مذكرات عاشقه

الحلقه 28💋💋

تفهمي من هالكلام انه مهما كان ذنبك ماتيأسيش وتزيدي تبعدي علي ربي،  بالعكس توبي وحاولي تصلحي اخطائك ، ماتقعديش علي نفس الغلط وادقولي ربي مش حيسامح .
وحتى ذنوبك التي لا تغفرها أنت لنفسك  يغفرها الله لك ، #الله رحيم.💛

بدو يجهزو في المكان وعبوه بكل انواع الحشيش والمخدراات الفاخرة ، شكله اللي جايينهم شادين مكانات كبيرة ، فيه رجاله يطلعو من الاسانسير لابسين لبس خدمه يكلمو في الانتايا هذاكا ، مكتوب علي تيشرتاتهم تدليك ومساجات رجاليه  .
طلعو عصابه كبيرة ، احني في مكان تحت الارض ، وفوقنا مركز مساج رجالي ، شكله يستخدمو فيه للدعارة ، والكارثه انه بشدود ، ويروجو للمثليه ، باهي قداش راسي بيتحمل صدمه ، معاش قادرة بجد ، كميه المآساة اللي شفتها مستحيل حد يصدقها ، قدامي ناس مش طبيعين ، مستعبدتهم شهواتهم ، شويه والصاله بالكامل بدت معبيه ، شرب ورقص وعااااار مانبيش نحكيه ، اني نحاول نفك ايديا ، جاني هذاكا الانتايا ، قالي توا جي دورك ، ونهارك اسود مغبر كان ماتسمعيش الكلام ، قتله اللي تبيه مستحيل يصير ، شدلي وجهي بايديه بقوة ، قالي ماتجربيش تتحديني ، مستعد نمسحك مسح راهو ،وانتي قاعدة بنيه وبعتك لزبون خفافي يدفع باليورو ،  قتله اني مش رخيصه زيك ، ولا زي اللي يخدمو معاك ، اني مريم وبرا اسأل عليا من تبي ، قالي زي مني تبيني نسال عليك ، زي يوسف متلا ، هاك قالبتاها علي راسك يا ......، وتتكلمي وتناقشي تاني ياحقيرة .
اني انصدمت ، منيييييين تعرف يوسف انت .
قالي مايفوت عليا شيء ، وعلي فكرة يوسف هوا اللي باعك لينا .
لااااااا لاااااا انت كذاب وابديت نحاول نفك ايديا بقوة ، ونعيط انت كذاااااااب يوسف مايديرش هكي ، قال لزوز يقيموني من ايديا ويكروني وراه ، نزل من درج وحكم كله ظلام ، واني نبكي ونعيط نبي يووووووووووووسف ردوووووووووووووني ليوووووووووسف ، واحد من اللي شاديني حط ايده علي فمي ، عضيته ونعافر فيهم بقوتي كلها ، وصلنا لمكان كله سجون ودم ، وفيه باب نهايه الممر ، قالي كان ماتمشيش معاي للزبون،  نحطك مع كلاب مسعورة في قفص ، ونعذبك بكل انواع التعذيب ، قتله باللهي اعليك استرني الله يسترك ، اني مانقدرش افهم عليا ، شدني من شعري وقعد يعيط ، قتله اني مصفحة واللهي مصفحة ، عيونه شعو من الغضب ، وشدني بقوته ولوحني في زنزانه ، فاها قنادش وفيران وصراصير ، بس كانو اهون كانو ارحم من البشر وربي 👆 🌺 🌺 🌺

يوسف حتي بعد سمع بإني مطلقه قاعد يدور عليا ، ويسأل من مكاااااان لمكان ، قريب يهبل ، وشد عبدالله وحلفه ، وعبدالله  ينكر في كل شيء حتي اعتداءه عليا ، لا ياكل ولايشرب ، من الصبح لليل وهوا يدور وكلم كل الناس اللي ممكن يساعدوه ، فيه قوة ردع يعرفها في منطقه تانيه علاقته بيهم كويسه،  كلمهم وابدو يدورو معاه ، وصلوه لمكان شبحو فيه مواصفاتي ، وطلع حوش رقيه ، جاهم يوسف ومعاه قوة من الردع ، وقعدو يحكو مع خاها ، وطلب انه يكلم رقيه ، بعد اصراره وافق  خاها انه يكلمها ، قعدت تبكي رقيه وقالتله  صخفتني مريم ، شديت فاها تقعد بس مارضتش تورطنا معاها ، قاللها ماقالتلك شيء ؟ ، قتله لا لاسف  ،  لكن حنقعد  ندعيلها ان شاءالله ربي يرجعها سالمه ، قالتله بالله اعليك لو لقيتها طمني ، هز راسه بيآس وطلع ، مسح علي وجها بتعب ، طلع طرف دخان وسطرب بسيارته وطلع ، يذكر في كل موقف وكل كلمه بيناتنا ......💔💔👌

اني نبكي بعبرتي في الزنزانه ، ياربي احميني منهم ياااااارب ، انفتح الباب ومدولي كروانه ، معاش فهمت اللي فاها شني ، استحاله تكون ماكله ، هذا عفن ، بعدتها برجلي ، ياربي نبي نموت ، خودني عندك يارب ، تعبت وانهد حيلي 😣

نسمع في صوت العياط ، والبكي وصوت الكلاب ، حتي صوت الضرب مسموع
فتحو الباب  واني ندعي ونترجي في ربي يحميني وفجأة دخلولي كلب  ....
يتبع الحلقه القادمه
كل اللي ذكرته حقيقي ومش تأليف
وفيه مكانات في ليبيا افضع من هكي واني عطلت في الحلقه باش نزيد نقرا اكثر ونقدر نوصل الصورة صح
، حاولت نوصل لصورة بشكل لائق ....
تفاعلو باش نكمل ❤