احيانا الخبائث تأتيك
ع هيئة انسان
للكاتبه (maryaim )
#القهوجي&والثلاثينيه
الجزء الاول من البارت العاشر
بارت ١٠
رسل ..كاعده ع الابتوب جان عندي شغل بخصوص
محاظره واجه السكيورتي كال اجوج ضيوف
اني استغربت منو ممكن يجي فرحت كولش توقعت غيث
سديت الابتوب وكوتله خلي يتفضلون
قيصر دخلت اني واسماء حته نفتهم ونشوف شنو من
انسانه هاي الي سوت هالشكل وهجمت بيت جان مليان سعاده
ق..رسل..😳
ر...قيصر😳
اهلا وسهلا تفضلو
ق..هاي انتي توقعت وحده ثانيه وبعدنه واكفين بس دخلنه من الباب مكعدنه ولاشي
اسماء ..اني بصدمه حسيتهم واحد يعرف الثاني
ر..شلونك اخبارك واباوع للبنيه الواكفه تشبه نور خاصه بعيونها
ق..الحمد لله بخير
ر..تفضلو ليش واكفين
ق..عندي كلمتين وياج ميحتاج نكعد
ر..اي معرفتنه منو الانسه
ق..كمشت ايد اسماء والابتسامه معتليه وجهي وكوتلها
الانسه تصير خطيبتي وزوجتي المستقبليه
ا..حسيت بباتسامة قيصر بيها انتصار واكو شي اني مااعرفه يربط بين قيصر ورسل
نرجع شويه للماضي
اثير..قيصر والله تعبت يعني هاي شنو من انسانه تحاول تفرق بيني وبين رانيا
ق..انسانه تعبانه تريدلها واحد تجلب بي شلون مجان
اثير..قيصر ورانيا ورسل احنا اصغر من رسل بس نفس القسم ونفس الدراسه ندرس وصرنا حاليا اساتذه بس هي جانت تكبرنه شي ٣ سنوات
رسل من النوع التغار لان ماكو احد يسوي وياها علاقه لان انانيه ونحسه ومتحب الخير ل احد ومتحب تشوف ٢ مرتاحين
اثير عمري ٢٦ طولي وسط لاطويل كولش ولاقصير اسمر حنطاوي وسيم جدا لدرجه البنات كولها تتعارك عليه بس
القلب ومايهوى بعد وكعت بحب رانيا من اول نظره
اجتماعي كولش مااحب الانسان الجامد اذا مااضحك
واتشاقه احس اليوم ميمر داادرس ماستر حته اكون استاذ جامعي احب رانيا من احنه بالكليه رانيا عشقي وحياتي
بس اني شويه ظروفي موكولش وهي همات ع كد حالها
البنيه بس هي حلمها تكمل ماستر ف اني وياها نكمل حلمنا سوه لكن رسل صديقتها تحاول تذب تهم باطله عليه وشكد
حاولت تفرق بيني وبين رانيا لكن مكدرت وافترت ع قيصر
ر..باعي رانيا لج شكو مجلبه بهذا الفكر شوفي حياتج بابا وعوفي وباوعي ليفوك انتي فكر ومجلبتج بواحد فكر
شوفي حياتج وعمرج الي ديضيع شوكت تتزوجين من تتعينون وتكونون نفسكم ههههه( ضحكت باستهزاء )
