وصلني شارع الستين نزلت في كافي كنت متفقه الاقي المحامي بتاع الشركه عندي معاهو كم موضوع كدا😪😪و بعد داك مشيت محل اجهزه اشتريت لي سماعه لانو سماعتي فصلت و اشتريت لي فلاش و طلعت لمحت لي مكتبه دخلتها لقيت فيها حاجات حلوووه و دفاتر مبالغه😻😻 اشتريت لي منها دفتر و قلم ومشيت ركبت العربيه وصلني شارع النيل حاسبت و نزلت ومشيت قعدت تحت شجره كدا ضلها حلو و نسمه البحر السممممحه ديك 💗🍃طلبت لي قهوه و ركبت سماعتي و شغلت اغاني و بقيت بكتب في خواطر 😍😍 وفجأه سرحت واتزكرت ضحكه فهد و لقت في بالي خاطره و بقيت بكتب فيها بتقول 😻💔
#وضحك ضحكه عمر😻✨كل ثانيه في الوجدان تمر 🙈🍃
#فهدي 🌚💔
بعد خلصت عاينت ليها وقعدت اضحك قلت لي روحي حلات فاتحه نفسك وكاتبه فهدك وهو ولا جايب ليك خبر محن يا بيان محن 😹😹 شويه كدا مزن اتصلت علي قالت لي وين انتي وصفت ليها جات سلمت علي و قعدت قلت ليها شوفي يا مزن انت غلطانه و غلطك كبير بث كمان الفراق ما حل😪😪 قالت لي والله يا بيان انا عارفه انو انا غلطه بث زنبي شنو اذا ما بتحمل واحده غيري تعاين ليهو زنبي شنو اذا بغير 😭😭 قلت ليها اي كلنا بنغير بث كمان الغيره ليها حدود وبعدين يا مزن انتي خالطه الغيره بي عدم الثقه انتي لازم تفرزي بينهم😪😪 انك تغيري عادي ممكن تغيري من صحبتك اذا ضحك ليها او اتونس معاها بث في نفس الوقت بتكوني متصارحه مع نفسك و واثقه كل الثقه انو لو ضحك لي خلق الله ديل كلهم في قلبو غيرك مافي زول لاكن انتي يا مزن حتي و لو كشر لي وحده بتقولي عجبتو انتي ما عندك ثقه فيهو لي درجه اقل كلام طاير بتصدقيهو ياخ حتي ولو الكلام الاتقال عنو صح انتي استبعدي و سكتي الزول البتكلم دا و عرفيهو مكانو بعد داك امشي صفي حسابك مع زولك براحه و بعد تتاكدي لاكن ما تبقي سميعه كدا و الناس تسيرك في حياتك 😪😪 قالت لي هو الخلاني اشك فيهو وما داير يديني فرصه افهمو هو ما بصارحني بي اي شي يعني مثلا لو حكي لي عن بت اهلو كنت مشيت معاهو و ساعدتهم في حل المشكله لاكن ما ممكن يقول لي انا خلاص ماشي البيت و اودعو و امش مع صحباتي المطعم القي البت واقعه في حضنو و بتبكي وهو بطبطب عليها اكيد ما ح يكون عندي عقل بعديها علشان افكر 😪😪 قلت ليها اي هو غلط بث اذا هو فعلا كان راجع البيت و في الطريق اتصلت عليهو قريبتو وهي بتبكي اكيد ما ح يرجع يستاذن منك صح ولا ما صح و هسي انتي اخوك او ودعمك او اي زول قريب ليك في الاسره ان شاء الله معرس زاتو لو اتصلت ليهو قريبتو بتبكي اكيد ما ح يرجع يشاور مرتو صح ولا ما صح انتي لازم تكوني متفهمه حتي ولو في حاجات بتغيظك اكليها في حنانك ماهو العلاقات دي تنازلات هو بتنازل شويه و انتي بتتنازلي شويه علشان تقدرو تكملو بعض لازم تختو يديكم في بعض لانو اليد الواحده ما بتصفق 😪😪 و... قبل اتم كلامي جوالي رنه رديت قلت ليهو ايوه وصلت طيب تعال لي و وصفت ليهو مكانا و قفلت الخط قالت لي دا منو الجاي دا يا بيان قلت ليها اصبري و بتشوفي بث شويه كدا اشوف ليك ضياء جاي لابس ليهو اسبورت اسود و جنز كحلي و قميص كبدي وهو اصفراني كدا