فتون بقت محتارة ياربي انا قلتا لي طااارق برجع وم برجع وفعلآ نفسي ارجع ليهو لكن خايفة روعة دي تعمل لي حاجة صح انا بمثل اني قوووية بس مافي زول اضعف مني ،،،،لكن يافتون هوي م لازم تمثلي انك قووويه بس لازم تكوني قوويه عشان خاطر نفسك وولدك الجااااي دا بلاش هبل وعباطة.
روعة صحت الصباح ووشها لما مورم من الضرب وتشيل وتتحلف انو طارق م يرجع لفتون تاني بحياتها واستاذنت من امها وفي شيخ كده سافرت ليهو في بلد (......) بدون ذكر اسماء قال ليها شيلي الحاجات دي وادفنيها في قدام بيت راجلك كل م يدخل ولا يطلع بكره مرتو التانية ديك اكتر ورجوع بيناتهم تاني مافي وغير كده بجي وبعتزر. ليك وبرجعك لبيتك معززة مكرمة بس م تتاخري علي في القروش عشان الشي العملتو ده م يتقلب ضدضك وبدل يكون في ضرتك يكون فيكي انتي ،،،اتبسطت شديد وقالت. ليهو لا م بتاخر عليك المهم المفعول بس ،،،،،قال ليها عيب م تحكي كده شيخ (.....) عمرو م خيب ظن زول بس اهم شي عندي القروش ثم القروش لانو الاعشاب دي بتتجاب بقروش كتيرة ،،،،روعة قالت ليهه طيب اول م اشوف المفعول بجي راجعة بكمل ليك باقي القروش اصلآ انا سمعته عنك كتير واكيد تستاهل وشالت الحاجات الاداهم ليها الشيخ ورجعت الحلههه وحار حار كده اتلبدت بليل ومشت دفنت العمل ورجعت بيت ناس امها وهي بتغني وترقص مبسوطة امها سالتها قالت ليها مافي حاجة لمن يحصل الشي الفي راسي بديك خبر عن العملتو كلو امها بدل تقول ليها كده غلط وكفاية تضري في بت الناس عشان الشي دا برجع فيك ،،،،بلعكس قالت ليها ربنا يوفقك في البتعملي فيهو 😏.
شالت التلفون واتصلت علي فتون قالت ليها مرة راجلي كيفك ،،،،فتون قالت ليها يرج عضمك ان شاء الله 😂😂 هسي يعني اتصلتي عشان تساليني كيفني انا طالمة بعيدة من خلقتك دي بكون كووويسهه ومبسوطة ،،،ضحكت روعة وقالت ليها واوعدك بعد اليوم تكوني مبسوطة اكتر في بيتكم لانك اصلآ م حتطلعي تاني منو ،،،،فتون قالت ليها م فاهمة فهميني كلامك دا كتر ،،،،روعة لا مافي داعي مع الزمن بتفهمي ياجميلة يا مافي منك وقفلت الخط.
فتون بقت محتارة ياربي ماله روعة دي بتكون عايزة تعمل شنو وطبعآ فتون نهائي م جا في بالها انو ممكن تكون مشت لي شيخ قالت اصلآ م بفكر كتير لو عملت شي طارق برد ليها واحسن من ردي.
مضي كم يوم العمل بدأ ياثر علي طرق لانو اصلآ روعة دفنتوا ليهو في المكانات البطلع والبدخل منها وكده كل م يطلع او يدخل بشيل فيهو اكتر ونهائي في الايامات دي م اتصل علي فتون وبقي طبيعي زعلان او زهجان ولو سالتو من اسم بحرجك 😂 العمال بقوا تعبانين معاهو شديد وخصوصآ الشغل بحتاج يستشيرو دائمآ وهو م عندو نفس عشان يرد علي زول فضل انو يقعد في البيت احتمال نفسيتوا تتحسن شووويه وهو م عارف انها حتزيد سوااا مش تتحسن.
