كارمن

اتصال متوقع

رنين هاتف رفعت نهله الهاتف وانفجرت ضاحكه نعم هي لاتملك رقمه الخاص ولكنها واثقه انه هو خصوصا بعد تاكيد عمر ظنها انه اخذ رقمها  تنهدت بقوه وفتحت الخط
#علي فكره الوقت اتاخر جدا
#دا علي اساس انك عارفه اني هتصل
#اكييد بس متوقعتش انك تتاخر اوي كدا توء توء خلفت ظني
#انتي مستفذه
# متوقعتش كمان انك تفقد اعصابك بسرعه خلفت ظني لتاني مره
#انتي مش شايفه انك زودتيها اوي
ابتسمت
#انت اللي متصل.. هاه عاوز ايه
#قرارك
#الساعه اتناشر بليل..... وبعدين لسه مفكرتش
# احنا مش عيال صغيره علي فكره
#دا صحيح.... مهو عشان كده لازم- افكر كويس
#اممم قولي بقي انك خايفه
اتسعت ابتسامتها
#لاء- مش خايفه بس مش بحب المخاطره مش اكتر...
#انتي شيفه ان جوازنا مخاطره
#لاني- واثقه انك مش هتقدر تستحملني
#طب ماتجربي
#بس انا شيفاك متحمس مع ان الموضوع مكنش كدا الصبح ... علي فكره انت بتكلمني علي الفون اكيد مش  هشوف الابتسامه الظريفه دي
#انتي
#انفعالاتك متوقعه مش اكتر.... هديك رايي لوجوبتني علي سؤال واحد... اشمعني انا
#لنفس السبب اللي خلاكي- تتكلمي معايا
#ارتياح شعور متبادل. بين اي اتنين اصدقاء
#توء مش ارتياح بس.. في حجات تانيه
#زي
#لاء- دي خليها فيس تو فيس احسن
#اشمعني
#اصلك بتبقي حلوه اوي ووشك احمر
#انت قليل الادب-
#متفقديش اعصابك بسرعه..... كدا نبقي خلصين.... هاه اجيب مالك واجيلكوا بكره
قالت بسخريه
#كده هقول عليك مدلوق هتموت عليا
#منكرش.... هموت واخدك في حضني
#مش من السهل استفزازي علي فكره
#عجبني ذكائك هاه نيجي علي الساعه كام
#دا انت مصر بقي
#جدا
#طب ليه
#عشان انتي شبهي
#اممممم شبهك ولاشبه سلوي
#لاء شبهي انا... الشبه اللي بينك وبينها شكل العين بس انتي عنيكي لون العسل  وشعرك لون البندق
#وووانت شوفت شعري فين
#اتخيلته كده... طويل وناعم بس مش تقيل اوي شبه موج البحر... اااااريحته ياسمين  ...
بلعت ريقها بصعوبه هي واثقه انه لم يري شعرها كيف يصفه بتلك الدقه تنحنحت بحرج
#علي فكره اللي بتقوله دا حرام
#خلاص نخليها حلال يبقي بكره الساعه سته هاجي انا ومالك والماذون
قالت بصدمه
#مماذون ايه....
#مش بقولك خايفه.... علي العموم متخفيش مش مهاب الادهم- اللي ياخد واحده غصب
#مينفعش دلوقتي لازم اطمن علي اسر الاول  وبعدين انا مشغوله معاهم اليومين دول بنخلص البيت و
قاطعها
#كفايه حجج....  استنيني بكره
#مهاب بلاش جنان
#اول مره اعرف ان اسمي حلو اوي كده واضح انك مبتجيش غير بالجنان...انا مبكررش كلامي- مرتين... تصبحي علي خير
اغلق الخط رفعت الهاتف ونظرت اليه مصعوقه .....لم تتخيل ابدا ان مهاب باشا يحمل هذا القدر من الجنون لما هي خائفه... ذكرياتها مع الرجال ليست بالجيده ابدا.... ولكن هناك شيء ما يجذبها اليه وهذا الشيء من الصعب تجاهله.... لن تنكر ان كلماته الناعمه دغدغت انوثتها التي اوشكت علي نسيانها حررت شعرها لينسدل بنعومه علي ظهرها وقفت امام المراه
#وبعدين يانهله هتستحملي راجل تاني في حياتك.. كل يوم خناق لدرجه انه يمد ايده عليكي...  بس مهاب مش كده وعصام مكنش كده الابعد الجواز
جلست علي طرف الفراش ودفنت راسها بين ذراعيه تحاول تحجيم الطرقات القويه براسها ماذا دهاها لقد واجهت الجميع تخطت كل الصعاب ولم تسمح لرجل الاقتراب- من حياتها...  لم تندم يوما علي قرار اتخذته وتثق بحكمتها وقدرتها علي موازنه الامور- لما الان- تشعر بكل هذا التخبط.... والضعف وهذا اكثر مايحنقها..... 
