روعة اتصلت علي فتون قالت ليها مش علاقتك بطارق انتهت تاني مرسلة ليهو امك لشنو وعندك معاهو شنووو افهمي انك طللعتي من حياتو خلاص وم ابترجعي تاني بحياتك لحياتو عشان كده احفظي باقي كرامتك دي لو فضل ليك كرامة اصلآ ،،،،طبعآ فتون م ردت ليها وطلعت وقفلت الخط في وشها وحظرتها قالت م فاضية لناس زي ديل عندي حاجات اهم منهم في حياتي.
روعة. اتصلت علي الشيخ عشان تجدد العمل الكانت بتعملوا. لي طااارق ردت ليها واحده شغالة معاهو وقالت ليها الشيخ مااات ،،،طبعاااا بقت محتارة ياربي اذا الشيخ دا مات تاني البعمل لي منو اعمال امسك بيها طارق واصلآ العمل زمنو مشي يعني هسي بكون فكا لا لا لازم اشوف لي شيخ تاني امشي ليهو وفعلآ فتشت ودعبست لحدي م لقت ليها واحد تاني وبرا الحلههه برضوا وقررت تمشي ليهو وتخلي لؤي مع امها.
سارة فتحت الحوط بتاع الموية وبقت تطلع في الموية بالحبل وتمشي تكبها وتجي راجعة تاني وم انتبهت انو لؤي كان بحبي بالمكانات ديك مشت العريشة ولما جات راجعة شافت لؤي بقعد في الحوط وهو غريق شديد يعني شنو يعني خلاص مستحيل يعيش تاني ،،،،سارة بقت محتارة م عارفة تعيط ولا تعمل شنوو طلعت برا الشارع وبقت تعيط من راسها وفوق لمو فيها بعض الرجال وطلعوا لؤي من الحوط بس للاسف كان ميت لانو اتجرح في راسو كتير والموية ملت الرئه وللاسف مع انو ده قضاء وقدر بس برضوا نقول انو دفع تمن الشر الكانت بتعمل فيهو امو.
روعة جات راجعة الحلههه ومبسوطة طبعآ وشايلة العمل حقها في يدها وكدا بتقول انها قدرت تسيطر علي طااارق بس م عارفة الفقدتو شنووو بالمقايل عشان تعرف انو الله يمهل ولا يهمل ،،،،من بعيد شافت الناس داخلة وطالعة قلبها اتخطف وبقت تجري وتسال في الناس الحاصل شنو اااي زول بقول ليها اصبري وربنا يصبرك بس زول قال ليها لؤي مات مافي ،،،،دخلت البيت لقت امها متبشتنه وقاعدة في الارض وبتكب في التراب في جسمها وبتبكي جرت ليها قالت ليها مالك يا امي المات لينا منو ولؤي مسكتي لي منو ،،،جات مرة جرتها براحة وقعدتها في الارض وقالت ليها ولدك مات ولازم تصبري يابتي ،،،،بقت تضحك بهستريا لا. لا انتو اكيد كذابيين كيف يعني ولدي مات هو لسه طفل انا خليتو كويس وبضحك كيف ارجع القاهو مات لا عايزة ولدي بس يارب م تعاقبني بلعمايل العملتها في حياتي بولدي يارب ولدي م عندو زمن والله لو رجع لي. م اعمل شي تاني بس عايزة يرجع لي ،،،،طارق كان بعاين. ليها بس ونظرة الكسرة في عيونو م عارف يعمل شنوو او يقول. شنو حسه انو مكتف ،،،لما غسلوا الولد وطلعوا بيه روعة مسكت في الراجل وحلفت م يشيل ولدها ويطلع بيهو بس الناس صبروها شوويهه لقت واحده شايلة طفل صغير مسكتو منها وحضنتو وبقت تبكي.
