عندما يعشق الفدائى

عندما يعشق الفدائى 4

تصويتكم على كل حلقه اوعو تنسو دوسو على علامة النجمه 💚
الحلقه 4
لا إله إلا أنت سبحانك انة كنت من الظالمين
سبحان الله وبحمده وسبحان الله العظيم
💗💗💗💗💙💙💙💙💚💚💚💚💚
مر الليل سريعا
ومريم قاعده بتفكر فى كل حاجه .. هى اتسرعت لما وافقت على قرار الجواز فى غياب حسن ..المفروض كانو شافو بعض واطمنت منه ومن نظرة الرضى والقبول لها .. اهله مش كفايه .. وبتكلم نفسها ..  بس انا مجبره على دا مش عايزا اسافر وفرصه جوازى من حسن ازاى اضيعها وانا طول الوقت بفكر فيه 
قامت وبتصلى عشان تهدى وتطمن ودعت ربنا ان يكتبلها الخير ف  قسمتها ونصيبها وهى راضيه بكل الا ربنا يكتبه  لها
*********
مريم : وحشتينى يا كارما قوى انا قلبت الدنيا على رقم التليفون بعد ما تليفونى اتسرق منى فى أخر مره قابلتك فيها ولقيت رقمك فى دفتر قديم عندى
كارما : طيب بتغيرى الرقم ليه يا بنتى  ما رجعتيش الخط القديم وخلاص انا زهقت اتصالات عليكى مقفول على طول حتى صفحتك
مريم : بابا جابلى تليفون جديد وبخط جديد فا قولت ملوش لازمه أصلا مفيش غيرك صحبتى والصفحه ماكنتش بفتحها عشان مشغوله شويه وناسيه الباص ورد بتاعها وبدور عليه بردو ولقيته جمب رقمك
كارما  : الحمد لله انك لقيتى الرقم والباص ورد   المهم مش انا أشتغلت
مريم : مبروك امتى وازاى
كارما : هههههه ست داليا هانم صممت انى لازم أشتغل معاها لحد ما أشتغل فى تخصصى
مريم : انا بقى عندى ليكى أخبار كتير وقصت لها كل شئ
كارما : يا بنت اللذينه وقعتى فى الواد الظابط الحليوه الا كنتى بتحكيلى عنه وبقيتى مراته
مريم : ايوا بس خايفه قوى يا كارما هو مش بيجى البلد بقاله كتير واكيد مش عارفنى ولا يعرف انى مليانه شويه
كارما : أكيد أهله قالولو يا بنتى وغير كدا انتى جميله وتتحبى على طول خليكى واثقه فى نفسك انتى مش اوفر يعنى تعاليلى البيوتى سنتر وانا أظبطك
مريم : ههههههه ها تظبطينى ازاى يعنى
كارما : دا ماما طورته  وبقى فى تخسيس وعلاج طبيعى ودكاتره عل  أعلى مستوى
مريم : ها أفكر بس اكيد مش دلوقتى لما أتجوز وابقى جمبك هناك عشان أقدر أجى بسهوله
كارما : احم ها نستناكى يا مزه ياريت تحجزى من دلوقتى عشان المواعيد كومبليت  أسم حضرتك والسن والوزن والطول
مريم ؛ حضرتك معاكى  مريم عماد عبدالله  السن 24 الوزن 85 والطول  160
كارما : دا انتى حالتك صعبه يا بنتى وقصيره كمان اوزعه يعنى
مريم : هههههه انا اوزعه يا الا تتشكى امال انتى ايه انا طولى مناسب وزنى الا مش مناسب
كارما : يابنتى والله انتى أحسن من غيرك كتير وشوية شغل وها تبقى ايه فله
مريم : يارب يا كارما ما تيجى  انهارده
كارما : كان نفسى والله بس بلدك بعيده قوى خليها لما تيجى هنا بالسلامه
مريم ان شاء الله سلام بقى
كارما : سلام
***********
محمود :  جهزتى  أوضة العروسه يا صفيه
صفيه :  كله جاهز فاضل هى تيجى بالسلامه
محمود : الفرقه زمانها عل  وصول الا باعت أجبها إحنا  بقينا بعد العصر 
صفيه : انا ها أمشى اروح للعروسه  وها أستناك هناك 
محمود : اول ما توصل الفرقه هاأجبها وأجى طوالى
**********
سعاد : خلصتى يا حبببتى الست صفيه عايزا تدخل تشوفك
مريم : ايوا يا ماما خلاص الميكب ارتيست خلصت 
سعاد : أتفضلى يا صفيه اوضة مريم من هنا
صفيه : اول ما شافت مريم لولولولولوى تعالى فى حضنى يا عروسة ابنى عقبال الليله الكبيره وهو معاكى
مريم : .......
