#البارت السادس
#قصة حرب ونار
#الكاتبة فصليه القدر
.
كالت طيبه شكوو
نار،،، كتله جايات حمواتي وعمي ومرته الثانيه والحجيه مسويه احتفال وفاضحتني بين العربان هههه
طيبه، ،، خطيه فرحانه الكم
نار،،، اي بس شيخلصني من حررب
طيبه، ،،ههههه لا تلكينه هسه هوه فرحان مثلهم ههه
نار، ،، الله وعلم
طيبه، ، دكومي خلي انجيب افراش انمدد اشويه
نار، ، يله امشينه
ورحنه جبنه مخاد وبطانيات
حطيناهن بل هول
ونطرحنه انسولف ونضحك الحد مانمنه كعدنه ع حس الباب جاي ينفتح طفرت طيبه
شافته رجله
كالت هذا معتز
كمت عدلت روحي ولبست حجابي صاح معتز
معتز،، يااااهلا ياهلا عمي منور البيت اكوول شنو هل الضوه القوووي اثاري الست نار عدنه
نار،،،استحيت من كلامه دنكت كتله امنور بهل البيت شخبارك ابو مهند
معتز،، ولله هسه انه صرت زين بشوفتج
نار،،،ههه تسلم
باوعتله نضراته اليه مارتاحلهن ابد
صاحت طيبه. تعالي نار وياي
رحت وراه كالت تعاي اسبحي وبدلي بلكت اقنعه يطلعنه بليل للمنصور
نار،،، كيفت هااااي. وجه مهند يركض يبوسني
ويصيح راح اروح راح اروح
واني ويااا انطفر بل غرفه مالت مهند
وطيبه واكفه ع صفحه اصيح الله يثبت علينه العقل والدين
راحت طيبه اتكله، ،ضلينه اني ومهند بل غرفه نلعب وعلمه شون يقره الاحرف
لشويه دخلت طيبه والضحكه ع حلكه
كتله هاا بشري
كالت يكول نتعشه بره اليوم امناسبه جيت نار لينه
انه كيفت اخذت ملابسي من الجنطه ورحت لحمام سبحت وطلعت لافه الخاولي علئ راسي
دخلت الغرفت مهند شفته فارغه قفلت الباب وكعدت ابدل نشفت شعري ومشطته ولبست ثووب اسود يجي من جوه الصدر مثل القيطان خرط. والباقي كلوش وحطيت مكياج خفيف ولبست شال بيجي وحذاء نص كعب بيجي وجنطه سوده. رشيت عطر وخذت تلفوني ونزلت
شفت طيبه جاي تلبس بشاله ومعتز يرش عطر
ومهند يكمز هههه فرحان
شافتني طيبه كالت
طيبه،،، شنوو هل كيك هذا شنو هل جمال
نار،،، ههه باوعت شفت معتز يباوعلي وصافن
كبل كتله مو جمااالج يحبيبتي انتي الكيك والعسل. هوه رئسن باوع الطيبه وجه باسه من خده
وكال
معتز،، شي اكيد ماكو بحلات امريتي
نار،، ضحكت كتله الله يحفضكم صاحت طيبه يله امشي
طلعنه ركبنه وتوجهنه للمنصور
حييي صارلي اشكد مداخله للمنصور
ضلينه نتمشه اشويه ونفتر حسيت اكو شي فارغ وياي
معقوله افتقدت حررب ضليت امشي بكل وجهه اتخيل حرب بعدين هزيت راسي ومشينه كعدنه ع طاوله
شوف الناس عايشه ومتونسه وفرحانه
صفنت علئ حضي وين انه ومنو اني ضليت صفنه تاخذني وصفنه اترجعني
شويه وحس مهند يمي كاعد ع رجليه
ضليت ابوس بي
وضليت اخذ صور انه وياا
جبت ايده حطيته ع ايدي وكصيت صوره
جابو العشه اتعشينه وانه فرحانه لان طالعه ورحنه لزوراء بس مالعبنه بس نتمشه
ونكص صور صدك اتونسنه رجعنه للبيت ميتين تعب
كبل رحت للغرفه سبحت ولبست دشداشه عريضه
وكعدت وطيبه هيه ورجله صعدو الغرفتهم ومهند اجه يمي خطيه كبل نام لان رجعنه متاخرين
فتحت تلفوني نشرت صوره علئ فيس انه ومهند بس ادينه طالعات وحطيت اسمايلات ع وجهي وجه مهند، ،، شمرت التلفون وكمت نمت ،،،
