قلت ليها عفواا؟؟! 😕😕قالت لي ما تفهميني غلط اصلا انا و فهد زي الاخوان و بعدين طلبت من حبشيتك توب من تيابك علشان توبي زلاق وما بقدر اطبخ ليك بيهو بث بتك ما فهمتي ف اتجبرت اقلع التوب و الشبشب معليش يعني 😅😅قلت ليها امممم ولا يهمك تسلمي عزبتك معاي😊😊قالت لي ماف اي عزاب حبيبه يلا اطلعي فوق غيري و تعالي اكلي شكلك ما اكلتي شي وعتبزيني زي اختك الكبيره 😊😊 قلت ليها ما جيعانه والله وعادي اصلا انتي زي اختي😊😊قالت لي معقوله كدا يا عروس اول يوم اطبخ ليك و ترفضي تاكلي 😔😔ما حبيت اكسفها ابتسمت ليها و قلت ليها طيب مسافه اغير و اجيك😊😊 قالت لي اوكي طلعت فوق و دخلت غرفتي و بقيت ماشه و جايه وانا ما عارفه انا زاتي مالي المهم ما ركزت و مشيت غيرت و اخدت لي دوش و نزلت ليها لقيتها رصت الاكل في الصفره قالت لي معليش يعني جيت بيتك وانتي ماف 😅😅قلت ليها عادي تنوري في اي وقت😊😊 قلت لي انتي عارفه كان عندنا مناسبه عقد قريبتي و عادل ما كان فاضي فمشيت ولمن جيت راجعه لقيت نفسي ناسيه المفتاح و اتصلت بي عادل بث قال مشغول و ما بقدر يجي بدري و شفت فهد طالع قلت ادخل اسلم عليك و اتونس معاك لحد ما عادل يرجع ولمن لقيتك ماف قلت خلاص اقعد انتظرك لحد ما ترجعي 😅😅قلت ليها ما مشكله واصلا ما محتاجه توضحي😊😊 قالت لي وضحت ليك لانو حاسه الجو بيناتنا مكهرب وكدا 😊😊قلت ليها لا والله ماف شي زي دا العفو ياخ المهم اتونسنا و اكلنا و طلعت ما زي انا كنت شيفاها اول بالعكس ظريييفه شديدد و وناسه بث حسب الفهمتو منها انها متحرره شديد لانو عاشت عمرها كلو في دول اروبا و امريكا و كدا 😅😅شربنا شاي و اتونسنا كدا لحد قريب العشاء بعد داك راجلا اتصل عليها و قالت لي الا يوم نمش نتغده معاهم و قلت ليها ان شاء الله و دعتها و قدمتها لحد باب الشارع و بعد داك رجعت جوه جيت داخله المطبخ بث اتخلع ليك بي فهد لمن كوركت قلبي وقف ياخ 😱😱قال لي مالك شيفه ليك حرامي يعني😒😒 قلت ليهو يا لطيف يا لطيف ياريت لو حرامي 😪😪 قال لي قلتي شنو 😑😑قلت ليهو هوي انت جيت متين😳😳قال لي اممم يعني زي سعتين او تلاته كدا وقعد يحك في حاجبو بي ضهر اصبعو االكبير واي انا من حرمتو دي تهبل 😻😻 قلت ليهو وكنت قاعد وين الوقت دا كلو 😳😳 قال لي وانتي مالك ياخ شغلوك محقق هنا ؟؟! كدي زحي كدا 😪😪قلت ليهو انا سألتك جاوب بي زوق و بعدين امش 😕😕 قال لي ما عايز اجاوب لا بي زوق ولا بدون زوق وانتي اصلا ما عندك اي علاقه بي ولا من حقك تساليني ولا تعالي هنا لو جبتي للحق كنتي وين انتي الليله ولا استازنتي من منو لمن طلعتي اممم ؟!!