_______________________________
سليمان المساء كده لقى عمتي ماسكة سبحتها وقاعده على الكرسي في غرفتها،،قال ليها يا عمتي ممكن كلمتين لو مافيها ازعاج،،قالت ليهو اتفضل يا ولدي اتفضل،،،دخل وقعد في كرسي قصادها،،،قالت ليهو احكي،،قال ليها طبعا يا عمتي بعد الحصل الاولاد نفسيتهم تعبت شديد💔ولقدام ح تتعب أكتر لو قعدوا في البلد دي،،،العاوز اقولوا،،انتي زولة كبيرة في السن ما ح تقدري على تربيتهم،،وتيسير بكرة بجيها عدلها وح تمشي،،وفاطمة ملتهية بيبيتها وأولادها،،،وايناس ورحيم ليهم حياتهم الخاصة،،،أنا كل الطالبو منك تسمحي لي اشيل اولادي واسافر بيهم برة،،أنا واثق أنهم ح يبقوا احسن ناس في الدنيا وهم بعيدين عن هنا،،لانو شوية شوية ح تتطلع ألف قصة على أمهم،،وأنا ما برضى انو صورتها تتشوه قدام اولادها بأي شكل كان،،،وغير كده هناك نفسياتهم ح تتحسن وح يتناسوا الموضوع❤،،اديني الأذن بس بدون ما ندخل في قصص كتيرة،،،واولادي انا اولى بيهم وبي تربيتهم❤،،،طوالي بقت تبكي،،قالت ليهو هييي يا ولدي بتقول كلام صعب علي،،،مودة وجنت وليلى ماتت ومسخت علي الدنيا💔💔تشيل باقي الوليدات كيفن بس،،البصبرني منو أنا على الوجعه دي💔💔قام وباس راسها،،قال ليها وعد والله يا عمتي متى ما تشتاقي ليهم برسل ليك زيارة،،ويعلم الله نيتي نضيفة لا ناوي أطلق بتك ولا ناوي أتزوج،،بس أنا عاوز أعوض اولادي عن الفقد،،وإظن كده عداااني العيب❤،،قالت ليهو سمح يا ولدي كلامك على راسي،،بس شوف رأي خالهم،،،في النهاية لازم يعرف ورايو ضروري،،قال ليها أكيد،،أنا بكرة المساء بمشي عليهو بكلمو،،وأنا متأكد ما ح يمانع❤،،قالت ليهو وأولادك رايهم شنوو؟؟،،قال ليها ماعندهم مشكلة❤،،قالت ليهو كويس كويس.
_____________________________
بليل كده شادي اتصل على ريف،،لقاها مشغولة كم مرة،،طبعا بقى يفكر ياربي بتتكلم مع منو؟؟،،وفي منو متصل عليها باقي الليل ده،،حكاية 10دقايق ورجعت ليهو،،،قالت ليهو معليييش بس كنتا بتكلم مع حبيبي،،،قال ليها حبيبك💔؟؟،،قالت ليهو اممممم بابا حبيبي❤😂،،صراحه طلع من الصباح مشى لعمي واتأخر قلقني عليهو،،قال ليها اهااا،،طيب وأنتي قاعده مع منو؟؟،،قالت ليهو رام صحبتي،،قال ليها نفسي افهم قصة رام دي شنو،،معليش يعني بس طبيعي معاك،،قالت ليهو اممم هي نازلة ماستر واهلها برة السودان،،يعني أحيانا في الداخلية واحيانا معاي،،اقرب صحباتي❤،،قال ليها ربنا يحفظها ليك،،اممم كنتا عاوز اقول ليك شنو أنا!!،،قالت ليهو قول،،،قال ليها بكرة ماشي استراحه اطفال السرطان أنا ووعد،،طبعا لسة ما كلمتها بس ح اكلمها اسي،،تمشي معانا؟؟،،قالت ليهو اككككيد😢❤❤ ما عاوزة ليها سؤال،،قال ليها طيب حلو،ح نتحرك من8 ظابط!؟