وعشيره ما تگدر عليّ، گدرت عليه عيونه❤️🕊
الغياب يكشف لك مقدار تعلقك بالشخص
أو مقدار الراحة العظيمة بغيابه،
الغياب يفسّر الشعور بكل صدق.🌹
رجعنا للبيت
مانكر. هذه الولد ونظراته ضلت ببالي
يلا. تصبحون ع خير اروح اسبح وانام
دخلت سبحت وطلعت داانشف بشعري
واتصل عليه جهاد
هلووو حبيبتي شلونج
اهلا جهاد شلونك
اني بخير شبي الحلوو اليوم اجتني خبريه ضايج
هففف جهاد داضوج. ملل وماكو شي جديد بحياتي
ماكو الي احجي وياه
وفوگاها انت هم رحت
😢😢😢😢 مللل عفيه ليش هيج سويت
كافي حبيبتي ادري والله حقج حبيبتي
شسوي كله علمودج هذه والله
شنوو علمودي انت دخنكني هيج
جنه الاب من حقه يخاف عالاطفاله وهذه شي طبيعي
بس انت مو بابا
بس اني معتبر نفسي اب الج حبيبتي
لاجهاد الحمدلله انت مو بابا
لهلدرجه ماطايقتني؟
لا احبك اني ومن تروح وتبعد اضوج بس انت
داضيقني هوواي
اووك جنه روحي نامي
بعدين تعذريني عالتصرفاتي
تصبحين علئ خير
لحظه جهاد
كولي
اريد افتح الفيس عفيه عالاقل اشويه
اقضي وقت
ااوگ. من عيوني هسه ادزلج الرمز
شكراا
تصبح ع خير
شويه ووصلني الرمز ونزلت التطبيق وفتحت فيس
وتصفحت بي وعلقت علمنشورات
وغلقته ونمت واني قلبي ايگول شي وعقلي ايكول شي
اريد ابحث وابطل
هففف انام افضل
ثاني يوم نفس الروتين والملل
وماكو شي جديد هفففف شوكت يبدا الدوام بلكي اتخلص من هذه الطاقه السلبيه
لازمت الموبايل وماعرف ليش اجه ابالي الولد
دخلت عالفيس بحثت عنه
امممم اول واحد بلبحث ونفس الشكل حتئ ماتعبت بلبحث
ومن داعي الفضول دخلت للصفحه مخليت شي بيها
بقيت بصفحته
وبلغلط اندز طلب صداقه ولغيته بسرعه وطلعت من الصفحه
هففف هاي شبيه اني
اجاني مسج من جهاد
هلا والله نور الفيس مالتي
امممم شلونك
اذا انت مرتاحه اني اصير زين
بعدج ضايجه
عادي متعوده
شسويتي ماسويتي
ولا شي كاعده وساكته
نت وتيڤي
هو هذه يومنا كولنا هيج مو بس انت
ااي اعرف
بس غيري عدهم الي يحجون وياه ويفتهمهم
ليش لعد اني مو موجود يمج
ليش صاير شي. وياج
لا ماكو ماصاير شي
تدري شنو اتمنئ
اتمنئ عندي اخت ونسولف وتكون بينا اسرار
اكو مرات تصير مواقف بحياتنا مانگدر نتكلم بلموضوع ويه امك او اخنوك
الاخت تختلف
حبييتي لجونه شبيدي عليج گولتلج اني اخوك وصديقك احجي وياي بلا حواجز اي شي مضا يقج تجين عليه وتفضفضين
مامقصر حبيبي لاتشيل هم اكيد شعندي غيرك
يلا اروح اني اشوف الحبايب
اطلع يمهم
طلعت من الغرفه هدوء بعدهم نايمين يمكن
شربت مي وسويت جاي خلي اشوف شنو اكو معاجنات اطلعها وارتب كعده ببلكونه
فتحت الباب مالت البلكون اممممم الجو يخبل والسماء زرقاء ووبيها غيوم
حظرت طاوله مرتبه
ورحت اادگ عالباب
ادخلي جنتي
هلااا حبيبيتي
امممم اشم روايح طيبه ااي تعالوو للبلكونه حظرتلكم
گعده تخبل
يلااا لايبرد الجاي
فدووه للبنات هاي شنوو
لحظه اصورها وادزها لجهاد
ههههه هاي شنو ماما اليگول طابختلكم غداء هو بس حظرت المعجنات والكعك وخليت الفطائر بلميكرو
عاشت ايدج ماما
عافيات يلااا تفضلو اروح اجيب الجاي
