طبعا لما سارا ندهت اسمو هو حس انو في زول ناداهو التفت و شافهم
تيام : الله يجازيك خليتيه يسمعك
سارا : واي عايني ليهو بعاين
تيام : اها الحل شنو
سارا : الحل انكم تتكلمو
تيام : ي زفت 😒
سارا : تيام عايني انتي مسافرة ف عشان كده اتكلمي معاهو لانو احتمال تاني م تشوفو بعض
(طبعا م عرفتكم على ياسين 😄 ياسين عبارة عن كتلة جمال مواصفاتو: طويل ♥ قمحي مايل للصفار و شعرو غزير و نااعم و طبعا ابوهو كوز☻ )
يلا علاقته ب تيام و ب القصة دي شنو ؟
احكي ليكم ( ياسين ده كان حياة تيام التانية يعني الناس في عالم و ياسين في عالم تاني يلا هم الاتنين ممتحنين ف اتعرفو على بعض في كورس طبعا في البداية كانو اصحاب بس يلا الصحوبية دي بقت شي تاني م حب بس كده تعلق شديد ...ووطبعا😑كل بنات الكورس متكسرات فيهو اليوم كلو يسو يسو و هو كمان م بقصر بتونس مع دي و يهظر مع دي بس تيام دي كانت شي خاص يعني بعد م يطلعو من الحصة بكونو قاعدين ٢٤ ساعة معبعض و لو هي عندها حصة و هو لا بقعد اتونس بس اول م هي تطلع بنسى الناس هو طبعا كان محتار ب الشي البحس بيه ده و البعملو ده بس كان بقنع نفسو انو دي ضحوبية بس )
#####@فلاش باك
تيام : ياسين
ياسين : عيون الياسين
تيام : انا ماشى البيت
ياسين : ياخ لا اقعدي م اتونست معاك كتير
تيام : 😂 ي ود بتزهج مني بعد ده
ياسين : 💔ي ريت لو ازهج المشكلة م بقدر ازهج
تيام : 😂😂كسر تلج كسر كسر
ياسين : كيف ياا😎 اقول ليك شي امشي بتونس مع ناس هديل 😍
تيام : ايوا كويس يلا باي
مسكها من يدها و قرب منها
ياسين : وين ؟
تيام : صح قلت لي امشي
ياسين : سمعتي كلامي اسة بس وقت قلت ليك اقعدي م سمعتي كلامي
تيام : ياسين فكني و زح شوية اسة الناس يقعدو يتكلمو عننا😊اصلا هم م مقصرين
ياسين : م عندنا ليهم شي
تيام : زفت خليني امشي
ياسين : طيب ارح اقدمك انتي و سارا
تيام : اوك
و فجاة جات مهاد جرت ياسين و تيام طبعا بتكلم مع سارا م لاحظت ليها و مهاد بقت تتحنكش و تتخافف ل ياسين
مهاد : يسووو☹انت مالك م شغال بي اسوي ليك شنو
تيام : سمعتها قامت انتبهت ليهم
ياسين : مهاد ي بت مالك
مهاد بقت بهبش في وشو : مهاد مجنونة بيك و قربت عليهو شديد
ياسين طبعا كان مخلوع : ده شنو!!
تيام انزعجت : سارا اررح
سارا : ي مهاد ده شنو ده بقيتي رخيصة كده ليه
تيام طلعت طوالي م قدرت ياسين و سارا لحقوها
ياسين : اسي مالك فجاءة بعدين انتي شفتيها قربت علي براها وانا م عندي ليها شي
تيام : اسة بتبرر لي ليه انا مالي مالك حبيبتك انا ؟ ولا شنو زي زي باقي البنات عندك
ياسين : بلاي ده هو ردك
تيام : تقرب تبعد انا مالي و مالك
ياسين : تيام مالك انا ياسين
تيام : عارفاك ياسين بس احنا اصحاب (و بس قالتها و كانت حاسة ب قلبها بتقطع )
و مشت هي و سارا
في نفس اليوم جاتها مهاد يلا مهاد بتقرا مع تيام و زي صحبتها كده ف جاتها البيت
تيام : مهاد ؟!
