انتقامي

11

مبروكة : خالد صح كلام محمد مليكش علاقه!
وقف خالد وقربع ع طاولة
خالد : شن موضوع بكيف اامك انت وهييييي
وطلع برا حوشً
مروة : خالدد
احمد : مروة مروة خليه تو يهدا ويجي ، وانتم بكل زفت حتى واحد بيتسمم ضروري اخ محمد توقف وتبي تتزوج تي مالنا ومال بو امك احني نقعدو جيعانين هالبلي وراس امي لما نكمل ماكله هي
محمد ركب داره وجمعة رجع خدمته مهم توزعو
........
افنان : خيركم يوم هكي كئيبين
اياد : لا م في شي
ايمن : بالعكس يوم جو فوق ريح ي بروتي 😂
اياد : انتي خيرك في حاجة؟
افنان : لا لا من امبكري نتصل بفردوس متبيش ترد
اياد : معاش تجيبي سيرة امها قدامي
وناض اياد من صفرة متعفلق
افنان : خيره!!
ناضت افنان خشت دارها وايمن خش داره
...
عند ايمن ♥️
كان راقد يتامل ف ايميل حلا حفظه تقريبا😂💔 تشجع وقرر يخش بعتلها " هلا عرفتيني 😂🤦🏻‍♀️♥️؟ كيف حال "
...
اياد
فتح فيس دار لفردوس بلوك ومسح رقمها حاول انه يحذفها من كل حياتهه ، وقعد يوتي باش فاتحة اخت جهاد♥️
...
مع اذان المغرب فاقت فردوس وقعدت تشبح يمين يسار خشت عليها مروة
مروة : صباح خير ي بطهه شني عرفتي مني انتي🌝😂 انتي فردوس راه وقاعدة ف ليبيا
فردوس : مروة صباح خير ، كم ساعة
مروة : مغرب ياذن
فردوس : شنوووو حي عليا جامعههه وقتتتت عندي امتحان
ناضت فردوس بتجري
مروة : فيفي قتلك مغررررب😂 ووووه هادا يلي يصير للشخص وقت يرقد ويفيق مغرب يبدا مشعارف شي
فردوس : مغرب مغرب ، حي عليا تو بالله غدوا جامعة شن بيفيقني لو اني فقت مغرب قصدك مش حنرقد حيبدا عندي جو رمضان صبحي ليلكم وصبحكم ليلي
مروة : معليشي فردوس ولي ارقدي تخرطي ف خرط مش عادي 😂 غدوا جمعة
فردوس : جمعة جمعة ؟
فردوس شبحت لمروة بابتسامة : لا عمتي مبروكة😂😂😂😂😂😂😂😂
مروة : واااااك يعنشكلك خليتني نضحك باعلى صوت😂😂😂😂😂😂😂 تو نلقى عيله كلها معانا ، فايقه جوك مليح خيرك بكري دوسه مروحه متعفلقة
فردوس : قصة طويلة تو نحكيلك بعديننن ، عمي ججي ؟
مروة : اي اي جي ، خشي دوشي بدلي انشطيلك شوية بنوتي العشي
مر يوم عادي ع فردوس ومفكرتش ف اياد ولا شي !
....
عند حلا فتحت فيس وعيونها دموع! ع خاطر جهاد دارتله حظر ومسحت رقمه وكل شي يتعلق بيه! وشبحت ماسنجر لقت رسالة من ولد وقت خشت صفحته لقاته خو اياد !
حلا : ايح م نفتك منهه يجيني خو صاحبه! ونبي شن بندير والله لما نرد تي بنرد ع الككل وطز فيه
ردت عليه
حلا : هلا ايمن اكيد عرفتك وهل يخفى القمر🌝😂
......
