عالمي الإفتراضي🌐💔

الحلقه التاسعه9️⃣💐

《عالمي الافتراضي 🌐》
للكاتبه Lames monje
الحلقه التاسعه9️⃣❤
.

.
.
💐❤

انا اكثر حد مايعرفش يتحكم فِ نفسه عيوني ملامحي كل شيء فاضحني وفاضح شعوري وضيقي ..
.
.
.
.
وانا لما خشيت الحوش ع طول مشيت لتلفوني بس باش نحكي الي في قلبي ل نادر ويكمل الموضوع ع الاقل يكون اخر دكرى سيئة تمت هني وتسكر الموضوع ..
كلمته اول مرة ما رد عاودة تاني أخيراً رد
• نادر : الو سيلوو الو سيلوو تسمعي فيا
• أنا : ايه نسمع فيك ..
• نادر : ستحشتك ...وعم الصمت بينا🤫
ولا شعوري وبدت نهر دموع يسيلو لان ممكن تكون اخر مكالمه 💔 ليش يادنيا انتي معاي هكي بس خلاص يكفيني تعديب نفسي بس حاولت نكتم بكاي بس بلا فايدة ..
• نادر : انتي ليش تبكي شن صار لدرجة هادي يخليك تنهاري وتغيبي 🥺
• انا : نادر ..
• نادر : عيونه..
• انا : عندي موضوع بس مانعرفش كيف دخلت فيه بس والله غصبن عني ..
• نادر : بدون ماتحكي أنا مصدقك والله مصدقك ..
• أنا : ارجوك تسمعني الموضوع كبير وانت مرات تغير رايك ..انا الفترة الي فاتت قبل حتي مانعرفك فيه شخص كان يتبع فيا ....وانا كنت نحكي وهوا نسمع طريقة تنفسه تغيرت وكانه تنين هههه...وجاني للجامعه ووقف عليا غصبن عني بس لاني حمارة قعدت واقف وشكله كان متفق مع حد يصورنا ..ووو صار الي صار ومن يومها نحاول نطيحه بتعشيم وطلع انه ضحك مش غر عليا بس حتى على وحدة قريبته...وقاعد يهدد فيا انه حايوري الصور لأسمر وبوي لانه عارف بوي لو يشوف صور اكيد حا يقتلني ..
• نادر وهي تحكي أنا كان نلقى نعطيها كف بس مع الكلام فهمت انها ممكن تكون مظلومه ايه ايه ممكن لان بطبيعتي الشرقية لازم نشك حتي لو واثق بس فيه حاجه قالتها حيرتني .🤔
• نادر : كيف عارف اصلا شن عرفه بطبع بوك ..
• انا : ماهو هني المصيبه انه طلع ولد خو مرت بوي فاطمه وطلعت اسوء منها وسخ ...ودكرت لقطاته متع ال ...
• نادر : يعني كان يجي عندكم ؟؟
• انا : لالا ولا مرة شفته او ممكن عمري ما ركزت لان اصلا كل مايجونا اهلهم طلعنا او تحبسنا ولما كبرت وكبر اسمر كيف ماحكتلك قبل طلعاته من الحوش وانا كنت كيف الشغاله حتي سلام مانسلم 🥺😔لين الي جاء عندنا يوم العزومه 😭😔هالحقير وعرفت انه ...
• نادر بعصبية وصوت عالي : لحظه عزومه ... وسخ ..دارلك حاجه يومها احكي ما دسيش عليا شيء ولا وربي نتربقها ع راسك وراسه شن دارلك الكلب ولد ال....انا معاتش قدرت نرد تبكشت لان اول مرة نسمعه وهوا والع ويتكلم بنبرة رجوليه تخوف..اسيل أسسسسيل نتكلم راه
• أنا بخوف بصوت اشبه بالاختفاء: ءءء عتداء عليا 😔
• نادر : ش ش شنييييي ...ونسمع في حاجه في تكسير تخبيط ...شن دار الحيوان أسيل ..
• أنا ساكت ونبكي بس ..
