طبعا انا النوع الملان من النص علشان كدا الاسكرت بجي فيني خطير لمن بهناك😻😻 فلبست لي اسكرت قصير اسود و قميص من قدام قصير من ورا طويل لونو بيجي مشجر بي حلاوي و كحلي و وردي و لبست لي طرحه حلاوي و شبط ظابط كدا مبطن حلو شديد بالحلاوي😻😻 و برمت ليك شعري القدامي و الطرحه لفيتها من نص الراس و اكسيسور راقي و ناعم كدا و مك اب حلو و بسيط روج بمبي زي لون شفايفي و لينر رفيعه و الحواجب مليتهم بث ما خطتهم يعني مك اب مايل للطبيعه اكتر و اتعطرت ونزلت تحت لقيتهم منتظرني كلهم 😂😂 ابوي قال لي دايما طالعه متاخره😤😤 قلت ليهو لبسي يا ابوي اعمل شنو😅😅 قال لي اطلعي هسي بطلي كلام كتير😪😪 المهم طلعنا مشينا بيت ناس عمو النصري عندو فله في المجهدين طبعا عاملين كرامه كبيره التقول عرس 😻😻روجي من العربيه اتلصقت في الشباك تكشف للمزز😹😹 و انا اصلا اول ما اركب العربيه بركب سمعتي و بنفصل عن العالم الخارجي تماما المهم رتاج نكزتني قالت لي وصلنا ارح😻😻 قفلت الاغاني و نزلت طبعا الناس ديل سمحين سماحه انا و رتاج بقينا نعاين عشره عشره😹😹 الجلاليب دي تسو كدي 👋👌جا واحد كدا سلم علي ابوي بالاحضان وبعد داك سلم علينا ابوي قال لينا دا عمكم قتيبه اخو عمكم النصري الكبير 😅😅قال لي ابوي ما اظن بتزكروني كدي وينا بيان الخليتها كتكوته 😂😂قلت ليهو انا😅😅 قال لي اوو ما شاء الله تبارك الله كبرتي يا بتي وبقيتي عروس عديل كدا 😂😂 قلت ليهو الله ما ضراك😅😅قال لي هسي بتتزكرني😏😏 قلت ليهو والله😅😅... قال لي اهااا ما بتتزكريني ياخ انا لمن كنت بجيكم كنتي كتكوته حلاتك انا الكبير هسي نسيتك 😂😂 بصير قال ليهو هسي البقل دي شبه كتاكيت 😹😹عمو قال ليهو وانت منو 😂😂ابوي قال ليهو دا ولدي 😅😅عمو قال ليهو ما شاء الله بقي راجل و ضعف زمان كان مدردم كدا ما بتفهم ملامحو ما شاء الله بث الظهار جبدتو اللبنانيه لاكن كويس انت جبدت لينا البت 😂😂 ابوي قال ليهو والله كلهم طلعو مني لاكن انت جهز لينا العريس 😂😂 عمو قال لي ابوي وانا هندا قدامك عان الجلابيه والشال وعمه دي كيف و الساعه عليك الله يا جوري ما عريس لقطه 😂😂 ماما قالت ليهو ماف كلام ابوي قال ليهو يا زول نحن عهدنا فات مالك ومال شبابا الجيل 😂😂 عمو قال ليهو كدي هسي اتفضلو و بعدين نناقش الموضوع دا براحه و نادا لي ولد اسمو رياض😻😻 جا يعني بكون في عمري او اكبر شويه سلم علينا و عمو قال لينا دا ولدي الصغير سلمنا عليهو 😊😊 عمو قال ليهو دخل الحريم ديل جوه بالباب التاني وناس ابوي مشو قعدو في الصيوان و نحن مشينا مع رياض حلاتو كدا حلبي طويل و شعرو انعم من تياب امي الحرير😻😻 (عارفه امي لبنانيه بث خلاص اسودنت و بقت تلبس تياب عادي😂😂) وصلنا جوه البيت و النسوان ديل يشيلو ويسلمو وامي تسلم و نحن نسلم لمن جاني التواء في الحنك من كتره السلام😂😂 المهم قعدنا في هول كدا شويه كدا جاتنا مره كدا كبيره بث محافظه و كدا جات سلمت علينا امي قالت لي دي مره عمك النصري تيجان قعدت معانا و ونستنا يلا انا اعندي حساسيه من العطور القويه فتعمل لي انسداد في الرئه النفس ببقي لي صعب والنسوان ديل الخمر ما تديك الدرب😪😪و انا خلاص اتضايقت وجابو الغدا قلت بعد اتغدا امش اخد بخاخي و اجي اقعد لانو خلاص نفسي😭😭المهم ما قدرت اكل