😑😑قلت ليهو لو😕😕.... قال لي بث ولا كلمه ما تفتكري اذا ابتسمت ليك مره او مرتين انك دخلتي بالي و بقيت بفكر فيك لانو انا اصلا ما شيلك من ارضك ولا بتهميني عارفه يعني شنو ما بتهميني يعني هسي لو شلتي السكينه دي و طعنتي بيها نفسك فاتحه ما ح اقراها عليك علشان كدا ما تختي لي نفسك مكانه اكتر من اللزوم انتي هنا عندي امانه و ح اخليك عندي و اوفر ليك كل شي بتحتاجيهو لحين وقت رد الامانه وضح😊😊 قلت ليهو اذا خلصت ممكن انا احكي 😑😑شال ليهو تفاحه وقال لي انا ما فضي ليك و اداني ضهرو😪😪 قلت ليهو اذا عجبك تسمع او ما عجبك ما بهمني المهم انو الليله لاقيت المحامي و اتفقت معاهو علي شروط العقد و الاورق ح تصلك بعد يومين بالكتير علشان توقع 😊😊 اتلفت علي وقال لي عقد ؟؟!😕😕 قلت ليهو ايوه زي ما انت قلت زواجنا صفقه و لي كل صفقه عقد بتوثق في المحكمه و علشان احفظ حقوقي ضروري يكون فتره الطلاق محدده باليوم ومختومه من المحكمه 😊😊 قال لي ماف داعي تقولي لي الكلام دا لانو انتي عارفه كويس انو لو طلبتي الطلاق الليله ما عندي مشكله و اعتبري من هسي اوراقك موقعه و ابتسم لي و مشي😊😊 وااي انا اتحرقت منو كيف احيييي انا 😤😤التقول صبت فيني مطره و كلامو نزل علي قلبي زي السهام ياخ كلاموو حااار حاااار والله لقيت دموعي نازلين براهم زي الشلال😭😭ياخ هي بني ادم ما عندو احساس كدا ما معقوله ياخ 😭😭 بكيت كدا وبعد داك مسحت دموعي و مشيت شربت مويه و طلعت تميت بكيتي في غرفتي و نومت علي كدا😪😪صحيت تاني يوم الساعه تسعه زهجانه و قرفانه نزلت تحت ريتا قالت لي ماما صباح الخير😊😊 قلت ليها صباح النور 😒😒قالت لي ماما انتي زعلان😳😳 قلت ليها لا بث زهجانه ما اكتر😪😪 قالت لي ماما انت و بابا عملتو شكله؟؟!😞😞 قلت ليها لالا هه ما اتشاكلنا بث انا ساهرت علشان كدا 😊😊 قالت لي ماما انت عيان قلت ليها ريتا انا كويسه حبيبتي 😊😊قالت لي ماما طيب مالك عيونك واقع😔😔 قلت ليها من السهر بث ما اكتر 😅😅 قالت لي ارح نشرب الشاي بي ورا خلاص 😅😅 قلت ليها وين بي ورا ؟؟! قالت لي انتي ما شفتي الحوش بي ورا بابا ما وراك 😳😳 قلت لالا و الله ما حصل مشيت بي هناك في شنو بهناك 😕😕قالت لي طيب تعال ماما و جرتي من يدي مشينا بالممر بتاع غرفه فهد اخر الممر في باب مقبل براهو فتحتو واااو بالجد وااو مبالغه ياخ فظيييييع والله حاجه كدا من الخيال😻😻عباره عن حوش كدا لا كبير و لا صغير مفروش نجيله كولو وفي الاركان ورد طبيعي احمر مرصوص شكل قلب😻😻 و سفره اكل صغيرونه كدا من تلاته كراس مدوره لونها بيضاء و طوتحانيه شكل سرير حتي فيها مخدتين و مفرش لونها بيضاء😻😻 ياخ بسيط وحلوو شديد😻😻 قلت ليها مباااالغه ياخ😻😻 قالت لي بابا بجي بقعد هنا طوالي بابا بهب المكان دا 😅😅 قلت ليها بالجد المكان بتحبه ياخ😻😻 قعدنا نشرب الشاي هناك و مستمتعه بالمنظر لي درجه قلبي قال لي تاني اقعدي هنا اربعه وعشرين ساعه طبعا كدا يادوب وقع لي امس فهد كان وين وكيف وصل غرفتو من غير ما زول يشوفو و طلع بث ما عرفت هو عمل كدا ليه مع انو كان عادي ممكن يدخل بالباب الرائسي😕😕بث ما ركزت كتير