مروة : شنففي
فردوس : تي م في شي وين باقين؟
احمد : فتون ف دارها ومحمدً وبوي وعمي رجعو خدمه ومبروكة ومروة قدامك🌝😂 وعلي طلع من صبح منعرفش وين
فردوس : اهاا باهههي ، هي هي بنركب نبدلل
ركبت فردوس دار وهي تشبح للمرايا وتتفكر اياد كيف كان قريب منها وتتفكر عيونه كلشي وملامحه وتصرفاته😍🔥
فردوس قعدت تفكر ف اياد وتقول هل هي تحبه!! : تي لا غير شن نحبه تو اني بنحبه مستحيللل ،
وبدت تغني : ونحبه نحبه نحبه ملاخير حبيبي نحبه ، ونحبه نحبه نحبه وم حد ينسيني ف حبه😍😭 بقوة جهدي نحبه
خشت مروة : تي شن في قولللي من يلي تحبيه هادا فرحتك معبية الحوش اليوم😍
فردوس شدت مروة وقعدت تنقز جنبها
فردوس : مروة اااياااد ي مروة
مروة : بو عوينات زرق خيرهه
فردوس : مشعارفة احساس غريب ي مروه
مروة : كبدتي 🌝😂؟
فردوس : وووه هششش
نقال فردوس شرين
فردوس : وووه خنرد عليه علق
مروة : باهي بهه اني طالعه بتجي تحكيلي ع اياد راه
فردوس : اوكك
،،
فردوس : الو صعيبة شنجو
مصعب : حمدلله ي قلبي شنجوك انتي وين من امبكري نتصل
فردوس : ااه كنت مشغولة شوية
خش احمد هجوم ع غرفة فردوس
فردوس : اي اي احمد
فردوي ف خاطرها تشكر ف ربي وخلاص 😍😂 وع طول سكرت ف وجه مصعب
احمد : اسف اسف
فردوس : لا لا تعال اتصال نفاخ اصلا باهي يلي جيت
احمد : باش تعرفيني بس خطير
فردوس : شنجوك توا؟
احمد : كويس اني ، شنجو افنان
فردوس : اههي كويسة حولو اهني جنبنا
احمد : واللهي وين
فردوس وصفتله
احمد : اها باهي كويس
قعدو فردوس واحمد يهدرزو ، بعدين احمد طلع قعدت فردوس
........
افنان : اياد انت مش كنت طالع امبكري خيركً رجعت🌝😂
اياد : اه لا لا شي
افنان : اووووف
ايمن تنهد
اياد : اااه وخلاص
اياد ركز ف خوته لقي كل واحد شكله مغموم ، غير هو يحاول يبين انه كويس ♥️
اياد : شنفي انت وهي
افنان : ااا لا شي ، غدوا فردوس بتوصلني مدرسه هي باش بنمشي نقرا
اياد : زيدي تهربي
افنان : نتهربشش
ومشت افنان دارها♥️
اياد : ها اختك مشت انت شنو
ايمن : لا لا م في شي
ايمن كان مقعمز ومطبس راسه
اياد : نكلم فيك خيرك
ايمن : عارف شنو فردوس
اياد : متكملش ولا حاجة عليها لا نبي نسمع ولا شي
ايمن : براحتك بس البنت مفيش اطيب من قلبها
اياد : قبل مدة كانت مش عاجباتك🌝😂
ايمن : توا عجبتني وين مشكلة
اياد : فكنا ي راجل ومعاش تجبد سيرتها بنمشي ندوش وطالع
ايمن : اني بنطلع مع شباب هي سلام
اياد : متتاخرش ف مرواح
....
