بين نارين

لبارت7

ابراهيم:اخذيها هباوي بس ديري بالج عليها بنتي
هبه:بعيوني عمو اخليها وانتي خاله عادي اخذها مو
روجين:اخذيها حبيبتي هباوي
هبه:لعد راح اصعد اجهزه وننزل اني وياها صعدت شفت ننو نايمه
هبه:ننو ننوش يله كومي
ننو:ها هبه وين اروح
هبه: راح اخذج ويايه للبيت تبقين يمي اسبوعين وراجعج
ننو:هبه مابيه حيل خليني هنا
هبه:لا ولج يله كومي يله اني راح اجهز ملابسج
ننو:ماشي اني خايفه اروح وياهم للبيت من الحلم لشفته كل ماذكره اكعد ارجف هبه خلصت الهدوم كالتلي يله ننوش كومي خلصت اني
ننو: واني هم خلصت جنت داحضر كتبي اخذت جنطي مال مدرسه نزلنه جانو كلهم جوا بابا نطاني فلوس 100الف كلي خليها خاف تحتاجين شي بنتي
ننو:بابا اني احبك برهمومي حياتي وحب رورو
هبه:يله ننو
ننو:جيت جيت طلعت شفتهم حاتم وهبه بل سيارة خاله ام حاتم اخذوها طاهر واخو لتؤام وساهر وصلهم
هبه كعدت كدام واني كعدت وره الطريق كله حاتم وهبه يسولفون ويشاقون اني فتحت فوني سادته من البارحه شفت كووومه رسائل ومكالمات من حيدر ومن البنات شفت مال بنات كلهن يسئلن عليه كتلهم اني زينه بس فلاونزا كلهم كالن نريد نجيج كتلهم تجون البيتنا وساهر او صلاح يجيبوكم البيت هبه اتفقنا يجون لعصر
نداريت شفت حاتم يباوعلي من المرايه كتلهم عادي يجون صديقاتي يشوفوني
هبه وحاتم:عادي يجون كل الهله بيهم
ننو:شكرا 😊 رحت على رسائل حيدر شفت شكدد داز رسائل قريتهن كلهن يحجي على حاتم ضحكت عليهن😂كاتب كله من وره هذا لغثيث خرب لو بس الزمه اله اموته سوده عليه مريضه بيه ولا بيج يروحي
كتبتله حيدر مابيه شي ولله بس فلاونزا رئسن رد
حيدر:سوده عليه يروحي كالو خاليلج كانونه صدك يروحي
ننو:اي ولله بيدي
حيدر:ننو صدك راح تروحين لبيت حاتم
ننو:اي ويا هبه اخذتني
حيدر:ديري بالج على نفسج ماشي
ننو:ماشي اني حروح حيدر انت هم دير بالك على نفسك باي
حيدر:صار يروح حيدر باي
سديته من حيدر اباوع حاتم ضل يباوعلي وعيونه براسه من العصبيه درت وجهي على الجامه جانت دتمطر ولجو حلو ضليت اباوع على الجام والمطر لي ينزل عليها وصافنه اليوم شنو اخذنه دروس وسوزان شلون جاوبت والبنات شسون شنو لعبن
حاتم:اباوع عليها من المرايه شلون صافنه وتباوع على الجام هيه حلوا بس مغروره وصلنه للبيت
هبه:ننو يله حبيبي تعال ويايه
ننو:نزلت من السياره دامشي دخت ردت اوكع بس لزمني حاتم
حاتم:شفتها داخت راح توكع لزمتها من ايدها بيج شي
ننو:لا مابيه شكرا
هبه:حاتم شيلها دخلها جوا خاف متكدر تمشي
ننو:لا لا شكرا اكدر امشي بس خلي اكمش ايدج مشيت ويا هبه دخلنه لبيتهم جبير كلش شاورت هبه كتلها شلون تنضفي هذا لبيت هل كبر
هبه:كتلها اكو ويايه اثنين خدامات يساعدني 😂
دخلنه شفت خاله ام حاتم بس دخلت كامت سلمت عليه تحبني
ام حاتم:هله يمه هله بنيتي شلونج يروحي
ننو:زينه خاله شكرا
ام حاتم:ننو حبيبتي اليوم المغرب انشرلج محسدوه ولله يمه انتي حليوه حاسديج لي ميخافون من الله
ننو:ابتسمت كتله تسلمين خاله عيوني الحلوا وهل خديدات لي يخبلن
ام حاتم:يمه فدوا لكلبج
هبه:يمه ننو راح تضل يمنه اسبوعين وضلن سولفن بهل سبوعين
ام حاتم:ياا يمه عين غطه وعين فراش شعدنه غير ننو نحبل نجيب
ننو:😂يعني شنو نحبل نجيب مفتهمتها
ام حاتم:يمه متعرفين شنو يعني هههه
ننو:لا ماعرف
هبه:يعني شعدنه غيرج
ننو:هااا😂