مضت فترة والحزن مسيطر علي الكل. وطااارق الاعمال الكانت بتعملها ليهو روعة بقت ترجع فيهو وبقي. عيان شديد والدكتور قال. ليهم الا ولدكم دا تسرفوا برا الحلهه دي سفروا الخرطوم بس للاسف هو كمان مااات اااي والله مات من وراء الاعمال الكانت بتعمل فيها روعة وبطريقة دي روعة فقدت اكتر اتنين بتحبهم وبقت زي المجنونة وبعد مرات بتتكلم براها وبتضحك وم بتفهم منها. شي.
لما الخبر وصل لفتون قعدت تبكي امها قالت ليها بتبكي ليه مش كان قلتي لو مات م بتبكي عليهو ،،،،قالت ليها ببكي علي حبي الكان زمان علي مشاعري الكانت مسيطرة علي كياني. ببكي علي بتي الفقدت ابوها قبل م تشوفوا ولا يشوفها علي اخوها المات وهو طفل صغير وكلوا من وراء مشاكل امو الكان ممكن نتعايش انا وهي بسعادة ومعانا طارق ونخلي اولادنا يحبو بعضهم 💔.
يوم فتون كانت قاعدة وسرحانة في طارق برضوا ودموعها جااارية لانها اتاكدت انها م ابتقدر تنسا طارق حتي بعد البدر منو امها قالت. لروعة اتفضلي فتون في العريشة روعة من جات داخلة فتون وقفت وبقت تعاين ليها بجد دي م روعة ملابسها وسخانه وحالها بالبلا هي جنت فعلآ ولا كيف ،،،روعة ضحكت قالت ليها م تخافي مني يافتون اقعدي انا م جاااي اعمل ليك شي والله. ،،،فتون ابتسمت ليها لا اراديآ قالت ليها تعالي اقعدي قعدت وجابت ليهاا موويه شربت ،،،،روعة بقت تبكي قالت ليها عايزاك تسامحيني يافتون ربنا م ضيع. ليك حقك وانتقم ليك مني وشال ولد حشاااي وحب عمري عليك الله سامحيني يافتون عشان لو مته يكون ربنا راضي علي ياريت لو رجع الزمن لورا والله كان م قربته عليك بس فعلآ ربنا يمهل ولا يهمل ،،،،فتون قالت ليها اصلآ سامحتك ياروعة وربنا يجبر بخاطرك يارب و والله م شايلة حاجة في قلبي من اتجاهك ،،،،روعة قالت ليها شكرآ ليكي يافتون م قصرتي معاااي والله وبعدين ولاء بقت حلاتها وبتشبه طارق ماشاء الله بقدر اجي اشوفها. من فترة لتانية عشان اتزكر بيها طارق ،،،فتون قالت ليها بابتسامة اكيد اعتبريها بتك والبيت بيتك اااي زمن اشتقتي فيهو ليها تعالي شوفيها.
حسن بعد تعب قدر يقنع رقيه انو يتزوجها وفعلآ قبلت بيهو والحكاية الحصلت معاهم دفنوها في ارضها ومافي زول بقي بتزكرها.
النهاية 💜.
فتون :_
شكرآ ليك شديد يامنى الهادي انك سمعتي قصتي دي للنهاي. وقررتي تكتبيها واتعاطفتي معااااي شديد والله مقدرة ليك الشي ده ومعاملتك الحلوة معاااي وتعاطفك الشديد معاااي ،،،وشايفاك ابدعتي فيي الكتابة ان شاء الله اشوفك اديبة يارب ،،،،والله يابنوت قصتي دي حقيقة وحصلت معااي قبل 3 سنه وشفته. انو فعلآ تستاهل تتكتب عشان الناس تتعظ منها وانو الزول يمشي لربنا عديل لانو ربنا بمهلك اليوم بس م معروف بكره يديك فرصة ولا لا حبو بعض وعيشو مع بعض لانها دنيا وليست جنه ابقوا عافية 💜
اخيرآ
بعتزر علي الشحتفه والله كنتا مضغوطة شديد عشان كدا م قدرته اكتب ليكم حلقتين في اليوم بس في مرة تانية ان شاء الله ،،،،،ولو في زول عايز قصتو تصل لناس يتواصل معاااي خاص وانا بخليها تصل ليهم بطريقتي ،،،،.
رايكم في الرواية 😍.