شويه كدا اتزكرت انو عندي شغل في الامانه الجابها لي ضياء 😉😉كلكم مركزين مع كلمه الامانه دي ههه ما تخافو لا مخدرات ولا كمان اسلحه كل الموضوع انو انا طلب منو يجيب لي اللاب بتاعو اولا ك حجه علشان يجيني في شارع النيل و تاني شي علشان عايزه افتح الايميل حقي عندي لكشرات و شيتات رسلتهم ل اساور اقراهم ك تمهيد للسنه الجايه و ما عايزه امشي البيت اجيب لابتوبي لانو ناس امي كانو ح يمسكوني و سالوني من فهد وما ادراك😪😪 ف قلت انزلهو في الفلاش ك مبداء اول و بعدين بتصرف في كيف اقراهم دي مشيت غرفتي شلت اللاب و الجوال ومشيت قعدت في الطوتحانيه علشان اشتغل بي مزاج لقيت الاهبل دا نسي يديني الباسويرد حيوان خلاص😪😪قمت اتصلت عليهو ما رده قلت خلاص اخليهو مشيت جوه وقعدت احضر كدا بعد داك الساعه 1 جاتي رنو بي جبنتها و بخورها و زلابيتها عامله جبنه زي الجبنه😻😻قعدنا و شربناها و اتونسنا كدااااا طبعا رنو دي عثل لمن بهناك اليوم كلو تضحك فيني اقسم بالله راحه نفسيه عديل كدا بتفرق لي ياخ😍😍بعد شربت معاي الجبه لمحت حاجه لامعه تحت الكرسي طلعتو لقتو حجل قالت لي بيان هاك😊😊قلت ليها دا شنو دا😕😕 قالت لي يعني دا ما حقك😕😕 قلت ليها اااا دا شكلو حق هاجر بكون وقع منها امس😅😅قالت لي هاجر امس جاتك؟؟! 😳😳قلت ليها اي جات و قعدت معاي طوييل والله و ونستني ياخ😅😅قلت لي شوفي يا بيان انا ما عايزه اقول كلام اتحاسب عليهو و عارفه انا الدخلتها بيتك او بالاصح هي اصرت تجي معاي بث البت دي ما ياها علشان كدا ابعدي منها 😪😪قلت ليها كيف يعني انتي شفتي منها شي 😳😳 قالت لي بري والله ما شفت شي بث نفسيا كدا نهائي ما قاعده ارتاح ليها 😪😪قلت ليها بالعكس والله انا زاتي اول مره الاقيها حسيتها كيف كيف بث طلعت ظريفه شديد ياخ 😻😻قلت لي بيان انتي بت طيبانه وانا قلت العندي و طلعت زمتي منك وانتي و راسك و نظرتك للحياه بث انا شفتك انتي واحده ماشاء الله ادب و اخلاق و محترمه في كلو ف هاجر دي لا بتليق بيك ولا بتليق بي 😊😊 قلت ليها والله انا يا رونق محترمه نصيحتك بث رجاءا اذا في مشاكل بيناتكم شخصيه ماف داعي تدخلو غيركم فيها 😕😕قالت لي ح بجي يوم و تفهمي انا كنت بقول ليك كدا ليه بالمناسبه حنتك ليه ما طبقتيها 😐😐قلت ليها ما فضيت ليها والله😅😅 قالت لي رايك شنو انا اصلا كنت دايره ادخن الليله ادخنك معاي وبكره اضرب للحنانه تجي تشخبت لينا😂😂 قلت ليها بري هه مالي و مالو هسي ما دايره 😪😪قالت لي انتي عويره راجلك دا عايزه تقعدي ليهو في البيت زي صحبو مثلا يا بت الراجل دا ماف شي بجيب ليهو راسو غير الجيهه و المحركه😉😉 قلت ليها تحت تحت هو شن الراجل البتجيهو ليهو😪😪قالت لي قلتي شنو😳😳 قلت ليها خلاص تمام بث ما هسي الليله عندي خردميه شغله في راسي😅😅 قالت لي ظريف وقت ما تحبي حفرتي جاهزه😉😉 قلت ليها تسلمي لي ياخ المهم