ابوي قال لي ما بحتاج تخلقي مشكلة قلت ليهو فعلاً بس هي بتحاول تحرضك ،، ويا ماما اميرة بابا بحب اولادو اكتر من اي حاجة في الدنيا وبثق فيهم وخليك عارفة عمري ما حأكسر ثقة بابا فيني ،، وسمعتك كم مرة انتي وبتك لجين إلي انا بحبها شديد ومعتبراها أختي بس للأسف 💔🚶🏻♀️انا حبي ليك انعدم والله بس بحترمكم واتمنى ما تخلوني افقدوا تمام ،، ومعليش يا بابا بس ده الحاصل وهي ما بتحب الخير لزول لا راغب لا انا ولا حتى أنت والساترو ربنا انا ما بفضحوا ولو اتطلب الامر يا ماما ما حأسكت لاني بعرف كتير ،، بابا قال لي رفقة أمشي غرفتك خلاص ،، طلعت غرفتي لقيت راغب مستنيني قال لي الكلام ده صاح كنت ببكي قلت ليهو أي وتتذكر حساباتك الملخبطة هي العملت كده خاصة لمن عرفت الصفقة والحسابات دي مهمة كيف بالنسبة ليك 💔 قال لي وكيف تسكتي قلت ليهو الله يرضى عليك ما تتكلم في الموضوع ده خلااص بس الامور اتوضحت وكفاية ،، ويلا تصبح على خير بكرة عندنا شغل قال لي وانتي من أهلو
____
الصباح صحيت بدري كالعادة ،، بس اتمشيت براي كنت محتاجة كده ،، رجعت بعد ساعتين راغب قال لي خفت عليك من قبيل بضرب وتلفونك في البيت ما ممكن تكوني كده قلت ليهو اسفة بس كنت محتاجة أكون برااي يااخ ،، قال لي أمشي أجهزي عشان نمشي قلت ليهو تمام ،، مشيت أجهز لقيت رونق أختي مرسلة لي قالت حيجو بعد أسبوع هي واولادها وزوجها ،، صرخت من الفرحة راغب وابوي جو قالوا لي مالك ؟! قلت ليهم رونق جااية ابوي قال لي رفعتي ضغطي انا قايل في مصيبة حصلت راغب قال ليهو انا زاتي والله ابوي قال هي رونق دي زاتها ما مصيبة قلت ليهو حأكلمها وانت بتعرف بتك 😂💔 من بعد الرسالة مشيت الشغل بحماس وكان كتير خلصتو في وقت حلو ومشيت للبوص خلصت معاهو ملفات كانت متراكمة قال لي انا لو عارف رونق دي حتبسطك كده كان رسلت ليها انا تجي والله 🔥 قلت ليهو المهم هي حتجي وحان حتملى علي البيت هي ويوسف 💓 قال لي حأديك إجازة اسبوع بعد تجي ما تخافي قلت ليهو اسبوع بس قال لي رفقة قلت ليهو اسبوع زاتو كتير 😂 ضربت لي وريف وريتها قالت لي حأجي أقعد معاك اصلا اجازتي فضل ليها اسبوعين يعني اسبوع ليك والتاني لرونق قلت ليها ظااابط شدديد 💓 راغب قال ليك اسبوعو وين قالت لي ما بقول كده وما تبقي وهمية يااخ 😂 قلت ليها تحبي تسأليهو قفلت الخط في وشي راغب قال لي العلاقات خليها على الله بس ما تتشددي وما تشفقي والامور بتظبط وانا قاعد اعمل كده ،، ما عايز اتعلق بيها شديد وفي النهاية أتحرم منها "من تعلق بشئ في غير اوانه عوقب بحرمانه " . قلت ليهو عبارتك دي حأعمل بيها في حياتي 💓 ، قال لي وده المطلوب
_______
في جانب تااني ..
ياقصي يا ولدي ما ضربت لصحبك الفي السودان ده مش قلت سمسار قال لي اي يا أمي بس الرقم فيهو غلط خلص اسأل من الرقم تاني وخلي اشوف لينا بيت في مكان سمح وقبل المكان أهم حاااجة الجيران يكونوا كويسين قال ليها حاضر قالت ليهو وجهزت اوراقك كلها صاح وحتنقل شغلك هناك قال ليها أكيد ،، مع أنو هنا في قطر الشغل كويس بس ما بقدر أكسر كلمتك 💓 ،،، وانتي يا ميان حاجاتك جاهزة ولا كالعادة قالت ليها لا والله جاهزة بس حأنزل المول أشتري حاجات للجامعة قالت ليها كفاك أمس كنتي في المول واشتريتي حاجات تكفيك سنتين ما تبقي مبذرة ،، قصي قال ليها خليها تشتري العايزاهو يااخ قالت ليهو أخوي حبيبي ياخ ما اتحرم منك ،، امو قالت ليو مدلعها شديد انت قال ليها اختي الوحيدة تتدلع ساي معندي غيرها 💓 قالت ليهم الله يصبرني عليكم يا أولادي ،، قصي قال ليها ويخليك لينا يا امي 🍂 ...
