عندما يعشق الفدائى

عندما يعشق الفدائى 36

36

اللَّهُمَّ إِنِّي أَعُوذُ بِكَ مِنَ الْعَجْزِ وَالْكَسَلِ، وَالْجُبْنِ وَالْبُخْلِ، وَالْهَرَمِ وَعَذَابِ الْقَبْرِ، اللَّهُمَّ آتِ نَفْسِي تَقْوَاهَا وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا، اللَّهُمَّ إنِِّي أَعُوذُ بِكَ مِنْ عِلْمٍ لَا يَنْفَعُ، وَمِنْ قَلْبٍ لَا يَخْشَعُ، وَمِنْ نَفْسٍ لَا تَشْبَعُ، وَمِنْ دَعْوَةٍ لَا يُسْتَجَابُ لَهَا
💗💗💗💗💙💙💙💚💚💚💚💚💚

كارما بفرحه : أخيرا يا صاصا حمد الله على السلامه ها تعدى عليا أخر النهار فى البيوتى سنتر
مصطفى : عيونى بس ما تتصدميش من الا ها تشوفيه....
كارما بقلق : مالك فيك حاجه
مصطفى : يعنى بعض الجروح السطحيه وبعياط مصطنع ..إهئ إهئ أتشلفطت يا كوكو
كارما : أتشلفط ازاى مش مهم أى حاجه انت كويس يعنى فى حاجه كبيره
مصطفى : لا الحمد لله انا تمام بس وشى مش تمام خالص لو شوفتينى ها تغيرى رأيك
كارما : أنت فين يا مصطفى
مصطفى : انا فى البيت كنت قاعد مع سالى وهنا ومعتز بشوف أخبارهم ايه ..... بس دا بعد صدمتها واستعابها للأمر 😂😂😂
كارما : تعاليلى فى المكتب انا ها أستناك عشان مش ها ينفع أسيب الشغل وانتى قلقتنى عليك
مصطفى : مش قصدى أقلقك بديكى خلفيه عشان ما تتصدميش 😂😂😂😂 وتقوليلى مش ها أتجوزك يا صاصا وتخلى بيا 
كارما : بطل هبل أنت لو فيك ايه مش ها ابطل أحبك وها أتجوزك فاهم
مصطفى : لا كدا بقى رباعيه وابقى عندك
***********
حسن : اول ما دخل البيت سمع صفيه وهى عماله تضحك جامد ..... صفصف وحشتينى وفاتح ايده
صفيه : قامت من الارض وسابت ريناد وزياد وجريت على حسن حضنته وبتبوس فى وشه قلب أمك وحشتنى
حسن : انتى وحشتينى أكتر بتضحكى على ايه صوتك جايب أخر العماره
صفيه : بضحك على العفاريت دول .... بيسحفو على بطنهم ويقربو على بعض ومش مبطلين ينتشو أى حاجه ابتدو من دلوقتى مالك يا حبيبى كدا
حسن : حاجه بسيطه يا امى الحمد لله
ريناد وزياد : اول ما شافو حسن بيضحكو جامد وبيقولو أغااااا أغااااا تيتا تيتا
حسن : قرب عليهم بفرحه وحضنهم .... وبيبوس فيهم ... مش قولتك تنشف ياد وتبطل أغاااا دى  وريناد بصاله جامد ومش بتعمل أى رد فعل .... لا انتى قويلى الا انتى عايزاه ... ايه البصه دى زعلانه يعنى
صفيه : 😂هما فاهمينك
حسن : انتو فاهمينى والا بكلم نفسى
ريناد وزياد بيبصلو وبيضحكو
حسن : أهوووو فاهمنى .. هى مريم مش هنا يا صفصف ...
صفيه : لا يا حبيبى فى الشغل وابوك نزل المعرض ....