طلعت مني كدا اتلاقينا مع فهد في الباب اول ما شافنا كشر وشو سلام زاتو ما سلم دخل طويل و خلانه واقفين ودعتها و رجعت جوه اتلاقينا في باب المطبخ مشي يمين وانا من دون ما احس مشيت معاهو يمين و جا شمال و انا من الربكه مشيت معاهو شمال 😹😹دفرني لمن وقعت ومشي حيوان حيونه ياخ الكلب بستعدل و هو زي ما هو اووووف ياخ😤😤 دخلت المطبخ و انا ممغوصه منو شديد جيت طالعه لاقيتو مارق جدع لي الدفتر بتاعي في الطربيزه وقال لي في واحد امس جا وقال انتي نسيتي الدفتر دا في عربيتو😑😑 قلت ليهو ايوااا دا صحبي من الجامعه كان عندي قرض عايزه اشيلو منو وشكلي نشيت الدفتر عندو😅😅 قال لي بث ما طلبت منك تبرير لانو ما بهمني هو منو ولا بالنسبه ليك شنو انا حزرتك قبل كدا ما عايز اولاد يجو بيتي 😠😠 قلت ليهو هو بث واصل..... قال لي ولا كلمه كلامي واضح لو عايزه انتي امشي ليهو كن في بيتو ولا كن في شقتو انتي حره بث ما تجيبيهو بيتي فاهمه😡😡 طاخ لصقت ليهو كف قلت ليهو اذا انت تافه و بتاع بيوت احب اقول ليك انو انا محترمه وما بتاعه بيوت وابوي رباني والكلام دا تقولو لي اختك او بنات اهلك ما تجي تقولو لي انا فاهم ولا ما فاهم 😡😡و مشيت خليتوو مسح وشو وطلع وانا الكلام حرقني شديد وحسيت بي اني متضايقه ياخ ونفسي كاتم مشيت قعدت في الحوش ال بي ورا رقدت في الطوتحانيه و بقت بتلولح بيها لمن غمدت شويه بث احس ليك بي كتله كبيره كدا زي التقول صخره كبيره جات ليك لب في بطني😲😲صحت مخلوعه لقيتها دي كوره جايه من بيت ناس رونق😪😪 قلت يا ربي رنو بكون عندها اولاد وانا ما عارفه لانو ما جابت لي سيرتهم المهم بشوف براي جريت لي كرسي و طلعت فيهو لقيت حوشهم الورا شويه اضيق لانو عاملين في الركن غرفه زي مخذن كدا عينت يمين وشمال ما شيفه ولا قرد اممم جيت دايره تنزل لمحت لي ضل زول مدسي ورا الحيطه قمت قلت لي نفسي بي صوت عالي شكلو انتي بتتوهمي يا بيان لانو الكوره دي كيف جات من هنا اذا ماف زول اصلا هنا علشان يلعب بيها احسن شي اخليها معاي😊😊 بث اصمع ليك صوت شافع بقول لا و شايفه طرف عينو و هو بتاوق بالحيطه 😂😂قلت ليهو تعال طيب عشان اديك ليها 😹😹 هزا لي راسو بي معني لا 😿💔 قلت ليهو ما تخاف تعال بديك حلاوه😻😻 تعال قال لي هئه 😂😂قلت ليهو يا ود تعال ما بدقك تعال ما تخاف😂😂 جاني وهو خايف برجف و كل شويه بتلفت بشوف الزقاق الكان قاعد فيهو وااي لو شفتوهو كلبوظي كيف بكون عمرو اربعه او خمسه سنوات لاكن جضوم و لابس ليهو ردا كوره اسود و قميص ابيض و الكداره عثل ياخ 😍😍 قلت ليهو اسمك منو يا حلو 😻😻قال لي اسميييييي😕😕 قلت ليهو متخاف قول ساي بث اسمع ليك رنو بتنادي لدن ويزن وين انتو مازن وين انت تعالو عملت ليكم المعكرونه اولاد تعالو بطلو هبل سليتو لي روحي دا وقت تدسو مني فيهو يا بجااام احي انا😪😪 جات بالزقاق و وقفت هناك قالت ليهو يزن بتعمل في شنو هنا وشالت ليها بت كدا لابسه فستاني بيجي و مسرحه كعكتين عمرها بجي حوالي السنتين كدا قلت ليها رونق؟؟! 