مهاد : اي شوفي انا جيتك عشان سبب واحد انا زهجت من تعلق ياسين بيك و تعلقك بيه و قعودكم مع بعض الكتير ده تيام افهميني انا مش بحب ياسين انا جانة بيهو 💔😭والله عارفة نفسي بغلط بس انا م قادرة عليك الله لو بتحبيني ابعدي منو و خليهو يكرهك
تيام : بس احنا اصحاب و بس
مهاد : اصحاب شنو انتو الناس كلها بتتكلم عنكم و بتحسدكم 💔 تيام عليك الله بعمل ليك الدايراهو
تيام : حاضر ح اخليهو ليك تستاهليهو
و ديك مشت بيتهم
الفترة المرت دي كلها كانو الاتنين باردين مع بعض ب الاصح م بتكلمو خالص تيام بعد الحصة بتمشي طوالي و داك بقى م بتونس مع زول و طبيعي زهجان ف الناس كلها لاحظو الشي دا و حاولو يتكلمو معاهم بس م في فايدة و هم لسة في الحالة دي 💔
نرجع يلا
المهم تيام و سارا قامو قالو ماشين الحمام ياسين شافهم و مشى عليهم وقفهم
ياسين : هيي كيفك
سارا : ياسين كيفك
تيام : ..... .............
ياسين : واتني م بتسلمي ولا شنو
تيام : اه 😟 كيف تمام
ياسين : قالو مسافرا 😃م شاء الله بنسمع اخبارك من الغرباء بقينا
تيام : اي والله ماشا ترتاحو من خلقتي بعد ده 😂
ياسين : اي ح نرتااح💔 دقيقة دايراك برانا شوية
سارا (فهمت و مشت )
تيام : ايوا خير
ياسين : انتي كويسة ؟
تيام : اي تمام قلت ليك 😐
ياسين : انا م كويس
تيام : خير مالك
ياسين : مشتاق 💔
تيام : لمنو وانا علاقتي شنو يعني
ياسين : ل زول كان مالي دنيتي بس كان واهمني ساي
تيام : كان واهمك قلت لي (طبعا الدمو في عيوناو هي مدنقرا)
ياسين : تيام انا خلاص تعبت ياخ حني علي
تيام : افهم انا و انت م ينفع بناتنا لا صحوبية لا غيرو انا مسافرة و تاني م ح الاقيك
ياسين (لسة بعاين ليها والعبرة خانقاهو) : ....
تيام : لو خلصت انا ماشا
ياسين لا شعوريا حضنها شديد و حس ب انو جبل زاح من صدرو و هي بقت م حاسة الا ب دموعها النازلة و فجاءة انتبهو و زحو من بعض و تيام مشت
تيام : سارا ارح سريع
سارا : مالك في شنو
بتبكي
حنين : ي بت مالك
و كلهم بدو يسالهوها
تيام : تعبانة و راسي واجعني عايزا امشي البيت
طلعو و اي حده مشت بيتها الا سارا رجعت عند تيام
اول م خشو البيت دخلو الاوضة
سارا : في شنو حصل شنو
تيام (قعدت تبكي ب طريقة مليانة وجع )
سارا حست انو م لازم تتكلم بس قعدت تهدي فيها لحدي م نامو
تيام (صحت بليل زي الساعة ٣ قعدت تشوف صورها معاهو و المحادثات القديمة و العبرة خانقاها : يعني كده خلاص يعني تاني م في شي اسمو ياسين 💔 اخ ي رب عارفة كل شي ل خير بس والله انا كده م قادرة 💔(قامت و صلت واستغفرت ونامت )
يلا مرت الايام و جا اليوم ال ح تسافر فيهو هي وامها
يتبع
