عالمي الإفتراضي🌐💔

المقدمة والحلقله الاولى❤

《عالمي الافتراضي 》
مقدمة❤
وحسب التفاعل نزل ❤

.
.
.

....
أشتاق لكِ ...غاب جسدك ولكن صورتك لازالت داخلي
عانيت الكثير في غيابك ..ولكن كل ما تدكر كلماتك ..
أنتِ الان أم لأخيكِ فلا تخدليني ..💔ازداد قوة
💬 تم النشر
أنا : نزلته ديرلي لايك يافرخة ..
راما : باهي نتِ عندي ضعيف اصبري ..
أنا : اووو ع طول لايكات خالي نشبح من اكيد فرح هذا دير لايكات غير الحاجات الي نزل فيهم ان مكتئبه ولا متمردة تلقيها اول وحدة ...هههه
راما : فوتيها المهم حصلتي حاجه حتي لو كان لايك ..اهوا اهوا .. مش ايميل فرح هذا اشبحي ..
أنا : ايه صح 🤔 لا ومعلق ..(ربي يرحمها وتكوني قد الوصية ) من هذا خلي نخش ع بروفيله نشبحه مني ..
رآما : حياة المشاهير صعبه🤤 🤣اكيد واحد معجب 😍كان طرف ابعثيله ايميلي عاد هههههه
أنا ضربتها ضربه خفيفة ع راسها : اسكتي هوا طرف وسكتي ❤😍.. خلي خلي نرد عليه ..
راما : اصبري ياخفة فوتي شي ربع ساعه وردي عليه ..
أنا : وقتي ما دخلكش اسكتي ..😁🤣
راما : ههههههه خلي يقول عليك ما صدقت علق ولد ..
أنا : هههههه حركتي ضميري نفوت شوي نعلقله 🤦🏻‍♀️😁
راما : تم ياقايد 🤣🤦🏻‍♀️
.
.
.
.
.......
اوووو نسيت نعرفك ع روحي أنا أسيل محمد ..😁
الاصل موحدة ليبيا 🤣❤ بابا أمازيغي من نالوت إخساء(الحب) وماما شرقاوية 😍(ياناعليا)
مكان الإقامه طربلس 😍🏡
موليد 95❤ ربي يطول في عمري🤣 ..قولو امين 🤦🏻‍♀️
ماما متوفية ربي يرحمها من لما كان عمري 5سنوات عندي اخ توام اسمه أسمر😍
موصفاتي ياكبدي ❤ مش بيضا هلبا حواجبي وشعري ع بني واصل نص ضهري وعيوني زرق جسمي متناسق مش طويلة مش قصيرة ❤
بابا تزوج بعد ما توفت ماما با سنه بحجة مسوؤلية ومن حا يهتم بيهم وعماتي وجدودي في جبل وخوالي مانشبحش فيها الا في سنه مرة بحكم المسافه 💔
بس للصراحه الاثنين كا عمامي وخوالي يحبونا ونحبهم ❤
تزوج وحدة من طربلس اسمها فاطمه ..ع اساس من عيلة راقية ومتريحه💵 ..عندهاش اخت وحدة واخ واحد ...بصراحه جسدة دور مرت الاب بإتقان شديد 💔وخاصه بعد ما جابت جاد وكوثر وبحكم كانت مسيطرة ع بابا لانها خدماته في شركة بوها فا كان الكلام كلامها وسلام سلامها ...ومعروف بابا واعر ومعروف بين خوته الي لما يسكر راسه ع موت مايغير وهذا واحد من الاسباب الي خلانا نسكنو في طربلس لان اهل بابا ماكنوش موفقين ع زواج ماما من بابا 😭 المهم بس تصالحو بعد ما استالدنا اني وخوي ❤...المهم
عندي صديقتي المقربه راما وتعتبر اخت وكل شيء ❤
قاريات مع بعض وانا اختصاصي طب واصلة ل سنة رابعه بس وقفني بابا للأسباب غير معروفة فا غيرت ع التقنية المهم نكمل شهادتي لان حلمي نتخصص في العلاج الطبيعي ❤ ..