اييممن : فنوو حدديلي بدلتي العربيه
افنان : تمام طلعهولي انت واياد تو غدوا بكري نحددهم ونبخرهم
اياد : اني بنلبس زبون متاعي الازرق ملكي
افنان : البسو زي بعععض
ايمن : معنديش زبون ازرق ملكيي اصلا منتحملش نلبسه
افنان : البس فرملة بس
ايمن : بهه اوكي
افنان : خلاص تو بكري نوتيهملك♥️
خش ايمن داره شد نقاله
افنان شبحت اياد مهوم ويفكر حطت يدها فوق يده ♥️
افنان : شن في مش ع بعضك يوم
اياد : ااا لا لا شي فنو نفكر وخلاص
افنان : ف شن تفكر باهي شاركني بالك نقدر نساعدك
اياد : لا مشاكل خدمه وهك بس
افنان : اياد معمري ريتك بهالحاله!
اياد : والله لو في شي حنحكيلك بس توا م في شي
افنان : متاكد!
اياد : ااي متاكد نحبك ♥️ بنمشي نرقد توا ياسرني نعست وصبح بنفيق بكري نمشي لجهاد نعاونه بعدين نروح حوش نبدل
افنان : اوك
"
ايمن خش داره وقعمز ع كنبه فتح نقاله لقي رساله من حلا من فرحة لن طلع برا😂
"
طلع ايمن يغني ويزغرط
ايمن : الله اكبرر الله اكبر ي اخوتي ف الاسلام ، اياد حبيبي وراس خوي تجيب بوسه هي ونبي بوسه وحدة بوسه بسسس
اياد : تي حول ي بلي 😂خيره هادا فرحته هادي حتى لو جابوله ولد مش حيفرح هكي
ايمن : تي لا لا توا شدت في ام الولد ي وخخي 😂
افنان : اووووو
ايمن حاول يبوس اياد واياد يدف فيه منه😂
ايمن : زغرطي ي افنان ، اني كان نعرف راه زغرطت وغدوا غداكم عليا انني نديرهولكممم
خش ايمن داره وطلع مد راسه
ايمن : نسيت منعرفش نطيب خلاص غدانا غدوا ع افنان افرحو هههي
افنان : مصحوجهك😂😂 ماه كليوم ندير فيه شن جديد
ايمن : افرحي واسكتي
خش ايمن داره واياد ابتسم
اياد : ربي يثبت عقل😂 شن في من هي المدام هادي !
افنان : ااه شنو منعرفش اساله ، عندي قراية بنمشي نقرا باي خوي نحبك تصبح
اياد : اي اي زيدي اهربي تو نعررف
...
فردوس فتحت نقالها دورت ايميل اياد ! بس انصدمت لقاته مستخدم فيس بوك
فردوس : معقولة ! اني يديرلي حظر ! خيره! شكله رسمي حرج مني ، خنحاول نرقد احسن
رقدت فردوس شوية ورجعت فاقت
فردوس " معقولة ! اني يديرلي حظر ! خيره اياد ! شن صارله !! شن في ! بجديات معاش بيكلمني ! اي اصلا طز خيرني نفكر فيه اني ! طز ف رزز !! " مازال صغيرة نتجكتر مازال صغيرة يمشي هادا نديرو غيره🌝😂" ونبي شن تخرطي ي فردوس اسكتي ونننبي ع اساس يهمني توا تي طز فيه !
شدت فردوس نقالها ، لقت ان مصعب وافنان وحلا باعتينلها رسائل وهي همها ف ايادد🤦🏻‍♀️💔
مهم ردت ع حلا وع افنان وع مصعب وع طول هو اتصل بيها
مصعب : تعرفي لما مرديتيش عليا ومن بكري نتصل بيك قلت شكلها حرجت ع خاطر امبكري
فردوس : لا لا غير رقدت فقت مغرب
مصعب : نوم عوافي ي عمري
....
اما ايمن وحلا ف قعدو يهدرزو وتعرفو ع بعض اكتر وعجبهم جو بعض♥️
....