،،،قالت ليهو ظابط شديد،،ااا شادي،،،قال ليها أيوة،،،قالت ليهو ممكن اطلب منك طلب بسيط،،قال ليها أيوة اتفضلي،،قالت ليهو حرام انت ووعد تفضلوا على الحال ده،،طيب بخاطرها،،ما تبقى جاف كده،،على فكرة هي محتاجاك جنبها💕خصوصي أنها والله ما متواصلة مع قصي،،فبطل ثقالة وبرود دم يششااادي،،،قال ليها حاضر يا ريف،،ح اتكلم معاها واحاول ارجع معاها زي الاول واحسن،،أنا ما غايظني ومزعلني أنها حبت قصي،،انا المزعلني أنها ما كانت صريحه معاي من الاول وأنا ما ربيتا على كده ولا عودتها على كده،،،قالت ليهو اسبوعين وكذا يوم عقاب كاافي جدا،،،أمشي اتكلم معاها ولما تخلص ارجع لي عشان عاوزة اعمل ماسك لوشي،،،قال ليها يشهد الله حلاوة من غير اي اضافات❤،،برجع ليك،،قالت ليهو أوكي،،،،،بعد قفل منها،،نزل تحت لقى أمي بتحضر في برنامج سوداني،،قال ليها حنون لسة صاحية،،قالت ليهو ماف موضوع،،قولته اشوف التلفزيون فيهو شنو،،،قال ليها كويس برضو ههههه،،عندك فكرة اذا وعد نامت ولالا؟؟،،قالت ليهو كانت مصدعة،،بلعت حبوب وطلعت غرفتها،،أمشي شوفها،،ملاحظة ليكم الايام دي ما بتتكلموا كتير،،ما عاوزة ادخل بينكم،،حلو الموضوع قبل يتطور وأنا ادخل فيهو غصبا عني،،قال ليها ماشي احلو اسي،،،طالع بس اجيب ليها بيبسي واندومي💕،،قالت ليهو كويس وانا طالعة انوم،،في فيلم حلو اسمو "العيال كبرت"عارفاكم حضرتو مية مرة،،بس احضروا تاني،،قال ليها طيب،،طلع جاب البيبسي والاندومي ومعاهم تسالي،،،ختاهم في الصالة تحت بطريقة ظريفة بعدين طلع لوعد في غرفتها،،،لقاها راقدة وجايبة شعرها كلو على وشها،،،زحاهو ولقى عيونها حمر من البكى،،قال ليها ليه ليه الببا بتبكي؟؟،،زادت في البكا،،،مسح ليها دموعا وقال ليها ماف شي يستاهل دموعك فاهمه❤،،قالت ليهو انت تستاهل💕،،قومها من السرير وقال ليها ما عارف اقول شنو بس أنا اسف،،،اسف شديد على كل دمعه نزلت من عيونك بسببي،،،شال البانده ولمى ليها شعرها،،قال ليها ارح تحت،،عامل قعده ظريفة وفي فيلم ح يبدا بعد شوية نحضرو سوا،،قالت ليهو بالجد،،قال ليها أيوة،،مسكا من يدها ونزلوا تحت،،لقت التسالي والاندومي والبيبسي،،قالت ليهو شاااااادي بحبك😭😭😭😭💕💕💕قال ليها كذابة انتي بتحبي قصي بس،،نزلت راسها،،قال ليها عايني ما حابب نفتح الموضوع ده تاني مهما حصل،،وخلي الموضوع ده لرب العالمين ولا كيف؟؟،،قالت ليهو أيوة صح،،،قال ليها يلا نقعد عشان الفيلم،،،قعدوا جنب بعض وطوالي شادي شال صحن الاندومي،،قالت ليهو اديني يا غياااظ،،قال ليها ابييت،،أصلا عارفك ناوية تاكلي براك عشان كده ح اديك حبة حبة في يدك،،قالت ليهو شادي ياخ بطل كلو ولا الاندومي😭😭،،حشر ليها كمية كبيرة في خشمها،،قال ليها ابلعي يلا😒،،،،قضوا سهرتهم ضحك ومكاوة،،بعدين وعد نامت والابتسامة مرسومة على وشها❤❤،،،شادي اتصل على ريف حوالي الساعة 12بس ما ردت،،عرف أنها نامت،،رسل ليها في الواتس "ما عارف أعبر ليك كيف،،بس انتي وجودك مهم وليهو أثر في حياتي❤ الله يحفظك❤".
