♥️🔥
احمد : تفضل
اشرف : نبيك غدوا ف موضوع ي عشيري ،
احمد : باهي وين نجيك
كان اشرف يدوي ببرود واحمد يدوي ببرود احرف منه يحبوش بعض 🤷🏻♀️♥️
اشرف : غدوا مع خمسه ف كافي ال()£)&
احمد : باذن الله
..........
ثاني يوم ♥️
فاقت فردوس بكري صلت وقعدت تدعي ♥️ شرين نقالها قاماته لقاته اشرف
اشرف : صباح الخير
فردوس : صباح الورد
اشرف : اسف فيقتك
فردوس : لا لا كنت فايقه اصلا
اشرف : الراجل لقوه واهو جايبينه
فردوس حست وكان من جي صب عليها ميه مصقعة وبرد ع قلبها ودموع نزلو ع خدها : حمدلله ي ربي
اشرف : افرحي توا كل ذي حق حياخد حقههه
فردوس : شكرا اشرفف♥️
اشرف : انتي اختي فردوس ، هي اني توا ماشي
بعد مرور ساعتين ♥️
فردوس : هي مروشتي عمي برا يراجي
مروة : شوية اهو طالعة
فردوس : هيا حلا وايلاف ف سيارة وجهاد حيجي وابتسام وايمن قدام مدرسهه
مروة : هي دقيقهه
فتون : ع وين انشاء الله
فردوس قربت منها وفتون بدت توخر : مش موضوعكككككككك
نزل محمد
محمد : صبحح صبحح ياسر عراك
فردوس ربعت ايديها وقربت من محمد وابتسمت : محمد موضوع زواجي اليوم خديت فيه قرار تو نقولهولك بعدين
محمد ابتسم
فردوس : هيا مروة
طلعو مروة وفردوس وصلو المدرسه ونزلو كلهم قايمين زينه وتورتة♥️
فردوس : هي نخشو
ايمن : اصبري
فردوس : شنو
ايمن : سيلفي للذكرى هي 😂😂😂
جهاد : تي راجو سيلفي بدوني خيانه
ايمن : ابتساممم جيبي راسك جاي
ايلاف : تو بالعقل مش حنخشو كلنا
جهاد : لا لا متخافيش ايمن يده ولا عصاة سيلفي حتى يلي ورانا يخشو😂😂
خدي ايمن لقطه
فردوس : وحدهه تانيه ههي
وكيف بيخشو لقو اشرف قدامهم،جي اشرف جهتهم
اشرف : صباح الخير
ايمن شبح لفردوس : الباين كل يوم عندنا لقاء
اشرف ابتسم : مش جايبتتني فردوس عندي دورية ف المدارس
ايمن : شن صار ف موضوع السواق
اشرف : ف المقر
فردوس : تمام اشرف امالا بعدين نمشي معاك طول مقر بنموت ونعرف
ايمن : خلاص نكملو عيد ميلاد دوسا ونمشو
جهاد " حكتله حلا يلي صار " : حتى اني معاكم ولو طلع علي ولا محمد لما نخلي ايامهم سود
فردوس : اهدو م نبي شيء يصير اني بروحي نعرف كيف نتصرف
جت المديرة : هلا هلا بفردوس نورتينا اليوم
فردوس : اهلين بيك
المديرة : شني كل شيء واتي
فردوس : اي اني جايبه معاي سماعة صغيرة بنخدمو اغنيه
المديرة : خلاص تمام اني ندخل السماعة وانتم بعدين خشو♥️ هي تركبو توا
فردوس : اما اغنية
ايمن : عيد ميلاد الحلو ممنوع حد يزعلو
جهاد : شن هالجو القديم😂🌝 ديري اغنية هابي بيرث دي
ايمن : الله اكبر هادي امس نزلوها
ايلاف : لا لا اعي 😂 اسمعي في اغنية هاتو التورتة تورتة والحلويات هات هات
ايمن : نحس اليوتيوب حتجيه جلطة لو كتبنا هك😂
جهاد : متدوريهاش ايلاف 😂
اشرف ابتسم : اغنية اليوم عيد ميلاد حبي لعصام طويل
ايمن فنص ف اشرف فردوس طول خشت
اشرف : اي اي صح اشرف حلوة الاغنية منور مشعارفة لو معندكش دورية اليوم شن كنا درنا مهم خدموها وخشت المديرة لفصل افنان وبنات كلهم تفاجو ♥️ خشت فردوس بالتورتة وقعد يغنو اليوم عيد ميلاد حبي جي ايمن شد فردوس من يدها وجابها ♥️
حطت فردوس التورتة ف طاولة وقعدو يغنولها ، جي اشرف وقف وربع ايديه ويتفرج فرحان
افنان : حيعليااا مش مصدقهههههه
افنان حضنت ايمن وفردوس ♥️
افنان ضحكت وشبحت لايمن
ايمن : متشوفيليش فكرة مرة خوك هادي
فردوس ابتسمت : فداك
افنان : نحبك دوسااا
فردوس : قصي تورتة
فردوس شبحت لقت اشرف طلع جاته
فردوس : اشرف
اشرف : ايوا
فردوس : خيرك
اشرف تنهد : بنعطيك هدية ارفعيهالها
فردوس : اوك