وحاليا سنة التخرج ❤👩🏻‍🎓
نرجعو للصار فوق 🤤👆🏼
• راما : بابا جي خلي نوض ولا يبدا ينق ومعاتش يجيبني
• أنا : ديما هكي بوك يبدا ف راس زنقتكم ويقولك راني من ساعه في فم حوش اسيل فكيني بوك كبير وكداب ههههههه
• راما ضربتها : ضمي فمك ياخرا هههههههههه يلا باي
راما ركبت سيارتهم وانا رجعت لحوش
• كوثر : روحت الشلافطية صاحبتك 😏
• أنا : شبحتي ها روقي الي فيك ..
• كوثر : اصلى طحتٌ ع بعض ...
• أنا ببرود قدمت عليها ودفيتها : حولي يا كمثرى ماعنديش خلوق لدوتك 😏🤦🏻‍♀️
• كوثر : اي خزيه عليك والله نحرش فيك ماما ع الكمثرى الي تعيرني بيها يابيئة
أنا ضحكت فتها وخشيت داري ولا كان سمعت حاجه اصلا مايمشي معاهم الا هكي ...خديت تلفوني وسماعاتي ودكرت هذاك التعليق وفي خاطري ..
"خلاص راجيت هلبا خلي نكتبله ..تعيش وتترحم إن شاءالله نكون .." ونضت قعمزت ع مكتبتي وقعدت نقرأ غدوا الخميس وعندي استاد جاكي شان ههههه نسمو فيه لان ينكز في كل نهاية جملة لين يخلعنا هههه
وبديت نقرا وماحسيت بالوقت لين نسمع في أسمر ينادي
• أسمر :سيلوووو ..سيلوووو
• كوثر : خيرك صوتك عالي
• أسمر : اقلبي خليقتك من عليا ..ولا ناديلي سيلوو
• كوثر ومدايرة يدها في نصها : مش شغالتك انا ملزوم يتعب ..😏 وقلبت عيونها وجت بتمشيء
أسمر عصب جبدها من ايدها و شدها من وجهها😠 ولصق فيها
• أسمر من تحت السنون : ورحمة أمي مرة تانية تقلبي عليا عيونك نفلق امهم ونقص لسانك ..ودفها بري نديلها ...
كوثر عيونها خافت تعبو دموع : ءء باه باه ...
نفتح الباب داري🚪
• كوثر: خوك ينادي عليك ومشت تجري ...
• أنا : جيته ..ونضت بنمشيله ..
خلي نوصفلكم العسول خوي ❤
ملامحه ع الاسود وطويل وحياته كانه أجنبي بأطباع شرقية يعني بحكم انه متفوق في قرايته وقاري هندسة يلبس اغلبهم مابين البدل الرسمية ونظام دجكات وبعد قداش يلبس في توتا يا لجيم يا باش يرقد ❤
جسمه سبحان الله مقسم عظلات وحجات دوخ مرات في داخلي نقوله سعدودها المرآة الي تاخده ..طيوب حنين عليا ..وجوه مش طبيعي ..وأكره شيء في حياته حاجه اسمها (فاطمه) لان خلت بابا يطرده من الحوش من لما كان عمره 20 وسبب تبلت عليه انه بداء يشبحلها بنظرات مش مريحه ويترقب عليها وهي تدوش ..فضربه بابا وطرده برا الحوش ولان هو قدها كان يخدم ويقرا لين كون روحه وتعرف ع ناس ينشد الظهر فيهم وكان كل نهاية سبوع يجيني ونطلعو من الصبح يفضفضلي ويدهورلي ويعطيني مصروفي ❤ وكانه هو بابا مش ....المهم
.
.
