"-كيف صمدت امام العاصفة؟
-لم أصمد، وقع كُل ما بي أرضاً إلا جسدي.."
جهاد
مرت الايام واني بعدني ماصدوم من الي صار
كرهت كولشي صار
وحملت نفسي ذنب موت لجين
ومرات احمل اهلها الذنب
ا
عالرغم والدها شبه انجن بموتها حاله مو احسن من حالي
عالرغم هالفتره جان هاملها ومايسال عنها مشغول بس يبقئ اب وكسرته كبيره
ماسامحت اي شخص اذئ لجين
وحتئ نفسي ماسامحتها
رجعت حياتنا طبيعيه بلبيت وامي وابويه ملتهين ب جنه الي ولادتها بشهر السابع كان يحتاجلها عنايه خاصه
اشوفهم يركضون منا ومنا واني. مامهتم ولاا الي اي دخل بلموضوع
بلعكس صوتها بلبيت يزعجني
جهاد ماما كافي گوم شوف حياتك هذه امر الله وقدره
كوم ياابني دراستك ودوامك
عوفيني يمه ماريد دراسه ولاااريد شي بهذه الدنيا
اتركوني بحالي
ماما كوم لخاطر بنتك خطيه
ماريدها مو بنتي
لاتجيبولي سيرتها
استغفر الله جهاد شنو هالحجي يمه
استغفر الله يمه خلي اگوم اروح لغرفتي افضل
قبل لاتروح اسمعني
راح ننتقل للسيديه
مابقه شي راح نبعد من هالمكان
براحتكم مايخصني
اايي وشي ثاني
بنتك ابوها سجلها باسمه
بماا انه انت تركت المستشفئ بعد ما فقت من صدمتك
والدك مالگه حل غير انه يسجلها باسمه
واسمي
عادي وشنو يعني
لاا ماكو شي بس ماگول غير الله يهديك لخاطر بنتك
رحنا وانتقلنا ومرات السنوات ومارجعت لدوامي
وصارت جنه وجودها بلبيت راحه لنفسي بس اكابر ومااوصلها
ومرات تجي تفتح الباب مال غرفتي وتنام بحظني والگاه احساسي ميت ماعرف ليش من تتقرب اتذكر لجين
صارت جنه اول ابتدائي. واني رجعت امتحنت خارجي سادس علمي ونجحت بمعدل دخلني صيدله
ونجحت جنه للثاني واني داومت جامعه
ومرت الايام وكبرت جنه گدامي وهي تعتبرني اخوها
عالرغم من. امي وابويه دايما يلحون عليه اتقربلها واخبرها اني اني ابوها بس من احاول ماگدر
مادري ليش ماردت اتحمل مسوليتها
جنه
ماما باجر مجلس الاباء بابا مو يطلع ومايجيني
لااا ماما باجر بابا عنده شغل يجي وياج جهاد
لا ماما ماريده شايفته من ياخذني هو شگد يضوجني
ماااا
بابا يعني بابا
هسه دتعالي. نحظر الغداء علئ جيه. اخوج وبابا ماعتقد يجي من وكت
ااوك حظرنا الاكل واجه جهاد
السلام عليكم
هلا يمه الله يساعدك
هلا يمه
روح بدل ملابسك وتعال تغدئ
لا ماريد
متغدي اكلوو بلعافيه
هاج شوفي ماما منتظرته وطلع متغدي
باوعتلها صفح ام لسان خافت ونزلت عيونها
رحت صعدت بغرفتي انام واتمنئ جنه مثل قبل تدفع الباب وتجي تنام بحظني
ااووف مرات اموت من الاشتياق الها ادخل لغرفتها بليل اشبع نظري من شوفتها واطلع بيها شبه من امها
ومرات السنين وكبرت جنه وصلت الجامعه واني ادرس
دراسات عليا
وصارت قريبه عليه بس مشاكلها وعنادها موطبيعي
مثل امها ربي يرحمها
مرات اني وياها نكون قريبين عالبعض كثير ومرات نبتعد
طبعا والالحاح مو طبيعي من قبلهم باني اخبرها انه اني والدها
واني هذه الشي حيل متخوف منا ماعرف ليش احس هالبنت
مثل قصت امها
لهذه جنت وراها وراها. مراقبها دائما ماردت تصير عاطفيه مثل امها
ردتها تصير قويه وتكون دراستها اول شي بحياتها والحمدلله متميزه بدراستها
بس صار تدخلي بحياتها شي مو طبيعي حتئ ملابسها اني اختارها تقريبا الاهل شالوو ايدهم من عدها
ومن تعترض ايگوللها انت واخوج
اذاا ادخل للبيت وماشوفها گلبي يضل يدور عليها
ماتزوجت ولااارتبطت ماردت اهتم باي شخص غير جنه
وصرت افكر بمستقبلها. اكثر
وتخرجت جنه من المرحله الاولئ
واني هم دراستي العليا بدوله اجنبيه
لهذه قررت. اامن عليهم وماكو غير حل الا اسافرهم
وحاليا دننتقل لتركيا
اطمئن ع وضعهم وارتب امورهم واسافر لدراستي
#
يتبع بارت قصير للنهايه