ثاني يوم عند ايودي بطلنا ، فاق مشي طول لصاحبه لقاه في فم الباب ♥️
اياد : صباح ورد ي برو
جهاد : صباح نور
اياد : هي هي خنمشو نجيبو الحلويات والحاجات وقتهم
جهاد : اي اي هههي
،
ام جهاد : ربي يتمملك ع خير
سجى مدايرة الابتسامة المزيفة : انشاء الله ي امي
ام جهاد : وين سريوه
سجى : تصلي
كان حوش زحمة عيلة خوالها ودنيا كلهم فرحانين ♥️
طلعت ام جهاد وخلت سجى بروحها اسراء كملت صلاتها وجت حطت راسها ع رجلين اختها ♥️
اسراء : سوجي بتمشي وتخليني ، وجهاد زعلان مني
سجى : اسسس عيب يلي درتيه بس جهاد قلبه حنين تو يسامحك ، غير اعتذري منه ومعاش تعاودي غلطتك ، من امس لما روحتي من مدرسة حسيت فيك حاجة شن في
اسراء تفكرت ايمن ويلي داره ودموعها نزلو ع خدها : اااه لا لا م في شي سوجي غير كل م نتخيل حياتي بدونك نزعل ! وهلبا تعرفي
...
علي كان ف المطار يستنى لن نادو ع الرحلة متاعه ركب طيارته وهو مش حاس بروحه ! كان يحمد ف ربه ان حيرجع بلاده ويشوف عيلته ! ويشوف حبيبته ! كان راجع وهو متهني ع شغله ! واخيرا حقق حلمه وطموحه وفتح شركته الخاصه بيه ! بس مش عارف شن يراجي فيه !
...
احمد : صباح الورد مروهه
مروة : صباح ورداتتت
احمد : شني مني شن الغدي 😂🌝
مروة : بازين ي حنه
احمد : خششششششي
مروة : سمعت عيله اهدا😂
جي محمد نازل
محمد : صباح خير خيرك تعيط صبح
احمد : الغداء بازين
مروة : غر فكر ف فطور قبل 🌝😂وهات بدلتك عربية نوتيهالك للجمعة
احمد : تم
مروة : حتى انت جيبها محمد
محمد شبحلها من فوق للوطا : نحددها بروحي
مروة : اوكي
قعدت مروة توتي ف فطور نزلو باقي عيله الا فردوس
خالد : وين فيفي
مروة : يوم جمعة خلترقد
خالد : تمام فيقيها للغداء بس
مروة : اوكي
مبروكة : البنت الفالحة تفيق بكررري تطيب ، فتون
وكيف بتكمل كلامها نزلت فردوس من فوق وهي تبتسم
فردوس : اي فتون لو كانت فالحة راه فاقت ضمت وعاونت مروة بس الله غالب شكلها البيارة وراثة عندنا🌝😂😂😂
جت فردوس باست خالد ومروة
فردوس : صباح الورد ي ورد ، صباح الوردات احمد
قعمزت فردوس ف كرسي
مروة : خيرك فقتي نبيك ترقدي
فردوس : لا لا شن نرقد عمتي مبروكة قالت ان فالحات يفيقو بكري 🌝😂
فردوس من كتر م موضوع اياد شغلها لن مقدرتش ترقد زي ناس
محمد : حتى احني يصبحو علينا منخدموش عندك
فردوس قربعت طاولة
فردوس : مروة مديللللي عسللل ، وصبح الخير استاذذ محمد 🌝♥️ وصباح خير عمي جمعة وصباح خير مبروكة وصباح الكرسي يلي تشقلبت من كرسي🌝😂
احمد : صباح تفاححح
فردوس : وين نشوفك نرتاحح😂
احمد : صباح العبمبرر
فردوس : لو ممكن النمبر
احمد : شاطرة حافظه الدرس زين😂😂😂 غدوا نسمع عليك تاني ، فيفي افطري بسرعه نراجي ف الغدي اني بازين اليوممم
فردوس : تبصررر عنديش معاههه الروححح بازين باللحم وطننني اااه وخلاااص
خالد قعد يضحك ع فردوس : تحبيه
فردوس : تي ي عمي نموت فيههه وبيني وبينك امي كانت تعرفش تديره 😂مرة فراس تديره مش عاددددي ناكلش فيه هلبا غادي لان لو بديره امي بيجي اخي حناكلوه بالسيف زبطت 😂 ولو داراته اماني امي تزعل وتقول مفروض اني نديره ف نسكرو فمنا ونقولو مخاطرناش فيه
مروة : افطري افطري خلاص كل يوم نديرلك بازين ع خاطرك
احمد : شوف شوف واني خيرني امي ارنب
فردوس ضحكت : خيرك احمد امك اهيا قدامي في انسان يقول ع امه ارنب عيب 🌝😂😂 هي هي اني مش متعودة نفطر سايرتكم هكي وخلاص
....