فردوس : متمرقدة جدرري
حلا : خليني نرقدد تعرفي جهاد كيف سكررر
فردوس : كيف سكر صار🌝😂 شن خسارة فيا اني
حلا : نرقد ونكلمك
فردوس : حلا نبي اياد اني اممم مشعارفة كيف نقولها تي معجبة بيه
حلا وقفت فوق سرير :تبصرررري شنو شنو شن صار
فردوس : مش قتلك عازمين ايلاف غدي مشيتلهممم
حلا : احكيلي شنصار وكيف تحبيه
فردوس : مش ححب
حلا : اي مش حب بطاطا
فردوس : حلاا مبردها هالايلاف امبكري شدتله وجهه ومست لحيته تخيلي
حلا : اوووو وتغاري زياده🌝😂
قعدت فردوس تهدرز ع حلا ♥️
..
نسرعو الاحداث شوية
ثاني يوم فاقت فردوس معندهاش جامعة بس طلعت بكري باش توصل افنان كان حوش كله فاضي ، وصلت عند افنان ودارتلها رنة ♥️
افنان : هي هي ايود وايموني اني طالعه فردوس لوطا
اياد : امممم بهه
افنان : هي سلام
نزلت افنان واياد شبح من بلكونة لقي فردوس جت عينه ف عينها ♥️🎉
افنان : صباح الورد
فردوس : صباح النور ، قوليلي من وين تمشي ؟
افنان : من زنقة هادي ديما نلقى فيه ف نهايتها
فردوس : هههي
مشت فردوس لقت سيارة الولد مدرسه تراجي ف افنان
افنان : اهوا اهواااااااا
قربت فردوس من سيارة وفتحت روشن وشبحتلها شبحة من فوق للوطا والولد ركز في فردوس ولقي افنان جنبها ، بعدين فردوس كملت طريقها للمدرسة ونزلت مع افنان للادارة
فردوس : السلام عليكم
المديرة : وعليكم اللسلام تفضلي
فردوس : اني اخت افنان الكبيرة! والشي يلي صار وانكم نزلتوها وهزبتوها! ع موضوع تافهه! وهي مليهاش علاقة فيه والولد مش حبيبها اسااسا
المديرة : والله احني منبوش سمعة المدرسة تتشوه
فردوس خبطت ع طاولة : سمعة شننني تي نقولك افنان مليهاش علاقة ! اقسم بالله متعتذروش لافنان ع يلي صار لما نقلبها فوق روسكممم المدرسة هادددي !!
المديرة : غير اهدي ي ابلة ، في ابلة اهني قالت انها شبحتها
فردوس : نبيها الابلة هاددي وينها
المديرة : دقيقة بس خنمشي نناديها
مشت مديرةً وجت
المديرة : اهيا ابلة مبروكة قالت شبحت افنانً مع صاحبها
فردوس : تعالي تعالي يبرك عليك جمل انشاء اللهه! شن شفتي تشوفي العمي
افنان : فردوس اهديي
فردوس كانت تدويً ومتعفلقههه
الابلة : اي شفت صاحبها ف سيارة
فردوس : ركبت معاه؟
الابلة : لا
فردوس : امالا سكري ام فمككك ، نقولك حل ! اني توا نمشي نرفع عليك قضية ونجيب سيارة يقيموك! ونقوللهم انك تتبلي ع ناس شن رايك هي ؟
مبروكة : لا لا ي ابلة مفيش داعي مجرد سوء تفاعم بسيط ممكن اني مشبحتاش زين
فردوس : وسوء تفاهم هادا كيف ينحل باذن الله
مبروكة : سامحيني فنو بنيتي مركزتش هلبا اني
فردوس : سلواح وقباض ارواح شن هالاشكال ، وانتي حضرت المديرة شي مش متاكدة منه مفيش داعي تجيبي بنت وتهزبيها وتديري قصة
المديرة : والله نعتذرو ع سوء تفاهم وسامحينا فنو
فردوس ابتسمت : شن بيفيد الاسف توا ! عموما توا حنعتبر موضوع تم بس لو زاد تكررر حيصير شيء مش كويس ! وكيف فتحت فردوس باب وبتطلع تلقى اياد قدام وجهها اياد قعد مصدوم ويشبحلها وخلاص
اياد : شن شن في خيرك افنان
فردوس : لا شي ماه..