😳😳 قالت لي بيان الموشعبطكك في الحيطه شنو يا بت امي😂😂 قالت ليها ديل اولادك يا كلبه عندك شفع وما جبتيهم لي اشوفهم ما عرفاني بحب الشفع قدر شنو😿💔 قالت لي بري والله شفعي ديل غلبه علشان كدا بث والله😂😂😂و جات علي و وراها جو قريب العشره شافع😂😂 قلت ليها وب علي ديل كلهم 😱😱قاالت لي شيفانه جداده هنا افقس كل سنه ولا شنو😂😂ديل اصحاب مازن و هنديل اولادي دا مازن البكر و دا يزن و مزن اخر العنقود 😍😍قلت ليها عثل ياخ و كمان عندك تؤام وما وريتيني يخسي عليك ياخ 😿💔 قالت لي والله العظيم يقعدو معاك ساعه يطلعو زيتك😂😂 قلت ليها ما مشكله ياخ هو انا لاقيه😹😹 قالت لي انتي المطلعك فوق شنويا مرا هسي كن وقعتي😂 😂 قلت ليها و الله رمو الكوره بالغط و لمن طلعت ارجعها لقيتهم مدسين ورا الحيطه 😹😹قالت لي هم بخافو من فهد علشان كدا😂😂 قلت ليها بلاي كومار اب شلخه دا انا زاتي بخاف منو خلي الشفع😹😹 رونق اتشرطت ضحك قالت لي كومار اب شنو😂😂 قلت ليها اب شلخه😹😹 قالت لي اسم لاكن شكلتك لي الله في ود الناس😂😂قلت ليها عليك الله ما جاي معاهو وكمان بي الشلخه الفي طرف حاجبو دي 😹😹قالت لي فظيعه انتي ياخ😂😂 قلت ليها رسليهم لي بالباب العبهم معاي و مزن دي جيبيها لي بي هنا ح اقرمها ليك طبعا😍😍 قالت لي تكوني ما قصرتي ياخ عندي خمسميه شغله في البيت ما قادره اخلصها بسببهم ازازي فيهم اليوم كلو😂😂 قلت ليها ظريف مازن قعد يبكي بقول لي امو ما ماش انا ما ماش 😭😭قلت ليهو واااي علي يا مازن دا كلو خووف😹😹 والله عمو فهد ماف في انا بث تعال ياخ كمان ح اقيف ليك في الباب علشان ماف زول يشاكلك بث ما تبكي المهم بعد تحانيث حتي جو قلت بدل الحوش الورا احسن نلعب في القدام لانو اوسع مسكت ريتا مزن وتلعبها ويزن حلف الا يلعب معانا😂😂 مشيت لبست لي اسبوت اسود و بجامه رياضيه لونها اسود بي ليموني و جيت بقيت بلعب معاهم ونتونس و اديتهم شكلاته ياخ حلوين حلا يلا قاعدين نلعب وطبعا يزن يعجبكم ما بقدر يشوت الكوره نص اللعبه شيلها و هي اكبر منو ويقعد يدردق بيها عثل اقيم بالله عثل😂😂 المهم اتحمثنا شديد و بنلعب كدا مازن باص لي الكوره وانا بكل الندفاع طيرتها ليك بي اتجاه الباب و انت يا فهد تعال داخل و طاخ اخبطيهو في بطنو😱😱في كثر من الثانيه لقيت روحي واقفه براي في الحوش حتي الحبشيه لقيتها شالت لدن وعملت انسحاب خلوني براي والله بقيت صغيرووونه قدر السمسميه محل اقبل ما عرفت لا قدرت امش ولا اقيف ولا اجر والله الاعملو حيرني اقسم بالله غلبني وكتر عليا ما ساهل ما شويه😹😹👏👏👏 ...... اخليكم تتمو الربه دي براكم و اقول ليكم نقيف هنا و نشوف الباقي في البارت الجاي ان شاء الله 😉😉
استمخوووو.....😎😎
