احمد نزل و قعد في العربية مستني تيام تيام طلعت كانت لابسة تي شرت عادي و بنطلون و جكت عشان البرد و الشعر ك العاده عارفنو كعكة 😑 و عملت شي في وشا بس عملت روج بني كده خفيف عشان هي لونا بين الاسمر و القمحي ف كان بجي معاها شديد و نزلت تحت جات احمد فتح ليها الباب قفلتو 😂فتحتو تاني براها
احمد : صح انا كنت فاتحو ليك ☺
تيام : شكرا م عايزا منك تعملي شي 😒
دور العربية واتحركو بقو ماشين ع المطار
احمد : ي زبالة انتي اسة زعلانة مني مالك
تيام : منو قال اسة زعلانة
احمد : ده كلو م زعلانة امشي ي شبه الغول ي قصيرا ي سنفورا
تيام : 😀 خلصت ؟؟
احمد : لا 😂 طيب ي حلوة ي ام عيون حلو و انف ضغير و شفايف ...
قبلت ليهو طوالي 😒
احمد : خلاص سكت سكت ☺
شغل اغنية ف هو عارف انها بتحب اغاني احمد امين شغل ليها عادي بتحصل
تيام : غير الغنية دي سريييييع
احمد : ابيت داير اسمع
تيام : نظام بتفهمها يعني غيرها ي احمد
احمد : م ح اغيرها كلام نهائي
والساب الغنية ب تشتغل و كان سايق في نص الغنية قبل على تيام يشوفها مالا سكتت لقاها بتبكي و مقبلة ع الشباك 💔
احمد : تيام مالك ي بت فشنو ده كلو عشان ابيت اقفلها خلاص قفلتها
تيام : 😢😢😢
احمد : تيامي فشنو علييك الله ياخ انا دموعك دي م بحب اشوفها فيشنو مالك
تيام : 😢😢م في شي ارح
احمد : لو قعده اعاين ليك واشوفك واسئل فيك كده م ح اشوف الطريق و ح نعمل حادث
تيام : احسن عشان اموت
احمد كووورك: تيااااااااام 😡 ده شنو الغباء و التخلف الانتي بتقولي فيهو ده مالك فشنو (وقف العربية )
تيام : احمد م تصرخ
احمد : طيب مالك
تيام : انا بس م كنت دايرا اسمع الغنية دي بتزكرني ب زول
احمد : ياسين صح 💔(قالها ب انكسار رهيب جواهو)
تيام : اقفل السيرة
احمد : تيام انتي كنتي بتحبيهو ؟ او لسة بتحبيهو ؟
تيام : الله يرحمو
احمد (كورك ) : جاااااوبي علي بتحبييهو 😡
تيام : احمد م تكورك قلنا😒
احمد : جاوبي قلت ليك
تيام : ياخ خليني انت منو م ليك دعوة بي مااك و مالي انت م تدخل في شي م بخصك (قالت الكلام ده بس هي م كانت فاهمة بتقول شنو )
احمد : صح كلامك انا منو 💔 اسف شديد اني ازعجتك
تيام كانت ساكتة و هو ساكت وصلو المطار هو نزل جاب الشنطة و جاب الحاجات القالاها ليهو ابو و ركب
تيام : احمد احمد انت زعلت انا والله ..
احمد : انسة تيام خلاص الموضوع انتهى 💔✋
تيام : احمد ياخ انسة دي شنو كمان (ختت يدها على يدو زح يدو منها )
تيام : كويس ي احمد
و ساق و صلو البيت هو طلع قبالها شال الحاجات ودها فوق في الغرفة و هي خشت و قعدت مع الناس و احمد طلع شرب موية
عزيز : تعال ي احمد اقعد شوية نتونس
احمد شاف انو المقعد الفاضي جمب تيام
احمد : معليش ي بابا عندي ملفات و رسمات تبع الشركة داير اراجعهم
حسام : ي احمد سوينها كلها امبارح
احمد : اي صح و عندي قراية
حسام : احمد م تستهبل احنا خلصنا كل الشيتات
تيام كانت بس بتعاين
و ااناس كلهم : اقعد ي احمد اقعد ي احمد تيام من غير م تحس قامت
تيام : تعال اقعد انا الماشى م تمشي انت
و طوالي مشت على شقتهم
سناء : فيشنو ي احمد مالكم خير
منال : احمد مزعلها انت ؟
دنيا : قايمة اشوفها
احمد : م عارفها مالا
عزيز : طيب تعال
احمد : ي حاج عليك الله خليني امشي داير ارتاح شوية بس
و مشا
سناء : مالهم ديل فيشنو
منال : م عارفة اي صح بتشاكلو بس دي اول مرا يزعلو كده امشي اشوفو
حسام : لالا ماما منول بشوفو انا
عزيز : خلو بكون داير يقعد براهو
دنيا : طيب انا ماشا ل تيام
سناء : لا لا انا البمشي
عزيز : لا لا ي سناء خلي دنيا تمشي
دنيا : اي ي خالتي بمشي انا
و مشت ليها لقت تيام راقدة على بطنها و بتبكي
دنيا : تيام 😨 فيشنو فشنو ي بت مالو احمد الحيوان ده سوا ليك شنو