حسن : اه طيب بابا نزل ليه لسا الساعه 11 وهو بينزل بعد ما يصلى الضهر
صفيه : فى ناس جايه تستلم حاجتها كانو حاجزنها وجايبين بقيت الفلوس وجاين
حسن : ربنا يوسع رزقه
صفيه : يارب ... ها تتصل على مريم عشان تيجى
حسن : لا انا ورايا مشوار ضرورى خليها لما ترجع براحتها
*************
حمزه : سوسو يا سوسو
ثريا : قلب سوسو وحشتنى يا حمزه وبتعيط وهى فى حضنه مال وشك يا حبيبى 
حمزه : مفيش حاجه كلها جروح سطحيه .....اول مره تعيطى لما ارجع مالك أسر زعلك والا جنا فيها حاجه
ثريا : كلنا بخير يا حبيبى حمدالله على السلامه
حمزه : قعد وهى لسا فى حضنه مالك طيب
ثريا : تعبت من القعده لوحدى واخده انكو حواليا
حمزه : هو أسر بيسيبك كتير
ثريا : يابنى ها اربطو جمبى وراه دروس ومذاكره ربنا يعينه
حمزه : طيب ما تزعليش يا حبيبتى .... ابقى اندمجى مع الجيران شويه
ثريا : أنت عارف ما بحبش يا حمزه كدا كل واحده وراها جوزها وعيالها ها اروح انا اتقل عليهم ليه
حمزه : ماما  انتى شاطره قوى فى شغل الديكور والحفلات وكنتى بتعملى لنا حفلات عيد ميلام تجنن  ما تجيبى كما واحده وعلميهم وأشتغلى الموضوع دا ها يفرق معاكى وها تستافدى بيه
ثريا : واجيب الا ها ادربهم دول منين
حمزه : انا ها انزل اعلان على النت .... والحاجات الا انتى عايزاها  ها انزل معاكى أجبهالك كلها ماشى يا سوسو وابدعى بقى
ثريا : تفتكر يا حمزه ها ينفع
حمزه : ها تبقى أجمد واحده يا سوسو صدقينى ونبتدى بالمعارف وننزل اعلانات على النت ايه رايك
ثريا بتفكير : هى أصلا بتعشق تنظيم الحفلات وديكوارتها ... ليه لا نجرب ... ها تعمل ايه وانت بالمنظر دا ها تحدد الفرح ازاى
حمزه : ان شاء الله على معاد الفرح ابقى تمام كله سطحى وها يخف بسرعه بالمضاد الحيوى الا معايا
ثريا : ان شاء الله يا حبيبى
***************
يزيد : أهلا يا بطل أتفضل حمزه كلمنى وقالى انه جاااى هو كمان....... ومصطفى بس ها يعدى على كارما
حسن : أهلا بسيتك كويس عشان يبقى مشوار واحد
يزيد : بس أنت ازاى يا حسن ها تعمل فرح دلوقتى
حسن : مريم ما فرحتش زى البنات واتنازلت عن حاجات كتير واولهم أكون جمبها فى الكوشه عايز افاجئها وتبقى مع أصحابها وتحس بفرحتهم ....
يزيد : فكره بردو البنت تستاهل كل خير وانت بردو
حسن : الف شكر لحضرتك  ايه الاخبار حجزت القاعه
يزيد : اتفقنا مع مدير الفندق بس ما حددناش معاد لسا استنينا ترجعو بالسلامه
حسن : تمام
حمزه : دخل بعد ما السكرتيره بلغت يزيد بوجوده وبعده مصطفى ..... وسلمو على يزيد واتحركو يروحو لأبراهيم والد ندى ......
ابراهيم : اتفضلو يا شباب فين أحمد يا يزيد
يزيد : ها يقابلنا فى القاعه أخر النهار
ابراهيم : تمام ... مالكو كدا طالعين من حرب
كلهم : 😂😂😂 حاجه زى كدا
ابراهيم : بس جروح سطحيه مفيش قلق منها ومش بتسيب أثر .... بس ها تحضرو الفرح كدا
حسن :  ها نعمل ايه
مصطفى : يعنى قدمنا حوالى 15 يوم تكون الامور بقت تمام
ابراهيم : قام جاب لهم من عينات الادويه الا عنده نوعين كريم .... خدو دول بيستخدمو فى جميع انواع الجروح وفى خلال أسبوع ها يبقى فى تحسن كبير قوى
كلهم : خدو الكريمات وشكروه جدا
مصطفى :  ايوا يا عم حماك خايف عليك وموجب معانا
ابراهيم : 😂 انا خايف على ندى اول ما تشوفه كدا ممكن يغمى عليها قبل ما تسئله ماله
حمزه : ايوا انا عندى نفس الخوف والله
يزيد : يا سيدى ربنا يخليهم لبعض لازم تاخد على كدا كل ما يرجعو فيهم حاجه شكل
حسن : 😂😂😂 دانتو فاقدين فينا الامل بقى
يزيد : انتو أملنا وضهرنا وحمايتنا الا ربنا قدرها لينا
ابراهيم : فعلا البلد ها يبقى وضعها ايه من غيركو ربنا يحميكوووو ....... واتفقو على كل حاجه تخص الفرح ومعاده ورتبو ان حسن يبقى  معاهم بس ها يبقى مفاجأه للجميع
************
مريم  : خلصت شغلها ورجعت البيت .... واول ما دخلت اوضتها لقت هدوم حسن ... طلعت جرى تسأل صفيه قالتلها انه رجع .... فرحت جدا وبتجهز له الاكل الا بيحبه وقالت تظبط نفسها عشان يرجع يلاقيها جميله فى عينه ....
