أحببت تونسية ( روايات ليبية )

حلقة 11

رواية #أحببت_تونسية
( خيال ممزوج بلواقع )
للكاتبة #ندي_أحمد
الرواية بلهجة الليبية
حلقة 11 ❤️
🔥

ريماس= باهي مش طالعه... سمحني بربي
امير =اهو هاذا فشن لقيك فالحه...تقلبي الدنيا وتخسري عليا سمحني و ايعيشك... اووووف ياااا اوووف
ريماس= اصلا انتا شبيك اتعيط عليا,,,مش غلطتي من قلك تحط حوايجك برا
امير = واللهي
تعرفي انتي شن غلطتك... انك تديري الغلط وما تعترفيش
ريماس عيونها تملت دموع ومزال بس راسها طالع من تحت السرير= سمحني
امير لما شاف دموعها حس بروحه زودها شوي و رفع صوته عليها,,,متعود بس بضحكتها ... مكانش يستحمل يشوف لمعة الدموع في عيونها
أمير= حصل خير ...معلش ...انا ماشي سلام
ريماس = اوووو حمد لله يا ربي مافاقش بيااا... المشط والشعرات اهم عندي
طلعت من تحت السرير غيرت دبشها و غسلت سورية امير و هيا كل شوية تتفكر الموقف تموت من الضحك بعدها تتذكر كيف عيط عليها تسكت و تقول= حرام عليه ماصط....
أمير فالطريق يسوق= ريماس ...ريماس... علاش لما شفت دموعها معاش نقدر...كنت نتمنا لحضتها نحضنها و نمسح دموعها..بس مش قادر نفهم روحي شنو هالاحساس بالضبط... هيا فيها كل الصفات لي نكرهها..ثرثارة و تحكي هلبا و تدير كل شي منغير ماتتحشم و اغلب صحابها شباب...مع هاذا هيا شي مش طبيعي هكي نحسها زرعت فيا روح غير روحي...نفرح لما نشوفها ويصير صراع داخلي بين قلبي وعقلي ونرد الفعل عليها ...ان شاء الله خير يارب
ريماس فالحوش اتدور في بيوت أيهم و أحمد ولقت شعرات و دستهم كل واحد في ضرف و كتبت عليه الاسم حتى ما تتلخبطش
ريماس= سامحوني دخلت بيوتكم منغير ما نشاور هكيكا اما الله غالب مضطرة....زعمه شكون مش ولد عمتي عندي احساس لي هوا أيهم اصلا الوحيد الاسمر وحتى طبيعتو مش كيف لباقي ...ربي يستر يارب مزللت موش مصدقة يارب نكون سمعت بلغالط..
دست الضروف في خزانتها وسكرت عليهم...
رن فونها أحمد= ريماس انا توا جاي للحوش دهزي روحك بنطلعو
ريماس = أهلا بيك حمودي اوووكيتوو توا نلبس لين توصل
ريماس لبست بسرعه زي العاده سروال دجينز و جاكيت و كويش وطاقية على لون الكويش و شعرها زي العاده مسدول على ضهرها...
ريماس كان كل لبسها رياضي ما عمرها لبست تنورة او فستان كل لبسها سبورت حتى المايك اب متشريش كان عندها بس عطر لاكوست رجالي و مرطب شفاه....
أحمد =هيا ريماس
ريماس خرجت تجري طلعت جنبه= اهلا حمودي... توا كملت الخدمة
أحمد = ايه ... توا بنمشو لمكان ايهبل ممكن بس انا وانتي يعجبنا
ريماس = ما فهمتش
أحمد= مش انا وعدتك ناخذك معاي لقاعة الرياضة ...اهو وفيت بوعدي
ريماس = برسمي...يااااا ميرسي ليا برشا حتى انا مدرتش تمارين ايعيييشك
احمد= هههههه ايعيشك برشا
وصلو للقاعه
احمد = ادخلي...
ريماس= يااا قداش كبيرة
تمت تجري تشوف في التجهيزات لي فيهاااا
كل مرة تجري لمكان فرحانة مش مصدقة و في مكان فيه ملعب كرة سلة برا القاعه من ورا
احمد= شن عجبك المكان
ريماس= يقتل والله...اما شبيه فارغ مفيهش حد
احمد = هنا يجو بس الشباب..منبيش حد يكون قريب منك غيري
ريماس= شنو؟؟؟؟؟
احمد اتلخبط= قصدي منحبش الاختلاط وبس فالاخير انتي بنت خالي نغير عليك
ريماس ما فهمت شي منه لانها كانت تعتبره خوها بس مش اكتر
ريماس مسكاته باهي يلا نتحداك في شي
احمد= شنو
ريماس =تعال نلعبو كرة سلة انا ضدك انتا..والخاسر يعزم صاحبه على ايس كريم...موافق
احمد = هههههه غبية تتحديني انا جهزي عزومتك من توا...ليا عشرة سنين نجي هنا
