بين نارين

بارت 20

ننو:ضليت 3 اسابيع على هاي الحاله بس اعيط وابجي شصار بيه ومحد يقبل ينطيني المهدء ليهسه بس ابويه يشوفني وميقبل احد يدخل لا عمي ولا امي ولا لبقيه اليوم راح اتخرج من المستشفى وحيدر نفس الشي لا صحه ولا شي قبل ماطلع من المستشفى كتلهم اريد اشوفه
صلاح:ننو انتي مريضه باجر تعالي
ننو:لا حباب هسه صارلي هوايه مشايفته بداعتي
ساهر:اني اخذها وانت انزل حضر السياره ماشي
صلاح:تمام لعد بس مو تتأخرون وغمزت الساهر
ساهر:لا منتاخر يله ننو رحنه الحيدر وبقت واكفه يم الشباك مال غرفه تباوع عليه
ننو:شوف ساهر لحيته طولانه بس لايكتله😭
ساهر:ننو حبيبي كافي يله خلي نروح دينتضرونه بره
ننو:خلي نبقى شويه
ساهر:من اصيرين زينه نجي مره ثانيه يله هسه نروح
ننو:تمام بس نرجع مره ثانيه
ساهر:تمام نزلنه جوا جانو واكفين كلهم من طلعت ننو اجه عمي سالم. ديحضنها جان تعوفه وتصعد السياره السياره بيها بس اني وهيه وابوها وصلاح 
وصلنه للبيت نزلنه من لسيارات دخلنه ننو لغرفتها بقه يمها صلاح واني نزلت جوا كتلهم حضرو اكل لننو يله موعد دواها
لوجين:ماشي يمه ساهر
ساهر:دخلت جوا لكيتهم يتصايحون عمي ابو ننو وعمي سالم
عمي سالم:ماكو براهيم تزوج حاتم عل اقل شيخ ورفعة راس ورجال كامل مكمل وبعدين زوجها ليحبها مو لتحبه
ابراهيم:ليش شبي حيدر نقيب وهيبه ويحبها ورجال مازوجها حاتم سالم هاي بنتي واني حر بيها زين ولكاعد يعلم لغايب ننو متصير لغير حيدر زين اني نطيتهم كلمه وقرينه لفاتحه من جنه بل مستشفى
صلاح:عمي ترا ننو حالتها لنفسيه تعبانه لو تأجلون هذا حجي هسه ممكن
عمي سالم:ابراهيم تعال خويه تعال نحجي بهدوء ليش متنطي ننو لحاتم
ابراهيم: سالم خويه حاتم مزوج وعنده مره واني متأكد رايد بنتي علمود لجهال مو يحبها وحيدر لامزوج ولا رايد بنتي بمصلحه ويحبها وهيه تحبه
عمي سالم: بس احنه قرينه لفاتحه وهيه صارت لحاتم صارت كعدت زلم ابراهيم
ابراهيم:زين اني شنو هنا رجل كرسي انتو كلكم ميحقلكم تدخلون بيها هاي بنتي اني الي انطي كلمه مو انتو من اموت ذاك لوكت سوي لي تريدو هسه اني عايش وهيج من اموت اشلون
عمي سالم:خويه صلي على محمد ونطيها الحاتم حيدر شغله خطر باجر عكبه صارشي بي لا سامح الله مو تترمل ونتندم فكر زين وردلي جواب
ابراهيم:طلعت رحت للحديقه واني افكر بنتي حبيبتي وحيدتي ربي دخليك حاير وانت ماتحير عبدك دخيلك ربي دليني عل صح ضليت اقارن بين حيدر وبين حاتم وكل مره يطلع بيها حيدر احسن بنضري بس حيدر شغله خطر بنص الموت اذا يصير بي شي لاسامح الله شلون تدمر بنتي ومن ناحيه ثانيه هيه تحبه ضليت افكر وافكر ولحد 1بليل واخذت قرار بس ورجعت للبيت لكيتهم كاعدين بل صاله
روجين: وين صرت حبيبي ضل بالي عليك وادك عليك مجاوب
ابراهيم: جنت بل حديقه ونسيت تلفوني بل سياره
عمي سالم:شقررت ابراهيم اخويه
ابراهيم:شوف سالم راح انطي بنتي بس وحق لحق اذا رجعن فديوم لبيتي زعلانه او ضاربها اروحله لبيته اكسره تكسر واني ناطيها بس مو من كل كلبي واذا سوالها شي انت اول واحد تخرب وياك
عمي سالم:شو تهدد خويه اني اخوك
ابراهيم:اخويه ع عيني وراسي بس هاي بنتي وشمعت بيتي
ننو:يعني بسهوله هيج بعتوني ولا عبالك اني بتنك لوحيده راح تنطوني لحاتم ليش يابه مو اني ردتك عون تطلعي فرعون كمت كتلهم هاهيه اني موافقه ازوج حاتم بس عمري ماسامحكم ولا اريد اشوفكم بعد لانتو اهلي ولا اعرفكم
ابراهيم:ننو… ..