• نادر : أسيل ماطلعنيش من شعوري احكي شن دارلك ولد ....وربي نقتله ها ز...الكلب ...أسيلللللل تكلمي شن دارلك وين وكيف .. انا لين رعشت من صوته..
• أنا : بشوية عليا بالله راني اني بنموت والله بنموت ارحمني اني الي نظلمت راه مش برغبتي ..
• نادر حاول يهدي ويحكي من تحت سنونه : باه تكلمي نسمع فيك ماتحرقيلي اعصابي نبي تفاصيل يا أسيل تفاصيل ..
• أنا بخوف : ءءء وبديت نحكيله انه باسني في المرتين وحاول ينزل ل صدري وحبسني في المطعم وهددني انه ..وقطع عليا عيطت نادر
• نادر : وربي ما قاتله الا انا الحيون الزامل يتمرجل ع بنت ورحمة الغالين الا نوريه كملي كملي
• أنا : قاعد يهدد فيا بصوري بس توا بنفضحه سجلته وهو يقول ان اني غصبن عني صورني وانا كنت مانعرفاشي وحتي توا ...قطع عليا
• نادر : ابعثيلي ام الصور وتسجيل المكالمه ورقم ها الكلب ورقم خوك اسمر توا تسمعي فيا توووووواااا
• أنا : بس شن حا دير راه لو ما صدقوك ولا كان ماصدقونيش أسمر حا يبعد عليا وهذا الموت بداته حانموت يانادر لو خوي زعل مني وراسك...
• نادر : ماحد يقدر يدرلك حاجه وخوك حا نفهمه بطريقتي وردي بالك تردي عليه ها الكلب سكري توا ..
• أنا : نادر ..رد بالك ضر روحك من وراي ماتوسخش ايديك فيه ..
• نادر : أسيل ما تهبلينيش سكري ام الخرا وخليني في حالي سلام ...وسكر ..
سكرت صح ميتا خوف بس مرتتحه ايه ايه مرتاحه حكيت الي في خاطري وتم كل شيء نادر حبيته ولو صار العكس وربي ما نسيبه بس ممكن وضعي مختلف انا بنت او ممكن كنت حا نسيبه ما نندري مستحيل نعرف شن في داخله وانا بين المد والجزر في داخلي قررت نوض ندوش الواحد حتي يموت يموت نظيف هههههههههه 🤣🤣 نضت دوشت وصليت العشاء ودعيت ربي يسترني لان والله ماعمري اديت حد ههه قصدي من غير يومها هههههه .. وقمت شانطي وبديت نلم وخديت اي شيء ليا في هذاك الحوش كتاباتي، صوري، تحف، الي في داري لاب توبي ،اي بادي كل شي💔
في الاخير وقفت في زاوية الباب وشبحت لداري تخيلتك ياداري ..نطلع منك عروسه ويزفني بوي للغالي 😔💔بس النصيب واعر وقلب بوي قاسي الله يسامحك ياغالي 💔 وتسكرت بيبان القلب وشكله هذا حد السو 💔😔 وانا سارحه وقاعدة نجري في داري ونلم ونتاكد من حاجاتي ..شبحت تلفوني لقيتها ساعه واحد معقولة الوقت مر وماحسيت بيه لالا لحظه مش ع اساس أسمر حا يجيني ومزال ما كملت كلمتي كلمني أسمر 💔
• أنا بقلق : الو وينك خيرك عطلت
• أسمر بصوت جدي: اسيل انا برا اطلعي ..وسكر 🤨
خيره هذا سكر في وجهي🤨 وقمت شتاطية وبديت ندف فيهم برا الحوش واخر وحدة تسكها زغروتا فاطمه وبنتها تضحك ..😳🤦🏻‍♀️
• فاطمه : درب الي يسد ما يرد..
