#البارت الثامن عشر
#قصة حرب ونار
#الكاتبة فصليه القدر
نار،، ولج نور نوور
ام نوره،، ها يمه شمالج اصيحين
نار،، خاله نور وينه
ام نوره،، اخذت ابنج وراحت للزرع
نار،، لا خاله مالك ابني عده حساسيه
ام نوره،، اي يمه تدري بي
نار،، بيا جهه راحو
نوره،، علئ الجهه الثانيه مال المحصول
نار، ، ماشي خاله
لبست عباتي ومشيت ادور عليهم الدنيا العصر والشمس بلشت اتروح ضليت امشي واتلفت منا ومنا مشيت اهواي انكطع كلبي وكفت وحطيت ايدي علئ كصتي من الشمس. باوعت لكيتهم كاعدين يم الشجره مال رارنج
مشيت ع سريع. ولللج نويره ولج
نوره،، يمه اجتي ولكم اركضوو
نار،، ولج اوكفي لاتركضين
فلاح،، امشو اركضو اجتي
نار،،، ولك فلاح المعصعص هم بيك حض وتركض انته وختك قابل ماكضكم ولكم تعالوو ليه جيبو ابني
نوره،، ولج نار دعوفي يمنه وعلي مانسويله شي
نار،،، ولج جيبي فحط من الحر جيبي
نوره،، وعلي كلساع اغسله
نار،،، مشيت علئ سرريع ضربته علئ راسه خفيف
وخذته منه ولج فلك الفلكج شمالج غير تحجين ابني تلكي هسه كتله الجووع
فلاح،،، هسه وكلنا رارنج
نار،، عززززه بعيونكم ولكم بعده مو مال رارنج
كبر الكم شايفي مثلكم امداكم
اخذته ورجعت ودردم عليهم. شايلته وامسح بحلكه. واباوع عليه. يباوع عليه ويضحك.
كتله هنيال امك اشتدري بل دنياا طشت لو رشت
نوره،، ولج وعلي امووت علي لان بس يضحك
نار،، اي خيه يله هم بعد احسن يضحك ولا يبجي.
ضلينه نمشي وهيه اداهر بمالك وهوه بس يكركر من الضحك
الحد ماوصلنه للبيت لكيت خالتي جاي ترش بل باب دخلنه جوه فلاح اخذ مالك مني. ومشيت شنگت اريد اخبز ونوره تفتر فوك راسي
ناار،، ولج نويره ماتولين اتحضرين العشه
نوره،، شسوي والله حايره
نار،،، سوي صماخج. يعني شسوين مو عدج بتيته روحي اسلگي
نوره،، يعني بس بتيته اسلگ
نار،، اي بس بتيته مو نعمه امشي ولي خلي اشوف شغلي
وشوفي ابني وين افگدي
نوره، هذا جاي يلعب هوه وفلاح
نار، ، خوش
اخذت العجين ورحت خبزت بتنور طين. بل كوه اتعلمت علي اشون اخبز بي
براء،، اووف سلام صدك تحجي شنو ماروح لهلي
سلام،،والبيت منو يضل بي انه عدي شغل