اشرف : اصبري اهني بننزل نجيبها
فردوس قعدت تراجي جي اشرف مدلها الكيسه
اشرف : متقوليش مني ♥️ اني توا ماشي المقر م تبي شيء ؟
فردوس : سلامتك تو نلحق عليك
اشرف : تمام اني السواق مكلمتاش لن تجي انتي
فردوس: اوك
جهاد جي : شنفي شنقالك
فردوس : اا لا لا شي ع موضوع سواق اسمع انزل افتح سيارتي جيب هدايا تلقاهم تالي وتعال
جهاد : تمام
نزل جهاد جاب هدايا وركبوهم لافنان وكلوً تورتة وافنان بتطير من فرحتها ودموعها نزلو
فردوس : هي خنروحو ياسر
افنان : استنوو
فردوس : بعدين ف حوش نديرولك حفله حلوهه
افنان : قيمو هدايا معاكم حطوهم ف داررررري م حد يفتحهم
ايمن : بالك بنخلوهملك اهني
في بنت قدام اسراء مقعمزة : اسراء وينه خطيبك فيهم
اسراء : يلي لابس سورية حنيه وسروال بيج
؟؟ : طرف يعنشكلك وخيره مسلمش عليك ولا دارلك وجود
اسراء : شن دخل امك انتي ولودي قدام احسن م تاخدي كف مقوم مني ومنه وريتي متاع المليشية يلي جي هداكا خطيب افنان نكلموه ونظمي جوك انتي بعدين شن هالشكل
البنت لادت القدام واستغربت : خيرها هادي فصلت خنلود مالي ومال مشاكلها
........
اشرف كان مقعمز ف مقر وماد رجليه ف كرسي تاني ويشرب ف نسكافيه جو جهاد وايمن وفردوس هو شبحهم طول وقف
ايمن : والله فردوس م في داعي لجيتك لمكان زي هك
فردوس : ايمن هادم اماليا كيف تقول مفيش داعي نجي
،،
فردوس : اشرف شنجو توا
اشرف : ميه ميه تعالو هي
ايمن : هي
خشو للراجل لقوه مقعمز ويبكي
السواق : غير شن في اني عندي عيلة وصغار
اشرف ضربه تيرو : سكررر فمككك تتكلمش لن نتكلمممممممم
فردوس غمضت عيونها ايمن شد يدها وضغط عليها♥️
اشرف يعيط : متهم بجريمة قتتتتتتل وتقولي شن درت
السواق : اني اني منقتلش مستحيل بالله عليكم طلعوني منقتلش نملة اكيد سوء تفاهم
اشرف ضربه تيرو تاني : متتكلمش اني نسالك وجاوب بسس متقتلش صاررر !!! والعيلة يلي لعبت ف فرامل سيارتها شنووووو قتلت ام واب وابن وزوجة ابن
السواق جاته صدمه
اشرف : تو مصدوممم
السواق : م نعرف شي اني م نعرف شيء
اشرف ضربه كف وشده من وجهه : مفيش شيء اسمه م نعرف شيء احني جبناك لانك تعرففف ف توا بتقول من بعتك افضللل
السواق : والله م نعرف حد
فردوس دموعها نزلو وقعمزت ف ارض : بالله عليك نترجاك هادم اماليا نبي نعرف من قتلهم بس من بعتك ارجوك والله م مدايرتلك حاجة
اشرف شد يد فردوس : نوضي فردوس تافه هادا نعرف شن علاجه
جي ايمن شد يد اشرف نحاها من فردوس : ايدك خوناااا
اشرف ضرب السواق كف تاني لن خشمه بدي ينزف وطلع سلاح ف وجهه
فردوس : لا ي اشرفففف
فردوس غمضت عيونها وايمن حضنها
جهاد : اشرف
اشرف : بما انك مش حتقول يعني وجودك زي عدمه هي اخر كلمة قبل موتك
السواق : لا لا ارجوك واحد اسمه جمعة وولده محمد هما يلي كلموني جمعة خو الراجل يلي قتلته هما بعتوني
واهني فردوس اغمي عليها قامها ايمن طلعها رفعوها المكتب شربوها ميه ♥️
اشرف : فردوس لو تبي توا نمشي نجيب سيارة تقيمهم
فردوس وقفت : خلاص اشرف لهني م نبي حد يدخل توا هكي لعبتي اني بروحححي م نبي حد يتدخل اني وهما ودنيا دوارة
جي ولد خاش
الولد : افندي اشرف الراجل يلي جبناه نردوه ولا شنو ، يعيط
اشرف : شن ترده هادي ، يعيط ! سكته مؤبد امالا
فردوس : لا لا اشرف ردوه
اشرف : شن ردوه هادي
فردوس : هو مدخلاش كان عامل بس
اشرف : غير يفتحلك ربي بري روحي توا
ايمن : مفروض شنق هالراجل
اشرف : تمام حنخليه اهني وخلاص ومتقوليش طلعه مش بهالسهولة كل م حنكسد حنخش نخبطه شوية
فردوس ابتسمت : مهبول😂
.......
