لمحل يأخر في قفاطين و خودي قفطان و من غير فلوس
صاحبتي هيا مالكاته و قتلي انتي و خواتك تعالوا ارفعوا
ليلي : باهي كويس لكن مرات قفاطينها مش حلوات
احلام : تي تعرفي يجننوا اقسم بالله
ليلي : خلاص مية مية و المكياج اكيد عليك
احلام : ايه عليا اني
( ناضت باست اختها )ً
انقتيني اقسم بالله
...
ناضوا الصبح و بدت التحضيرات و خشت المحل و عجبها قفطان ازرق طويل
احلام : هذا خلاص اخر كلام
ليلي : ايه هذا
احلام: خلاص نبي هذا
خدوا القفطان و طلعوا علي المزين و وصت عليها صاحباتها و بدوا في عملية المكياج و تحضير
( و هذا كله من وراء قمر مرات احلام تولي عبيطة في حاجات راحت من بالها ان اخت يزن هيا شروق اختها و هيا نفس البنت يلي تعاركت معاها ليلي لما قريب ضربت سيارتهم و هما طالعين )
حي عليها من قمر 😖

🔥 انتقال الي ناهد و شروق 🔥
( بدوا التحضير للعيد ميلاد و بدت تجي الفرقة و بدي ينحطوا العصائر و الحاجات )
و بدت شروق تكلم في خوتها
فارس : ( بعد ما طلع من المستشفي طول رجع للحوش غير بدلته هوا و يزن و طلع و قعد يزن يستني في ليلي )
( اما زين فا كلم اخته و قاللها مش رح نجي و بدت شروق تكشخ و حالة صارت و ناهد بدت تشك و هوا حاليا قاعد مع ليال في المستشفي )
..
🔥 انتقال الي الي يزن و ليلي 🔥
ليلي : هيا وينك
يزن : اني مدرس برا الكوافير
ليلي : هيا هاني طالعة
ليلي : ( شن رأيكم فيا بنات )
بنات الكوافير ( أميرة ما شاء الله ).
ليلي : يسلم يديكم يا رب
و طلعت
شافها يزن جاها يجري
و نحا البدلة و غطاها
ليلي : شن ادير
يزن : انغطي فيك و انتي طالعة هكي
ليلي : باهي وين السيارة
يزن : لكن هذا شي 😍😱
ليلي : شني
يزن : تهبلي
ليلي : شكرا
يزن : تهبلي
ليلي : خلاص عرفت
وين السيارة الناس تتفرج علينا
..
ركبوا السيارة و طول الطريق و هوا يشوفلها
ليلي : خيرك يزن فيه شي
يزن : تهبلي
ليلي : خلاص
قول ما شاء الله
يزن : تهبلي 😂

🔥🔥🔥 و بدي العيد ميلادى بدت الزحمة تبدا و الحضور يوصلوا و الناس تتوافد 🔥
و لوا تشوفوا العيد ميلاد كيف شكله و الحوش يلي فيه العيد ميلاد كيف شكله
و الفرقة تغني و الناس ترقد و الجو كانه في تركيا او في دولة أوربية
..
وصلوا ليلي و يزن
ليلي : هذا حوش مني يزن
يزن : حوشنا
ليلي : هذا كله حوشكم 😍
يزن : هيا انزلي
نزلني
وخشيت العيد ميلاد
ليلي : هذا شني
هذا عرس
محلاها الجردينة
.
خش هوا و ليلي لعيد الميلاد
ناهد : 🔥 .. ......يتبع
رح نشوفوا شن بيصير في العيد ميلاد
و موقف شروق بما انها تعرف ليلي و شايفتها قبل هكي
و شن بيدير فارس
و هل ممكن يصير شي في عيد الميلاد
و علاقة مالك و شروق
و لقاء احلام و زياد و كيف حيكون
و اكيد قمر و مشروعها الجديد
و لما بتعرف ان اختها كانت في حوش ناهد
تابعونا في الحلقات القادمة
شن رأيكم في احدات الحلقة ❤️❤️🔥
تفاعلوا و علقوا
و تصبحوا علي الف الف الف خير