اياد : افنان اني سالتك انتي
افنان : ايودي م في شي ، انت شن جابك
اياد : لقيتك ناسيه كراساتك جبتهملك
اياد معاش شبح لفردوس ، فردوس طول طلعت لقيت سيارة اياد وراها مدرسه مسكرة عليها
فردوس " مداير روحه ميشبحش فيااا ولا كيف تو نوريه هادي سيارته ولا ، حاضر من عيوننني غير يطلع "
افنان : اياد اني بنركب حصص بدو
اياد : شبح لافنان باستغراب ورجع شبح للمديره وبعدين طلع من مدرسه وكيف طلع لبس نظاراته شمسية وع طول ركب سيارته ، ركز ان سيارته مسكرة ع فردوس وهي مقعمزة وتتافف
فردوس فتحت روشن : شن هالتدريسة الغبيهههه هادي
اياد مردش عليها
فردوس : هههي نكلم فيكككك ناس تعرف وين تدرس ، ناس تعتذر اقل شي
لما اياد مردش عليها فردوس تعفلقت " تو نوري عمككك "
اياد تنهد وركب سيارته وكيف بيولعها فردوس خبطاته
اياد : حي ع امههها هادددددي
فردوس " هي هي تنرفز ونبي "
جي اياد ع فردوس وطق روشن وهي فتحتهوله
اياد ابتسم : اختي لو متعرفيش تسوقي قلتيلي وحاضر كنت اني علمتك ريتي مرايات هادم ! حاطينهم باش حمير يلي زيك يشوفو ناس يلي وراهم
فردوس : سورري مشفتش سيارتك🌝😂
اياد : موضوعككك
ومشي اياد ركب سيارته وفردوس وخرت عليه من جديد 🌝😂
اياد : والله الا عيلللههه هي كان مجيتيش بنت بسسسسسسسسس
عدل اياد وطلع اما فردوس طول روحت حوش وبالها عند اياد♥️
عند افنان مر وقت وروحت من مدرسه ♥️ لقت نفس ولد يلحق فيها بس ع رجليه
الولد : غير خودي الرقم زفتتت
افنان : تي حول مني ي راجل درتلي مشكلهههه
شرين نقال ولد رد
الولد : ايوا
؟؟ : تعال را مقر مقلوب
الولد : هي هي اهو جايككم كلاشن متاعي نسيته غادي شوفهولي
؟؟ : باهي
سكر الولد : متخافيش راجعلك ي حبي مش حنخليك
افنان : خرا اهوا
.....
مبروكة كانت تضم في غرفة علي وتنكت في حاجاته ♥️
مبروكة شدت شكارة سوداء وكيف جاية بتفتحها خش علي دارهه وشدها من يدها
مبروكة : عليوة
علي عيونه كانو حمر وشرارر
علي : تي من قالك مسيهاااااا
مبروكة : علي شن في اسم الله خيرك وليدي
علي : تي خلي ام حاجاتتتتتي مكانهم معاش تمسييي شيييء
فردوس كانت ف ممر وسمعت صوت عياط علي ع امه جت نحت يده منها
فردوس : ي تافههه هادي امكككك متعليش صوتك عليهااااا
علي : تي شن دخل عمكككك انتتتي اطلعوووو براااا
علي جبد كيسة من امه وطاح سلاح ف ارض
مبروكة ناضت تعيط : نهار اممممي اسود علي شن في شن بتديررررر ي علي نهارنا اسووود
علي : تي اسكتي اسكتتتي احسن م نرتكب جريمه فيكمممم زوز
فردوس : اطلعي عمتي مبروكة خليه بروحهه هالمتخلف
علي قرب من فردوس ومبروكة خافت منه لبدت وراها
علي : اقسم بالله متطلعيش برا دار وجهك نمكيجوهلك
فردوس زادت قربت منه
فردوس : تفضل مكيجه هي
علي لاد وخبط ع طاولة بكل قوتهههه
علي : اطلعععععععععوووو
فردوس لمحت حاجة ف كيسة السوداء وقعدت حايره تفكر وطلعت هي ومبروكة
...