براء صارت هوسه عدنه بل بيت الحجيه محتفله بنار وحماي حررب لان صار زواجهم فعلي جمعت حمواتي وبناتهن وابنه ومرته الثانيه وبناته وذبحت ذبايح وجو جماعت حرب بس مكاللهم علمود زواجي لا
كاللهم الحجيه ناذره نذره اذا تمشي تذبح عاد همه صدكو
وهم هوسه الجهال وناس طابه وناس طالعه والبنات هنا وعمتي كلساع وصاحت
ذيج شردت حتئ اديح براحته بغداد
بس صوج ابني الي مطيه ع حل شعره
وبدريه اتكله عوفيه شمستفادين منه بس مشاكل
وتحيل ناس ع ناس
وعمتي اتكله اذا مازوجه ماطلع اني امه الحرب
وبدريه تضحك شمتانه بيه
سعديه وفرح كامن وياي يشتغلن ويلملمن وصبينه الغده الزلم بره بل مضيف والنسوان جوه، ،،
وهوسه ناس اصيح وناس تضحك
وحرب لسه ماشفناه كبل دخل لديوان، ،،
للعصر خلصنه غسلنه ماعين ونضفنه البيت وطوارم والحدايق وسبحنه الجهال وحنه هم سبحنه وخلصنه عمتي ومرت عمي حسين راحن لسوك وحنه كعدنه يم الحجيه
ساعه نضحك علئ سوالفه وساعه تضربنه ههههه اتريد منه جهال ههه
وكلساع صاحت ذيج الصفيره شردت مني
بس الحمد الله فرحتني هاي. بكلت اجطل وتحبل
وضلينه نضحك عليه وعلي سوالفه لشويه ودخل حرب الوجه مايكص الطبر وحييل عصبي
وصااح شنو هاي حجيه
كالته شبيك يمه شكوو
صاح اشون ذبحين ذبايح وتعزمين وانه مالي علم
كالته ولله من فرحتي يمه بيكم سويت هاج جاا بدال ماتشكرني ولك
ضل صافن عليه وكاله العتب مو عليج العتب ع جاهله مرتي كلشي تحجي. بسيطه اله
وركع الباب وطلع صعد الغرفته
والحجيه اتكله خاب دروح طبيت بل عمرين اريدن اشوف افروخك اضل وراكم وغمته وصاحت بينه طلعتنه بره ولفت راسه ونامت وزعلت منه اشون حجه عليه كدامنه وماحترمه
نار،،،،
صار الصبح وشفت الجهاز محروك حرك فتحته
لكيته كايلي
اليوم اهلج احركهم.
والرساله الثانيه
كايله انه اعلمج ولج وصلت بيج المواصيل اتنشرين صورتج مووو
وهذا منو سلطان ولج
احجييييييي لاجي احرررك ابوووج
هناا ارعبت احس مثل الرعب الي امتلكني والخوف الي صيطر عليه
احس اصابع اديه ثلجن
وشفايفي ترجف
حسيت راسي ثلج كلشي جمد بيه
والساني انعگد ماكدرت احجي اريد اصيح طيبه
شفت الباب انفتحت دخلت طيبه وشافتني ارجف ضربت علئ صدره وجتي ناحيتي اتهز بيه وانه بس اباوع بوجهه وعيوني حمررر دم بس ماكو ادموع
اشبيه ليش هجي ارعبت من ذكر سلطان كدامي ،،،
طيبه،،، ولج ناررر احجي نااار خيه
اروحلج فدوووه احجي
طفرت وركضت نزلت لجوه صحت معتززززز معتزز الحكني
اجه معتز يركض ومهبوط صااح شكو
كتله اركض نار نار مادري اشبيه ترجف وجهه اصفر
طفر علئ درج سوه شبختين ودخل النار
لكيناه لامه رجليه الناحيه صدره وتنوود
اجيت كعدت يمه اضربه علئ وجه مثل الجامده وتووون مافهم شي منه
شاله معتز ونزل بيه يركض وهيه محاوطه ركبته
طلعنه بلا احجبه ولاعبي مفزوعين بيه
بلحضه وحده حسيت راح اخسرره
دخلنه للمستشفئ. وخذوه منه وكبل لطوارئ
وضلينه منتضرين لنص ساعه طلعت الدكتوره
كمت بهمه اله بشري دكتوره
الدكتوره،، شصيرين منه انته ماما