بعد مرور عدة ساعات♥️
خشت فردوس لعلي ف غرفته
علي : دوسا نورتي
فردوس : بوجودك ممكن نسالك ؟
علي : تفضلي
فردوس : قاعد تحبني !
علي : فردوس انتي قلتيلي من هداكا...
فردوس : علي متلفش وتدور ! تحبني ولا لا !
علي : اقسم بالله لتوا نموت فيك
فردوس : مستعد تكون معاي طول العمر
علي : اني اصلا معاك طول العمر ، من لما توفى اياد كنت حاب نتقدملك بس انتي كنتي رافضة فكرة ..
فردوس قاطعاته وهي مربعة ايديها : اني توا موافقة
علي : شنو
فردوس : يلي سمعته والبنت لولد عمها وبعدين حنقول للعيلة
طلعت فردوس من غرفة علي وهو قعمز ف سرير مش مصدق الموضوع♥️
.......
ف كافي احمد كان مقعمز يراجي ف اشرف جي اشرف وقف احمد سلم عليه وقعمزو♥️
احمد : تفضل شن في
اشرف : بدون م تشبحلي بقيمة خشم انت معندكش خلوق ليا ولا اني عندي خلوق ليك بالتريس هكي فقش لا نهضمك لا تهضمني بس تحمل
احمد : بسرعه خلصني عندي م ندير
اشرف : تحب افنان !
احمد : شن دخلك
اشرف : ندوي معاك
احمد : باهي ادوي منبيش نجاوب
اشرف : تي مطيرهاليش اني ليش جايبك اهننني
احمد : شن دخلك فيا نحبها او لا
اشرف : قبل كنت تحبها وتوا شنو
احمد : تي شن دخلكككك
اشرف قام الكاشيك : تي شن هالبني ادم رزين الدم البارد تي اني ليش جايبك افهمني ي راجل
احمد : اس اس مفيش بارد وانت حي زفت خلوقي ضاقو
اشرف قعد يشبح لاحمد : ي بارد
احمد شبحله بربع عين : سخني بالله عليك
جي الراجل : تفضلو شن بتتطلبو♥️
اشرف : انت تبي درجة حرارة مليون باش تسخن
احمد شبح للراجل : كهكهكه بالله عليك تضحكله ينكت علينا زعميتك ، شن ياسرك هكي
اشرف : لا لا ونبي زيدني
احمد بالصوت العالي : بالله عليكم ياللي ف الكافي م حد يضحك قبل ان يخرج
اشرف : شن هالغباء والعار ! اول شي هي م حد يخرج قبل ان يطلع
احمد : شن خصك انت المهم هماا فهمو عليا
اشرف : ماه انت حمار مفهموكش كان الحمير وهما اكيد مفهموكش
احمد : معناها انت حمار زيني باش هكي فهمت لاكن شكلك من فصيلة نادرة
اشرف شبح للراجل يلي واقف : شني خونا بتمشي ولا نفضي فيك السلاح م نبو شي وانت شديتها قروب قعدت واقف
مشي الراجل ومستغرب
اشرف : اسمع بالتريس خلاص تحب افنان ولا لا
احمد : نحبها ونموت فيها هي شن تبي
اشرف : تمام افنان من اليوم ليك وتحت حمايتك
احمد : شنووو
اشرف : هادا يلي سمعته ! اني عندي مواضيع ومسافر طيارتي شوية تانيه افنان ليك من اليوم
احمد : كيفف بمزاجك هي
اشرف : تحسابها ساهلة عندي هككك نقولك تي راهو نار تاكل فيا بس الله غالب القدر دار لعبته فيا ، وبعدين خود رقمها من فردوس وحاول تهديها وتكون جنبها وخليك راجل معاها اعرف شن تحب وشن لا ولو في يوم عرفت انك بكيتها حنبكيك دم صدقني ! واني قولولها متت مشينا بنديرو طبة جت فيا رصاصه متت وكلمت شباب هكي يقولولها
احمد قعد مصدوم
اشرف : تعرفك تريس وحتحافظ عليها كان هادا موصيتكش خليك تريس معاها متزعلهاش
اشرف وقف وابتسم مد يده لاحمد ، احمد وقف وسلم عليه
احمد : ربي يوقفك وين م متمشي وعارفك تريس لو مش شيء كبير راهو مخليتهاش
اشرف عيونه دمعو : هي هي خلاص مطار وقت
احمد : اصبر اني تو نوصلك
ركبو سيارة اشرف بعت رسالة لفردوس " دوستنا الغالية اني كذبت عليك طيارتي مش اسبوع جاي اليوم اني كلمت احمد ولد عمك يرد باله ع افنان ويقولولها اني متتت معرفة خير اني حنسكر كل شي يخصني الله غالب ظروف جبرتني وحنعطيكً رقم ولد ايدي اليمين ف المقر ووصيته عليك تبي اي شي كلميه بسس قوليله اني فردوس وباذن الله مش حتحسي بغيابي "
....