و داك يا الدقن و الشعر و الفريم قرض كيف لو ما حبيبتو قدامي اقسم بالله كان رقدت عديييل كدا 😻😻و طبعا مزن مدياهو ضهرها و هو ما ركز جا سلم علي وين يا فرده طبعا مزن من سمعت الصوت خلاص اتجمدت مكانها وقفت سلمت عليهو قلت ليهو دا شنو التاخير دا و كمان لمن رجعت البيت و قشرت وجيت😹😹قال لي دقيقه انتي العرس ولا العريس البقاك سمحه كدا يا زوله بقيتي ماشاء الله ياخ قاطعه عديييل يحليل الرباط ما شافت الانا شيفو هسي😍😍 قلت ليهو يا بكاااش كدي هسي تعال اقعد معاي هنا ياخ 😹😹 قال لي لالا انا مستعجل الامانه في العربيه تحبي اجيبها ليك هنا و تطلعي معاي و ديك ليها 😅😅قلت ليهو الامانه خليها هسي انا ديراك في موضوع اهم😂😂 قال لي يا بت ما بقدر اقعد معاك وانتي سمحه كدا بتجيبي لي الهوا😂😂قلت ليهو يا ود دايره اتفاهم معاك كدي اقعد😹😹قال لي موضوع شنو وبعدين دي منو المعاك دي انا ما سلمت عليها ومشي مدا ليها يدو اول ما رفعت ليهو راسها حصلت لحظه صمت كدا و طوالي ضياء رجع يدو و قام ماشي مسكتو قلت ليهو ضياء الموضوع دا لازم يتحلي هسي 😑😑 نفض لي يدي و قال لي انا الغلطان الصدقتك لانكم انتو يا بنات حواء كلكم حاجه واحده غير الغش و الخداع ما عندكم شي مستعدين تعملو اي شي علشان تخدو العايزنو 😤😤 قلت ليهو ضياء روق ماف شي بتحلي بالجوطه 😢😢قال لي ما ح اروق وانتي ما تتدخلي في حياتي ولا انا مكلفك بي اموري وانا لو داير اقعد معاها ما بغلبني الاقيها بث انا ما داير خلوني في حالي ياخ 😡😡قلت ليهو ما عندك اي صلاحيه تجوط فيني او ترفع صوتك و غلطانه انا البشيل هم الناس و الناس ما بتعبرني😠😠 قال لي هو في زول طلب منك 😤😤مزن قالت ليهو ضياء معليش ما تكورك في بت الناس بي سببي امش خلاص لحد هنا و كفايه😪😪ويحليلها دموعها في عيونها قال ليها ماف داعي تاخدي دور البت المسكينه وانا عارف كويس انك اتقربتي من بيان علشان تصلي للديراهو ولعبتي بي عقلها بث انا خلاص اكتفيت منك ومن خبثك 😤😤 قلت ليهو هوي هوووي دقيقه عاين لي هنا ما تقعد تالف قصص من راسك انا الحشرت نفسي في القصه دي وهي زاته ما كانت عارفه انك جااي علشان ما تغلط في بت الناس ساي😒😒 مسح وشو وفات خلانا مزن دي اتفقعت بكي لمن قلبي اتقطع ليها من جوووه قلت ليها ما تبكي دا اصلا خساره فيهو انتي حاباهو كيف 😪😪قالت لي بيان هو ما داير زاتو يرفع عينو يعاين لي بيان ضياء بقي بكرهني😭😭 قلت ليها مزن يا بت روقي ما تبكي و بعدين تفتكري هو جادي في كلامو والله ضياء بحبك من جواهو بث كمان زعلو عاميهو 😿💔 قالت لي خلاص يا بيان كل شي انتهي 😭😭 قلت ليها لا يا مزن كل شي ح يتحلي و زي ما وعدتك بث انتي اصبري وانا بحل كل شي 😪💔 في والوقت داك ضياء طلع وركب عربيتو وهو زهجان و زعلان قرفان من نفسو كيف يتعامل مع البت البحبها كدا بث مان ما قادر ينسي العملتو هي 😪😪ساق عربيتو سواقه جنونيه بعد عشره دقايق جوالو رنه رده من دون ما يشوف الاسم طبعا كنت انا المتصله عليهو 🙊🙊وقعدت اكورك ليهو في التلفون و شغاله اقول ليهو ضياء الحق مزن ضياء مزن بتموت 😭😭😭و ببكي و في جوطه كتيره