أنثى بعثرت كبريائي

انثى بعثرت كبريائي ١٥

البارت الخامس عشر .
.
✍روز علي .        rose_____ali .
.

ام روى . شهوده .  فدوه حبيبتي  . وينج ماما  ظل بالنه عليج قلبي .
.
شهد . لا يظل بالج .خالة اني هسه مرتاحه اكثر من قبل وبأمان . 
.
حظنتني خاله وبوستني .

ام روى . تعاي كعدي خل نفهم وين  انتي ما وين .

روى . ماما شهد نخطبت  .
.
ام روى . يا صدك
.
شهد . اي خاله . البارحه  عقدت . هو نفسه الشخص الي ساعدني .
.
ام روى . روى كالت يشتغل ضابط صح .
.
شهد .  اي صح .
.
ام روى . مرتاحه ويا داير باله عليج . يخاف عليج ..
.
شهد . اي والله خاله احسن ولد .
.
ام روى . الله يخليكم البعض ويرزقكم بالذريه الصالحه  . اني شريد اريدج تكونين مرتاحه . هو جابج مو .
.
شهد . اي واكف .بره .
.
ام روى . ليش واكف بره ليش مخليتي يفوت .
.
شهد . لا خاله نريد نرجع  وهو ورا دوام .
.
ام روى . سويتي عرس حفله.
.
شهد . لا بس هيج عقد يم الشيخ .
.
ام روى .  سوده عليه نحرمتي  
.
روى . لا ماما مو مهم صدكي . يكفي انه تزوجت رجل تكدر تستند عليه وتعتمد عليه . مو صح .
.
شهد . اكيد صح .
.
روى .شسويتي ع التقديم .
.
شهد . بعدني . هو كال اني اكملهه . انتي عليج تروحين تداومين وبس .
.
ام روى . زين وين ؟ .  هنا لو بالبصره .
.
شهد . لا خالة اكيد بالبصره .
.
روى . اي عيني اشتغلت الواسطه . 😂.
.
ام روى . كومي روى جيبي شي الشهوده .

.
شهد .لا خالة والله ماريد مستعجله كلش .
(كمت وكفت واحجي وياهم )) 

وخطيه  هو عفته واكف بره .
.
ام روى .  والله حبيبتي مو جيه  هاي .
.
شهد .لا خاله غير مره اجي ان شاء الله .
.
ام روى .خل اطلع وياج احجي ويا شويه .
.
روى . اوكفولي اني هم  خل البس شال .
.
شهد .
طلعت اني وخالة وروى  جان هو كاعد بالسياره . .شاف خاله ام روى نزل من السياره .
.
ام روى . السلام عليكم .
.
فهد .عليكم السلام . خيتي .
.
ام روى . الف مبروك عقدكم  ربي يتمملكم ع خير وربي يرزقكم الذريه الصالحه .
.
فهد . الله يبارك بيج تسلمين .
.
ام روى . ما اوصيك عليهه فدوه . دير بالك عليهه .  شهودة بنيتي بمعزة روى الله شاهد .
.
فهد . لتوصين حريص . بعيوني  والله  .
.
جنت اباوع عليهه واحجي . .
.
روى . (( حجيت بهمس )) شفتي شلون يباوع عليج مبين يحبج .
.
شهد . اسكتي . يروح يسمع عيب .
.
روى . ولج شنو عيب غير خطيبج  .
.
شهد. ياله حبيبتي باي  .

بوستهم . وصعدت بالسياره بقو همه واكفين بالباب . الى ان حركنه السياره  وطلعنه من المنطقه .
.
فهد . ها شلونهه المعنويات.
.
شهد . كلش زينه .
.
فهد .الحمد لله . ياله خل نفتر شويه بالسوك ونتعشه ونرجع .

شهد . زين انت مو تعبان .
.
فهد . تعبك راحه يا حلو .
.
شهد .
رحنه للمنصور وهاي اول مره افتر هيج اشترينه ملابس اله والي   واخذني الابو الموبايلات اختاريت موبايل  واختار هو موبايل الرقيه .   ورحنه تعشينه .  واخذني اكلنه موطه . للساعه ١٢ باليل ياله رجعنه للبيت .  سبح هو وسبحت اني ورا  لبست بجامه برمودا . فتت للغرفه لكيته متمدد ع بطنه نايم حس بيه فتر ع ظهره . اني هم تمددت ع طارف الجربايه .
.
فهد .
فتحت الهه ايدي  وكتله .    .... .    .  تعاي .