--------------------------------------------------------
#نعم انت بتتكلم بجد
رمقه بنظره حاده #وانا من امتي بهزر معاك ياولد
اعتدل مالك واقفا وقال
#يعني انت شوفتها اول امبارح قطعتوا فروه بعض امبارح وهتجوزها النهارده وده مش هزار داعين العقل صح كده
وضع مهاب ساقا فوق الاخري- وقال ببرود
#فيها ايه عادي.....  الساعه سته تكون انت وعمر ويارا وكارمن هناك مفهوم
فرك مالك ذقنه وقال
#اممممم انت ناوي علي ايه بالظبط.. مش مرتاحلك علي فكره
هب واقفا وربت علي كتفه
#مش مهم... اللي قلته يتنفذ من غير مناقشه تمام
هز كتفه وقال
#تمام سلام- بقي عشان انا اتاخرت
#مالك مفيش اخبار عن موضوع عادل
#كلهم في جحورهم محدش منهم ظاهر
#ربنا يستر  ..... خد بالك امتحانات مراتك قربت واللي انا شيفه انها مطنشه
#لاء- مطنشه ايه... دي كارمن دي لولبيه راحت الكليه وبتذاكر وانا بساعدها
#طمنتني دي كانت وصيه سلوي انها تكمل تعليمها
#لسه بتحبها
ابتسم وقال بحنين
#سلوي هتفضل ورده اوركيدا طالعه جوا حضن جبل ابص عليها من بعيد ومحلمش حتي اطولها
#طب ونهله
هز راسه وقال
#نهله دي بقي حاجه تانيه خالص....  هي الحياه اللي كان نفسي  اعيشها... 
#يعني بتحبها
#مش عارف يامالك حقيقي مش عارف
#يبقي بتحبها.... انسي اللي فات وعيش حياتك يابابا هكون عندك الساعة سته
#مالك قول لكارمن مش عاوز مفاجات ماشي
ربت علي كتفه
#ماشي ياكبير
خرج مالك ركب سيارته يفتقد شطيره الصباح المحمله بعبق صغيرته.....لقد غادرت البيت في الثامنه قبل نزوله.... مر علي مكتبها الفارغ لقد لونت كل شيء بلونها برونق حياه منعش ممتع دخل مكتبه فوجيء بعمر ينتظره قال بحنق
#وكاله هي مش كده
عمر بجديه
#في موضوع مهم
جلس امامه وقال بقلق
#في ايه ياعمر
#الادهم جروب ابوك بقاله تلت شهور مبيروحش الشركه ورميها لشويه تيتتتت هيجوبها الارض-  ....ابوك خرج نسبه معتز ومشاه بس ممشاش ديوله.... كل صفقاته بتفشل... وانت عارف مجالنا سمعه الادهم- بدات تتهز في السوق.... وانت هتدخل المزاد باسمه
قال بتاكيد
#يبقي مهاب لازم- يرجع ويدير الشركه علي الاقل- لحد ماالمزاد يخلص وبعد كده نعمل دمج واحد فينا يمسك هنا والتاني يمسك هناك ايه رايك
#تمام اوي بس ابوك كببها علي الاخر- هتقنعه يرجع الشغل ازاي
ابتسم وقال برود
#خالتك هي اللي هتقنعه
#ودي هتقنعه ازاي... علي فكره ابوك لو اتجوز خالتي هيتجمدوا من كتر البرود
اتسعت ابتسامته
#تمام طب اعمل حسابك الساعه سته عشان ابويا هيبقي جوز خالتك
حدق بوجهه وقال بحنق
#هو ابوك دا مبيضيعش وقت ابدا
#دا مهاب الادهم.يابني
قال بقلق
#مهو دا اللي انا خايف منه....  خالتي شافت كتير اوي من ابو اسر... دا مره ضربها لدرجه انه جبلها ارتجاج في المخ وكسر مضاعف في درعها..وركبت شريحه ومسامير....  عارف ماما كانت بتعيطلها ودي ايه طوبه بس علي اد كده حساسه بس هي مش بتبين وانت ابوك ماشاء الله
قاطعه ضاحكا
#مستقيم مستقيم يعني من البيت للجامع ومن الجامع
قاطعه
#للكباريه لعند جاسر .... خالتي مش حمل الهبل دا
فرك ذقنه وقال بابتسامه
#علي مايبدو كدا....  ان الحكايه مش كدا.....  الباشا بيحبها بجد.....اطمن
:#مش عارف ليه قلبي مش مرتاح 
#اطمن ومتقلقش روح بقي شوف شغلك....   