صفيه ؛ مبروك يا حبيبتى
مريم : الله يبارك فيكى يا طنط
صفيه : انا أمك قوليلى يا ماما
مريم : حاضر يا ماما
سعاد مبسوطه قوى هى عارفه ان صفيه ها تكون لبنتها أم فعلا لانها ست طيبه وحنينه ودا معروف عنها
ادهم : وصلت يا عروسه زفه جايه من اول البلد لحد البيت تحت
عماد : دخل لمريم وحضنها وكلهم سلمو عليها وحضنوها أحضان حاره خلاص يومين وكلهم ها يسافرو
عماد : خد مريم من ايديها ونزل بيها يسلمها قدام الناس لأبو العريس
محمود : سلم على عماد وحضنه ومسك ايد مريم وبدئو يتحركو فى موكب أستورى لعروسه عارفه انها ها تبتدى حياتها وها تدخل دنيا بس لو حدها .. دنيا متأجله برجوع جوزها وحبيبها الا شغله بيفرض عليه كتيررر قووى وممكن الظروف تحطهم فى االا اكتر من كدا
صفيه : ادخلى برجلك اليمين يا حبيبتى نورتيا
مريم : بكسوف شكرا يا ماما
محمود : خدى راحتك يا حبيبتى احنا أهلك وديها اوضتها يا صفيه تغير  وتصلى ركعتين ربنا يبارك فى حياتها الجديده
********
دخلت مريم  حياتها الجديده الا ها تغير فيها كتيررر .. ومر اليومين واهلها وصلو لوادعها وكانت الدموع هى الحاجه الوحيده الا بتعبر عن حالتهم .. خلاص سابوها وسافرو تواجه حياتها ومصيرها مهما كان .. وحش اوحلو كان اختيارها من الاول
********
حسن : انا بخير يا أمى الحمد لله أبويا عامل ايه
صفيه : الحمد لله  يا حبيبى مبسوط قوى يا حسن مريم مليا علينا الدار عقبال ما تيجى لها بالسلامه يا حبيبى
حسن : بجد يا أمى طيب هى عامله ايه وبالهفه .. يعنى حبتوها وهى حبتكم ولسا مكملش
صفيه : خد كلمها اهه ومريم خدت التليفون وصفيه قالت لها تدخل اوضتها عشان تبقى براحتها
****
حسن : عامله ايه يا عروسه معلش بقى كان نفسى ابقى معاكى والله
مريم بكسوف  هى اول مره تكلمه  الحمد لله  وتيجى بالسلامه ان شاء الله
حسن : كلها 20 يوم  على أمل اللقاء .... مرتاحه مع ابويا وأمى
مريم بدون تفكير : مرتاحه جدا ناس طيبه وبيعاملونى كأنى بنتهم
حسن : رنى عليا من تليفونك عشان ابقى أكلمك  فى كلام كتير عايزين نتكلمه يا مرمر حلو الدلع دا
مريم ؛ بكسوف وابتسامه هو مش شايفها ونبضات قلبها الا بتزيد ....  كل الا يطلع منك حلو
حسن : احبك انا كدا شكلنا ها نتفق والا ايه
مريم : ان شاء الله
حسن : مالك كدا مكسوفه وحالتك حاله .. طيب شغلى المروحه على ايدك اليمين
مريم تنحت وبصت جمبها : انت عرفت منين ان المروحه مش شغاله
حسن ضحك بصوت عالى : عشان مفيش صوت هوا وانتى فى  اوضتى وقاعده على الكنبه الا جمب المروحه
مريم ابتسمت : شكلك بتدقق فى كل حاجه
حسن : شغلتى يا قمر برغم انى ماعرفكيش بس مرتحلك قووى
مريم بكسوف : شكرا ربنا يخليك
حسن : انا لازم اقفل رنى عليا اول ما تقفلى  لا إله إلا الله
مريم : محمد رسول الله  وقفلت والدنيا مش سايعها من الفرحه وحاضنه التليفون  أخيرا سمعت صوته وكلمته
صفيه : خلصتى يا حبيبتى
مريم بعد ما رنت عليه : ايوا يا ماما اتفضلى التليفون  بس هو ليه يا ماما مش بيتصل على طول
صفيه : يا حبيبتى بيكونو فى أماكن مفيهاش شبكه وممكن يفضلو فيها أسابيع وشهور كمان
مريم : ربنا معاه
صفيه : ايوا كدا ادعى لجوزك وحبيه عشان حياتك تبقى حلوه معاه
مريم : طيب ياله يا ست الكل نجهز الأكل ونروح لبابا الارض
صفيه :   بس كدا ياحبة عينى ياله نخلص ونروح له
**************
داليا : كارما فى شكاوى كتير منك
كارما : دودو انتى عارفه بحب الالتزام جدا وادام انا بتعامل يبقى لازم يسمعو كلامى انا مشرفه على الجيم هنا والا أقوله يتعمل
داليا : حرام عليكى يا كارما الناس مش حملك  مش ها تقطمى رقبتهم عشان زادو فى الميزان شويه