كارمن

صفحه الماضي

انتهي الطعام لتصعدالفتاتان للاعلي وينصرف عمر كان في سبيله للانصراف عندما قال مهاب
#مالك كل حاجه جاهزه
#كارمن قالتلي. .....وااااا
اشاح وجهه
#شكرا
غزت ابتسامه شفتي مهاب وقال
#علي ايه انتوا ولادي- انت خلصت شقتك
#الشقه مفهاش حاجه ناقصه بس هتجيب حجتها لسه
علق مهاب ضاحكا
#اه في عربيه نص نقل
#انا مش فاهم هتجيب ايه في عربيه نص نقل
قال باسما
#جهاز عروسه اصل سلوي بتجهزها من وهي صغيره اوي فجبتلها حجات كتير اوي فرش وسجاد ومطبخ واجهزه ومراتب دا غير هدومها
قال بحنق
#وهي هتعمل ايه بده كله الشقه مفروشه اصلا-
#متكسرش بخاطرها يامالك... سيبها تفرح وتفرش حجتها
#طب وهي هتفرش الحجات دي فين ماشقتي مفروشه فعلا-
قال بحذر
#طب اااا متخليها تفرشها هنا
#هنا فين
قال بحماس جعله يوقن ان كلمات كارمن صحيحه
#في الجناح الغربي هو مقفول ومحدش بيخشه هخلي الخدم الصبح ينظفوا وهقعد مع كارمن ويارا ونفرشه ايه رايك
للحظه راي تلك النظره نظره الرجاء في عين ابيه للمره الاولي- يراها واضحه هكذا.... يبدو ان مهاب الادهم- بالفعل يتغير زفر بقوه
#ااااااللي انت عاوزينه
#بجد يعني انت موافق
هب واقفا وقال بسرعه
#عادي وبعدين انت معنتش بتروح شغلك ليه
قال بضيق #معدتش فارقه يامالك.... انا معنتش عاوزحاجه في الدنيا غيركوا.... لوعمر كمان يوافق يقعد معانا هنا
قال باستغراب
#عمر انت عاوزهم هنا
#انا عاوزكوا حواليا يامالك.... تجيبولي عيال صغيره اربيهم زي ماابويا عمل بس انتو هتبقوا غيري انا ومعتز....
حدق في وجهه وقال باهتمام
#انا عاوز افهم انت ايه اللي غيرك كده
تنهد بقوه
#موت سلوي يامالك... سلوي راحت في ثانيه بس سابت وراها اللي يترحم عليها.... لما عرفت بموتها.. وان كارمن دفنتها ووقفت زي اجدع راجل تاخد عزاها...... عرفت ان سلوي عرفت تعمل اللي انا فشلت فيه.... وقتها رحت البيت مقدرتش اخبط علي الباب مقدرتش ادخل البيت وهي مش موجوده فيه..... برغم ان كارمن كانت محتجالي بس مقدرتش. .
قال بتاثر
#يااااااه للدرجادي بتحبها
ابتسم بحنين
#بحبها بس.... انا عمر ماقلبي دق لغيرها.... عشان تبقي فاهم حاجه معتز اتجوزها عشان يكسرني وبس معتز عمره ماحبها
#طب ليه محذرتهاش منه
#حذرتها بس هي مصدقتش... معتز عرف يلعبها صح.. رسم دور التقي والايمان- جدك قالي يمكن هي دي اللي تعدله.... سيبت البلد كلها وسافرت شهر واتلقيته جاي لي الشركه يقولي جيم اوفر زهقت منها... كفايه عليها كده اوي قلتله طلقها رفض.... قلي تفضل متعلقه لحد ماتموت ...عارف كان سهل اوي اطلاقها- منه.. .عندي اوراق تثبت انه عنده خلل اوراق علاجه- واوراق المصحه..... بس هي رفضت... قالتلي مستحيل افضح ابو ابني..... سلوي كانت حامل.وقتها رجعت لجدك وقلتله اللي حصل.... قلي ابعدها عن ايده احنا منضمنش ممكن يعمل ايه... نقلتها من شقه مصر الجديده 'ادتلها شقه حلوان.... حذرتها تروحله لكن هي راحت.... معتز مرحمهاش معرفش يفرق انها ملهاش ذنب ان انا اللي بحبها ......كنت شيفها قدامي بتدبل يوم بعد يوم...... سلوي عاشت حياتها عشان كارمن وبس.. ...