و ناس بتتكلم وانا ببكي و الخط قطع في كسر من الثانيه اشوف ليك ضياء جاي جاري و بقول لي في شنو بيان مزن وينا الحصل عليها شنو 😱😱قلت ليهو مزن بتموت تعال ارفعها نوديها المستشفي قبل تموت ضياء مزن بتضيع من بين يدينا😭😭 قال لي ليه مالا هي الحصل معاها شنو😨😨 قلت ليهو وقعت فجاءه هسي ما دا المهم كدي خلينا نوديها اقرب مستشفي😭😭 شالها و ركبها في العربيه في الكرسي القدام و رقد ليها الكرسي و انا ركبت ورا و هو ركب جمب مزن و ساق قال لي الحصل عليها شنو و كيف وقعت😳😳 قلت ليهو بعد انت مشيت قعدت تبكي لمن نفسها كتم وفجاءه وقعت اتلفت😭😭 عاين ليها لقاها بتعاين ليهو بي طرف عيونها اول ما شافها غمضت عاين لي بالمرايه الود دا شويه كدا بقي سايق بي طريقه انا دي بقيت حاضنه الكرسي القدامي و مزن دي ما قادره تتحرك بث دموعها سايله😪😪و انا شغاله ليهو ضياء اقيف بالله ح تكتلنا ضياء اقيف ضيااء اخير يموت زول واحد بدل نموت نحن التلاته ضياااء النبي لا ضياء اقسم بالله روحي ح تطلع😭😭 بس دقه ليك بينا كومار مزن دي اتلصقت في الشباك وانا خلاص فقدت توازن و جاني هبوط في الضغط وارتفاع في السكري وقف العربيه وانا ساعه قاعده علي امل نحن لسه لافين 😹😹 قال لينا انزلو 😪😪 قلت ليهو وين نحن والله بقيت ما فارزه لا شارع ولا غيرو(اقسم بالله الزول الواحد انا بشوفهم سته ) 😹😹قال لي شيفني بليد هنا ولا اهبل علشان اصدق تمثيلتكم دي 😤😤 قلت ليهو ضياء 😿💔قال لي ولا كلمه و نزل من العربيه و قفل ليك الباب طااااخ لمن انا قلبي رجف😹😹قلت لي مزن خليك مكانك الموضوع دا انا كن ما صلحتو الا امشي اغير اسمي انتي بث خليك هنا و انا بتصرف يلا اتشهودته و نزلت😹😹وبقيت بتناقش معاهو و وريتو غلطو وهو كورك و انا كوركت و مزن كل ما تشرفنا انفعلنا تقعد تبكي 😹😹جوطناااا كدا لمن اقتنع انو يمش يقعد معاها و يتفاهم معاها و يصل معاها لحل يرضي الطرفين فعلا مشي ركب العربيه في كرسي السواق و هي كانت قاعده في الكرسي الجمبو بقو بتكلمو في البدابه جاط بث لمن انتبه ليها بتبكي هدء و بقي بتكلم معاها براحهر وبطبطب عليها طبعا انا ما كنت عارفه هم بقولو في شنو لانو كنت واقفه بره علشان اخليهم بي راحتهم و اراغبهم😹😹لحد ما لاحظت انو بقي بضحك فيها و بونس فيها و بمسح ليها في دموعها و شكلو الامور ظبطت قلت بااااااث دا الوقت المناسب اخرب ليهم فيهو اللحظه اي حاقده انتو مالكم😈😈 بث مشت جيت ناطه ليهم بالشباك وقلت ليهم قبضتكووووووم بتترمسنو😹😹 ضياء عاين لي بي نظره كدا فهمها دا وقتك😒😒 ولا اشتغلت بيهو ركبت ليك في العربيه وره و قلت ليهم اها صافيه لبن😉😉ضياء قال لي انتي حسابك معاي بعدين بعرف الم فيك في زقاق ضيق😏😏مزن قالت لي انا ح اعزمك يوم كامل علي حسابي بالجد يا بيان لولاك ما كنت عارفه ح اعمل شنو 😭😭قلت ليهم احم احم انا ما دايره شي غير انو توصلوني البيت هسي لانو الزمن اتاخر 😹😹ضياء قال لي اصبري بوصلك طياره مزن اربطي الحزام😈😈 قلت ليهو لا يا ضياء النبي لا والله انزل هسي😭😭 قال لي جبانه خلاص خليتك لاكن ليك يوم معاي 😂😂قلت ليهو حيوان 😒😒قال