********
مر اليوم واتجمعت الشباب مع ابراهيم  ويزيد وأحمد واتجهوووو للقاعه واتفقو مع مدير القاعه على المعاد المناسب ليهم  ........ والديكورات الا ممكن يغيرو فيها عشان ها يبقى 3 عرسان والقاعه لازم تبقى كبيره ......
وخلصو وغادرو المكان ..  وابراهيم أصر على حمزه يتغدى معاااه وبعد اصراره راح معاااه نفسه يشوف ندى ويطمن عليها ...
***********
ندى بتفتح الباب : وبشهقه كبيره ونسيت بابها تماما حمزه مالك وعينها رغرغت بالدموع
حمزه : مفيش يا ندوش ما تقلقيش
ابراهيم : حط ايده على كتفها مفيش حمدالله على السلامه يا بابى
ندى : انا أسفه يا بابى حمدالله على السلامه
مرفانا : خرجت تسلم عليهم لان ابراهيم بلغها فى التليفون
..... حمدالله على السلامه يا حمزه مالك يا حبيبى
حمزه : مفيش يا طنط والله انا كويس ....
ندى : مسكت حمزه من ايده ودخلتو جوا تحت نظارات ابراهيم ومرفانا الا بيضحكو على بنتهم وتصرفاتها الا بقت جريئه
ابراهيم : بعد معاناه مع نفسه ومحاولات كتير وشايف ندى وحمزه الا بيحبو وبيعيشو حياتهم من غير قيود المجتمع ..... حط ايده على كتف مرفانا وقربها منه جامد وباسها من راسها .... وبصوت هامس وحشتينى
مرفانا : بصدمه تجاوزتها بسرعه عشان هو ما يبطلش يعمل كدا واتجاوبت معاااه وحاوطته  بأيديها جامد أنت الا وحشتنى قوى يا هيما
ابراهيم : ضحك بصوته كله  هيما ماااشى بس بينا وبين بعض
ندى : طلعت جرى اول مره تسمع ضحكت بابها عاليه قوى كدا وراقبت والوضع من بعيد وفرحت جدا لانها بدأت تحس ان الوضع بينهم بدء يبقى فى تفاهم وحب ودا مغير حالتها النفسيه جدا ..... وحالة البيت عمتا ... ما بقاااش ممل ولا روتينى ... .  وراحت لحمزه بفرحه مسكت ايده ... بابى بقى بيحب مامى قوى يا حمزه ومش بيتكسف من دا وبيظهره
حمزه : 😂😂😂 شكلك كنتى كابسه على نفسهم يا ندوش
ندى : ضربته على ايده بهزار انا لا يمكن طبعاااا
حمزه : يا سيدى على الثقه ... ها تغدينى ايه ...
ندى : ماعندناش غدا
حمزه : لا كدا اروح لأمى
ندى : 😂😂😂 تروح لأمك ومسكته من خدوده أسماعيل ياسين يا ناااس ...ها تتغدى ما تقلقش مرفانا مروقانا قوى اليومين دول .... وعامله لينا مشاوى تجنن
حمزه : ايوا كدا ... بس انتى ايه نظامك ها نقضيها بعد الجواز فى المطاعم
ندى : شكلنا كدا يا حمزاوى ها نصرف الا قدمنا والا ورنا عل  الاكل الجاهز
حمزه : لا انا عايزك فى ال15 يوم دول تتشقلبى فى المطبخ فاهمه
ندى : بس كدا انا ها أعمل لحبيبى كل حاجه فى الدنيا ... صحيح ها يبقى فى تلبك معوووى كتير فى الاول بس بعد كدا ها تتعود
حمزه : هههه اتعود لا انا اروح لامى يا بنت الحلال واخدك معايا  ..... وبعد كلام كتير خرجو يتغدو ويقضو بقيت اليوم .... وندى اتفقت مع حمزه يروحو الشقه يتفرج عليها وفى الايام الجايه يفنشها معاها وينقلو هدومهم وينزلو يجيبو كام طقم جدادا للخروج مع بعض ......