افنان : اووف كساد
اياد : نوضي نوضي ايلاف قتلي نمشو المنتزه يلي اهني
افنان : الله 😍
اياد : نوض ايمن برا معانا
ايمن : لا لا مخاطريش بنقعد شاد نت وخلاص
اياد : براحتك
وكيف بيتكلم اياد طق باب الشارع
اياد : شكلها ايلاف هي
افنان : مسرعع خنبدل
اياد : بنمشي نفتح باب
مشي اياد فتح باب وافنان خشت تبدل
ايلاف : وين فنو هيا 😍😭
اياد : اهي تبدل
ايلاف : ايمون هيا
ايمن : مش ماشي
ايلاف : هيا ع خاطرررري نوض ونبي
ايمن : والله م نبي
ايلاف : وراس امي حتمشي نووووض
ايمن ابتسم : بارده باهههي
مشي ايمن بدل واياد كان واتي لابس سروال اسود وتيشرت ابيض عليه اسود واحمر ♥️
افنان : لوفتي هاااي
ايلاف : شنجو
افنان : كويسه وانتي 😍
شرين نقال افنان : فردوس تتصل
ايلاف : ردي ردي وخليها تمشي معانا
اياد : شنووو
ايلاف : شنو
اياد : اني في سيارة
ايلاف حدفت مفتاح لاياد : بنمشو بسيارتي ي خرا
اياد : باهي هي نراجي لوطا
،،
افنان : الو فيفتي باهي يلي كلمتيني
فردوس : انشاء الله خير شن فيك😂♥️
افنان : خير خير غير ايلاف بترفعني منتزه وقلت تمشي معانا
فردوس باستهزاء : ايلافففففف ! لا لا مش ماشيه
افنان : علاااش
فردوس : تاعبه شوية
افنان : اها لاباس
ايلاف : فنو اني لوطا اياد يراجي
افنان : هي نازلهه
فردوس نقزت : ايااااااادددد
بعدين حست ع روحها ورجعت هادية : قصدك بيمشي ايودي ، قصدي خوك
افنان : اي بيمشي
فرذوس : تعرفي كساد اهو تو نجي اني اما منتزه
افنان : نخطمو عليك ولا تلحقي
فردوس : تو نلحق اما منتزه
افنان : اهوا يلي ف رئيسي
فرذوس : تم تو نجي ♥️
افنان : ايموني هيااااااا
،،،
طلعت فردوس من دارها ومشت لدار مروة طقت باب
مروة : مني
فردوس : اننني بنقولك ، بنمشي منتزه مع فنو اهوا يلي ف رئيسي
مروة : شوفي عمك
فردوس : اي وينه جيت نكلمه
مروة : ف حمام
فردوس : نوضي بري معاي خيره جوك متعكر انتي
مروة :..
طلع خالد من حمام
مروة : اوووف بننزل لوطا اني
فردوس : شن في
خالد : دلعع نساوينن هادا ديريه ع غيري مش علياااا
مروة طلعت وقربعت باب دار بكل قوتها
فردوس : شن ففففي
خالد : دلع وخلاص خيرك انتي شن تبي فيفي ناقصك حاجة؟
فردوس : اا عمي كنت بنطلع منتزه اني وفنو♥️
خالد : اي عادي اما منتزه
فرذوس : اهوا يلي في رئيسي توا بنمشي
خالد : تمام استني
جاب عمها فلوس وحطهولها ف يدها
فردوس : عمي عندي
خالد : هششش تسقدي هيا من اهني اني بنبدل
فردوس : عمءء
خالد : براااا
ابتسمت فردوس وطلعت مشت بلدت لبست سروال اسود وتيشرت ع ابيض وطاقية حمراء ♥️ وجت نازله خشت لمروة ف كوجينة لقتها تقربع ف ماعين
فردوس : بشويه ماعين نبوهاااا
مروة قامت موس وشبحتلها : ابعدو مننني احسنننن
فردوس : لا مروهه خلاص كسريها ونزلي يلي فوق ، تي محلاها العصبية هي اني طالعه😍😂
وكيف فردوس وخرت انخبطت في محمد
فردوس : تي خيركك
محمد : وين
فردوس : تي مدخلككككش
احمد " كان يبي فردوس تحطه في حوش صاحبه ": فيفي طالعه؟
فرذوس : اي حميده ماشية منتزه معاي فنو
احمد : ااه فنو ، تصوري حتني عازميني صحابي غدوا وتوا كيف بنقولك حطيني معاك
فردوس : امالا هيا اطلع🌝😂
طلعو فردوس واحمد ♥️
جمعة : هي بنرجع خدمه خيرك حاطه الحزن ع جرن انتي وبنتك ، شن في ي محمد
مبروكة : فردوس طلعت منتزه تتنفس واحني اهنننني
جمعة : البس محمد ارفع امك وفتون وبعدين فردوس خطيبتك عيب تخليها بروحها
محمد : اي صدقت ي بوي ، هي نوضو البسو نمشو😍♥️
....