ايمن وقف ع مراية ويساوي ف شعره ويغني ف اغنية " الطلقة الروسية "
جي اياد وقف ويتفرج عليه جي ايمن يغني جنبه😂
ايمن : ولك تاعي تاعي تاعي تاعي ع شفافي بوسة اطبعي
اياد : واضح خوي مكبد لن رايح فيها تحشم بتمشي تصلي جمعة مش ماشي لعرسك😂
ايمن : اي ي رب عررررسي
افنان : هي تهبلو بالعرررربي طالعين طرووووف😍😭 اصبرو اصبرو نصوركم
افنان صورتهم
ايمن : هي هي لقطة ثانيه دني شوية اياد
اياد : ها هكي كويس
ايمن : زيد شوية برا
اياد : ها
ايمن : تي زيددد
افنان : مصحك مش باين ف كاميرا😂
ايمن : وهادا المطلوب الحب بتشوف صور وهكي متجيش انت باين 😂
اياد شد ايمن وقعد يديرله شعره😂
اياد : اي اي خايفها تذوب ف جمالي وتكبد عليا
ايمن : يعنشكلك شعري سنه نساوي فيههه
اياد : هي هي جمعة تفوتنا
ايمن : تمام ، افنانن فردوس وحلا بيجوك؟
اياد : شن جاب سيرة فردوس توا هي ، افنان تفتحيش باب لحد احني بنمشو جمعة بعدين ماشين لجهاد
افنان : ااه لا لا ليش ؟؟ من امس ولا اول امس ممكن معاش كلمتهم
ايمن : مفيش منك فايدة بااي
طلعو جمعة وف نفس وقت محمد واحمد وخالد مشو يصلو جمعة دار فيها مريض 🌝😂
كملو صلاة وخالد لمح اياد طبعا يزبطه ومروة وفردوس حكوله قصة يلي صايره بين اخته وبين احمد مشاله طول ♥️
خالد : اهلين كيف حال جمعة مباركة
اياد : اهلين علينا وعليك
خالد : زبطتني ولا لا
اياد ابتسم
خالد لمح احمد : دقيقة بس ، احمممممممد تعاللل
ايمن : هالتاافههههههه
اياد فنص ف ايمننن
احمد شبح اياد وايمن طبس راسه ف ارض ومشالهم
خالد : نعتذر منكم نيابة ع العملة السوداء يلي دارها احمد ومش حتتكرر باذن الله
ايمن : باللك بتتكررر
احمد : ي عمي بدون م تناديني بروحي كنت بنمشي وبنعتذر ع يلي صار شيطان خش راسي ، وسامحوني
ايمن : نسامحوكك وين بنصروفها هادي
اياد : ايمنننننن
ايمن : تي باهي ي راجل ماشي اني تلقاني جنب سيارة
مشي ايمن
خالد ابتسم : من حقه ♥️ مهم موضوع انتهى ، وسامحنا مرة تانيه ،ي ...
اياد : اياد
خالد : اني خالد تبي اي شي كلمني بس و سجل رقمي عندك
اياد طلع نقاله وسجل رقم خالد ودارله رنه ♥️
اياد : تمام تمام وصلت تسلم بارك الله فيك
خالد : وع قولتكم معرفة التريس كنز ولا
اياد ابتسمله : معرفة خير انشاء الله ♥️
مشي اياد وتنهد " ف وجه خالد كان يشوف في فردوس !"
مشي هو وايمن طول لجهاد ♥️
.......
عند فردوس كانت تكلم ف افنان وبالها ع اياد
فردوس : اي وين خوتك مهناش
افنان : اي فاتحة اخت جهاد اليوم مشو
فردوس : امممم باهي كويس
افنان : خيره صوتك ، تعاليلي ف حوش مكسده بروحي
فردوس : لا لا مخاطريش بنقرا عندي اقزام " امتحان"
افنان : بالتوفيق فيفي ♥️ تعرفي حلمي نخش طب ونبدا دكتورة
فردوس : اي وشن يلي يمنع!