#هي كارمن ماجاتش ليه
#عندها محاضرات وهتخلص علي تلاته- عمر مفيش اخبار عن ناريمان
#بقت بتظهر عادي مع عادل
#قطعت علاقتها- مع معتز
هزراسه نفيا فزفر بضيق وجلس خلف مكتبه وقال بحديه  .....   
#طب وانس
#متقلقش كل حاجه ماشيه تمام وعاصم زرع ميكرفونات في مكتب عادل وبيته.... بس مش بيقولي علي التطورات
#اهم حاجه بالنسبالي اثبت تورط ناريمان ومعتز معاه
#من نحيه ناريمان هي راشقه.. بس معتز مبيتوصلش معاه وتقريبا كده اللي بينقله التعليمات ناريمان
تنهد مالك بقوه عمر بتساؤل
#انا حاسس انك قلقان
#طول مامعتز بره مش مطمن علي كارمن ياعمر....
#طيب مابلاش كليه لحد ما الحكايه تخلص دا هيه كلها كام يوم
#مش عايز اقلقها
#انت مقلتلهاش
هز راسه نفيا فقال عمر ليطمئنه
#مش انت باعت معاها الباديجارد
#بتوع مهاب
#طب ياراجل امال عامل ازمه ليه بقي دول وحوش يابني مش بني ادمين ربنا هيعديها علي خير
#يارب
لن ينكر انه يشعر بالقلق ماان تبتعد عن عيناه قلبه لايطمئن الابوجودها  امامه والصغيره تشعر بقلقه تتسال دوما ولكنه يخشي عليها زفر بقوه وتابع عمله بنصف تركيز والنصف الاخر- مع مجنونته المثيره
---------------------------------------------------------
#لولولولي لولولولي لولولولي .....الف مبروك يانهولتي
وكزت كتفها
#يابت اتهدي بقي
مهاب #لواتهدت متبقاش كارمن
اسر#الف مبروك ياماما مبروك ياعمي
مالك ضاحكا #بقينا اخوات ياسيدي
اسر#مين يصدق
جلست كارمن مابين مهاب ونهله وحاوطتهما بذراعيها قائله بمرح
#يلا- بقي يابوب عايزه واد عشان ندخل جوز الاشحطه- دول الجيش
مها #لاء- انا عايزه بنوته اعملها ضفاير
يارا #صح يامها ونجيبلها كل حاجه بينك
هب مهاب واقفا ونزع نهله من علي المقعد وقال
#كده حلو اوي كفايه تحفيل لحد كده
امسك اسر يد والدته وقبلها باسما
#هو انتي هتمشي دلوقتي
عمر #تمام وانا هاخد اختي معايا وانت تقعد مزعزع ياجميل
نهله #انا اصلا- مش همشي يااسر الابعد- اما تتجوز
مهاب #دا مش حقيقي كلنا هنمشي مها هتعود في قوضتها عند عمر واسرهينزل في جناح مالك ا لقديم
رفعت نهله عيناها لتواجهه عيون مهاب المتحديه وكانه ينتظر اعتراضها...  قالت ببرود
#اوكيه كدا كويس ولاايه- رايك يااسر
#اللي يريحك مش هتفرق انا عندي سهر في المستشفي اصلا-
مهاب ببرود #كدا كويس جدا
قفزت كارمن للاعلي- وقالت بحماس
#هيهيه علتنا كبرت...
