وحين نحزن غالباً ما نذهب إلى من يحبنا وليس من نحب
من نعلم أن لنا لديه مكان لا ينافسنا فيه أحد.
حيث الشعور بالأمان والراحه.
وامتلاك الدنيا ومافيها.
جهاد
استمرت حياتي واني اكو غصه بگلبي علئ لجين
مانسيتها ابد وصرت اشوفها بجنه
كل ماتكبر جنه اتعلق بيها اكثر
طبعا بكل مراحل حياتها اني الي دور من طفولتها بعد ماتقبلت وجودها صرت قريب عليها
ومن جنت ارجع الگاها منتظرتني
وجنت اكثر المرات انتظرها تجي وتنام بحظني ومن احظنها املك الدنيا
هاي بنتي وحبيبتي ونور عيوني
«««
نرجع للوقت الحاظر
جنه
ماما عفيه ضايجه هسه ماتگوليلي ليش هيج سوه جهاد
يعني عالاقل جنت عندي صديقه هناك وداوم ليش هيج
هسه لشوكت تبقون تمشون وره كلامه
اووفففف متت من برودكم
جنه كومي روحي لغرفتج ماناقصتج اني عندي شغل
روحي
ااايييي هو اني هم راح اروح انام بلكي يخلص هاليوم الگئيب
جهاد
بعد ماطمئنيت علوضعهم وكملت كولشي رحت سافرت علمود دوامي
ويوميا اتصل فيديو بلحجيه واطمئن واشوفهم
اليوم اتصلت
هلا يمه شلونك
بخير ماما شلونكم انت الحجي صحته ان شاء الله مرتاحين
الحمدلله ماما
احنا مرتاحين بس
هاي جنتك داضوج وهاي قبل شويه اجت صرعت راسي بلحجي
وبعدين راحت نامت تضوج ياماما شوفها شبيها يااامي
مداافهم شبيها والله
ااخ ياامي هذه الي نعرفه جنه مو بسهوله تتاقلم عالمكان. موتعرفين
وبسرعه تتململ وتضوج
اتركيها وحدها تاخذ علوضع واني هم اتصل بليل اليوم واحجي وياها
ااي ماما فدوه
هاي بدون خبالاتها البيت مابي روح فارغ
لعد اني شگول ياامي عبالك مختنك من دونها
سوده عليه ياامي شوكت ترتاح من همك وتحجي
الله كريم ياامي هانت مابقه شي
يلااا سلميلي وبليل اتصل
الله وياك ياامي دير بالك ع نفسك
جنه رحت لغرفتي لازمت الموبايل ماعندي بي برامج فقط فايبر ويوتيوب والفيس من اخذه جهاد مارجعه الي
هففففف والله ضوجه انام افضل
نمت وكعدت العصر نفسها الضوجه هاي اذا مازايده شويه
طلعت للهول مسيت عليهم بلكوه
ورحت كعدت عالقنفه مبوزه
هااا جنوو تعالي يمي حبيبت ابوها شبيج.
مابيه بابا حبيبي
كومي حبيبي بدلي وخلي نطلع نغير جو بلكي ترتاح نفسيتج
حركت راسي باي وبدون واهس
رحت لبست وطلعت لگيتهم متحظرين
طلعنا تمشينا
الجو حلوو بدايه شتاء واكو بي بروده
وجنت لابسه بس تيشرت وجينز.
يلااا جنو حبيبي وين تحبين نروح نتعشئ براحتك باب حبيبي
شبيج حبيبتي ليش هيج ضايجه
ماضايجه بابا لاتهتم
شلون ماهتم واني اشوف وردتي ضايجه
دمعت عيوني
بابا مداگدر اتاقلم ويه هذه الوضع
ميخالف حبيبتي تتعودين
دخلنا لمطعم ووصو عشاء واني طلبت صاج لحم
والبابا وماما
صدر دجاج مشوي ومقبلات
دناكل واني مادري وين صافنه
اتتبهت للطاوله الكدامي شاب گاعد وحده
وعينه مديشيلها يمي خجلت ونزلت عيوني
شبي هذه
والمصيبه مينزل عيونه
يلااا الحمدلله اكوم اغسل واجي
عافيات باباتي روحي
رحت للمغاسل
غسلت وطلعت صار بوجهي نفس الشاب
لحظه من فضلج
وياي حظرتك ااي دقيقه بس اخذي حسابي
دقيقه شنو حظرتك تعرفني يمكن بلا زحمه وخر من طريقي
لاا الله يخليج ماكدر احجي وياج هسه بس حسابي عالفيس ابراهيم الانيق
هزيت ايدي ومشيت
والله ياربي هو منين عندي فيس اني هذه بطران ميدري اخويه جهاد
#يتبع