طيبه،، انه اخته
الدكتوره،،، الحمد الله. المريضه مابيه شي بس اشويه تشنجات عصبيه وهاي اصير عند كل الناس نتيجه. عصبيه او خوف اوتوتر او تفكير. يصير بيه هيج
طيبه،، يعني دكتوره مابيه شي
الدكتوره، ، لا ماما. لاتخافين مابيه شي وتكدرون ادخلون اشوفوه بس لاتعبوه بل كلام
وتكدرون اسون اوراق الخروج وطلعوه
طيبه،، مشكوره دكتوره
ركضت دخلت النار شفته صافنه ع شباك
اجيت لزمت ايده
باوعتلي ورجعت باوعت ع شباج
نار، ،،، من طلعت الدكتوره مني حسيت اكو شي بيه
مادري احس نفسي مثل الضايعه احس مثل الي مضيعه شي وفقدت الامل حتئ تلكا
ضليت اباوع من شباج الغرفه الشمس القويه والطيور الواكفه ع شجره اشون اطير وترجع العشه
اتمنيت اهلي يمي ورجع الحضنهم والحنانهم ،،
قاطعتني ايد طيبه وهيه لازمتهه وتحجي وياي
بس انه مالي نفس احجي ويه احد
حسيت رساله حرب مثل الاشاره اليه
واسم سلطان مثل الهزاني. مادري وين سامعه هل اسم
وشمسوي سلطان ليش كالي حرب
شعدج ويه سلطان
ضليت افكر
باوعت الطيبه كايدتني وجاي نطلع ومعتز منا لازمني
نسينه مهند بل بيت
رجعنه
والطريق. كله حاطه راسي علئ جامت السياره وصافنه
لحد ماوصلنه نزلت طيبه تركض لبنه فتحت الباب ودخلت كدامنه
اجه معتز لزم ايدي ودخلني
حسيت علئ نفسي مالابسه حجاب. من نسمه الهوئ حررك شعري وجود معتز بقربي
دفعت ايده ودخلت لجوه
نزلت طييه
كالتلي بعده نايم.
شكررت طيبه ورجله وصعدت بغرفت مهند انطرحت.
فتحت تلفوني راسلت براء شفته فاتحه نت
نارر،، صباح الخير براء
براء،، هلوو نار شخبارج
نار،، اسئل عنكم شخباركم
براء،، ولله شخبارنه الدنيا مگلوبه گلاب عدنه
نار،،، نغزني گلبي خير شكو
براء،، ماكو شي بس عمي رجع من السفر ولكل عدنه وهوسه ومن الصبح كاعدين نركض ونرجع لوره
وحرب سافر لسويد
نار،، ش شن شنووو. ساافرر
براء،، اي ولله سافر من ساعه ب3 الفجر الحجيه كالتنه
نار،، يله باي
سديته منه
خابرته مغلق. اشكد دكيت علي ميشيله ابد يطلعلي مغلق لو الرقم دولي، ،،
طيبه، ،،
من وكعت نار لسه نار ماطلعت من الغرفه حابسه نفسه اكله قل،،،
مررت اسبوعين ع غياب حررب
ومحد يعرف عنه شي ونار بس صافنه وتباوع بصوره
وجر حسرات وتگول هسه عرفت انه احبه وماكدر ع فراكه
ضليت منتضرته
دائما اتخابر بيت اعياله وتتطمن عليهم
حاجت الحجيه وضلت تبجي اتكله وين عفتيني يحبوبه مالج نيه تجيني انتي وزلمتج ماكو بل بيت
ولكم البيت. موحش عليكم ردولي وضلت تنعي ابين روحه
ونار، ، بس اتريد تبجي ماتكدر اتكول اعيوني يضلن يوجعني ماينزلن الدموع من احد
ما صار الحادث هيه نشفت ادموعه، ،،
ويوميه نار منتضره خبرر من حرب او اتصال حتئ لو بس تتطمن علي، ،
هم لا يعرفون ما معنى أن تكون شخصاً يتجاوز كُل
شيء وهو صامت يتجاوز ويتجاوز بكل هدوء
حتى يعتقد من يرأك أنك لم تتعثر يوماً
لا أحد سيعرف إلى أي مدى أنت مُتعب
فظاهرك مُنظم وتفاصيلك الهادئة لا تشير لمقدار
التعب الذي تضمره ، ولأنك تبتسم كثيراً لن يشعر بك أحد .
يتبببببعععععع