****************
حسن : رجع البيت وسلم على والده ومريم الا وحشته جدا وفضل يحضن فيها وبيوسها قدامهم  ..... وقعدو مع بعض اتغدووو واتكلمو كتير  فى كل حاجه واى حاجه وعن الجرح الا فى راسه والا الجروح الا فى وشه واطمنو عليه واستأذن ودخل يريح شويه هو ومريم
مريم : وحشتنى قوى الف سلامه عليك
حسن : وهو رافعها لمستواه بأيده وبيبوس فى وشها وبهمس الله يسلم حبيبى ويحميه .... وبهمس أكتر وحشتينى يا مرمر  وجودك بقى فارق فى حياتى كل يوم بشوفك كانى لسا بعرفك 
مريم : مش أكتر منى ...  وجودك بخير بقى هو كل حياتى ....
حسن : شالها نيمها على السرير انتى بتحلوى ليه كدا كل ما أسيبك وارجعلك الاقيكى أحلى من الاول
مريم : لفت ايديها حوالين رقبته عشان عيون حبيبى أحلى عيون ... فا بيشوفنى حلوه ...
حسن : مره واحده نام على صدرها وحضنها جامد بأيده عارفه مشتقلك لدرجه انى عايز أفضل حاضنك وأسمع نبض قلبلك الا غيرنى وخلانى انسان تانى ... عملتى فيا ايه ... ايه المميز الا فيكى خلانى مجنون بقربك وبحبك كدا .....
مريم : وهى مبسوطه وطايره من الفرح من كلامه وصدقه الواضح لحبه لها .... مفيش فيا أى حاجه مميزه غير انى بحبك بصدق .... وانى قبلتك بكل ما فيك من مميزات وعيوب وأنت بردو ... عشان كدا بقى فى قناعه بينا ..... لكل شئ ما بينا سواء حلو  ......او  الوحش الا بقينا مش بنشوفه او نحسه .....
وفضلو مع بعض يتكلمو بشتياق وشوق وحب وبيفتحو قلوبهم وبيقربو المسافات أكتر وأكتر ....
*************
مر الوقت سريعا على كل ابطالنا حتى أتى يوم فرحهم  والكل فى حالة توتر  وقلق وفى نفس الوقت فرحه .... كارما و ندى جوا الفندق ومعاهم مريم عشان تتطمن عليهم .....
واحده دخلت لهم بفستان غايه فى الجمال وكارما فتحت لها
كارما : ايوا فستان مين دا احنا الفساتين بتعاتنا  وصلت ... وندى ومريم وراها
البنت : لا دا  جاااى لمريم مش ليكو
مريم : بأندهاااش ازاى يعنى
البنت : جوز حضرتك باعته وهو ها يكلمك
مريم : خدت الفستان وتليفونها رن ... وردت بسرعه بتاع مين دا يا حسن
حسن : بتاع أحلى عروسه فى الدنيا الا هو أنتى .... أجهزى عايزك أحلى واحده يا عروسه وقفل
مريم : بضحكه ودموع معقول ها يعملى فرح معاكو
كارما و ندى ... بيتنططو ويصرخو ومريم معاهم بس وقفت مره واحده
كارما : مالك يا مريم
مريم : مش عارفه حسيت بمغص وانا بنط معاكو
ندى : والله يا بنتى انتى حامل معملتيش أختبار حمل ليه
مريم : عيالى صغيرين قوى لحقت ابقى حامل
ندى : كان لازم تعملى حسابك وتروحى لدكتور مش تسيبى نفسك كدا
كارما : بقولك ايه انتى وهيا مش وقته ياله عشان كلها 10 دقايق وها تلاقو البنات طلعت تجهزنا ..... وبتغنى احنا التلاته
ندى ومريم : سكر نباته ... احنا التلاته
كارما : حاجه كدا شرباتتا ...... على فكره سالى ها تيجى هى وهنا  تلبس معانا وكلمتنى وقالتلى انها فى الطريق لهنا
مريم : تنور يا حبببتى ..... وبدئت البنات تجهزهم  وعايشين حياتهم هما التلاته
**********
حسن :  صمم ان اصحابه يلبسو عنده فى البيت ومعاهم معتز  وكمان الا ها يظبط شعرهم ويعملو.....لهم اللمسات الاخيره ها يجبهم عنده
مصطفى : قاعد مع ريناد وزياد ومندمج قوى معاهم
حسن : يابنى قوم ها نتاخر
مصطفى : انا نسيت نفسى وادى الاطفال لصفيه ومحمود ... الا هما فى قمة فرحهم ... مش متخيلين ابدا انهم يعيشو أجواء الفرح للتلاته ..... وصفيه عمله تبخر فيهم وتأكلهم ... وتزغرط وعيشتهم جووووو جميل هى وثريا الا مشاركه الموضوع معاها بقلبها أخيرا ها تفرح بأبنها ......