زي الناس و قمت النسوان قالو لي ليه قايمه اقعدي قلت ليهم خلاص شبعت والله الحمد لله قالو لي انتي ما اكلتي حاجه لاكن قلت ليهم الحمد لله 😊😊 ومشيت سالت لي بت من الحمام وصلتني لاكن طلع فيهو زول 😪😪قلت ليها لو في مغسله برا او كدا افضل😊😊 اصلا انا دايره اغسل يدي بث ما اكتر 😊😊قالت لي اي في واحده جمب صالون الرجال ارح اوديك😅😅 قلت ليها كويس وصلتي وهي مشت شكلو نادوها او كدا المهم غسلته يديني و اخدت بخاخي حته شويه كدا ارتحت 😌😌قلبي قال لي ما ترجعي جوه تاني😹😹 بث لمحت لي باب فاتح علي حديقه كدا واااي انا فظيعه عديل😻😻 فيها مرجيحه كدا كبيره و سمحه ونجيله قلت امش اقعد هناك حبه😻😻 جو هادي وماف ناس دايره ادخل سامعه لي صوت شافعه بتبكي😿💔 بقيت بفتش بعيوني لقيتها قاعده ورا الباب واااي انا من حلاتها كلبوظه جضوم حمر كدا و عيون و اليدين ملانات تراب و طين و الخشم حلاتو صغنوني 😻😻 وملات نجيله و طين شكلها حشت الحديقه حش 😹😹 اول ما شافتني سكتت طوالي😻😻 شلتها ومشيت قدت بيها في المرجيحه و بقيت بنفض فيها من التراب وهي تضحك و تجبد في شعري عثل والله فرتقت لي برمه شعري الكتكوته دي 😻😻و عولقتني عولاق😹😹 بعد نضفتها يقيت بلعب معاها و هي تضحك😹😻قلبي قال لي شيليها معاك البيت😹😹 فجاءه سمعت صوت زول بقول لي وحده معاهو كيف يعني ما عارفه مكانها وانتي اصلا كيف تخليها براها😡😡 قالت ليهو والله ما كنت قايلاها ح تتحرك😢😢 قال ليها هسي شافعه سنه ما تمتها كيف يعني ما قايلاها ح تتحرك انا لمن مسكتك ليها كنت قايلك واحده مسؤله وانتي عارفاني ما بعرف للشفع بث ما كنت متوقع انك بالسبهلاليه دي😤😤 قالت ليهو والله ما كنت متوقعه يحصل كدا و انا كنت متابعاها بث جوالي رنه ومشيت اتكلم وما عارفه تاني حصل شنو😭😭 قال ليها مكالمتك اهم من ريناد يعني 😡😡طبعا الاصوات علت وانا جاني فضول اعرف في شنو برا شلت بتي اقصد الكتكوته دي و مشيت طلعت بالباب الجيت منو😂😂الود كان مديني ضهرو و البت كانت قصادي اول ما شافتني طوالي جات علي وقالت لي انتي منو سمح ليك تشيلي شافعه ما بتخصك😤😤 وطاخ دايره تلصق لي كف بث مسكتها وقلت ليها اي ما بتخصني بث انا ما زيك عندي قلب مستحيل القي طفله بتبكي حتي ولو ما بعرفها و اتجاهلها وبعدين منو السمح ليك اصلا تفكري ترفعي يدك علي 😒😒 نفضت لي يدي و جات قلعت الشافعه مني لمن البت بكت زي التقول انا كنت خطفاها 😪😪قلت ليها براحه عليها ح تازيها هي 😊😊قالت لي وانتي منو علشان تجي توريني اتعامل كيف مع بت اختي 😑😑قلت ليها دي الحاله هي بت اختك يعني لو بت زول غريب كنتي كتلتيها 😊😊 قالت لي هوي يا انتي احترمي نفسك علشان ما اوريك انتي منو يا مخولقه يا معولقه يا ....تييييييت...... 😤😤اانا اتخلعت من اخر كلمه معقوله دي الفاظ دي 😳😳بث طاخ جاها كف من الود الكان معاها وشال منها البت وقال ليها البيت دا بيت محترم يا تحترمي نفسك ولا تطلعي بي كرامتك فاهمه ولا ما فاهمه ومشي خلاها 😡😡قالت ليهو بتضربني انا علشان التافهه دي😱😱 قلت ليها الانتي بتقولي عليها تافهه محترمه نفسها اكتر منك وبالمناسبه ما عجبني ليك بشتنتي نفسك قدام خلق الله 😊😊قالت لي انتي قايله نفسك شنو ولا علشان الكف دا خلاص عايزه تشوفي نفسك يا حقيره يا ما مؤدبه😤😤ما كلفته نفسي اعاين ليها طوالي قمت ماشه مسكتني من يدي وقالت لي لمن الاسياد تتكلم الخدم يقف يسمع يا خادمه😤😤 قلت ليها انا اكبر من اني ارد ليك و اسكيري ما بسمح لي انزل لي مستواك فشنو ح اتجاوزك ولويت ليها يده وقلت ليها المره الجايه اعملي حسابك ممكن تتكسر يدك دي فاهمه ؟؟! 