افنان : حي فيفي جت ومشت افنان جري حضنت فردوس وشبحت احمد متكلمتش بككككل
وجو ماشين جهة اياد وايمن♥️
ايمن : اهوا شن جاب امهههه
اياد : سكر فمكك ولد عم فردوس وهي حرة فيه
فردوس : اهلين ♥️
فجاءة اياد وفردوس ركزو ف. بعض لقو روحهم لابسين نفس اللبسه قريبه ع بعضها
افنان ركزت معاهم : حي فيفي ايودددي لابسيننن نفس بعض 😍😭
ايمن بصوت واطي : الحب ي سي
اياد ضربه
ايلاف : شنجو فردوس
فردوس شبحتلها من فوق للوطا : قبل شوية كان كويس الحق 🌝♥️
ايمن : اني شباب غادي بنمشي نسلم عليهم ونهدرز
اياد : باهي ، اني نمشي نجيب حلوة صوف ونجي
مشي اياد واحمد مشي مع اولاد يعرفهم من بعيد
اما ايلاف وافنان كانو مقعمزين ف كرسي وفردوس واقفة مقابلتهم وكيف اياد جي وراء فردوس هي لادت وانخبطت فيه جايه بتوخر خرصتها علقت ف فلينيه اياد
فردوس : ااااي اااي بشويةة
اياد : شدي افنان حلوة صوف
فردوس : اااه وذنننني
اياد : تي زححح معاش توترينني نحس ف خرصتك بتخش قلبي تطبقههه
كيف فردوس حاولت تنحي خرصتها من فلينية اياد مست ايديه
افنان : تي حول انت وهي اني تو نديرها
فردوس : محد يقربنننني اني تو نحيهم نحو يديكم
قعدت فردوس تحاول تفك فيها وهي كانت مفكوكة غير عاجبتها تقعد ف حضن اياد قدام ايلاف🌝😂
ايلاف : تي حرقتيلي دمي حولي
وكيف قربت ايلاف وحطت يدها طول اتنحت
ايلاف : كانت متنحيه اساسااااا
فردوس : لا لا توا اني نحيتها !
افنان : درتولنا العاررررررر
،،،،
مروة كانت تضم في غرفة نوم متاعها خش خالد ♥️
خالد : وين باقين
مروة قعدت تقربع
خالد : ندوي معاكككك
مروة : طلعو مشووو منتزهه اوووف
خالد : وانتي شنو متبيش منتزه
مروة : اووووف
كيف جت مروة بتطلع برا دار خالد قعد يسكرلها ف طريق
مروة : تي حوووووول
خالد شدها من ايديها
خالد : دلع بنات هادا طالع عليك يقتللل محلاها الزعلان
باس ايديها ♥️
خالد : نموت ومنزعلكش
مروة : زعلتني وتميت ، معقولة خالد معقولة ! وعدتني خميس نمشو لاماليا وتوا تجي تقول خدمه !
