بنات نور ( روايات ليبية )

حلقة 12 🔥

🔥 انتقال الي شروق 🔥
شروق : الو مالك
مالك : الو شروق
شروق : خيرك ليك فترة مغيب علي الشغل ان شاء الله خير
مالك : لا و الله غير كنت مشغول في الفيزا
شروق : اي فيزا
مالك : اني قررت اني نسافر لاوروبا فيه شركة تقنية طالبة موضفين عرب
شروق : الله و خيرك ما قلتليش
مالك : اهو قتلك اليوم
شروق : اها كان هكي ربي يعاونك ان شاء
مالك : بارك الله فيك
و سكرت الهاتف
( 😳💔 وجع شروق و وجع مالك جئ في نفس اللحظة
هوا يتخيل انها ما اتحباش و انها ما تشوفش فيه و تحب ولد عمها يلي يدعم فيها
و هيا تحبه او كانت تحبه و بعدين بدت تنحي الفكرة من رأسها و قالت احني خوت بس في نفس الوقت ما تقدرش تستغني عليه
🔥 انتقال الي ناهد 🔥

رجعت ناهد لحوشها و هيا تفكر
هل فارس يعرف ان هذي قمر او لا
و مرات ما يعرفهاش و اذا قتله رح نكون ساهمت في تجديد حنين الماضي
الحل اني نمشي لقمر اني بنفسي و نتكلم معاها
فارس : أهلين امي
ناهد : 😳 اهلين فارس حبيبي
فارس : اليوم ما شفتكش الا مرة قلت خلي نشوفك
ناهد : اصلا اني كنت نبيك في موضوع
فارس : ان شاء الله خير
ناهد : لالا خير
فارس : قولي نسمع
ناهد : فارس انت مخبي عليا حاجة
فارس : علي اي أساس قلتي الكلام هذا
ناهد : قصدي نحس ان فيك حاجة متغيرة لو فيه حاجة قول عادي نهدرز اني و ياك عليها
فارس : لا و الله ما فيه حاجة
ناهد . باهي خلاص المهم اول ما تبي تحكي ما ليك الا امك تحكيلها و متخافش اي حاجة أديرها تمشي عليا
( قعدت ناهد تحسس في فارس ان لو قلت عادي لكن للاسف فارس ما كانش يعرف و حتي مستغرب من كلام امه يلي حسه غريب )

🔥انتقال الي قمر 🔥
( اني روحت من مشاويري لقيت اختي ليال مروحة من طلعتها و اختي ليلي فاتحة هاني شاكر و تقراء في روايات الفيس يلي مهبلينها و احلام في العمل )
غيرت و مع المغرب مشيت للعمل