😊😊ودفرتها و مشيت علي اتجاه الهول الناس امي كانو قاعدين فيهو وانا بشتم فيها بث لمت الود الكفت البت ديك ومعاهو الشافعه حلوين كيف وهو بلعب فيها و هي بتلعب ليهو بي طاقيتو و بتقول ليهو بااا با😂😂 وهو بقول لها قلبو انتي😻😻 قلت لي نفسي معقوله تمون بتو لانو شاب وما بتشاف متزوج وكده😅😅 لاكن حلوين علي بعض وهو قرضه شديد 😻😻المهم ظبط شعري و نفضت لبستي ومشيت لي ناس امي 😪😪 اريج قالت لي انتي وين يا بت من قبيل 😑😑 قالت ليها بحكي ليك بعدين بث ليه 😅😅قالت لي فاتك ما شفتي اولاد النصري عاملين كيف وااي يا بيان نجف بث 😻😻 قلت ليها احلفي احيي فاتني 😿💔 قالت لي اقسم بالله جنس شي وووب علي ووب علي ياخ لمن دخلو الصاله دي كلها صنت بالعجايز بقو متلشين فيهم ياخ سمحيين سماحه كدا استغفر الله العظيم قربت اقول ليهو بث خلوني اصور معاكم صوره واحده اقشر بيها 😻😻قلت ليها اي اقعدي لي للزي دا😹😹المهم بعد خلصنا قعدتنا طلعنا لاقينا عمو النصري و معاهو عمو فؤاد بره سلمنا عليهم و طلعنا و صلنا البيت منتهين عديل كدا انا غيتو صليت صلواتي و نومت طوالي تاني يوم كان عادي اغلب اليوم كنت شغاله بقرا و بجهز لانو يوم الاحد عندي كيلب لغه فرنسيه 😿😿 المهم جهزت ليهو و كويس اما لبسي اصلا بقرا في الرباط و لبسنا موحد😻😻مرتاحه من ناحيه بكره ح البس شنو ولا اطقم شنو بث دايره انوم كدا سيف اتصل علي 😪😪قلت ليه الو قال لي زولتي😻😻قلت ليهو يا هلا والله 😹😹قال لي اقسم بالله مشتاقين عديل كدا 😻😻قلت ليهو كميااات عديل كدا😻😻 اخبارك شنو يا فرده 😉😉قال لي فل الفل والله وانتي كيف صحتك😊😊 قلت ليهو والله نعسانه وجيت فطعت لي نومتي يعني كيف ح تكون😪😪 قال لي اصلو لا جداده انتي بتنومي هسي 😂😂 قلت ليهو اي جداده انتي مالك😑😑قال لي احسن شي عملتو زاتو تونسيني شويه 😂😂قلت ليهو عان دا كمان يا زول زمان علشان بت جيرانكم بعيد لي بعيد عامل لي فيها الزول الراقي و العندو زوق و الكلامو بسيط هسي علشان بقينا فرد خلاص داير تتجنن فيني 😹😹 قال لي لازم لازم و بعدين زمان علشان كنتي مكسره فيني وكدا كنت لازم اكون قدامك الود التقيل لاكن هسي بقينا اخوان يعني ماف داعي للتقله😊😊 وااي انا كلمه اخوان دي حشت قلبي زي الخضره😭😭 قلت ليهو سيف😒😒 قال لي عيونو انتي😻😻 قلت ليهو اقطع وشك دا 😑😑 قال لي ليه مالك هسي ما كنا حلوين🐱🐱قلت ليهو لا حلوين ولا بطيخ انا نعسانه وعايزه انوم😴😴 قال لي يعني ما زعلتي علشان قلت ليك اخوان😉😉 قلت ليهو لا بالعكس و شنو البزعلني😏😏 قال لي ما عارف لانك ما واضحه معاي كدا😅😅 قلت ليهو سيف اقسم بالله نعسانه😴😴 قال لي خلاص تمام نتلاقي بكره😒😒 قلت ليهو اضرب لي ابدر من كدا علشان اقدر اتونس معاك😪😪 قال لي لا يا بهم قصدي اني جاي عليك بكره كن في الجامعه ولا غيرو😉😊 قلت ليهو انت جنيت كيف يعني😱😱 قال لي عدييل كدا 😛😛..... نقيف هنا و نشوف اخر سيف المجنون دا في البارت الجاي ان شاء الله 😊😊
استمخووو....😎😎
