اهتمام

٢١

قعدت تبكي لحد م قعدت تكحكح و نفسها تضايق طلعت من الحمام و هي بتقح و كلهم بقولو ليها اهدي عشان نفسك م يقوم
سناء : تيام ي بت براحة م تقحي كده م تخوفيني ي بتي
و فجاءة تيام حيلها تعب و قعت دنيا و منال و سناء قعدو يكوركو
عزيز : ي جماعة اهدو مالكم
و رفعوها هو وحسام
عزيز : تيام دقات قلبها م مستقرة لازم دكتور
حسام : ارح نوديها ب عربيتي ..اووووووف م عندي بنزيييين😑😑😑😑
منال : اضربو ل احمد سريع
دنيا ضريت
احمد : اي دنيا
دنيا : 😭😭😭😭😭
وقف العربية في شنو فشنو
دنيا : احمد 😭😭احمد تيام ..وتيام ي احمد 😭😭
احمد : 😨😨😨تيام مالا في شنو
دنيا : ت ت تيام 😭😭
احمد : دننننننننيااا تيام مالا انطقي ياااخ😡
حسام شال منها التلفون
حسام : تيام قحت كتير و نفسها تضايق و فقدت الوعي و اسة نبضها م مستقر و بتتنفس ب صعوبة
احمد : 😨 ش ش شنووو طيب جاي جاي عشرة دقايق بس
بقا بسوق و بسوق بسرعة
احمد : ده كلو بسببك اسة خايف عليها مالك م انت السبب اها و يعني اذا قالت ليك مالك و مالها تقوم تعمل فيها كده 💔 ي رب 💔💔 شيل روحي ان شاء الله بس تيام تبقى بخير و م تتوجع ي رب 💔💔(واي يحليلو😢)
وصل البيت ركب السلم و بقى جاري لحد م وصل
احمد : تيام وين وينها
عزيز : ارح نشيلها
احمد : لا لا بشيلها انا
و شالها لحد تحت و ركبها العربية كلهم نزلو
حسام : جيب المفتاح
احمد : لا انا بسوق وانت شيل هاك باغة البزين دي املى عربيتك و الحقونا
حسام (كورك) : ي زول جيب المفاتيح دي شوف نفسك بترجف و متوتر كيف
عزيز : جيبو البنزين انا بملاهو و بنلحقكم انا وسناء و منال
حسام سايق و دنيا قاعده قدام معاهو و ورا تيام راقده في رجل احمد و ديلك في عربية حسام
احمد : تيام تيامي 😢😢حبيبي اصحي يقلبي تيامي انا غلطان انا اسف انا حيوان و كلب و م بستاهل كل قومي ي قلبي والله انا بسو شي بدونك يلا حبيبي يلا اصحي (و ضماها عليهو شديييد )
حسام و دنيا بقو حانين على احمد اكتر من تيام.
(الحب ..الحب مليان عذاب و مليان مرار بس حتحب العذاب دا لان العذاب دا ح يبقى جزء من حياتك ..الحب ادمان بس ادمان حلال♥ بئذينا بس بفرحنا ...الحب حلو بس بعيد عن الحقد و الشك 💓ف احسنوا الاختيار )
وصلو المستشفى و ودخلو تيام و ركبو ليها اكسجين بس زادو الجرعات لان المرا دي م ضيق نفس بس حتى نبضها اتغير
وكلهم بقو قاعدين برا
احمد واقف و مدنقر بعاين في الارض حاسي ب ذنب كبير جات خالتو سناء
سناء : احمد
احمد : اي ي خالتي انا السبب اعفي لي هي م بتستاهل ده ي خالتي واللله بتمنى انا اكون بدلى 💔😔
سناء : لا ي احمد م تقول كده بلعكس 💓و ارفع راسك ده هي بس تعبت شوية
حسام كان زعلان شديد من احمد ..احمد طلع برا حسام جاهو
حسام : اسة مبسوط كده
احمد : عارف نفسي غلطان
حسام : حرام عليك ياخ انت م شوفت حالتها تقطع الحجر م القلب 💔 يخ هي حساسة بتزعل ب سرعة بس م هي الغلطانة لانها سمعت كلامك
احمد : م لاقي شي اقولو 💔
حسام : م تقول لي شي بس صلح غلطك ي احمد صح دنيا دي اختك و تيام دي اختي يعني انا ال ح احاسبك بعد كده م هي
المهم دخلو جوا الدكتور قال انو هي كويسة بس جسمها مرهق اسة من القح الكتير و نفسها و نبضها طبعين و اسة هي نايمة من التعب شوية كده و رجعوها البيت عادي
و تلفون تيام كام مع دنيا وبضرب و بضرب
عزيز : ردي على التلفون ي بابا
دنيا : ده م حقي ده حق تيام
احمد : ده سام صح ؟
دنيا : اي
احمد : جيبيهو
رد احمد
سام : تيام اين انتي لماذا ا تردين لقد قلقت عليك
احمد : 😒هلو
سام : من انت
احمد : احمد
سام : و اين تيام
احمد : انها نايمة متعبة قليلة
سام : نايمة معك 😡؟؟
(ي جماعة م تتخلقو لان الكلام ده في كندا عادي يعني )
احمد : هل انت غبي لا ليست معي
سام : ولماذا هاتفها معك
احمد : شي لا يخصك
سام : لن اتحدث معك فقط عندما تاخذ تيام هاتفها اخبرها ان تتصل بي
احمد : اوك
وقفل منو
عزيز : اها ي جماعة نخش ليها نشوفها وبس جرعتها تخلص و ناخدها و نطلع
كلهم : تمام
وخشوا ليها كانت صاحية مركبة الاكسجين
سناء : حبيتبتي 😭😭حضنتها خوفتينا ياخ
منال : تيوما 😔💓💓حبيبتي
دنيا : 😭😭زفتتي
حسام : اختي الصغنونة القزومة 😔 شوف ي دوبك نص السرير 😂😂
و ضحكت
احمد واقغ بعاين ليها من الباب
عزيز : يلا يلا ارح الجرعة انتهت 🙊ريحت المستشفى حتعفنك تيوما
ووطلع ليها الاكسجين و كانت داير تقوم و قفت كدا م قدرت قربت تقع احمد جا سبتا
تيام : فكني
احمد : طيب اقعدي
تيام : فكني قلتااااااااااا😡
سناء : بتي هو بساعد فيك مالك
تيام : خالتو منال قولي ليهو يفكني
احمد : م بفكك اليلة اها ح تعملي شنو
تيام : بقت تضرب فيهو
احمد : ياخ خلاص اقيفي
قعدوها في الكرسي المتحرك لحت العربية و ركبوها
تيام : ماما تعالي اقعدي معاي
سناء : حاضر
قعدت معاها و ركبت عربية حسام و حسام سايق و قدام منال و ورا تيام و امها و دنيا

