سناء قالت ليها خير يافتون مالك قمتي وقعدتي بسرعه دي ،،،،فتون والله م عارفة ياسناء بس حسيت الدنيا بدور بي انسي احتمال عشان اهملته شديد في صحتي الايامات المضت ديك بس م بعد اليوم ،،،،سناء قالت ليها احتمال شي تاني غير الانتي بتقولي فيهو دا ،،،،فتون قالت ليها م فهمتك حاجة تانية زي شنووو ،،،سناء احتمال تكوني حامل م معروف ،،،فتون منططه عيونا لا هي م اظن لانو الشي دا لو كان عايز يحصل كان حصل من زمان ،،،سناء مافي شي بعيد علي ربك احتمال ياداب زمنو جا اتفائلي بس ،،،،فتون والله م عارفة اقول ليك شنووو ،،،سناء طيب رايك شنووو نمشي تفحصي واصلآ اناوم عندي موضوع الليله خلي نطلع برضو نغير جوووو اصلآ انا جاياك عشان نعمل كدا ،،،فتون احتجت بس امها قالت ليها الا تمشي تغير جو شووويه لانو نفسياتها تعبت شديد الفترة المضت دي المهم اقتنعوا وطلعوا يعملوا الفحص ويغيرو جو.
رقيه بقت حابسه نفسها في غرفتها وبتبكي ليل ونهار وم عارفة تقول لي امها شنو تقول ليها انها خلاص انتهت وانو فقدت شرفها بسبب العمايل الكانت بتعملها والقروش البتشيلها من الاولاد ولا تقول ليها شنو اتصلت علي حسن قالت ليهو غلطه معاااي انت وصحبك ولازم انت تجي تصلح غلطك دا لانو انت كنتا العقل المدبر ،،،،،حسن ضحك باستهتار قال ليها والله انتي لو بقيتي قبله م اقبل عليك تاني وانا عملتا فيك كدا عشان تكوني عظه وعبره لمن اعتبر عشان م تعملي نفسك مفتحه وانك بتلعبي علي الاولاد زي م عايزة انا في البداية قبل م اعرف انك خايناني مع صحبي كمان كنتا ناوي ااجي اتقدم ليكي بس الحمد لله ربنا كشفك لي ولو عندك دليل علي جيبيهو ،،،،قعدت تبكي والله اوصل الكلام دا لناس البيت ،،،قال ليها اعملي العايزة ولو سمحتي م تتصلي لي في الرقم دا تاني عشان م افضحك وقفل في وشها الخط ،،،،طلعت برا لقت امها صلت وبتدعي بصوت مسموع شويه بس وبتقول ( يارب استرها لي يارب هي بتي الوحيده م عندي غيرها احفظها لي والله لو حصل ليها شي م بعرف اعمل شنو يارب ازوجها وافرح فيها واشوف اولادها قريب وتاني لو مته م مشكله بس دا العايزة منك ياربي وعارفة انو م كتير عليك) رقيه بعد سمعت الكلام دا رجعت غرفتها تاني وبقت تبكي لمن تشهق وتقول معقولة انا وصلت بي لدرجة دي اني م فكرته في امي ولا ابوي م فكرته اني ممكن انزل راسهم م فكرته اني ممكن اكسرهم يارب والله ندمانه شديد لكن احسن لي اموت بدون الناس تعرف انا مته لشنو بدل الفضيحة الممكن تطلع علي ،،، كان عندها صبغه في درجها جابتها عشان عندهم عرس ترسم منها ركتها شديد في الكبايه وشربتها بعد شووويه بقت في حاله تانية امها سمعت صوتها وجات جاريه ليها.
سناء وفتون عملوا الفحص ومنتظرين النتيجة تطلع بعد شوويه طلعت النتيجة والدكتور قال ليها مبرووووك انتي حامل فتون الصوت بقي يتردد ليها في اضانها وبقت تقول معقولة اكون حامل معقولة يكون ربنا عوضني معقولة بعد انتظار سنتين ربنا يجازيني خير ويجبر بخاطري بجد ربنا دا كبير شديد وسجدت في مكانها داك وبقت تشكر في ربنا ودموعها كانت بتعبر عن الفرحه دي ،،،،سناء رفعتها وبقت تبكي معاها وقالت ليها مبروك والله فرحته ليك من قلبي صبرتي ونلتي الدكتور قال ليها كنتي م عارفة يعني الجنين عندو شهرين ،،،فتون قالت ليه الحمد لله يادكتور لكن والله م حسيت اني حامل نهائي احتمال بسبب المشاكل الكانت حاصلة معااااي ،،،،قال ليها مبروك المهم حافظي علي صحتك و وابعدي عن التوتر ،،، قالوا ليهو هم الاتنين كويس وشكرو الدكتور وطلعوا وفتون حاسه انو ملكت الدنيا كلها ( بجد ربنا دا حنين شديد ممكن ياخد منك شي ويرزقك ليهو في زمن تاني او يرزقك الاحسن منو💜).
حاجه رابحه دخلت الغرفة لقت رقيه في حالة تانيه بقت بس تبكي وتسال فيها يابتي مالك احكي لي الحاصل عليك شنو ورقيه طبعآ حلقها اتقفل م قادرة تقول كلمة المهم نادت لجيران جوااا وودوها معاها المستشفي وهناك الدكتور قال ليهم البت دي شاربه صبغه لازم يتعمل ليها غسيل معده في اسرع زمن لانو اخدت منها جرعة كبيرة ،،،،حاجه رابحه حاسه نفسها انهارت وبقت تقول خلاص بتي وراحت مني انا تاني عايشه لشنو اصلآ م عندي غيره ودائمآ بعدي ربنا يحفظها لي ويومي يكون قبلي يومها ليه كدا يارقيه ليه تنتحري ليه تخسري اخرتك كان كل شي بنحل لكن بعقل.
سناء وفتون بعد مشو غيرو جووووو سناء مشت بيتها وفتون مشت البيت وكلمت امها انها حامل ياااخ فرحت ليها فرح وبقت تحضن فيها وتشيل وتبارك ليها مبرووووك يابتي والحمد لله ربنا رزقك خير دي نهاية صبرك وطيبة قلبك والحمد لله ربنا خلاني لمن اشوف عيالك كانت دي امنيتي يعني السعادة الفيها م قدرت تعبر عنها الا عن طريق الدموع ،،،،بعد شوووويه قالت ليها يافتون كلمي طارق في النهاية دا ولدو حتي لو كان مطلقك او مختلف معاكي ،،،،فتون صح كلامك بكلمو عشان بلاش شك تاني انا م ناقصة شالت التلفون واتصلت عليهو.
طارق كان بتغداء شاف تلفونو لقي دي فتون لمن وقف فوق وفتح الخط قال ليها انا عارف حبيبي انك م بتقدري تستغني عني وعارف انك يوم بتسامحيني ،،،،فتون قاطعتوا دقيقة ياطارق انا م اتصلتا ليك عشان كدا اتصلتا ليك عشان اقول ليك انا حامل وعندي شهرين وانا كنتا م عارفة والليله مشيت فحصته بعد شعرته بالاعراض والحمد لله ربنا م خيب املي زي م عملو بعض الناس وانا اتصلتا ليك عشان يكون عندك علم وم تشك فيني تاني وتتهمني وقفلت الخط بدون م يرد ليها وكدا حست نفسها مرتاحة وفرحانة .....
نتلاقي ✋