رحت جبته وكعدنا. وفجاه صارت عيني عالعماره الي مقابيلنا بلبلكونه نفس الشاب
وهم نفس نظرته
بصراحه خفت وارتبكت
وغيرت مكاني ونطيته ضهري
وطول الكعده مامرتاحه كعدنا فوك الساعه سوالف وضحك وجهاد خابر
عاشت ايدج جنوو
حبيبي تسلم مكانك فارغ
اممم من اجي اطلبج هيج شي
من عيوني
يلااا كافي ادخلوو جوه بارده وخطيه ماما وباب موزين عليهم البرد
ااوك صار راح ندخل
يلاا ياروحي
باي
دخلوو واني رتبت المكان وهو نفس نظرته وعينه مانزلها ابد ماعرف ليش ارتبك من اشوفه
دخلت رتبت المطبخ وهم جوله سريعه عالبيت مسح اخشاب وكذا
خلصت دخلت سبحت ونشفت شعري
وطلعت كعدت اتفرج تلفزيون ويه ماما وبابا
حجه بابا
بمااانه مانتعشه امشوو نطلع نتمشئ
امممم ااي والله بابا وگتها
اطلعوو انتو اني رجلي توجعني
هاي شنوو ماما دگومي فدوه. ابطل ماطلع
ديلا لعيوونج
فديت عيونج يااغلئ ام 😘
طلعنا نتمشئ لبست تيشيرت. وجينز وهم الجو بارد اجيت البس جاكيت خفيف وبطلت
كعدنا بحديقه عامه
والجو حلوو
عزه هذه هم. موجود
باوعت عليه وخزرته
عابت وين ماروح اشوفه گدامي
غلست عنا وبقينا كاعدين
بابا جنه اجيبلج شي جوعانه
لااا باب حبيبي ياجوعانه اصلا اتندمت اگلت 😓
بس علمودكم سويتلكم واهس 😁
هههه فدووه لحبيبتي انت الواهس كوله باباتي
تسلم يااغلئ بابا
طبعا نسولف ونضحك
وهو يخزر بيه
بعدين كام وصل قريب من عدنا
وسلم
كال حجي راح تمطر.
وفرغ المكان مو زين تبقون وحدكم
اايي ابني رحم الله والديك راجعين هسه
انصدمت اني شنو هالجراءه
گمنا رجعنا نتمشئ. هفففف الجو صدوك صار بارد
بابا عفيه نمر علسوبر ماركت
ااييي ابو جهاد واني هم محتاجه
يلااا لعد تعالوو
دخلنا. ورحت اني دخلت جنت محتاجه غسول وجه وشامبو وواقي شمس
داامشي وماحس الا واحد وراي يهمس
انت شنو متبردين بالله اكو وحده عاقله تلبس هيج بهلجو
درت عليه نفسه هو
وانت شعليك منو انت وتحاسبني
شحاسبج لج هسه تتمرضين وبعد ماشوفج
هزيت ايدي ومشيت
هذه مخبل مو عاقل
ااووف منج شليتي حالي
ليش مدخلتي عالفيس
ولج من شفتج لهسه حتئ شغلي نسيته
بداعت احبابج بس نحجي شوي رقم فيس اي شي يعجبج
لج والله خليتني اراهق كمت استحي من نفسي
هو يحجي واني امشي واختار بس كل حواسي وياه منتبه الئ وماعرف ليش گليي عبالگ
ديطبل خوف رهبه مادري شنو
بداعت غواليج باوعيلي
فرصه وحده احجي وياج كصديق اذا تحبين
ويلااا بسرعه خلصي ورجعي
تاخر الوقت
😳 هذه شبي ماحجيت وياه خلصت
ورحت اخذت من الرف اجباس وكرزات وعصائر وكاكاو
ورحت يم بابا
هاا بنتي خلصتي اي بابا ماما وين
بعدهي تعالي نحاسب ونتتظرها راح حاسب
واني انتظرته
وهذه هم بعده نرفزني
خلصت ماما
وهوو راح يتمشئ قبلنا هففف دروح عابت گتم ع انفاسي
رجعنا للبيت دخلت بدلت واخذت الاغراض رتبتهم
وبابا وماما راحو يغيرون ملابسهم
رحت لغرفتي اخذت موبايلي من الشحن
😍😍 فدوه جهادناشر منشور بصوره الطاوله ومنطيني اشاره اريد منها من اجي
وواصدقائه وتعليقاتهم وتحشيشهم
علقت اني
تدلل من عيوني❤
رد فديت بنيتي ❤
ولگيت طلب مراسله 😱😱😱من ابراهيم الانيق
منو انت ليش دزيتي طلب ولغيتي
#يتبع