وكز مالك راسها
#يابت بطلي هبل بقي
مطت شفتيها
#ديما مكسر مقديفي كدا.... دااناكنت لسه هقول لاسر- نظبطتله جناح الزفت يتجوز فيه
مال اسر علي اذن مها
#زفت مين
مها#ابوها  .بعدين افهمك
اسر #تمام انا يادوبك الحق انزل خلي بالك من ماما ياعمي
#في عنيه يااسر متقلقش
مالك #اسر عاوزك في كلمتين
تحرك اسر مع مالك الي غرفته اغلق مالك الباب وقال بجديه
#في ايه بقي شكلك متغير ومنتاش مظبوط
حدق بوجهه #بتبصلي كدا ليه
#مش متعود انك تهتم بحاجه فمستغرب
#سيبك مني انت فيك ايه
جلس اسر علي طرف الفراش وقال
#مش سهله ان ماما تتجوز.... ويبقي في حياتها راجل... يعني لسه مش متعود علي كده
ربت مهاب علي كتفه
#اسر انت خلاص اخترت حياتك وهتتجوز وتبعد عنها
قاطعه #انا فاهم دا كله... الحكايه كلها بس اني مش متعود حد يشاركني فيها انا ابنها الوحيد ديما كانت تقولي انت سندي فصعب شويه احس ان بقي ليها سند غيري....  هي ملعبكه شويه بس غصب عني... 
تنهد بقوه وقال
#شوف مش هقولك احساسك دا طبيعي عشان انا معرفش.. .. بس لازم تتاقلم انها معدتش ليك لوحدك... احنا كلنا هنشاركك فيها انا ويارا دي كفايه عليها كارمن دا مش بعيد تجننها
نظر في وجهه وانفجر ضاحكا
#لاء انت اتغيرت اوي يامالك... .
#احسن حاجه في الدنيا الحب.....
#عندك حق
#في حاجه كمان عاوزك تعرفها... احنا قربنا من بعض وغصب عنك بقيت اخويا... وربي  عمري ماشفت مها غير زي يارا بالظبط
#عارف يامالك....  مها قلتلي كل حاجه....
تنهد مالك بارتياح وقال بجديه
#دلوقتي بقي اوم وتعالي معانا علي البيت وصلها مش انت سندها ولاعاوز- تهرب..... انت مشوفتش هي قلقانه عليك ازاي
ابتسم وهز راسه موافقا عندما خرج تعلقت بيده كارمن وهمست
#ابوك ضرب الحصار علي الموزه يامعلم ولامجال- للفلفصه
ضحك بقوه وقال
#تصدقي صح... دا بيصطاد في الميه العكره وش
عمر# هومين دا هاه
مالك# انت مالك يابارد رامي ودنك ليه معايا انا ومراتي
عمر برجاء# طب قوليلي انتي ياكارمن
اشاحت بيدها
#روح يابابا دور علي اي حاجه تلعب فيها...
مهاب #عملين تتوشوشوا في ايه
تقدمت كارمن لتجلس بجواره اخرجت من حقيبتها علبه زرقاء من نوع القطيفه وناولته له
#خد ياكبير الهديه بتاعتها عار فه ان مش هيعدي عليك الخاتم .....
#طب متديهالها
اقتربت من اذنه
# دي حاجه لزوم القرب وعملتلك عشا ناااااار ياكبير.... جمبري واستكوزا وحمام حاجه كدا هتخليك تنور
امسك اذنها فتاوهت
#انتي هتلمي لسانك دا امتي ...... وبعدين انتي عرفتي منين ان احنا كنا هنمشي من هنا
افلتت يده لتلدغ خده
#عيب عليك يابوب دا انت تربيتشي... كنت متاكده انك مش هتسيبها تخلع .. 
قال بيأس # مفيش فايده... مالك الفرح خلص شيل مراتك وامشوا يلا
اقترب ونزعها من جواره قالت
#صحيح زي القطط تاكل وتنكر بقي كده يابوب ماشي
مالك ضاحكا #افصلي بقي...  تعالي هما هيجوا ورانا ..... عمر نزل الشنط ويارا نزلت
مهاب بتساؤل #واسر
مالك #اسر هيوصلها للبيت اوم انت كمان يلابقي
تنهد مهاب بارتياح وهب واقفا
#تمام كده طب يلا- بينا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،