• كوثر : الله يامامي قداش الحوش حسيته ضاوي وواسع 😉🤣
• أنا : فاطمه صدقيني ربي مش ح ينساك 🙋🏻‍♀️ وعندك صغار وحسبى الله ونعم الوكيل ..وطلعت
الغريب طلعت وبديت نركب حتي في شناطي واسمر مانزلش بجد خيره اللطف وماجاء في بالي شي الا امتى ركبت ونفتح الضي في وجهة شعره مريش وجهة عرق ورقبته فيها كانه دم وسوريته كانه كان في الجيم 😱 والواضح عركه ..أسمر خيرك مع من تعركت وجيت بنمس رقبته..نحالي ايدي ..
• أسمر : ما تمسينيش أنا يا اسيل دسي عليا موضوع كيف هذا انا يا بنت امي تخافي نسيبك ويسوق بطريقه جنونية
• أنا : ت تسيبني انت شن تقول ..
• أسمر : انا مانصدقكش تي أنتي أختي انتي بنتي انتي حياتي أنتي نصي وانا قولتلك ردي بالك دسي عليا مهما يكون تي انا نهد دين ام حياتهم ومانخليهم يمسو شعرا منك هكي يا غاليتي هكي انا اسمر وراسك نقتله ...وانا للحظة ع شني يحكي معاتش فهمت او الاصح ستغبية بس سكتت شوية..
• أنا : مش طريق حوشك أسمر والله ما درتي شي اسمر ماتخوفني ياخوي راني بنموت شن فيك وين بتاخدني وبديت نبكي 😭حطيت راسي ع رجليا وحسيت بسرعة نقصة لين درسة سيارة ولقيت روحي كان ميناء ايه ايه وفيه هلبا حاويات ورافعات وصوت بقبقة البحر تقول في حاجه تغرق ..تلفتت ل أسمر ..شني فيه وراسك ما درت حاجه ..
• أسمر شدني : اششش اليوم حقك حا تأخديه ..
• انا : حق ش ش شني .. ويدنا نمشو ونقربو ل كان هنقر كبيييير وخشيت وانا شدا في اسمر من تالي وكاني بنت داسى روحها وراء بوها 💔😔
فعلا الاخ سند فعلا الاخ ضهري الي لو مالو كلهم هو لا رغم اني مافهمت انا الي بننقتل ولا بيقتلوه بس الي حاساته انه هوا حارسني هوا حاميني من كل شيء 💐❤ وكا العادة كل ما نحكي ع الاخ نتمنى لو كان عندي أخ 😔💐ربي يحفظلكم خوتكم ❤💐
واول خشيت كان فيه واحد مربوط على ارض ولرأسه واقف شخص نعرفه 🤨🤔ايه نعرفه وشيفاته قبل بس وين ....ن ن نعمان وشبحت ل أسمر
• نعمان : اهلا سيلو ماتستغربيش خوك عرف كل شيء
• أنا : شني ..ورجعت شبحت لأسمر ...شن عرف ومن هذا وقربت ومن كثر الدم الي كان مغطي وجهه معرفته لين قربت ومن كثر الضرب حتي ملامحه تغيرت بس لما دققت ...(س س سند 😱😰)
سند بصوت يادوب يسفرز في الاحروف مش واضح
• سند : سامحيني يا اسيل والله نحبك ...ضربه برجله نعمان وقاله ...سكر فمك..
• سند : ارحميني منهم والله ماعد تشبحي وجهي وربي ماعد نقربلك ارحموني اسف اسف يا اسيل قوليلهم يسبوني والله ماقصدي وبدا يبكي كيف البنات .. قربت منه وعيني في عينه وهوا عين وحدة وتانية من كثر البوكسات شبه مسكرا
• أنا : تعرف ان ربي ما يرضاش بظلم صح ..عندك علم لما ضحكت ع رشا شن قالتلي ..
• سند : رررشا ..
• أنا : ايه رشا عرفتها قالتلي يا أسيل الي ما يخاف ع عرضه مش حا يخاف على بنات الناس وفعلا جابت فيها
• سند : بس أنا...
• انا : بس شني ياحقير تكلم اختيني تقولي بس تجبرني نكلمك ونعطيك حاجات غصبن عليا وتقولي بس بس شني ياحقير يا زبالة وبديت لا شعوري نضرب فيه ونبكي لين جبدني أسمر ..