طلعت لقيته واقف وعاقد حواجب 😠
• أنا مشيله وضميته وبوسته : خيره الحلو قارن حواجبه هههههههه
• أسمر : بنت هاديك فورتهالي وهي حركاتها كيف امها الشر
• أنا شديته من خدوده : يسلملي العصبي فوتها فوتها 😍مريضه بتطلع خير من امها ههههه
• أسمر وهوا يشفشل في شعر : استحشتك ياهبله ههه
• أنا : تعالى تعالى نقعمزو نهدرز عليك شويا
• أسمر : لالا الوقت ليل وبوك قريب اروح وماعنديش نية نتلاقى انا وياه ..
• أنا بخوف : ملا شن جابك 🤔مريض فيك حاجه تبي حاجه
• أسمر : ههههههه ياربي ع مبالغة النساوين يامرآة عندي بعثى ل وكرانيا وبما اني مدير الفرع في ليبيا يلزم نمشي غادي
• أنا : باه كم بتقعد ..
• أسمر : نقولو شهر منها خدمه ومنها نقضو راس السنه غادي وجو تلجية 😍
• أنا : سعدودك 💔 باهي وأني من هو بيا نهون عليك 🥺
• أسمر : حسستيني بنمشي نستشهد ياهبله نداهور وبعدها نجيك ...
• أنا ضميته : بعيد السو ع ولدي الغالي ..ضربته ع ضهره ..معاتش تقول هكي نبكي راه ..
• أسمر شدني من وجه من دياته الزوز : مش حانغيب عليك غر ردي بالك ع روحك وماتتعركيش مع مرت بوك اني مش هني راه باش نحز بينكم هههههه 🤣 هيا خليني نوض نمشي نوتي روحي
أني وين تلقوني هوا ناض وأنا بديت نبكي ماتحملتش يغيب عليا 😭 😭
• أسمر : اوووف عاد قولنا بلاش دموع باش نجيبلك عطور ولبس هي بطلي بكاء ههه😊 ويمسح في دموعي بيده
أنا نمسحي في خناناتي الي تخلطو مع دموعي
• أنا :حقى بتجيبلي عطور ولبس 🥺❤😍
• أسمر : اشبح اشبح الطماعه ههههه
• أنا : نرجع نبكي يعني 🥺
• أسمر : لالالا والله مصارت ايه نجيبلك كم عندنا سيلو حني غر هنيني ع روحك وماتقطعيش عليا نقعد نت متصل ديما ..
• أنا : تمام اكيد ...دكرت هذا كان عقبولي حاجه من نت
تمشي وتجي ع خير ياغالي ورد بالك من صقع ولبس كويس
• أسمر ضمني : حاظر ياماما 😍
وجي ماشي🚶🏻‍♂️🚶🏻‍♂️
• أنا : ههههههههههههه ااا أسمر
• أسمر تلفت : نعم
• أنا : دكرت بنقولك ع فكرة الي مسحته بيدك مبكري مش دموع راهو خناناتي
رجع يجري بيلحقني هههههههههههههه هربت 🤣🤣
• أسمر : خزيه ياخامرة هههههه مني اني عايش دور الرومانسي هههه
• أنا : تستاهل ههههههههههه هادي ختم الموافقه ع المشية ههههه
• أسمر : دكرتيني قبل ما نمشي خودي هادو باش ماتستحقي حد 💵
• أنا : لالا قاعدة عندي فلوس ..
• أسمر : أني سألتك عندك ولا ماعندكش خودي 💵
• أنا : سلمك جياب ..وبسته ..وهوا مشى وأنا رجاعه لداري لقيت (فاطمه)
• فاطمه : اع ريحته عفن شن جابه ...
• أنا تلفتت لتالي نحسباها تتكلم لحد تاني : تكلمي فيا
• فاطمه : في جنك ...فيك ولا في مني
• أنا في خاطري ريته يخبطك 😏: شن حسك قولتي
• فاطمة : شن ريحه الي حاطها خوك ياي ماعنداش دوق ..