ريماس = هههه حتى انتا بدنك تبارك الله مخدوم بلباهي...يا عضلنجي
أمير يتصل بريماس يبي يسال هيا ليش اتغيبت ما تردش =زعمه شن صاير معاها هالهبلة؟؟؟ خليتها براسها على اساس بتمشي للمحاضرة و يوصلها أحمد
نوا نتصل بيه نسأله
امير رن على أحمد... مايردش زعمه شن في...احمد كان حاط شنطته بعيده
أمير=الو أيهم وينك روحت للحوش ولا
أيهم = ها أمير ...روحت ايه علاش
أمير = ريماس وين
أيهم= برا
أمير = وين برا كيف تطلع بروحها
أيهم= لالا طلعت مع أحمد
أمير سكر الفون و جلس في سيارته قدام الجامعه= اكيد احمد مشا هوا وياها لقاعة الرياضه... خلي نشوفهم خيرهم ما يردوش
امير دخل القاعه ووقف في باب الملعب وهما ما شافوهش وتم يتامل فيهم
احمد و ريماس مزالو في ملعب السلة
ريماس = اوووي شنوا معناها انا صفر وانتي عشرة وحق ربي غشاش
احمد ميت من الضحك= انتي لي حمارة
ريماس = والله توا تشوووف
تمت تجري وراه و تضرب فيه...احمد كان طاير من الفرح ناسي الوقت
أمير كان يحترق من داخل...يشوف فيها تضحك م احمد وطايرة من الفرح
امير تراجع وخرج في صمت= شفت يا امير قداش هيا فرحانة و جوها تمام...احمد عرف كيف يفرحها و يضحكها وانتا فالح غير اتعيط عليها وتبكي فيها...انتا مستحيل تكون في تفكيرها..هيا اصلا شن تدير بواحد نكدي... امير انتا لازم اتطلع ريماس من تفكيرك...خليها تعيش حياتها..انقذ روحك من توا قبل ما تحبها...ابعد عليها اجتنبها من اليوم معاش لازم نتقابلو غير للضرورة خلاص
ريماسكانت تجري فجاة رجلها التوت وطاحت
أحمد يجريلها حملها و حطها على بنك
ريمااس= اوووو يا ميمتي رجلي تقسمت و تبكي
احمد= لالا ما تقسمتش ههههه وتم يضحك
ريماس= انا بنموت وانتا تضحك والله توجع فيا يح بيني يح معاش نجم نحركها
احمد جلس على ركبة ونص .
امير وهوا طالع حس بشي غريب ضايق صدره و صوت صرخه في وذنه.... رجع يجري للقاعه...دخل و يجري=ريماس...شنو فيك...شن صارلك
ريماس لما شافت امير تمت تبكي من الألم زي البنت لما تشوف بوها وتبي تشكيله...شافت في امير كل شي... هيا ترتاح بس لما تكون قريبة منه = رجلي
أحمد= لاباس مش حاجة خطيرة غير هيا ممكن مزودتها
حط رجلها على ركبته يبي يشوفها
امير= ابعد انتا..ما تلمسهاش اياك ها.
احمد =خيرك تحكي هكي...
امير اتلخبط علاش عيط على خوه هكي...معقول غار عليها في موقف زي هكي...
امير= لالا يا حبيبي غير ممكن تكون مكسورة مش لازم نحركوها فهمت... امشي قرب سيارتي من الباب ورا خوذ المفتاح بسرعه لازم نمشو للمصحه
ريماس= منجمش ناقف يا ناري على روحي وبش انروح لتونس معاقة يا ربي علاااش
امير مسك ضحكته= لالا مفيش شي ايخوف... بعدين ما تنسيش انتي تدرسي طب اسنان يعني مفروض تكوني شجاعه
ريماس= اسكت عليا... كله منك
امير= واللهي؟؟؟
ريماس وقفت و طاحت من الالم ...
احمد=اهو درست السيارة قدام الباب
امير حملها في حضنه و حطها فالسيارة واحمد طلع يجري وراهم في سيارته و لحقهم
احمد= ياربي ان شاء الله ما صارلها شي والله منسامحش روحي ياربي
ريماس في سيارة امير = رجلي توجع يا امير...علخر..مش نورمال قريب تتقسم ياربي
امير ساكت ما ردش عليها كان يقول= اصبري بس... بعدها ايفكر=شفت يا أمير بعد دقيقة من قررت تبعد عليها صارت معاها مشكلة واضطريت تساعدهت وتتدخل منقدرش نخليها تتوجع و يداويها غيري...اخ ياربي...بس هاذي المرة بس تنازلت...ضروري نتجاوزها اصلا احمد شكله مهتم بيها حيطمني عليهااا
وصلوا لمصحه..... يتبع