• أسمر : خلاص خلاص كلا نصيبه وكلمي رشا توا ..
• انا : رشا ..بس هي ..
• أسمر : اعطيني رقم .. وعطيته الرقم وكلمها ..ردت
• رشا : الو ..
• أسمر : اهلين رشا ال ...
• رشا : ايه تفضل من معاي ..
• أسمر : خودي معاك واحد يبي يكلمك وحاولي تسمعيه ..
رشا ع تلفون وسند بدا يتاسف ويبكي وكانه يستنجد وتكلم لين رشا عيطت ..أسيل ..خديت تلفون منه..
• أنا : معاك يارشا ..
• رشا : تسلم ايديك وحقي وصلني بس وراسك في نهاية ولد خالي الوحيد سيبوه بالله عليكم ..وهذا كله وسند يسمع كيف تترجاء فيا ع خاطري الي خانها وضحك عليها وظلمها بس ..
• أنا : حاظر اصلا خلاص حا نرموه في المستشفى وتم..
• رشا : شكرا هلبا وبارك الله فيك يا أسمر وسلملي عليه سلام . سكرنا ..
خدها نعمان واسمر روح بيا وطول طريق حتي حرف ما تكلم لين وصلنا لشقة أسمر خشينا دخل اسمر يدوش وانا قعدت مقعمز في دار وكاني كنت في حلم مستحيل واقع شن صار وكيف باهي لحظه لحظه نادر وبديت نربط في الواضيع لين رن تلفوني 📲 رقم غريب
• نعمان : الو معاك نعمان يا اسيل
• أنا : معاك اهلا كيفك
• نعمان : تمام ..بنقولك قالك نادر خشي نت نبيك
• أنا : حاضر نعمان ..
• نعمان : نعم..
• انا : شكرا هلبا ع وقفتك ..
• نعمان : هذا واجب عليا ماحد يقرب لمرت خوي واني نتنفس ..يلا ليلتك سعيدة ..وسكر
مرت خوه ركبتني الحرارة بجد نحرجت ..ودكرت انه قالي افتحي نت ..فتحته وع طول رن ..
• نادر : الموضوع وتم ولا ...
• انا : انت وراه صح انت دير هكي..
• نادر : واكثر ما حد يقربك أنتي ليا ..
• أنا : نادر ..
• نادر : عيونه ..❤
• انا : مصدقني ولا
• نادر : أسيل تتزوجيني ..
• انا : بس ..ع اساس بنقوله ان مفروض تطلبني من اسمر او نوضحو لأسمر اي لقطه بس ع طول قطعني ...
• نادر : أنتي ليا وانا نبيك وطالبك ع سنه الله ورسوله وطلبتك من أسمر ..انتي شن قولتي
• أنا : قولت نحبك وحا نكون ليك بإذن الله ❤
سمعت عياط وجو ووووووه الله اكبر
• نادر : كان نعرف نزغرط راني زغرطت هههههه
• انا : ههههههههه سكر باهي اسمر طلع من الحمام ..
• نادر : تمام باي يامرتي ❤
#تسريع في الاحداث
كلمني اسمر وافقت وقالي ان اهله بيجو يطلبوك من بوك وحا يجو امه ومرت خوه واخته يشوفوك فا لازم نكلمو خالتك ربيعه باش ينزلو من جبل وان الخميس الجاي بيجونا وبحددو الفاتحه والعرس يعني لازم نكلموهم توا ..وقررنا ان النسوين نستقبلهم في شقة اسمر وطبعا كلمت راما كليت منها كلام وتهزايب ع الغياب الاخبار المهم لمدتهم كلهم بس في نهاية تصلحنا وبدينا نخططو شني بنلبس وحاجات ضيافة واسمر كم بيعطيني وهكي
.
.
..
.
..
يتبع ❤
طبعا قصير اعدروني لان الحلقه الي جاية حاتكون مترابطه مع بعضها وفيها هلبا احداث ❤