في جانب ياسر ..
وريف عليك الله أضربي أطمني على رفقة بالي معاهاا 💔 قالت ليهو أنت لو أتصلت عليها الأرض ما حتتهد وبعدين أنت بتعرفها أكتر مني وعارف أنو قلبها أبيض وبتنسى بسرعة قال ليها حظرتني وما بقدر اتصل عليها برقم غريب والحصل ليها الليلة بسببي ،، إنهارت بسببي أنا ،،وريف قالت ليهو أنت قلت ليها شنو بالضبط قال ليها والله ما كنت قاصد وبكى قالت ليهو أياً كان القلتو أنا متأكدة ما حتأخد في خاطرها منك أنا حأتصل أطمن عليها وحأفتح الاسبيكر عشان تتأكد أنها كويسة ،، وريف اتصلت علي قالت لي يا الأخت انتي كويسة قلت ليهو كويسة الحمدلله قالت لي متأكدة قلت ليها أكيد في حاجة ! قالت لي أبداً قلت ليها ضاربة لي عشان كده قالت لي اي قلت أشوف صحتك كيف قلت ليها ماشة كويس يا بت الخالة 😂 قالت لي اصلا ما بنفع فيك التعامل ده ،، وهاك ده ياسر عايز اطمن عليك قلت ليها دقيقة لاأاا ،، ياسر قال لي ما عايز أقول حاجة بس حبيت اطمن والحمدلله السمعت صوتك وانك بقيتي بخير قلت ليهو الحمدلله وقفلت ،، بقيت أفكر طيب الصرفت معاه عربي قبيل ده منو 🌚 ركزت في الرقم لقيت أنو من بره السودان ،، أتفضحت عالمياً 💔 ،، ابوي جاء قال لي ده حالتو اول يوم شغل ليك خلاك تتكلمي براك قلت ليهو شنو يا حاج لا احم لا دستور ،، كنت بتناقش مع نفسي في موضوع تاني والشغل حلو جداً يااخ وخاصة مع راغب هادي ومرتب قال لي المهم تواظبي وما تتمردي وتقولي شغالة مع أخوي والحركات دي قلت ليهو لو اتمردت معناها قاعدة اتمرد على أحلامي وده مستحيل أحصل 💓🔥 وولدك زاتو ما قصر قال لي أنا البوص هنا 😂 قال لي عاقل من يومو قلت ليهو تسلموا يشوية عيلة حلوة 💓 قال لي العفو ونومي عشان تقدري تصحي بدري قلت ليهو وهو كذلك .
__
الصباح صحيت راغب وأبوي معاي عشان نتمشى قال لي والله ما شاءالله رفقة البقت تصحينا قلت ليهم يلا نتمشى أبوي قال لي انا ما بقدر امشوا أنتو الشباب قلت ليهو وانت زاتك شباب يا بابا يلا واوعدك حترجع نشيط جداً جداً ودي حاجة صحية على فكرة قال لي طيب ،، أتمشينا ساعة ونص أبوي قال الجو حلو ياخ كل يوم حأطلع معاك قلت ليهو وده المطلوب 🍂 ،، طلعنا انا وراغب الشركة وبابا كمان شركتو قائمة بذاتها والاتنين أستيراد وتصدير 💓 قلت ليهو راغب انت ووريف وضعكم شنو قال لي أنا عايز أسس نفسي كويس بعدين حأعمل الخطوة الاولى قلت ليهو لو جا زول واخدها منك ؟! قال لي هي بضاعة 😒 ،، اداني عين سكتني تاني ما اتكلمت نهائي ،، ما كان في شغل كتير وحسيت بالملل فتحت الواتس لقيت الرقم مرسل لي "اسمعي كلام عقلك ، العاطفة والقلب جحيم" انا بقيت بعاين للكلام هو فيهو منطق بس مهما كان قلبك ما بيقودك للجحيم ما رديت بس كتبت عبارتو دي في النوت حقي 💓 ،، فادي قال لي مشغولة قلت ليهو لا قال طيب انا عايز اعتذر ليك عن أمس ما كان قصدي أتدخل وما كنت عارف انو ياسر ود خالتك قلت ليهو ما مشكلة وعرفت من وين قال لي ما عليك المهم عرفت قلت ليهو خير ،، وهل في شغل ولا لا قال لي مافي قلت ليهو خلاص انا حأمشي قال لي ماشة وين قلت ليهو حأكتب ليك لستة اوريك بمشي وين وبجي من وين وهكذا ذكرني كويس !! قال لي انتي مغرورة شديد قلت ليهو ده ما غرور بس في ناس الا اتعاملوا معاهم كده 🙂 مشيت لي راغب استأذنت منو قال لي طيب امشي ،، مشيت الزومبا تعويض يومين ،، رجعت البيت الساعة 6 ،، ماما أميرة قالت لي شايفاك مقاطعة الاكل قلت ليها لا بس بأكل بره...
بالليل حسيت بجوع شديد وانا نازلة ماشة المطبخ سمعت ماما اميرة بتقول لي ابوي بتك دي بقت هاملة ساي لي كم يوم متغيرة ،، وقفت سمعت كلامها كلو وكيف ابوي دافع لي ،، طلعت قدامها قلت ليها أنا أكتر وحدة شجعت بابا أنو يتزوج وحدة تانية بعد ماما الله يرحمها واتقبلتك وحبيتك لي بتعملي ده كلو عشان شنو .....