لي قلتي شنوو😏😏 قلت ليهو عثلي انت ياخ🙊🙊 مزن قالت لي بيااااان 😑😑ضياء قال ليها لمن ينبزوني بتنبسطي ولمن يدلعوني بتزعلي والله انتو يا حواء السودانيه دايرين إباده بث 😂😂قعدنا نضحك و نتونس لحد ما وصلني نصو اوصف ليهو ونصو اتونس معاهو وصلنا يعني قريب للمغرب كدا ضياء نزل وقال لي بيان قلت ليهو هممم😊😊 قال لي انا اسف لانو كوركت عليك و سمعتك كلام ما فيك وانا بالجد بالجد محظوظ انو عندي اخت و سند و صحبه زيك قدرت تعمل الما قدرو عليهو كميه من الناس 😊😊 ضربتو بوكس في كتفو و قلت ليهو انا موجوده هنا ليه مووش علشان احلحل مشاكل الناس طيب لمن المشكله تبقي حقت اخوي الفي نظري فرق من الناس اكيد ما ح اقصر 😅😅 قال لي شكرا ليك بالجد بالجد عارفه الفرحه الدخلتيها فيني الليله يمكن من ايام عرسك ما فرحتها 😊😊قلت ليهو عوير انت ولا شنو عليك الله طير كدا قبل ما اديك بالشبشب قال شقرا قال😹😹 قعد يضحك قال لي دايما خاربه اللحظه مرض دي يلا دي الامانه و خلي لي بالك منها كويس😉😉 قلت ليهو ظريف ما تخاف بختها ليك فوق راسي😹😹 قال لي يلا و مشي ركب العربيه مزن حضنتني و قالت لي بيان انا ما قادره اشكرك لانو الشكر زاتو قليل عليك 😭😭 قلت ليها العفو حبيبه انا ما سويت شي ياخ 😊😊قالت لي صح انا ما عندي اخوات بث بالجد الليله حسيت بي قيمه الاخت 😿💔قلت ليها وانا كمان اختك حبيبتي بث ما تنسي زي ما قلت ليك ما تدخلي طرف تالت في مشاكلم حلوها براكم حتي ولو عرستو خلي مشاكل بينك و بينو الطرف التالت حتي في الصحبه بخربها و كمان الثقه مهمه😊😊قلت لي الله يديمك لينا نعمه 😍😍قلت ليها تسلمي يا غاليه يلا هسي امشو علشان ما تتاخرو 😊😊قالت لي كويس هم مشو وانا جيت دايره ادخل البيت اتزكرت انو ما شلت نسخه مفتاح البيت من فهد بقيت بدق في الجرس و الحبشيه شكلها بعيده ولا وين ما عارفه بعد مسافه الباب فتح قلت ليها ريتا وين انتي الزمن دا كلو 😒😒 قالت لي قاعد بث في مرا جوه ما عايز اخلها براها😄😄قلت ليها مرا شنو😳😳 قلت لي بري ماما مرا بييييضه قلت جارتنا هنا😅😅قلت ليها طيب فهد وين😒😒 قالت لي بابا دا جا قبيل و طلع و تاني ما جا😪😪 قلت ليها امممم طيب تمام فهد سال مني😒😒 قالت لي لا بث انا قلت ليهو ماما مرق 😊😊قلت ليها اممم خلاص تمام جيت دخلت البيت الصاله فاضيه ما فيها ولا زول استغربت قلت ليها وينا االمرا ريتا قالت لي كنت قاعده هنا وكان في كبايه مويه وعصير في الطربيزه و شايفه لي توب خفيف كدا في الكرسي عاينت ليهو استغربت شويه اصمه لي صوت شي بكشكش جاي من وراي اتلفت علي اتجاه المطبخ اشوف ليك هاجر بي قميص البيت و بدون توب و حفيانه كمان شايله صحاانه فيها اكل طبعا اتخلعت من المنظر يعني البشوفها بقول دي ست البيت عدييل كدت😳😳 حنه لي نص الساق و القميص قصير طبعا و داك يا االحجل بب جرسو و الزمام حاجه جد تلبش 😳😳 قالت لي دي انتي بيان ههههههه انا افتكرتك فهد قلت ارص ليهو يحليلو من جا ما اكل شي لمن لقاك ماف طلع طوالي 😊😊 قلت ليها............نقيف هنا و نشوف البااقي في البارت الجاي ان شاء الله 😊😊
استمخوووو......😎😎