امالي مروة ف جبل♥️
خالد : اقسم بالله ضغط خدمه كان هادا را رفعتك والله م نرضى زعلك
مروة : امممم به
خالد : هاك هادي شكلاطه للحلوين بس
مروة : هات
خالد : قللت للحلوين مش شينين
مروة : بارد معاش نبييييي
وكيف مشت مروة خالد شدها وردها حضنه♥️
خالد : اليوم مفيش مشيه
مروة : خالد اهفتتتت خنضم عيببب
خالد : شنهو العيب مرتي وني حررر بعدين حوش فاضي متتسبلليش
مروة : ضمان وتطيب
خالد : اني تو نضم غير توا خليك معاي شوية ، شنهالعيون يلي عندك
.....
ايلاف : ايودي حبيبي
فردوس كحت
افنان : ي ساتر ي ساترر اهدي
ايلاف : شن فيك
فردوس : لا لا كويسه
فردوس بصوت واطي : كويسة يا بنت الحرام ي بنت الكلب من وين طلعتيلي بسس الله ياخد روحككك صار حبيبي حبك برص انشاء الله
افنان : فيفي هبلتي تدوي بروحك!
فردوس ابتمست وقامت راسها وتنصدم تلقى محمد ومبروكة وفتون قدامها
فردوس : نهار ابيض شن جابهم
افنان : مني
ركزت افنان
افنان : حي مرة عمك وهداكا ولد عمك يلي يبيك
اياد : يبيكككك !!!
افنان : تعرف ايودي يبي فردوس بالسيف بيخطبها
اياد : يخطب امههه
ايلاف : خيرك
اياد : نقصد م في شي يصير بالسيف ضروري رضى الطرفين ♥️ اني بنمشي نشوف ايمن
طول اياد مشي لايمن
فتون : هلا نورتكم
ايلاف : اهلين فتون
ايلاف كانت متطيقش فتون لان زابطتها مش كويسه
فردوس : تفضلو يا مرة عمو ويا بنت عمو ويا ولد عمو قعمزو
محمد : اني بنسلم ع شباب
فردوس : حسستني خاش مسرح🌝😂 برا برا مربوحه ختشيبي
افنان : اسس لا يسمعك
فردوس : اي مرة عمو شن جوك
مبروكة : كويسه وانت
فردوس : حمدلله
ايلاف : اي فتون شنجو قرايتك
فتون مع الابتسامة الصفراء : اهو ماشيه استاحشناك
ايلاف : اي والله حتني استاحشتكم واستاحشت ايودي خاصه
فردوس : علاش ايودي خاصه بتبدا دحنسه هادي
افنان : فردوس
ايلاف : شني دحنسه ؟ عفوا يا ماما زي خوي اياد را نعرفه قبلك
فردوس : زي خوك ولا زي بطاطا من امبكري ساكتينلكً وانتي حبيبي وبطاطا ياسر اشحطي روحك ونبي نوضوو نروحو شن هالشلال
افنان : فردوس اصبرررري خنكلم اياد
،
افنان اشرت لاياد باش يجي ويروحو وهما ساكتين محد تكلم ولا ايلاف قدرت تفتح فمها ، ركبو سياراتهم ومحمد طول طار بيهم الحوش وبعدين سيارة اياد يلي كلهم ساكتين وايلاف مصدومة😂🤦🏻♀️ وبعدين فردوس بروحها احمد قاعد ف منتزه ، اياد كان ماشي بشوية يراقب ف فردوس ويديرلها باص عيون لن وقفت سيارة فردوس ع يمين واياد ركز رجعلها
اياد : خيرها اهيا
نزل اياد من سيارة
اياد : شن في
فردوس : منعرفش
فتحتها لقيتها مطلعه دخان زعما شن في
اياد : لا شي انسه فردوس السيارة تبي تدخن شوية عادي مش مشكلة
ايمن : 😂😂😂😂😂😂😂 يعنشكلك فكرتني بنولع سبسي ي راجل
اياد : ايمنننننن
ايمن : باهي خلاص