فتون الحمل بدأ يضايقها شديد وبرضو حكاية انو طارق بقي م بتصل ليها دي برضو مضايقها اول كان بتصل ليها مرتين في اليوم صباح ومساء عشان يشوفها محتاجة لشنووو بس معقولة عندو قريب الاسبوعين م شال التلفون واتصل لي خلي براحتو احسن.
روعة كانت بتراقب الوضع من بعيد ولؤي حلاتو عندو شهرين.
رقيه دخلت في غيبوبة والدكتور قال م معروف تصحي منها بتين ،،،،وحاجة رابحة بقت ضعيفة شديد والهم اكلها ودائمآ شاردة وقلبها م معاها وغير كده كلمت ابو رقيه قال ليها الركتو بتك خليها تشربو انا م جااااي تاني نهائي وكده بقت عليها حسرتين.
حسن حسه بالذنب كتير وخصوصآ لما يشوف حاجة رابحة المرة الكانت قووويه بشكل دا بقي يمشي يزورهم في المستشفي يومي وكان نفسو يقول لي حاجة رابحة الحقيقة بس خايف انها م تخلي يجي يشوف رقيه تاني م خايف من العقاب لانو شااايف بعد رقيه عنو براهو عقاب لانو طلع بحبها فعلآ.
يوم فتون بعد م ساعدت امها في الشغل وطلعت معاها السراير برا ومسكت تلفونها وبقت تتصفح وتقراء في الاستشارات وتضحك اصلآ مافي موضوع غير كده فجاة تلفونها اتصل دا كان طارق هي كان نفسها ترد ليه من اول مكالمة بس قالت لا عشان م يقول ميته عليه اتصل مكالمتين في التالتة ردت عليهو قبل م يسلم ليها قال ليها كلام واحد وتردي عليه م عايز لف ولا دوران ،،،،قالت ليه سلم اول كلام شنووو كمان العايز تسال عنو ،،،،قال ليها م بسلم يازولة انتي عايزة ترجعي ولا لا ،،،،قالت ليهو انت هسي مالك زهجان كده ومتصل لي ونافش عضلاتك وانا وريتك قبل كده جوابي شنووو ،،،،قال ليها خلاص يازولة خليكي مع امك اصلآ م عايز ارجعك تاني بتتعززي علي شنووو انتي.
طبعآ فتون م اتوقعتها منو. قالت ليهو انت قلتا كده قال ليها ااااي يازولة قلتا كده ،،،،مش انت قبل كم يوم قلتا مستعد تنتظرني اها الجد ليك شنووو ولا روعة طلعت ليك بموضوع جديد فيني ،،،،قال ليها روعة م دخلها بالموضوع وم تشكي فيها سااااي تمام الموضوع ده طالع مني انا لاني زهجته من حركاتك دي ،،،،فتون هي دقيقة انا م جابراك علي تمام وزاتي م راجعة تاني واعمل البتشوفو مناسب ،،،،،قال ليها انا اصلآ بعمل البشوفو ومناسب وروعة بترجع بيتها وانتي خليكي جمب امك وقفل الخط.
فتون بقت م مستوعبة شي كيف يعني اسبوعين بس يقلبوا حال طارق ده كده لا وكمان بكل نفس فاتحة قال عايز يرجع روعة كده معناتو الموضوع فيهو انا وخصوصآ من اخر مرة كانت روعة بتحكي معاااي فيها بكل ثقة وم ورتني عايزة تعمل شنوووو ،،اخدته لي بكيه وقلتا اصلآ اصلآ تاني م عايزاك ياطارق مش روعة دي خليها تنفعك وانا وولدي او بتي بنعيش بساعدة ومن غيرك 💔
تتراكم القصص والأحزان وانا مازلت عالقة في بحر الظلمات اناهد واعافر جاهده للخروج منه ولكن كانما يوجد شي قوي وصلب يجرني اليه لنظل عالقة هناك لا اعلم شي ولا اريد ان اعلم فقط اريد التحرر من كل هذه الظلمات التي تحيط بي 💔.
نتلاقي ✋