🔥 انتقال الي ليال و ليلي 🔥
ليال : سادك من هلروايات
ليلي : خليني نقراءة ماهو علي بختي قاعدة نقراءة في الروايات 😭😭
ليال : باهي ليش تبكي
ليلي : علي نور يلي حطولها حبيبها في دار الكهرباء بيهبلوه
ليال : اللطف من نور
ليلي : نور متع رواية حب بين دفاتر المرض
ليال : أتفوه عليك قريب قلبي طاح و بعدين شن النكد يلي تقري فيه
ليلي : يا وخيتي لقيت رواية اضحك و قلت لا هما هكي الكاتبين منكدين و هدفهم ينكدوا علينا يلي اختصبوها و يلي تحرشوا بيها و يلي يضربوا فيها و خطفوها و خلاص
ليال : 😂 حالة و خلاص
ليلي : وين ماشية
ليال : نازلة
ليلي : لمني
ليال : من أمتا ان شاء الله
ليلي : من توا وين ماشية
ليال : ماشية لزين
ليلي : 😭😭😭😭😭
ليال : خيرك
ليلي : لالا شي نبكي علي الرواية
( قلبي متقطع علي يزن )
يا رب جيبلي كناسة اللوحها و نتلاقا اني و يزن و يسامحني
المشكلة حتي رقمه ما عنديش
خسارة خسارة خسارة
طق الباب
ليلي : منو
احلام : اني
ليلي : خسارة 😭😭😭🔥
احلام : تي افتحي
ليلي : تي باهي
..فتحت الباب
احلام : خيرك تفتحي بشوية
ليلي : مرقدة معاي واحد الداخل
احلام : بالك معش عندي طقة حتي في صوابع أيدي
ليلي : خشي خشي و انتي لك لك لك لك ما تسكتيش
احلام : صحيتي بارك الله فيك
أتفوه قلت أدب
🔥 انتقال الي قمر 🔥
وصلت الشغل
( تعرفوا ماشية من فوق طاقتي )
شوشو : خيرك قمور وين قمر متع زمان رقصي الزبائن هيا
قمر : ما عنديش خلوق
شوشو : خيرك اللطف . ولا قاعدة شادة في الموضوع متع بتسيبي المحل
قمر : ايه قاعدة شادة فيه
( ضرب الطاولة يلي مقعمزة فيها )
شوشو : توا نشوفوا قمر هانم
قمر : 😳 ( هذا خيره اللطف )
من يهدد هذا
قصدي بالك بيدير حاجة
تي و اللهي نطهره هذا اذا لقيت كيف نطهره
...
طلعت من الشغل و اني معصبة شوي و مقهورة لامتا و اني هكي المهم وصلت في نص الطريق وقفتلي سيارة في نص الطريق و نزلوا منها زوز رجالة
قعدت نشبح اني شن بيديروا قعد يحاول يفتح الباب متع السيارة شديت فرينوا و وخرت و طلعت و قاعدة السيارة وراي لين خشيت للوحدة السكانية متعنا هربت السيارة من وراي
( 🔥 )
وصلت الحوش مستغربة مش خايفة بس مستغربة عمري ما صارت معاي الحق خشيت الحوش
احلام : هاي قمور شن جوك اليوم
قمر : كويسة الحمد الله
احلام : بري خشي ديري حمام مدايرتلك طبق مقلوبة متع رز تاكلي أصابعك وراها
قمر : فريرة
احلام : بسرعة ساكنين معانا زوز سناجب راه كان نحطها معش نلقاها
قمر : حاضر حاضر
احلام : أمانا وينهم حسهم مهناش
يا ليلي
يا ليال
يا لييييليييي
يا لللليالللل
ليال : زين اني لازم نخش توا باي نكملوا تهدريزنا في النت اوكي
زين : اوكي
خشت ليال
ليال : هااا
احلام : وين كنتي
ليال : كنت ألبرا
احلام : سبحان الله كنت نحسابك الإدخال . عارفة انك البرا مع مني
ليال :مع زين
احلام : باهي باهي بري اغسلي يديك و نزلي الهايمة يلي فوق
بسرعة

(نزلوا و طلعت قمر من الحمام و تعشوا و كانت المقلوبة فوق الخيال حاجة واو تجنن )
قمر : ( كل ما نشوف اللمة متعنا نتمني اني نموت قبلهم لأني مستحيل نتحمل اني نتعشي و ندفاء في الشتي من غير خواتي الحلوات )
🔥 انتقال الي الشباب 🔥
فارس : خيركم مش جايبين مشروب
توا واحد فيكم يمشي بسرعة لأقرب محل يجيب مشروب
زين : اهخخخخخ
يزن : دار روحه مريض
فارس : تي نوضوا
زين : خيرك يا فارس
فارس : حد منكم ينوض يمشي يجيب مشروب بسرعة
زين : و اللهي ماني لابس و بعدين المرة يلي فاتت اني مشيت
فارس : يزن برا انت
يزن : لالا
فارس : تي هيا نوض 🤬
يزن : باهي هات حقها
و اسمعوا اخر مرة
زين : 🤪
طلع يزن للمحل و جاب المشروب

..بعد العشاء.....
احلام : من يلي فيكم تطلع تنفض البخشة
خيركم سكتوا هيا وحدة فيكم تنفض البخشة
ليلي حبيبتي هي وريني طولك و بري نفضي البخشة
ليلي : وووه باهي وينها
( شن الحالة هادي كان كناسة اني كان بخشة اني كان صابون سائل و وركينة اني يديروا عساس و خلاص )
🔥 علي طلعة ليلي و علي جية يزن للحوش و في ايده المشروب
شبح لليلي و هيا عيونها عليه
جاي ماشي للحوش
جاته شدتله ايده
ليلي : اشبحلي خيرك يزن 🥺❤️🔥 .......يتبع

رح نشوفوا اللقاء التاني لقمر
و هل حيعرف فارس او لا
و كيف رح يعرف
و علاقة يزن و زين شن قصتهم مع ليلي و ليال
و زياد و احلام وين في الرواية للان مش باينين
و رأيكم في الاحدات 🔥❤️❤️❤️