افنان : مرات خوي معنداش فلوس يقريني !
فردوس : متخمميش ف فلوس ! اهم شي انتي اقري وجيبي نسبه كويسهه! بعدين اني ندفعلك ونقريك ف احسن مكان ! اني زي اختك كبيرة وزي امك
افنان : ربي ميحرمنيش منك فيفي ♥️ سمعتي اخر الاخبار😂
فردوس : شنو
افنان : حلا تكلم ف خوي ايمن مقتلكش
فردوس : تبصرررري امتتتى
افنان : تي ايمن ذايب فيها😂😂😂😂 الولد معاش يرقد
فردوس : غر سكري سكري خنتصل بيها الحيوانه
افنان : اوكي
سكرت فردوسً وطول اتصلت بحلا لقت خطها مشغول شوية هكك كلمتها ردت
فردوس : مشاء الله مشاء الله مش لاهيه بيا مع ايمنن
حلا : كيف عرفتيني كنت نكلم فيه🌝😂
فردوس : العصفورهه قتلي ، معقولة اني اخر من يعلم!
حلا : بشن تعلمي؟ لا لا نكلمو بعض زي اصدقاء را
فردوس : اي واضح
حلا : والله جوه مليح زي صديقي وهكك
فرذوس : بههه بهه بندير روحي صدقت
حلا : 😂 ي بارده شنجوك
فردوس : مش كويسسس
حلا : خيركك
فرذوس : مشعارفة مغمومة شويهه ، اسمععي صوت عمي جي ينادي فيا بنمشيله
حلا : اوك وتعالي كلميني احكيلي خيرك
فردوس : اوك
كيف بتطلع فردوس من دار لقت عمها قدامها ♥️
فردوس : نعم عمي شن في
خالد : توا تلاقيت مع هداكا يلي اخته صاحبتك يلي لقيناه ف مطعم شن كان اسمه
فردوس قلبها قعد يضرب : اياد ي عمي
خالد : اي
فردوس : اممم اي شن صار
خالد : لا شي اعتذرت منه ع يلي داره
وكيف بيكمل قاطعه احمد وجاه ناقز
احمد : اهلا ي خالل، مرحب ي خال ، شكرررا ي خال ، واهلينننننن باحلى خالد والله ، هلا والله حي الله
خالد شده من رقبته
خالد : مش ناوي تهفتتتتتتتت
احمد : خيرني بسم الله نغننيلك بصوت نمس🌝😂
خالد : بس مشاء الله عليه اياد احترام وذوق بس خوه يبي كسر رقبه شوية
فردوس : اي ايمن😂♥️
......
في مكان تاني ♥️
؟؟ : واخيرا غدوا بنمشي نشوفهم مش مصدقةة مستاحشتهم نراجي غير امتى نمشي المطار
؟؟ : خلاص معاش مازالك هلبا
؟؟ !
: واخيرا
......
عند اياد ♥️
انقرت فاتحة اخت جهاد ♥️ وروحو حوش هديكا نوبة وزغاريط ناس فرحانين !
شوية هكي جي حد بسيارته درس بعيد شوية ع حوش وهو يشبح ف زنقة مقلوبة اغاني وعياط وقف مصدومة معاش عرف شن يدير وقف ولد من شارع
؟؟ : تعال ي وليد عرس مني
الولد : عرس جهاد قصدي اخت جهاد
؟؟ : عيلة &(&؟
الولد : ايوا ، اليوم فاتحة كيف روحنا من جامعة كنت معاهم ها شوفني لابس زبون
اهني وين جاته صدمه ووقف معاش عرف شن يدير ! ركب سيارته وخدي نقال يتصل بحبيبته متبيش ترد عليه !
شخص هادا كان علي ! ولد عم فردوس ! قعد يدور ف نقاله لقي رقم صاحبة حبيبته اتصل بيها! ردت
علي : وين سجى!