تيام قامت وحضنت دنيا وقعدت تبكي و تشهق
دنيا : تيام عليك الله اهدي م قدر ده نفسك بقوم
تيام : انا بكرهوووو بكرهووو
دنيا : كزابة لو بتكرهيهو م بتبكي قدر ده عشانو
تيام : يخ هو ليه معفن كده ليه
دنيا : طيب حصل شنو
تيام قامت و حكت ليها
دنيا : تعرفي انك انتي الغلطانة م هو
تيام : عارفة بس انا قلت الكلام في لحظة غضب
دنيا : هو صح م كان يسالك السوال ده
تيام : حيوان هو اصلا عارفني اني م بحب ياسين ولا حصل حبيتو بس اتزفتا و حبيتو هو 😭😭😭
دنيا : 😂😂😂اعترفتي اخيرا انك بتحبيهو
تيام : 😒لا بكرهو و م ح اتكلم معاهو ولا اعتزر ليهو هو يعتزر
دنيا : منو احمد ؟ بعد القلتي ليهو ده ممكن عادي م يتكلم معاك اسبوع و م تفكري انو يعتزر احمد عنييييييييد
تيام : معنفسو 😒 اصلا حيشتاق لي و حيعتزر مني
دنيا :😂😂واثقة شديد ..م تفكري لانو حتى لو اشتاق احمد ده عنيد و م حيعتزر
تيام : عنو م اعتزر مالي و مالو
دنيا : قومي ارح يلا و امسحي دموعك دي الساعة ٦
تيام : واااااي نسيييت😨
دنيا : شنو
تيام : سام 😨
دنيا : اي اي اطلعي معاهو و زيدي الطي
نة بلا عشان تاني احمد م يتكلم معاك
تيام : 😏 بطريقتو
دنيا: 😂😂جا الزمن والبقيت اقيف ضد اخوي
تيام : اي 😂عشان اختك تيام 😏💓
دنيا : اي ياخ جيتيني هدية من السما
تيام 😭😭😭😭😭😭
دنيا :مالك
تيام : احمد كان بقول لي كدا😭😭😭😭
دنيا : ووب انا من اخوي احمد ده يلا قومي ارح عشان ديلك م يقلقو
تيام قامت مسحت دموعها و غسلت وشا بس كان باين انها باكية عيونو اتورمت و خشو شقة منال
حسام : جيتو
دنيا : اي
سناء : مالك ي بتي
تيام : لا مافي شي ي ماما كويسة
عزيز : تعالي تعالي كويسة شنو و عيونك مليانة دموع جات عليهو و حضنها حسسها ب حنان الاب ال هي ب الجد كانت محتاجهو
عزيز : ده ولدي الكريه صح انا اسة بدقو ليك بس دموعك الغالية دي م تنزل 💓
تيام : 😊لالا ي عمو ماف شي يستاههل
عزيز : عمو دي شنو كمان ناديني ي بابا ي عزوز
حسام : لالا بابا دي حقت احمد 😂
تيام بقت بتحمر ل حسام لانو احرجها
عزيز : 😂😂😂😂خلاص انا بابا الكبير
سناء : 😂😂و مالك قال متشاكلا مع بابا الصغير
منال : 😂😂😂م تشتغلي ب بابا الصغير ده
تيام : وااي ي حسام الله يجازيك ☺☺اسة حيشغلوها لي
دنيا : 😂😂😂اذية حسام ده
تيام : 😂😂😂
واحمد طلع واختفت بسمة تيام
احمد : ي ماما انا طالع
منال : لا اتغدى الاول
و خشت المطبخ مع سناء
دنيا : اي اتغدى و بعدين وصل تيام معاك
احمد : اوصلها ليه صح سام جايها
تيام : اي جاية
احمد : م اتكلمت معاك اتكلمت مع اختي
تيام : 💔💔💔💔
و قامت نظام خشت الحمام بس هي كانت واقغة و بتمسعهم
عزيز : احمد مالك فشنو الزعل ده مبكي البت كده حرام ي بابا
احمد : و م حرام الكلام البتقولو هي لي م حرام البتعملو هي كل مرا انا الغلطان
تيام : ي احمد والله قلت في لحظة انفعال 😢 و م قصدي احمد انا اسفة سامحني تعال نتفاهم
احمد : لو سمحتي خلاص م في شي نتفاهم فيهو
جات لزتو
تيام : احمد ياخ كفاية من متين تزعل مني ساعة كاملة
احمد : تاني بعد كده لا في ساعة لا غيرو كلو انتهاء
تيام : قصدك صحوبيتنا انتهت ؟؟
احمد سكت
تيام لزتو : قول اتكلم قول اي شي انتهاء بيناتنا
احمد : تيام زحي مني
تيام :لا قوول
احمد : تيام زخي عشان م اعمل شي او اقول شي م يعجبك
لزاها و طلع
عزيز :احمد ي احمد تعاال
احمد م اشتغل ب زول و نزل ساق العربية ب سرعة و مشى
تيام : يعني كده خلاص كل شي انتهى صح الصحوبية واي شي انتهى صح
دنيا : تيام اهدي
منال و سناء جو جارين من المطبخ
عزيز : حبيبتي اهدي اسة هو زعلان بس هو بس يزعل بتغير
حسام :اي ي تيام هو م قصدو شي
تيام : 😢😢😢😢😢 لا خلاص عادي
و خشت الحمام قعدت تبكي ب حرقة لحد ما ........
☹♥الحلقة ال جاية
