" ဟိုကောင်လေးနှစ်ကောင် ငါဝယ်စရာရှိတာဝယ်ပြီးပြီ… ပိုက်ဆံရှင်းဖို့ပဲကျန်တော့တယ်။ သွားမယ် "
မင်္ဂလာစနေနေ့မှကြိုဆိုပါတယ်။ တနင်္ဂနွေဟာ ကျွန်တော့်ရက်သတ္တပတ်စာအဝတ်လျှော်တဲ့နေ့ဖြစ်ရင် စနေနေ့ကတော့ အမေရဲ့ရက်သတ္တပတ်စာဈေးဝယ်ထွက်တဲ့နေ့ဖြစ်တယ်။ အမေဟာ ပစ္စည်းဝယ်တွန်းလှည်းကြီးတစ်ခုလုံးမို့မောက်နေအောင် အသီးအနှံအစုံ၊ ရသာအစပ်အဟပ်ဆော့စ်ပုလင်းပုစိပေါင်းမြောက်များစွာ၊ ပါစတာခေါက်ဆွဲလိပ်၊ ခေါက်ဆွဲချောင်းတွေ နဲ့ ဂျုံမှုန့်ထုပ်တွေကိုဖြည့်ထားပြီး သူ့အစားအသောက်တွေကို ဓားပြလာတိုက်မည်စိုးလားမသိ ဒယ်အိုးဒန်ခွက်တွေနဲ့ပါအပေါ်ကနေ ဖုံးထားသည်။
အမေဟာများသောအားဖြင့် ဟင်းချက်လေ့မရှိ။ ချက်ပြီဆိုလည်း စစ်တိုက်ထွက်တဲ့စစ်သားလို စုံလင်နေအောင်လုပ်တတ်လေ့ရှိသည်။ အခုလည်းဘယ်အစားအသောက်ချန်နယ်က လက်ချာတွေနားထောင်လိုက်လဲမသိ…၊ ကြော်လှော်တဲ့ ဒယ်ပြား၊ ဒယ်လုံးဆိုဒ်မျိုးစုံကို ဝယ်ဖို့ကြိုးစားနေသည်။ ဒယ်အိုးတွေရဲ့အထူးအပါး အရွယ်အစားပေါ်မူတည်ပြီး ကြော်ချက်တဲ့အပူချိန်၊ စိမ့်ဝင်တဲ့အပူရှိန်ပြောင်းလဲပြီး ပြဌာန်းစာအုပ်ထဲကလို သပ်ရပ်တဲ့ဟင်းတစ်ခွက်ရရှိနိုင်တာဆိုပေမဲ့ လိုအပ်ပါသလား။
" လေဒီထရေစီ ဤလက်တွန်းလှည်းအတွင်းရှိ အရာများအား အဘယ်နေ့ဖျက်ဆီးမှာနည်း။ အကျွနု်ပ် ထိုနေ့အိမ်သို့မလာအံ့ "
" အစုတ်ပလုတ်လေး !!! "
Niel က အမေဆီက လက်တွန်းလှည်းကိုသွားကူဆွဲပေးရင်း နောက်ပြောင်တော့ အမေက သူ့ကိုဆူဆဲနေသည်။ ကျွန်တော်ကတော့ တီဗွီပြခန်းဆိုဖာပေါ်ကမထသေးပဲ ပေကပ်နေသည်။
" အမေရေ! ဒီတီဗွီလေးက ကျွန်တော်တို့အိမ်ကို လိုက်ချင်နေတဲ့ပုံပဲ "
" ဟဲ့ ခေါ်ချင်တိုင်းခေါ်ရအောင် ပြခန်းကတီဗွီကိုလမ်းဘေးခွေးများအောက်မေ့နေလား "
" တီဗွီလေးပေါ် အကြင်နာကင်းမဲ့လှပါလား လေဒီထရေစီ "
" နင်တိတ်တိတ်နေစမ်း Niel
လာ!! ပြန်မယ် Cyril "
YOU ARE READING
Dear, Relationship
Romance" Relationship " means the way in which two or more people or things are connected, or the state of being connected. then, add " Dear " in front of " Relationship " This is the story want to talk about.
Chapter (12)
Start from the beginning
