اذا وجت الواقع لم يعد يناسبك فلا
بُد من التغير وتقديم بعض التضحيات
قيصر..مر على توقيع العقود كم يوم ودز عليه ابو رسل
ق..مرحبا استاذ
المدير..اهلا ابني تفضل اكعد
ق..شكرا استاذ واباوع عليه وجهه ينطي الوان بصراحه كلبي نغزني
ا..ابني انت شنو سويت
ق.. خير استاذ صاير شي يخص شغل الشركه
ا..اي ابني انت موقع ع عقد في حال مانفذنه المشروع بلزم الشركه تخسرلهم مليار ونص في حال تراجعنه عن مشروعها ومشروعها مايمت اي صله لشركتنه ولامن ضمن المشاريع الي احنا نشتغلها
ق..شنو شوكت صار هالشي اني متاكد موقعت ع هيج شي
ا..تفضل ابني هذا العقد وهذا توقيعك مو
ق..يي هذا توقيعي بصدمه شلون صار هالشي وشلون ماانتبهت ع هيج مشروع
استاذ اني راح اتحمل مسؤوليه هالمشروع من حسابي الشخصي مو ذنبكم هذا خطئي اني ولازم اتلافاه
ا..لا ابني اني راح اساعدك بالنهايه انت مالك اي ذنب
ق..لااستاذ هذا خطئي والمفروض اني الي اخلص الشركه من عنده اترجاك استاذ خليني اشوف شغلي
ا..ابني في حال احتاجيت اي مساعده اني حاضر
ق..اشكرك استاذ وطلعت وعيوني كولها غضب كبل رخت لمهند
دخل لغرفته لزمته من ياخته
م..شكو استاذ شكو ليش هيج دتسوي
ق..هسه ادفنك هنا اذا متحجيلي شلون خليتي اوقع ع هذا العقد
م..استاذ اني مااعرف هو جان ممثل موجود وعقد وخليته ويه القود وانت وقعت
ق...سديت ايدي بغضب ورفعت اريد الكمه كوتله تحجي لو احجيك بطريقتي 👊
م..لالا استاذ مااعرف شي اترجاك
ق..انطيني عنوان الشركه ورقم الممثل واذا شميت الك ايد بكل الي صار لو جنت تعرف شي ومحجيت ياويلك مني راح يكون اخر يوم الك بحياتك
م..ص ص صار استاذ
انطيته العنوان وطبعا هو وهمي ورقم الممثل والي هم جان مغلق
وطلع
..الو
..الو
م..ست رسل قيصر راح اكتشف حقيقه الشركه ويريد يعرف شلون وقع ومنو خله هذا العقد
ر..لتخاف بس الزم السانك
م..ماشي ست بس ترا الامور متبشر بخير
ر..معليك لتخاف اني وراك
ق..دخلت لغرفه مهند بدون ميعرف جنت جاي من وقت خليت جهاز تجسس حته اعرف منو اله ايد بهذا الموضوع جنت شاك بواحد بنفس شركتنه لان احسه غياران مني لان اخذت مكانه
م..اجيت للدوام اتصلت بيه ست رسل ..اهلا ست لاماكو شي البارحه مافتحت الموضوع بعد لا لا اطمئني ست رسل مااحجي شي جته لو موتني
ر..مهند طلع الولد لخارج القطر حته ليوصله قيصر واني اتكفل بكولشي
م..تدللين ست راح اسوي الاجراءات واهربه باسرع وقت ممكن
مع السلامه
ق..اني ظليت بصدمه رسل...ورا هذا كوله زين ليش شنو سويتلها مو هي الي جابتني هنا ليش هيج سوت وكعتني بهاي المصيبه
دخلت لمهند شبعته بوكسيات سويت وجهه خارطه وحته هو ميعرف شنو السبب
اتصلت برسل وجريتها بالحجي واجيتها باسلوب ناعم
ر..اهلا شعجب تكرمت عليه اليوم واتصلت
ق..حبيت اشوفج اذا ممكن
ر..اني طرت من الفرح اخيرااا اي اي اكيد وين تحب نلتقي
ق.. انتظرج بمطعم ... ع الغده
ر..اوك تدلل
م..اتصل بست رسل كوله مشغول الا ان حصلتها
ر..ها خير مهند شطو خبصتني
م..ست الظاهر قيصر اكتشف شي
لان اجه الصبح بدون ميسالني او يحجي شي ضربني شنو ضربني اصلا فلش وجهي