************
أما يزيد وأحمد وابراهيم ... الا بقو أصحاب جدا ... قررو يعيشو أجوا الفرح بطريقتهم هما ..... وراحو سونا مع بعض عشان يبقو فى قمة نشاطهم ... وبعدين يلبسو مع  بعض
ويسبقو الشباب على القاعه ومعاهم فارس عشان يستقبلو المعازيم الا انضم ليهم محمود بتلقائيته البسيطه  عمل جووو جميل كله ضحك وأسر أخو حمزه ......
************
مرفانا وداليا مع بعض بيلبسو عمرو وبيظبطو لبعض اللبس والميكب ارتيست كدا كدا ها تيجى تعملهم المكياااج ودى ها تبقى اللمسات الاخيره
***************
وصلو الشباب ... وطلعو للبنات وثوانى ويخرجو بطلتهم الا ها تجننهم وتخطف عقولهم
***********
يزيد : اتقدم وخد كارما حضنها جامد وباسها من راسها وسلمها لعريسها
مصطفى : قرب منها وقلبه بيرقص وعيونه بتلمع  وبيقول لها أخيرا يا كوكو ها تبقى جمبى ايه الجمال دا كله
كارما : بكسوف بطل بقى 😉😉 انا مكسوفه لوحدى
وبعدين : ابراهيم : الا كان طاير من الفرح  وقرب من بنته وحضنها قوى ها توحشينى يا ندى اول يوم  تباتى برا حضنى
ندى : وانت كمان يا بابى ها توحشنى انت ومامى وفارس
وخدها وسلمها لعرسها الا واقف مستنى على نااار  واول ما قرب منها حضنهاااا وباسها من راسهااا .... وبيقول لها معقول انا والجميل دا ها نخش قفص الزوجيه خلاص وبيغمز لها 😉😉
ندى : باحراج وتوتر انا بفكر أرجع مع بابى والله
حمزه : ايه لا تراجع ولا أستسلام خلاص بقيتى بتاعتى ملك حبيبك ومسكها واتحرك بيها
محمود : دخل جاب مريم .... الا اول ما شافته اترمت فى حضنه شوفت يا بابا حسن ها يعملى فرح وانا معاااه
محمود : ربنا يفرحكو يا حبيبتى ياله الواد مستنى على نار برا مصدق انه عريس بجد 😂😂😂😂
مريم : 😂😂😂 والله يابابا انا متوتره كانى عروسه بجد
محمود بفرحه : ما انتى أحلى عروسه وهو أجمد عريس والا ايه ... ياله وطلع سلم مريم لحسن الا متشوق لرؤيتها كانه فعلا اول مره بيتجوز ....
حسن : وهو مبتسم ومركز فى عينهاااا مبررروك يا عروستى
مريم :  الله يبارك فيك يا حبيبى احنا كدا مجانين رسمى  الناس تقول ايه
حسن : ما يهمنيش انتى وبس الا تهمنى عايز أعرف الناس كلها مين عروستى  ...... واتحركو التلاته وقعدو كل واحد وعروسته فى الكوشه بتاعته الا ها ينزلو للمعازيم فى صالة الفرح من فوق ...... وبدأت الاجواء بقرع الطبول والمزامير التى ملئت المكان ........ وتوقف كل ذلك وبأعلى صوت أستمعو إلى أغنية
إحكى يا شهرازدا
  إحكى لشهراير
وأشغليلو ليلو
لطلوووع النهااار
مع نزول الكوشات من أعلى فكانت الاجواء فى غاية التشوق والفرح والسعاده .......... كان حقا فرح رائع ومر وقت طويل ما بين الرقص والفرح والتهانى لهؤولاء الثلاثه ... الذين حطمو كل قوانين البشر وجعلووو الفرح مشترك بين الجميع والغوووو جميع المسافات .... فلما لا ......💖💖💖💖💗💗💗

بقلم : لبنى طارق