اياد : يعني شني المحرك انضرب شوفي حالته زح هادي الا واحد يقيمها
فردوس : حي عليا سيارتي هدية عمي والله بنبكي
فردوس نزلو دموعها
اياد : فءءردوس لا شن تبكي استني لا لا متبكيش سيارتك امورها طيبة را والله كويسه امسحي دموعك كلينكس ي ايمن ، غير فردوس متبكيش كويسه سيارة والله امورها طيبة غير تبخر في روحها وبس تو شوية نادو ناس يرفعوها وتبدا ميه ميه
فردوس مسحت دموعها شوية
فرذوس : وكان متصلحتش
اياد : نحرق دنيا بعدين
ايمن : انني موجووووود
اياد : ايمن سوق سيارة وبرو حوش اني نقعد مع سيارة فردوس بري معاهم
فردوس : انلا مستحيل نخلي سيارتي
اياد : بههه
اتصل اياد براجل يجي يقيم سيارة ♥️ وقعدو هو وفردوس ف سيارة ساكتين
فردوس : اوووف اسمع ي راجل بالتريس هدوءك يقتل فياااا
اياد : شن ندير
فرذوس : اوووووف ادوي هدرز
ااياد : شنجو مصعب بهه
فردوس : لا حول الله فتحت فردوس مسجل ع اغنية من بين كل الناس اليوم نبي غاليا غاليا ♥️
اياد : شن هالسيارة يلي تخرط مشعارف كيف مسجل يخدم اطفي الهم ونبي
فرذوس : خلي مفتووووووححححح
اياد : مفيششش
قعد كل واحد يطفي وتاني يولع لن فردوس خدت يد اياد ونتشتها
ااياد :ااااااااي تي شن هادي تي خيرك زححححح
فردوس : تستاهههههل
فردوس بصوت واطي " صار ايلاف حبي وشن مشعارف "
اياد : مهبولة تدوي مع روحها ، خيره ولد عمك هبل يبي ياخذككك
فردوس : ليه الشرف اساساا ياخذني
اياد : واحد ينزل ارجل زفت
وكيف بيفتح باب فردوس شدت يده
اياد رجع وقعد يشبحلها ويتامل ف عيونها لن هي فاقت ع روحها ونحت يدها
اياد : خيرك
فردوس : امم بنقولك ماه في موضوع
اياد؟: تفضلي هي موضوع شنو
فردوس : اي موضوع
اياد : فردوس فهميني خيرك! بتهبلني وقت كنت نبي نتقرب منك مش طايقتيني خيرك توا تبي تهزبيني وبس ! هي هزبي
فردوس : ...
اياد : ونبي اسكتي ، اهو راجل جي
مهم قعدو اياد وفردوس لن صلحولها سيارتها ومشت بيها روحت حوش ومر عندها يوم عادي تفكر فاياد وكلامهه
......
اياد : اي وايلاف توا زعلانههه من فردوس ! خيرها المهبولة هادي
ايمن : واضحة 🌝😂 واعرهه وقوية وين عرفتك مانك ليااااا
افنان قعدت تضحك
اياد : سكر فمك انت وهي متعرفوهاش فردوس متحبش الناس هكي طول مهبولة ربي يهديها زح اكيد لوفتي زعلانه خنكلمها
خش اياد داره واتصل بايلاف قعدو يهدرزو شوية
اياد : لوفتي تزعليش منها خليهالي اني
ايلاف : لا لا ايود مزعلتش والله انت متقدرش تنكر حبك ليها
اياد : تي حب شن منحبهاش
ايلاف : مشفتش عيونك قريب يطلعو وقت قالولك ان ولد عمها يبيها
أنت تقرأ
انتقامي
Actionرواية لا لاصحاب القلوب الضعيفة ! قصة بنت عاشت ف الغربة ووقت رجعت لبلادها خسرت كلشيء تملكه ! وقررت تنتقم منن الناس يلي كانو سبب جرحها وسبب يلي خلاها تخسر كلشيء هل حتناا مرادها او لا ؟ حنعرفو ♥️
