بين نارين

بارت25

ايه:حسام هيج ننو تحب حيدر واحنه مندري
حسام:تدرين ايه هذا لي صار ويا ننو وحيدر بسببي جان اني بمكان حيدر وهسه هوا وننو مخطوبين بس كله بسببي
ايه:حسام حبيبي لو انت بمكانه لحيدر جان حيدر مخطب ننو لين اله انت ويا مو يعتبرك صديقه واخو
حسام:ضليت اباوع ع ننو وهيه تحجي وتبجي واني ماكدر كلشي اسوي
ننو:حيدر شوف اني ابقه احبك واموت عليك واكبر غلط بحياتي انو اني جنت ماصدك بيك ومجنت اعرف اني هيج راح اتعذب من يصير بيك شي بس خليت راسي ع ايده وضليت ابجي بس بدون صوت دموع 😿 تنزل
حيدر:خلصت دموعج مو كافي
ننو:سمعت صوته رفعت راسي شفت حيدر فاتح عيونه بس كلها دموع 😿 كتلها اعرف نفسي داتخيل انت فاتح عيونك بس اتمنى يطلع حقيقه
حيدر:بس اني فاتح عيوني صدك حبيبي نونه
ننو:كمت كتله يعني اني مداتخيل يعني فاتح عيونك كمت اكمز وابجي واضحك كتله حيدر ليش. هيج سويت بيه تدري اني تعذبت بفراكك تدري
حيدر:اني اسف ولله حبيبي
ننو: اشش اسكت ارتاح لتحجي هوايه خاف مو زين اوكف خلي اصيح لدكتور لا لا اول شي اكول لهلك طلعت ركض كتلهم حيدر كعد ولك صلاح حيدر كعد 😭
صلاح:شتحجين ننو 
ننو:دخلو كلهم واني دخلت بس ضليت واكفه بل اخير شافه صلاح
صلاح:ساهر هاي معجزه لصبح جان ماكو امل ابد انو يصحه هسه كعد ويضحك هم
حيدر:باوعت ع ننو كتله اي كعدت لين جان اكو ملاك صغير يبجي عليه
ننو:ضحكت وكلهم ضلو يباعون عليه ولله خجلت
الكل:😂😂😂😂😂
حسام:حيدر بعد اذا شفت احد جاي يموتني اموتك اذا صرت كدامي زين ولك راح عمر من عمري ونهد حيلي من وراك وفوك هذا كله ننو نخط….. داكملها بس ايه دغتني
حيدر:شبيها ننو شنو نخط متحجي شبيك سكتت
حسام:احم لا هيج ماكو شي
حيدر:حسام احجي ادري بيك ضام عليه شي لتخافون ماموت
ابو حيدر:شوف يابه لزواج قسمه ونصيب وننو نخطبت لحاتم وصارت له وعقدهم جان اليوم
حيدر:هههههههههه شنو هاي خوش نكته عجبتي
حسام:بس هاي حقيقه حيدر
حيدر:باوعت ع بنين جانت واكفه بعيد عني ودموعها تنزل عشره عشره كتله صدك ننو
ننو:مكدرت اجاوب طلعت برا اختنكت من لمستشفى كلها ربي ليش هيج بس اريد اعرف ليش طلعت برا امو حديقه كعدت ع لحشيش وضليت ابجي اجتي ايه يمي
ايه:ننو حيدر كلب لدنيا فوك ويبجي مثل لطفل عليج
ننو:ايه حموت ولله مداكدر اني احبه احبه لحيدر ماكدر احب حاتم
ايه:بس انتي هسه مرت حاتم ميصير بعد كم يوم عرسكم يا كلبي
ننو: اريد اشوف حيدر اخر مره بعد ماكدر اشوفه رحت لغرفته لكيتهم كلهم برا ولباب مسدود
صلاح:ننو صاير عصبي وميقبل احد يدخله
ننو:فتحت لباب ودخلت لكيته كاعد بل زاويه وراسه ع رجله ويبجي كتله حيدر رفع راسه وعيونه حمره
حيدر:ليش هيج سويتي بيه ها مو كتلج اني احبج واريدج حلالي ليش هيج سويتي ولج جنت احلم بيوم عرسنه لو الله ماخذ روحي ولا هل خبر هذا
ننو:رحت يمه وكعدت كباله كتله والله غصب عني اني احبك الك ولله بس جبروني على حاتم ولله حتى نهزمت منهم وبعدين رجعوني واتهموني بكلشي ولله حيدر اني احبك الك حضني قوي
حيدر:بنين اني احبج يعني صرتي لغيري زين اني مو كتلج حسويلج عرس فوك لغيم مو كتلج انتي لوحيده اي حبيتها من صدك زين ليش تصيرين لغيري ولله حاتم ميستاهلج والله
