Xiao Fei(yizhan)

Xiao Fei (11)

" ဝမ်ရီပေါ် မင်းကြင်ယာတော်က နယ်စပ်မှာ တိုက်ပွဲဝင်နေတာတော့မဟုတ်ပါဘူးနော် "

" ကျစ်~ နန်းတွင်းထဲဝင်မှရမယ် "

ဝမ်ရီပေါ်လည်း ကျန့်ကောရှိနေမည့်နေရာကိုမေးရန် တထန်မင်းကြီးရှိရာသို့သွားခဲ့သည်။

ဝမ်နိုင်ငံမှ အိမ်ရှေ့စံမင်းသား လို့ပြောသော်လည်း သူတို့ ခရီးနှင်ထားသည့် အဝတ်အစားတွေကြောင့် ဘယ်သူမှမယုံကြ။

အခေါက်ခေါက်တွေ့ခွင့်တောင်းမှသာ တထန်မင်းကြီး ရှောင်းစီရွှမ်နဲ့တွေ့ဖို့ ခွင့်ပြုပေးခဲ့သည်။

တထန်နိုင်ငံက ဝမ်နိုင်ငံလောက်ကြွယ်ဝသော နိုင်ငံမဟုတ်သော်လည်း နန်းတွင်းအပြင်အဆင်မှာ ခန်းနားလှသည်။ သစ်ပင်ပန်းမန်များ အလှရေကန်များနှင့် တထန်၏နန်းတွင်းမှာ ရင်သပ်ဖွယ်ဖြစ်သည်။

ဤနေရာတွေ ကျန့်ကော မွေးဖွားခဲ့ပြီး ဤနေရာတွင် ကျန့်ကော ကြီးပြင်းခဲ့သည်။ ဒီပန်းပင်လေးတွေနားမှာ ကျန့်ကောက ဓားရေးကစားခဲ့တာလား ဒါမှမဟုတ် အေးအေးလူလူ စာထိုင်ဖတ်ခဲ့တာလား။ တွေးရင်းနှင့်ပင် ဝမ်ရီပေါ်ရင်ထဲနွေးသွားသည်။

ထို့နောက် မင်းကြီးရှိရာ ညီလာခံခန်းမဆောင်သို့ရောက်လာသည်။ ဘဝမှာ ပထမဆုံးအကြိမ် ယောက္ခမအားတွေ့ဆုံရခြင်းဖြစ်တာကြောင့် စိတ်လှုပ်ရှားနေမိတာတော့အမှန်။

" မင်းကြီးဘုရား ဝမ်မင်းသား ရောက်ရှိပါပြီ "

" ဝင်ခဲ့ခိုင်းလိုက် "

ဩဇာညောင်းသော အသံကြီး၏နောက်တွင် ပွင့်သွားသော အဆောင်တံခါးချပ်များ။

ဝမ်ရီပေါ်တို့လေးယောက်လည်း အထဲဝင်သွားကာ အရိုအသေပြုလိုက်သည်။

ဝမ်ရီပေါ်တို့ မတ်တပ်ရပ်နေသည့်ရှေ့ အမြင့်နေရာတွင် ပလ္လင်နှစ်လုံးရှိသည်။ဆင်တူလေးပင်ဖြစ်သော်လည်း ဘယ်ဘက်ကပလ္လင်လေးဆီအားလုံးက အကြည့်ရောက်သွားသည်။

ရိုးရာဝတ်စုံရှည် ငွေရောင်လေးနှင့် ဆံထိုးတစ်ချောင်းနှင့်သာ ဆံပင်တစ်ဝက်ကို ရိုးရှင်းစွာ ထုံးဖွဲ့ထားသော မိန်းမလှလေး။ မဟုတ်ဘူး ယောက်ျားလှလေးး