ف العصر العيلة كلها ملتمة يشربو ف شاهي♥️
جي احمد خاش مبتسم
احمد : صبولنا شاهي ونبي
مبروكة : شن في خاش تضحك
فردوس : كبد😂🌝
احمد : تو نوريك انتي
فردوس : ي عيلة في موضوع نبيكم فيه ! نسبة لزواجي
محمد ابتسم
خالد : شن في دوسا
كانو علي ومحمد مقعمزين جنب بعض ناضت فردوس جهتهم ومدت يدها لعلي وهو شدها
فردوس : اني موافقة اني نتزوج علي
فتون : شنووووووو
محمد : شنووو
طلع محمد
مبروكة فرحت ضمنت فردوس لولدها وناضت تزغرط : واخيرا حمدلله مبروكككك😂😂😂♥️
خالد : فردوس
فردوس ابتسمت : عمي خالد انت حدد كل شيء مع علي ومدابيكم تستعجلو
وطلعت غرفتها
علي : عمي خالد
خالد : شن علي كيف صار
علي : هي وافقت
بعد شوية وقت
جمعة : مبروكك وليدي اني مدابيا غدوا خطوبة
خالد : ديرو يلي يريحكم
جمعة : خلاص عليوهه غدوا غدوا خطوبة واني نوصيلك ع كل شيء
مبروكة : اني طالعه ني وفتون توا نجيبولك كل يلي ناقص
فتون : مش موضوعييي
مبروكة خبطتها ع ظهرها : غصب عنك موضوعككك
علي : غير دقيقههه احني ف نفس الحوشش خيركم معاش فهمت شي
فردوس جت نازلة
خالد : كويس نزلتي تعال قعمزي غدوا خطوبة قالو
فردوس ابتسمت : بهالسرعة
علي : فردوس فهميني احني عايشين ف نفس حوش كيف يصير ف خطوبة وقفة والخخ
فردوس : حوشي حوش اياد♥️ واني حنكون غادي
مروة : خيرك مبدلة
فردوس : عمي توا طالعة بنمشي حوش اياد
علي : نوصلك
فرذدوس ابتسمت : هي
علي : تمام وانتم تفاهمو
ناضت مبروكة تصفق وجت باست فردوس : محلاها كنتي الغزالة
مشي علي وصل فردوس
،،،
خالد : مروة مشعارف
مروة : شن
خالد : خطوبة فردوس بهالسرعة مش متاكد اني
مروة : هي ادرى خلودي خليها براحتها وبصراحة علي مناسب ليها هلبا
،،،،
ابتسام : شن في دوسا وجهك متغير
فردوس : غدوا خطوبتي
وقف ايمن : شنوووو
فردوس : ااي
افنان : منووو
فردوس : ولد عمي علي
ايمن : كيففف وليشش! اسمعي لو بتضيعي مستقبلك ع خاطر تنتقمي لاماليك لااااا !!!!
فردوس : قعمز ! خسرت اماليا وخسرت اياد ! بسببهم فاهم
ايمن : شنووو عاودي !! ايادد !!!!!!!
فردوس بدت تبكي وحكتله ان علي هو يلي قتل اياد
فردوس : فاهم ليش نبي نتزوجههههه
واهني ايمن هبلللل وناض يعيط
أنت تقرأ
انتقامي
Actionرواية لا لاصحاب القلوب الضعيفة ! قصة بنت عاشت ف الغربة ووقت رجعت لبلادها خسرت كلشيء تملكه ! وقررت تنتقم منن الناس يلي كانو سبب جرحها وسبب يلي خلاها تخسر كلشيء هل حتناا مرادها او لا ؟ حنعرفو ♥️