البنت : منني
علي : مني صار اننننني عللللللي !! اني حبيب سجى!! يلي ليا فوق عشره سنين معاها !! اني يلي بنيت احلامي معاها!!!! اني يلي مروح من سفر يوم باش نشوف حبيبتي ومرتي مستقبليه خيرها نجي نلقى فاتحتها اليومم ! فاتحتها يلي مفروض تكون معااااااااي ي اولاد الكككككلب
البنت : اسمعني وراس علي ! اهدا حرام عليك بتفسد عرس سجى ! خلاص سجى مش من نصيبك هي توا ف الحمام بالله عليك متديرش شي ي علي
علي : وربي ويلي اسمه ربييي لو سحى متطلعليش تفهمني يلي صايرر اقسم بالللله نقلب ام العرس توااااااااا
البنت : علي تي شن تقول
كيف طلعت سجى من حمام وسمعتها
سجى : علي وينه
جبدت سجى نقال منه
سجى : عليوة
علي : سجى ! اني قلت كلامي لصاحبتك اهو نراجي برا
سكر علي
سجى : شن في
البنت : قال لو مطلعتيلاش حيقلب العرس تواا
سجى : حي عليا شن ندير ي ربي
البنت : اطلعيله وخلاص
سجى : كيف زحمههه
البنت : اسمعي اتصلي بيه قوليله شوية تهدا زحمة ونجيك
سجى : تي كيف حنطلع قدام عيلة!
البنت : تي البسي خيماري مش حيفرزوك واطلعي زحمة حوش مش حيزبطوك
سجى : بهه هاتي نبعتله رسالة
بعتو لعلي رسالة " باهي استنى شوية هكي ونطلعلك "
رد علي " حاضر حنستنى تلقيني جنب حوش ال&(&:"
....
فردوس ♥️
كانت شادة نقالها وتتفكر ف اياد وخلاص 🤦🏻‍♀️🔥!
....
ايمن : اصبر ي راجل موضوعي معاها متمش 😂 تي لما ننسيها اسمها نخليها تركعلي باش نسامحها
؟؟ : خطير انت ي راجل بس البنت )£(& ف تستاهل 😂😂😂😂
ايمن : قال اسراء قال ، تي مازال مولداتاش امه يلي بيلعب معاي 😂 ، هي شباب بنركب شقة اني م تبو شي ؟
؟؟ : سلامتك ي طير
ايمن : بعد غدوا نمشولها
؟؟
: تمم
ركب ايمن شقة لقي افنان تقرا خش داره بدل وشد نت لقي رسائل من حلا قعد ينقز😭😂 اتصل بيها ردت
ايمن : هلا
حلا : تو بنتفكر فردوس كيف تضحك وبنضحك😂😂😂😂
ايمن : ضحكتك تهبل
حلا : قاعدة م ضحكتش اني 😂
ايمن : مهم كيف بديتي فيها ، شنجوك
حلا : كويسههه صورك يلي نزلتهم طالع طرف را
ايمن : الله اكككبر وهادا المطلوب اصلا😂
حلا : بس اياد ضاربك
ايمن : قتله ميتصورش معاي شن ندير🌝😂
حلا : نتسهوك
قعدو يهدرزو قريب ساعتين !
.....
عند علي قعد يستنى بعد ساعة جت بنت لابسة خيمار وركبت سيارة ونحاته عن وجهها ورداته
علي : شن هاداا ! نبي نفهم شن هادااااااا
وقعد علي يخبط
علي : تي احمممدي ربككك اني منزلتش فسدتت كل شي سجى شن هادا ! حرام عليككك قطعتيلي قلبي زفتتت ! شن بنديرررررررر
سجى : علي بالله عليك اهدا ! اقسم بالله بالسيف عليااااا! خداني ولد عممممي شن ندير ي علي شن ندير ! والله م كانت نيتي نخليككك!
علي : علاش متكلمتيش علاش سكتتي طول مدة فاتت!! علاش مرديتيش عليااا راه درت حلل راه جيت خطفتلك!
