Unicode
💚
Until You Fall In Love
အပိုင်း (၆)
********
ရူပဗေဒ၏သဘောတရားတွေကိုပေါ့ပါးသွက်လပ်စွာ သင်နေသည့်ဆရာမလင်းယီချန်စာသင်နေတဲ့အချိန်မှာ ဝမ်ရိပေါ်ကတော့ စာသင်ခန်းပြတင်းပေါက်မှတဆင့်ကြည်လင်နေတဲ့ကောင်းကင်ပြင်ကြီးကိုလှမ်းကြည့်နေခဲ့တယ်။ သူမြင်နေရတဲ့ မိုးပြာရောင်ကောင်းကင်ကြီးနဲ့တိမ်တိုက်ဖြူတွေရယ်ဟာ သူမြတ်နိုးမိတဲ့လူသားနဲ့သိပ်တူတယ်။ ကြည်လင်တယ်၊ တင့်တယ်တယ်၊ ပြီးတော့ သူလှမ်းမမီနိုင်တဲ့အဝေးတစ်နေရာမှာရှိနေတယ်။ ထိုအချိန်မှာစာသင်ခန်းထဲကိုကျောင်းအုပ်လျိုဟိုက်ခွမ်း ဝင်လာတယ်။ကျောင်းအုပ်ဆိုသူက မျက်နှာချိုတယ်ဆိုပင်မယ့်ကျောင်းအုပ်ဆိုသည့်အရှိန်အဝါကြောင့်ဆူညံနေသည့်အခန်းက တိတ်ဆိတ်လို့သွားတယ်။
လင်းယီချန်က စာသင်နေသည်ကိုရပ်တန့်ပြီးကျောင်းအုပ်လျို့ဟိုက်ခွမ်းကိုမေးလိုက်တယ်။
"ဘာကိစ္စများလဲကျောင်းအုပ်"လျိုဟိုက်ခွမ်းခေါင်းတချက်ညိတ်ပြကာ အတန်းသားများဘက်သို့လှည့်ပြီး အပြုံးချိုချိုလေးတို့ဖြင့်ပြောလာတယ်။
"ဒီအတန်းကလေ့လာရေးခရီးတစ်ခုထွက်စရာရှိတာ ..."
လျိုဟိုက်ခွမ်းရဲ့စကားပင်မဆုံးသေးဘူး၊ အတန်းထဲရှိကျောင်းသားကျောင်းသူများ၏ "ဟေး"ဆိုသည့်အသံနှင့်အတူ လက်ခုပ်သံများကညံလို့သွားတယ်။ လက်ခုပ်သံတွေရပ်တန့်သွားမှ လျိုဟိုက်ခွမ်း ပြုံးကာပင်ဆက်ပြောတယ်။
"အဲ့တော့ ... ခရီးက နှစ်ညအိပ်သုံးရက်ခရီး၊ မင်းတို့ရဲ့ အုပ်ထိန်းသူတွေကိုတော့ အကြောင်းကြားစာတွေပို့ပြီးပြီ၊ပျော်တာလည်းပျော်ကြ၊အပျော်လွှတ်တာမဟုတ်ဘူးဆိုတဲ့အသိလေးလည်းရှိကြ၊ ပြန်ရောက်ရင်ကိုယ်ကြိုးစားလေ့လာခဲ့တာတွေကို စာမေးပွဲပြန်ဖြေရမယ်"
YOU ARE READING
Until you fall in love💚❤Season 1(Yizhan)(Complete)
FanfictionZawgyi ဝမ္ရိေပၚ.......💚 ကြၽန္ေတာ့္ရဲ႕ေပးဆပ္ျခင္းေတြကို ေလာကႀကီးက အသိအမွတ္ျပဳေပးလို႔ ကြၽန္ေတာ္ကိုကို႔ကိုပိုင္ဆိုင္ရတာပါကိုကို။ ေ႐ွာင္းက်န္႔.......❤ ေကာင္ေလးရယ္ မင္းရဲ႕အခ်စ္ေတြက စစ္မွန္လြန္းေနတယ္ ခံယူရမယ့္ကိုကိုေတာင...