أنثى بعثرت كبريائي

انثى بعثرت كبريائي ١٩

البارت .التاسع عشر .
.
✍روز علي .. rose_____ali

شهد .
كعدت من الصبح ع هلهوله خالتي . كمزت رقيه من مكانهه قبلي .
.
رقيه . ياله كومي ساعه ١٠ . كومي للحمام بين ما اسوي ريوك نتريك ونروح .
.
شهد . علكيفج ماشي . ..

اخذت ملابس وفتت للحمام غسلت وطلعت . بدلت ورقيه فاتت للحمام سبحت و كملت

خالتي جابتلنه الريوك اكلنه احنه و واكفين كالت .

ام فهد . فهد واكف بالسياره بره ينتظرجن ..
.
رقيه . هاي لو اني متأخره هيج جان حار شسوة بيه . بس لاعيني هاي شوشه . ههههه الحب ياب الحب .
.

شهد
شالت رقيه البدله واني طلعت شايله العلاكه بيهه المسكه واالتاج . لكينا واكف بالباب . ردت اصعد ليوره يم رقيه صاحلي .
.
فهد . ابويه انتي تعاي كعدي هنا .
.
شهد . اوك ..

كعدت يمه . وهو شغل ومشينه . الطريق كله يحجي .
.
فهد . ماريد مكياج قوي . ماريد وحده من الصالون تكلج اخذلج صوره وتقبلين . فاهمه . قبل متخلصن خابرني حتى اجي . . واضح كلامي
.
شهد . اي .
.
فهد . من تطلعين تخلين شي ع راسج فاهمه ..
.
شهد . اي . (بملل) ..
.
فهد ..بسيطه ..
.
وصلتهن للصالون واني رجعت للبيت . لكيت البيت مكلوب جهال ونسوان ومخبوص خبص . بيهن ينظفن بيهن يطبخن . سلمت وفتت .صعدت بالغرفه . دكو عليه اصدقائي يريدوني اروح يمهم . بدلت و طلعت رحنه للحلاق وتغدينه بالمطعم ورجعنه همه طبو ويايه للبيت صعدو يمي بالغرفه .

كلبوهه كلب . اجتني رسالة دحجت من رقيه مخلصتهن ام الصالون كملت تبديل لبست القاط سويت شعري ونزلنه سوه همه هم جانو مبدلين ولابسين قوطهم وبيهم لابسين دشاديش . .
.

الولد كعدتهم صارت بحديقه بيت عمي . ومعزمت احد بس جماعتي القريبين ولد عمي و ولد خالتي . مهيمن راد يصالحني اخذ السياره زروقهه . والباقين كلهم متفاجئين لان اني تزوجت بس رغم هذا فرحانين وممصدكين طلعنه من البيت بسياراتنه اني اخذت امي واسعد اخذ جهاله تقريباً ٧ سيارات وكل واحد اخذ عائلته وصارت زفه . رحنه عليهه للصالون طلعناهه
من وصلنه للصالون امي نزلت مقبلت تكعد يمنه راحت ويه اسعد هي ورقيه . وشهد كعدت يمي .
.

شهد ..
كملت شغل بيه ام الصاالون . تسريحه حلوه ام التاج . مرفوع من الامام مثل الباف ومن وره مفتوح وسوته بالفير . البدله جان تصميمهه كلش حلو وراقي . كلش حبيتهه . مكياجي ركزت بي ع العين اكثر شي .كالت تستحق واحد يركز عليهه بالمكياج . كملت كل شي وكملت الرقيه . دزت رقيه مسج الفهد . نص ساعه وره مخلصنه اجوي علينه طلعت للباب تلكوني . هو وخالتي اخذني صعدني بالسياره ورحنه للمصور . اخذنه كم لقطه . بس كلش حلوات . لكن حرامات كنت ملابسه الذهب . رغم هذا كلش حبيتهن . وصدك فرحانه .من قلبي اول مره تصير عندي هيج فرحه حسيت شعور غير . حسيت نفسي فعلا ملكه . كملنه تصوير تقريب ساعه ٨ رجعنه للبيت بزفه وركص وهورنات كعدنه بالحديقه وهو وصلني للحديقه كعد يمي انطته خالتي الذهب ولبسه والي وطلع . . والبنات صبن العشا . وتعشو العالم . خالتي يمكن ممبقيه احد معازمته . كملو عشا جتي رقيه اخذتني بالهول كعدت . .
.
رقيه . امي جايبه مله . يعني دك وركص . هلا هلا .
.
شهد . هههههه انتي بس عندج اهم شي ركص .
.
رقيه .. طبعاً .
.
شهد .
راحت رقيه من يمي . بقيت اني والنسوان كاعدين كدامي . بس كان الهول والاستقبال متروسات وهول بيت خالة كبير كلش . جانت تبارك كاعده من الجهه اليمنه ويمهه وحده ويسولفن بس حجيهن اني اسمعه .
.
رفل . اكول تبارك شو ولا واحد من اهلهه .