و احمد و ابوهو
احمد سرحااان و سايق
عزيز : احمد ي احمد ي ود
احمد : اي اي نعم
عزيز : 😊اعمل بينا حادث بلاي
احمد : ي ريت بس انت تفضل وانا اموت
عزيز : ي ولد استغفر مالك
احمد : استغفر اله 💔
عزيز : هي زاتها بتحبك والله
احمد : ي بابا انا م بحبها انا مدمنها
عزيز : ظاهر من ااهتمامك
احمد : اهتمام ده اقل شي ممكت اديهو ليها

المهم وصلو و تيام رقدت نامت جمب دنيا و سناء و منال مع بعض و احمد مع حسام و عزيز براهو
احمد : اها نامت
دنيا : اي نامت
احمد : طيب خاشي جوا جايكم تمام و غطيها لو هناي يعني
دنيا : م تخاف لابسة كويس😂
و جاها بقى بعاين ليها
دنيا : 😍😍😍😍الله شوف بعاين ليها كيف
احمد : اسكتي ح تصحى
بقى بعاين ليها و هبش وشها ومشى يدو على شعرها
احمد : اخ ي المعذباني ي المجناني ح اموت ب سببك
دنيا : 😂😂😂 (طبعا دنيا كان بتصور عشان توري الفديو ل تيام لكن احمد م شايفها )
احمد باس تيام في راسها و قال ليها شي في اضانها قال (🙊لا تؤذني فيها ي الله )
احمد : يلا انا ماشي انوم لو في شي اضربي لي
و مشى قعد يفكر في الحصل و جات فكرة في بالو
احمد : خلاص الدنيا بس تصبح ح اعمل كده 😏

يتبع