✍ روز علي . rose_____ali .
.
البارت الثاني .
.
شهد . وين طلعت والله مطلعت . حتى مشفت احد . الله عليك كاظم لتضربني بروح امي وابويه لتضربني .
.
شيفيد الحجي . كنت عبالك احجي ويه حايط . بيومهه تأكدت كاظم شايل حقد الدنيا كلهه عليه لان معافني اله فقدت الوعي . بمكاني . حسيت هو كاعد كدامي ع القنفه . صاحلي
.
كاظم . كومي كعدي كدامي .
.
شهد . بيه مابيه من خوفي .كمت كعدت كدامه .
.
كاظم . باجر ابو صاحب يجي ويجيب شيخ ويا راح يعقد عليج وتصيرين مرته فاهمه .
.
شهد .
هنا كلامه كان مثل الصاعقه الي . مكدرت اسكت . كلت اموت احسن من ما ابقه ويه هيج اخ ولا اصير مفرغه شهوات العد هيج انسان مثل ابو صاحب . . ابو صاحب معروف بالمنطقه انسان ظالم وميخاف الله . ومعروف انه يتزوج وين وماكو وحده صغيره فتره ويطلكهه . لذلك كلت الموت اهون الي ولا اكون بيد واحد مثل ابو صاحب . كمت وكفت . وكتله .
لو تذبحني وتموتني ما اكون زوجه الابو صاحب .
كاظم . غصبا ما عليج .
.
شهد . مو غصبا عليه . (كعدت كمت املخ بشعري وادك ع راسي ) .
ما اتزوج ابو صاحب لو يبقه اخر واحد بالدنيا .
.
كاظم . شوفي اني كلت باجر . اخلي يجيب الشيخ ويعقد عليج بس مو ادميه .
.
شهد . ولك شكد حيوان وحقير ولك لو ما اني امانه ابويه وامي عندك
.
من كتله هذا الحجي هو جان يريد يطلع بس من سمع كلامي رجعلي بعوده الماسحه كسرهه عليه . عافني وطلع قفل الباب ورا وراح . بقيت اني بحالتي بنص الهول كلت لازم اخلص نفسي باوعت ع الساعه ١١ والدنيا موت برد . جنت لابسه تراكسود اسود صعدت الغرفتي . لبست سترتي فوك التراكسود وخليت الشال ع راسي واخذت جنسيتي خليتهه بجيبي وسديت سحاب الجيب ونزلت . رحت للمطبخ جنت ضامه مفتاح جوه خشبه الثلاجه طلعته ردت اطلع باوعت بالمرايه وجهي ماكو مكان بي مو ازرك وينزف دم ركضت وفتحت الباب وطلعت قفلتهه ورايه ورحت اتمشى بطريق البساتين . ماكدر امشي ع الشارع اخاف احد يشوفني من جماعته . كلت لازم اعبر منطقتنه واعبر للشارع العام . من الجهه الثانيه يعني الشارع الي وره المنطقه . لازم اعبره قبل ١٢ . بالشتا منطقتنه تصير تخوف محد يمشي بيهه واضويتهه تصير قليله وتكون بارده كلش لان قريبه ع الشط وكلهه بساتين . كنت اركض وجسمي يون عليه ونين مدري من الضرب مدري من البرد . بنص الطريق ونكطع نعالي وبقيت امشي حافيه مره امشي سريع ومره اضغط ع نفسي واركض . وصلت للشارع العام . شفت سياره من بعيد جتي . وعالكه لايت قوي وكفت بنص الشارع كلت لو اني الميته لو يساعدني ويخلصني من وكفت السياره كدامي خلص بعد مكدرت اتحمل وكعت بالكاع . نزل عليه صاحب السياره يركض . بس اني كنت ماكدر حتى افتح عيوني نسدن ورمن ع كد مضربني ع وجهي . بس اسمع
._______
.
اعرفكم ع نفسي . اسمي فهد . عمري . ٣٢ سنه . متخرج من الكليه العسكريه . ضابط تحقيق . . من اهل البصره . دوامي بغداد . حاليا عايش ويه اهلي . سابقا كنت عايش وحدي . طولي ١٨٨ وزني ٩٠ اسمر البشرة . عيوني سود شاب عادي كأي شاب . طبيعتي انعزالي واكره الاختلاط بالناس . حتى من ارجع للبيت الاهل كلهم يدخلون انذار .همه واطفالهم . عندي اخ واحد . اسعد عنده ٤ اطفال . وخوات ثنين وحده متزوجه و وحده لا بعدهه هالسنه تخرجت من السادس . . حاليا رايح الشقه صاحبي . ماكو هو مسافر واني طلعت من الدوام باجر من الصبح انزل للبصره . فمريت ع طريق حي البساتين . اني وراجع بالشارع العام شفت شخص واكف بنص الطريق . خففت السرعه وصلت يمه وكفت من وكفت هو وكع نزلت اركض شفته بنيه . بس شصاير بحالهه . ماكو مكان بجسمهه صاحي .
أنت تقرأ
أنثى بعثرت كبريائي
Romance((قصه باللهجه العراقيه)) . تتكلم عن فتاة يتيمه تحت رحمة اخيها المتوحش . تعاني منه مثل ماتعاني من اليتم والحرمان هاربة منه الى المجهول . ليرسل لها القدر من ينقذها من قسوة حياتها .. . . بقلم✍ روز علي .