حاتم:كعدت صفن عليهن ثلاثتهن شلون يسولفن ويضحكن انتبهت على بنين من تضحك تتطلع غمازتها تخبل ضليت صافن عليهن واضحك على سولفهن بنين كلشي متعرف عن حجينه هيه هبه كوه تعلمت ادوره بنين 😂
ام حاتم:تعالي يمه كعدي يمي هنا بصفي يمه سميره تعالي جيبي كرسي لننو طبعا سميره خدامتهم بس متفتهم شي يمكن جايه من الصين عبالك صينيه بس تحجي عربي مكسر كامت ام حاتم تأشر لها على كرسي هيه متفتهم اني خربانه ضحك كتله خاله عوفيها اني اجيب داكوم جان تلزم ايدي
ام حاتم:ولله لا خليج تتحركين لعد هاي شنو شغله جيله بكصتها غير تفهم
حاتم:😂يمه البت مكاعد تفتهم شي شكاعد تأشرين
ام حاتم:امشي لج انتي تفتهمين بس دتسوين نفسج ثوله كرسي امشي جيبي كرسي شوفها شوفها صافنه
ننو:كمت جبت كرسي وجيت ليوم متخلص هاي متفهم وخاله اله هيه اجيب ضحكت ولله
ام حاتم:هاي جابته يل ثوله كلشي ماتفتهمين نيالي منين جايب هذني يمه
ننو:خاله خاله حبابه هسه قبل شويه كلتي جيله يعني شنو هاي هم
حاتم:يعني طلقه بس هاي بحجينه انتي متعرفين شنو
ننو:علموني شويه من حجيكم اني مافتهم رحت مره للعماره اخذت كلمه وحده هيه مال بعد روحي وبس
ام حاتم وحاتم:صار تدللين
ننو:😊ابتسمت الهم فوني دك شفت رقم حسان طلعت برا وجاوبت هلاو بلبل العشيره حسوني شلونك
حسان:لج يا بطه كالو مريضه وبل مستشفى وخاليلج كانونه حبيبتي خو مابيج شي
ننو:لا عيوني حسون مابيه شي بس فلاونزا مالتي قويه واني ماعندي مناعه يعني هذا الكرش وماعندي مناعه شفت حضي
حسان:ننو ترا انتي صدك ماعندج مناعه يعني امو وحده صف خامس علمي وتحجي بمياعه لج انتي فاهيه
ننو:وشدخل المياعه ولفهاوه بل مناعه شبيك حياتم اضاهر البارحه ليل كله منايم ونعسان😂
حسان:اي ولله يبت عمتي اعيوني كاعد تحركني كلت اسئل عليج واروح انام وايه تسلم عليج العصر نجي نشوفج ترا
ننو:هله بيكم حياتو انتضركم سديت الفون وكلت مشالله كلهم راح يجوني اليوم اهمشي راح يجي الحب مالي اني قصدي على سوزان والبنات نداريت شفت حاتم كتله انت شوكت تبطل تصنت عليه كتله كافي ترا اني اهلي ميصنتون عليه
حاتم:طلعت تحجي بل تلفون بس قبل متطلع قريت بس حرف H وبصفه قلب كلت هذا حيدر طلعت وراها اسمعها تحجي وتسولف اخر شي كالت حياتو ماعرف ليش ضجت لا وزيدتها من كالت اهمشي راح يجي الحب اخخخخ الله لو بيدي اكمشها اكطعها تكطع
هيه وذاك الميستحي كلتلي انت شوكت تبطل تصنت عليه ترا اني اهلي ميصنتون عليه
حاتم:بنين انتي جنتي ويا حيدر تحجين احجي لحقيقه
ننو:وانت شعليك شدخلك بيه لعبالك اني ناسيه من ضربتني وارجعه الك وداعتك بس خلي اصير زينه
حاتم:من كالت هيج لا هاي اجاوزت اهوايه جان اكو حمام خارجي اخذتها ودخلتها للحمام وسديت الباب
ننو:هاي شدسوي تخبلت افتح الباب ليجي احد
حاتم:مافتح اله تحجين ويا منو جنتي تحجين
ننو:شعليك يا اخي شعليك حتى اذا جنت احجي ويا حبيبي انت شنو
حاتم:من كالت حبيبي تقربت الها كتله منو حبيبج حيدر احجي واتقرب عليها صارت على الحايط اني صرت كبالها اول مره اركز بملامح وجهه طفوله تخبل اني اطول منها يمكن هيه توصل الخصري شويه اطول وضخم هم هيه ضلت تمتمت
ننو:اجه تقرب عليه مخبل شبيك وووخر عني ركزت بملامح وجهه عيونه الونهن صفر وحنطاوي وعنده لحيه ورصعات من يحجي يبينن وشعره جان نوعا ما كفشه اجه صار قريب عليه
ننو:حاتم عفيه وخر عني شدسوي وخر
حاتم:ويامن جنتي تحجين كوليلي حتى اعوفج
ننو:جي وندكت الباب
.....يتبع