- عن الطاقة السلبية :-- الطاقة السلبية اللي متحكمة فينا ، اللي لما تصيرلنا 🌸حاجة طول تنتشر داخلنا ، ويبدا اليأس يتحكم فكلامنا💔
- الطاقة السلبية اللي لما نشوفُ مريض بدل مانساعدوه حتى بالكلام المهم يحب حياته ، ويقاوم مرضه ليرجع بكامل قوته ، نخلوه يكره حتى وجود الناس جنبه 😒
- الطاقة السلبية اللي وقت تمر علينا الحرب ، يبدا الكلام السلبي ( بلادنا ديما في حرب ، بلادنا مش حاتتهنى ) اللي ينزل علي قلبك يجرحه بدل كلام يداويه 🥀
- الطاقة السلبية اللي لما يبدا الشخص يخدم وموهوب فحاجة معينة ، يقولوله كلام يحبط معنوياته ، بدل مايزيد يخدم ويطلع ابداعه🙃🥀
الناس اللي متحكمة فيهم الطاقة السلبية ، مجرد ماتلقى شخص فرحان ومتفائل تقيده المهم ميوصلش لهدفه 😒
- خلي الطاقة الايجابية تتحكم فيك ❤️، حتى لو يأست من حياتك ، او إنكسر قلبك ، او تعرقلت امورك ، خلي عندك أمل انّ حاتفرج عليك وحايجي اليوم اللي ربي يوصلك لهدفك او ياخدلك حقكك ويفرحك
رُدينة بن رمضان 🖤
#كلامنا ❤️