ننو:مسحت دموعه كتله سامحني حيدر بس انت انساني بأي طريقه بعد متشوفني واني اسفه ولله وطلعت بقه حسام يم حيدر ورجعني للبيت ساهر وصلت لبيتنه رحت لغرفتي وقفلتها وضليت ابجي واشهك واكسر بغراضي كسرت مرايتي لكبيره وكسرت كل لشغلات لي عل ميز وابجي واعيط وادعي عل اهلي وعلى حاتم اجوي كلهم يم باب غرفتي ويصيحون مافهم شيحجون لين جنت فاصله عن العالم كله بس اسمع عياطهم كعدت بل زاويه مال غرفتي وضميت رجلي لصدري وخليت راسي عليها وابجي مادري كم ساعه ضليت ابجي شفت جام مال مرايه متكسر بل كع اخذت وحده اني ماريد اعيش مليت من لدنيا جنت مرتاحه واضحك شجاب حاتم لحياتي شكيت ايدي وبقيت كاعده بل زاويه وراسي عل حايط خالته واذكر سوالف حيدر من يتخبل ومن يحجي ولبحه لي بصوته اني صح حجيت ويا حيدر وقت قليل بس جان احله شغله بحياتي جنه نتعارك ويجي هوا يصالحني اذكر وابتسم ضليت ساعه كاعده حسيت بعد مابيه حيل ابجي ولا بيه حيل اتحرك ومحسيت بشي بعد ابد
ساهر:وصلنه للبيت ننو صعدت لغرفتها وقفلت الباب وضلت تعيط وتصيح وتكسر بل غراض صدك كرهت اهلي وكرهت عمي سالم وعمي براهيم شنو ذنبها ليش هيج تعيط وتصيح كلهم راحو يم غرفتها صعدت وخرتهم كلهم كتلهم هسه صرتو تحبوها وتخافون عليها ها لعد من غصبتوها على حاتم مفكرتو هيج مو ورخرو منا يله كله من وراكم راحو صحتها بنو حبيبتي ولله احلها الج بس لتسوين شي بنفسج فتحي لباب يله ضليت احجي وياها وهيه مجاوب كمت كسرت لباب وفتت للغرفه جان لدنيا صبح شفتها غركانه بدمها عطت عليهم كتلهم لسياره بسرعه شلتها ونزلت ركض خليتها بل سياره ورحت كبل للمستشفى نزلت وشلتها ودخلتها للمستشفى رأسا للعمليات جان كلبها واكف مابي نبض وفصيلة دمها نادره ماكو منها طلعت شفت صلاح برا كتله صلاح دبر دم بسرعه ترا كلبها واكف ودم هوايه فقدت بسرعه ماكو وكت
صلاح: يعني بنين مخبله اكو وحده هيج اسوي استغفرالله دورت دم لكيت جيسين وتبرعت اني ودخلنه للعمليات جان كلبها واكف خلينه دم رأسا وبدينه جهاز لصدمات مرتين رجعت نبض كلبها خلصنه لعمليه وطلعناها وعمي كال لتنطون خير لهل حاتم ضليت بنين يومين بل مستشفى وصحت مابيه شي
بنين: صحيت لكيت نفسي بل مستشفى ويمي اهلي كلهم مابيه اتحرك وجع ايدي مينحمل ضليت الوب اجه صلاح نطاني مسكن الالم شويه خف الالم بس جان زعلان مني حتى محجه ويايه لا هوا ولا ساهر ورا يومين اجه صلاح وسامر يمي
صلاح: ليش هيج سويتي بنين تدرين بينج وبين الموت شعرايه ليش هيج
ننو:صلاح سامر حبابين لزعلون مني اريد منكم طلب عادي
صلاح&سامر:أمري بنون
ننو:اريد اطلع منا ماريد ابقه بل مستشفى
صلاح:اصلا ليوم يخرجوج حبيبتي مابيج شي دكومي لعد خلي نطلع منا
ننو:تمام بس ماريد اشوف احد من اهلي
سامر:تمام يله صلاح روح كمل اجرائات لمستشفى واني راح اساعد بنو
ننو:طلعت من لمستشفى ومر شهر اني تحسنت شويه واجه موعد الحنه  كعدتني ايه لصبح ساعه ب11ونص ايه:لج يلهه بنو ولله تأخرنه
ننو:اوو ايه عوفيني انام حبابه نعسانه
ايه:لج تأخرنه يله
بنو:كمت كمت رحت غسلت وجهي وبدلت ملابسي وطلعت ايه جبرتني اكل كملت واخذنه حسام للصالون لطريق خاله راسي ع لجمامه وساكته حتى دمعي خلص مابيه ابجي بعد وصلنه نزلنه اني وايه ودخلنه للصالون جانت عروسه كدامي بس لعرسه فرحانه كلش ابتسمت وكلت الله يتمم فرحتها خطيه ام الصالون كالت الايه ادخلني ابدل دخلت لبست لبدله جانت بدون ردن لون ماروني ومن يم لخصر كلها لمع ماروني ومدنفشه وحذاء ماروني ومكياج صار ماروني واسود وحمره ماروني وشعري شالته بتسريحه بسيطه اختاريت وزلت خصل من شعري
… .يتبع