ننو:ماريد اسمع اي احد منكم عفتهم ورحت لغرفتي كلبي يوجعني وينك حبيبي حيدر تعال شوف شصار بحالي ضليت ابجي لحد ساعه4لصبح كمت مسحت ادموعي وبدلت ملابسي ونزلت بسكوت من لدرج شفتهم نايمين طلعت للشارع شفت الحرس بل باب كتلهم اريد اروح للمستشفى
الحرس:بس اني عندي امر ماخليج اطلعين
ننو: ومنو نطاك لامر هذا
الحرس:استاذ سالم
ننو:هه اكلك احترم نفسك واخذني للمستشفى احسلك وانت منو حتى تفرض عليه اوامر ها
الحرس:اسف
ننو:يله اخذني للمستشفى بسرعه واذا سئلوك لجاوب ماشي
الحرس:تمام
ننو:التخاف ميسولك شي رحنه للمستشفى نزلت ورحت لغرفه حيدر
خاله ام حيدر:ننو حبيبتي شجابج بهل ليل يمه خو مابيج شي حبيبتي
ننو:لا خاله مابيه شي واجيت ويا الحرس
عمو ابو حيدر:بنتي خو مابيج شي انت من ريحه لغالي
ننو:بجيت كتله اريد اشوف حيدر عمو حباب
خاله ام حيدر:يمه لدكتور جوا بس يطلع دخلي
ننو:تمام ضليت نص ساعه برا وبعدين طلع لدكتور وطلع ويا حسان
حسان:ننو شجابج هنا حبيبتي
ننو:حسان راح يزوجوني الحاتم 😭
حسان:شنو حاتم شنو
ننو:ماعرف بس حتى ابويه عمي سالم لعب بعقله وقنعه عفيه حباب ماريد حاتم ماحبه
حسان:اششش تمام تمام كافي لتبجين
ننو:اريد اشوف حيدر
حسان:تعالي نسئل الدكتور يقبل دكتور عادي تدخل اتشوفه
دكتور:بس لتتاخر ماشي
ننو:دخلت لحيدر وضليت احجي ويا حيدر حبيبي شصاير بحالك كوم يله حبيبي مو جنت تتمنى ااكلك احبك شوف هسه اكلك احبك ولله بس اكعد حبيبتك راح يزوجها غيرك 😭لحيتك طولانه بس حلوا عليك خليت راسي على ايده وضليت ابجي واحجي حسيت ايده اتحركت رفعت راسي جان عندي امل انو بس ارفع راسي اشوف عيونه مفتوحات بس للأسف بس ايده تحركت ضليت كاعده واحجي ويا حتى ماعرف شكد ضليت بل مستشفى احجي وابجي واضحك بنفس لوقت دخل حسان
حسان:لصبح خابرت عمي كتله شنو راح ازوجون ننو لحاتم
ابراهيم:عمو حسان اسمعني حيدر شغله خطر واني اخاف ع بنتي
حسان:ههههههه لمفروض تخاف ع ننو من ازوجها حاتم مو من تنطيها لحيدر ولله عمي ماعرف شكلك بس انتو ماعدكم ذره احساس ومن هسه لا اعرفكم ولا تعرفوني راح تنطوها لواحد رايدها بمصلحه وميحبها وراح تخسرون شاب من ذهب واني مستحيل اسامحكم كسروت بنت عمي واختي وكسرتو بصديقي لي ضحه بروحه علمودي وسديته بوجهه
سالم: سالم عرفت وينها ننو خاف نهزمت نزلت راسنه
ابراهيم:لا منهزمت وبنتي مربيها احسن تربيه متنهزم بس هيه بل مستشفى يم. حسان
سالم:وشلون رايحه وحدها وشلون ليوم خطوبتها راح يجن لنسوان لعصر وهيه بل مستشفى
روجين: اني حروحلها وام احمد لي هيه تصير مرت عمي سالم تجي ويايه
عمي سالم:ماشي بس بسرعه
روجين:طلعنه رحنه للمستشفى جان حسان واكف سلمنه اعتذرت من ام حيدر وهيه فهمت لموضوع المره وكالت الف مبروك ننو خوش بنيه ولكل تتمناها
روجين:ونشالله يوم لسوزان وابريني لذمه خيتي
ام حيدر:مبريه لذمه خيتي والف مبروك مره لثانيه
روجين:دخلت شفت ننو يم حيدر ولازمه ايده وعيونها حمر من لبجي