سجى : علي انت كنت لاهي ف خدمتك محبيتش نشغلك
علي ودموع ينزلو منه : تي شن تشغليني خدمتي هادي كلها ع خاطركك ي غبيه!! اني توا ولا شييي ! اااه ي سجى حرام عليككككك خليتينييييي اني شن بندير وين بنرفع روححي
سجى " تبكي ": علي خلاص بالله عليك ، انساني انت مشاء الله عليك اي بنت تتمناك ، ارجوك متديرليش مشكلة! اني توا مرة غيرك!
نزلت سجى من سيارة وخشت حوش دارها طول وطاحت ع سرير وهي تبكي كانت تحب علي وهلبا! بس الله غالب ! احيانا نصيبنا يكون مش مع يلي نبوه! ضروري نرضو بالشيء هادا ! مرات احني نختارو شخص ! ونصيبنا مش معاه! وارضو بنصيبكم ، لان فيه خير ليكم♥️
اسراء : سوجي خيرك شن في
سجى : خلونني بروحي
اسراء : تي نوضي فاتحتك وتبكي !!
......
علي جاته صدمة ! كيف يعني حب حياته ! مشي من بين ايديه!
ولع سيارته ومشي جهة شط ! وروح حوش متاخر وحالته حاله عيونه حمر يبكي وخلاص
طق طق طق
خالد : مننني بشوية تي من حيجي زي هالوقت
صوت تقربيع باب قوي هلبا لن عيله كلها نزلت
كيف فتح خالد باب جي علي طايح عليه
خالد : علي
مبروكة : وليدي جيتتت امتى
علي كان مش قادر يدوي عيونه دموع وخلاص
خالد : علللي علللي
مبروكة جت قعمزت ف ارض جنب علي وهو حط راسه ع ركبتها
علي : ي امممي البنت يلي حبيتها ودرت كل شي ع خاطرها اليوم انقرت فاتحتها ي امي شن بنديررر اني علاش عايش
محمد : تي نوض تبكي زي البنتتتتت ! تبكيك بنت ! تي نوض راك تريسسسس
خالد : محمد اسكت
جمعة : نوض علي
خالد : احمد تعال قيمة معاي داره
كانو يقيمو ف علي بالسيف رفعوه داره ومبروكة جت جنبه وتحضن فيه
مبروكة : وليدي خلاص
فردوس : مكنتش نحساب ان ممكن في حد يحب لهدرجة
مروة : ي روحي ي فيفي كان تشوفي حبيبته ! بيهبل عليها عرفني عليها عام فات وتوا خلاص مش مصدقه
فتون : خوي عليوة حبيبي خلاص ارقد
علي كان يبكي وحالته حالة راكباته حرارة🤦🏻‍♀️💔
فردوس جت حطت يدها ع راسه
فردوس : جسمه سخون هلبا لدرجة يهلوس ديروله كمادات واعطوه ابرة فولترين تو تسكنله الالم ويرقد
مبروكة : تربحي فردوس ديري حل وليدي هادا 😭♥️
فردوس شبحتلها بربع عين ونزلت تجيب حاجات وجت حطتله كمادات
فردوس : باهي قصدي دار صغيره! مفيش شي يستاهل ان كلكم تقعدو اهني ! اطلعو فضو غرفة ! خنقتوه
خالد : اي اي
طلعو كلهم وقعدت مبروكة وفتون ، فردوس شبحت لفتون
مبروكة : تي اطلعي ي دعوه
فتون : حتني نقرا طب
مبروكة : تي اطلعععي
طلعت فتون
وفردوس دارتله كمادات وضربتله ابرة بعدين طلعت هي ومبروكة
مروة : شن صار
مبروكة : رقد ، تي من هي بنت كلب هادي !
فردوس : اني مرة مرة تو نجي نقيسله حرارته
مبروكة : بارك الله فيك بنيتي
كل حد مشي غرفته ، بعدين جت فردوس خشت لعلي لقاته يهلوس مرة مرة ، قعدت تغيرله ف كمادات وشدت يده
علي : خداها مني اني ولا شي ، خدوها مني
فردوس : اسسس اهدا مش نهاية دنيا انك تخسر شخص !
علي : منقدرش بدونها، سسءجءًى
فردوس قعدت تمسح ع راسه ! بدون م تندري لقت روحها راقده