• أنا : معليش هذا لانك مش انتي الي مربتيه اني عجبتني ..تبي حاجه تانية
• فاطمه : شن الي ينطمع فيك باش نبيه منك ...
أنا وكاني ماسمعتهاش وخشيت لداري لقيت رسال في #طلبة المرسلة 🤔📨
😨😍
.
.
...
...
.
.
في مكان تاني وبتحديد في مومباي- الهند🇮🇳
عند نادر وبزبط ساعه 7:30صبح 🕢🌞
.
زعما بترد عليا خلي نراسلها ع خاص يا تصيب يا تخيب بعثلها 📨🤔
نمشيء ندير كافي.. ودفيت الكرسي المتحرك ومشيت للمطبخ وصبيت المياة في طرمس الكهربائي وبديت ندور في نسكافي بس
شكلها الشغاله غيرت مكانه اووو خلي نديلها
بنترجمهالكم 😁🤣
• نادر : نيتا نيتاااا
• نيتا : गुड मॉर्निंग सर (صباح الخير سيدي)
• نادر : ألم اقول لك لا تغيري اماكن الاشياء
• نيتا : أسفه جدا سيدي لم اقصد دالك ماذا تريد وانا سأحظره لك
• نادر 😠: حظرلي قهوتي بسرعه واغربي عن وجهِ
• نيتا عيونها دمعو : ححاظر
مش متعود اني نعلي حسي ع موضفيني وخاصه الجنس اللطيف وهيا كبيرة رجعت عليا كيف نار كنت ماشي رجعتلها ...
• أنا : نيتا ..
• نيتا تلفتت وعيونها في لوطا وهي منحنية : نعم سيدي
• أنا : أنا أسف لم اقصد ..بس تعلمين انني لا استطيع الوقوف و...
• نيتا : لا يهم سيدي أنت محق انا المخطى أسفه مجدداً
ومشيت لداري ....
خلي نعرفكم بنفسي 😊..
أنا نادر سالم ... موليد 84 من أنجاح رجال الاعمال ..عندي شركه استراد وتصدير للادوات الرياضه والعلاج الطبيعي ...بوي حي وامي عايشين وعندي زوز خوات متزوجات وزوز خوت اصغر مني واحد متزوج وتاني لا ونعتبرو من العائلات الغنية رغم ان بوي كان حالته المادية عادية لين كبرت أنا وصار عندنا نفود ..
نرجس 94 وعندها بنية ووليد عايشه في كندا لان راجلها يكمل في قرايته .😊
ندى أخر العنقود 97 متزوجه من سنه هي وخوي مع بعض عنده ولد واحد عمره شهر ❤
نعمان م 88 متزوج من سنه مع ندى بس ربي مزال مسخرش عنده معرض سيارات استعمال اوروبي ..
كريم م 90 عزابي هذا حبيبي وشريكِ وايدي الايمين في كل شيء وخاص بعد الإعاقه 💔 عايش معاي في الهند ويدير معاي الشركه الي هنا 🏬
سبب الاعاقه حادث في طربلس في 2013 💔 وتفصيله في رواية توا نعرفو كيف وليش ...
جوي زاي باقي الشباب نحب السهر وطلعو ودهوير ورياضه ونحافظ ع جسمي بس نعطي في اولاوياتي ل خدمتي 😍وليا ما يقارب 4سنين وانا نتعالج بس بدون نتيجه بس ماعمري نهزيت ..ليا حقد غير طبيعي ل بناتاو ممكن كره الله اعلم
..بس نرجعو ل رواية ..
رجعت لداري وأنا ضاربني الفضول نشبح تلفوني هل ردة او لا
لقيتش رد 💔 فته الموضوع ..
.
.
.
.
يتبع
ع تفاعل ❤ وتشجعكم ..هادي مقدمه باش تعرفو الموضوع