قال بغضب
#انا اللي نفسي افهمه بقي.... انت سكت لمعتز ليه ....انت منتاش ضعيف
تنهد بقوه
#لاء- منيش ضعيف.... انت ليه مش عاوز تصدق ان معتز فعلا- مريض.... مشكله معتز ان انا السبب في اللي حصله... بس خلاص- معنتش قادر استحمل اكتر من كده
قطب بين عيناه وقال
#انا مش فاهم حاجه ،،،انت السبب ازاي يعني
تنهد بقوه #انا هفهمك... امنا ماتت وهي بتولد معتز اتولد بنقص أكسجين وعنده نسبه خلل..... بس النسبه دي متبنش عليه.... الالما- بيغضب .......كنت انا اللي بهتم بيه..... كنت طالع رحله جدك رفض عشان انا كنت برعاه وهو كان مشغول في الشغل..... بس طلعت من وراه وسيبت معتز مع واحد من معارفنا هنا... جدك كان مسافر والرحله كانت خمس تيام ...لما رجعت شفت معتز تاني ....معتز الهادي بقي عصبي جدا بتجيله حاله هياج يكسر كل حاجه حواليه.. معتز كان ضعيف في الدراسه شويه معتش بيروح مدرسه خالص... كان في ثانوي وقتها محدش كان عارف ايه اللي بدله بالشكل ده.... بقي بيبات بره باليومين تلاته محدش يعرف هو فين لحد ماجدك فقد اعصابه وضربه تاني يوم طلعت لقيته اخد واحده من الخدم ماربجها ونازل فيها ضرب..... خلصتها من ايدي وكملت عليه... بقي معظم التعامل معاه بالشكل ده فضل في الجامعه تمن سنين كل سنه ياخدها في اتنين كل يوم يرجع البيت سكران ويضرب يامني يامن ابوه لحد مافي ليله وجهني وقالي بتلومني ليه انت السبب انت اللي سبتني عند واحد متعرفوش عشان يربطني ويضربني ويعتدي عليا كانت مرت علي الحكايه دي عشر سنين كلمت جدك وحجزتله في مصحه الدكتور قال انه بعد الحكايه اللي مر بيها بقي سادي والساديه اللي بتيجي من الاعتداء- ممكن تتعالج.. وخدع الكل وفهمنا انه بقي كويس بس انا لسه شايل ذنبه عشان انا السبب،،،،،،، وجوده في المصحه علمه يتحكم في الساديه دي مش يبطلها فهمت ولالسه-
قال بحيره
#بس ازاي واحد زي ده تامنه علي عيالك
#عشان متوقعتش انه ممكن ياذيكوا مقدرتش اصدق خصوصا وانا عارف ان جدك مكرهك فيه
#وبعد ماشوفته مع....
رفع يده امامه ليصمت مالك رغما عنه اغمض مهاب عيناه وقال بالم
# هي دي كانت مشكلتي مع ناريمان... ناريمان من نفس عينته ... بس مكنتش اتوقع ان هما بالوساخه دي،،،، انا كان هيجيلي جلطه وانا بشوف تسجيل الكاميرا ،،،،،شفت كل حاجه يامالك 'دا مش سهل.. قرار طلاق ناريمان انا كنت ماجله بس سواء كان دا حصل اومحصلش كنت هطلقها ،،،،،،،انا سيبتك تسافر وتبعد يارا عن هنا. .... عشان دي مكنتش اول مره تعملها ناريمان.... ناريمان عملت علاقه مع عادل الشافعي بعد ولاده يارا بكام شهر
قال بغضب
#لما انت عارف انها كده سكت ليه... اتجوزتها ليه اصلا
#نصيبي كده من اول يوم ليه مع ناريمان .... بعد جوازنا وانا عارف ان ناريمان مش ليه فكرت اطلقها بعد شهرين من الجواز بس للاسف- كانت حامل فيك... قلت هتتغير وفعلا- اتغيرت بقت بتعد في البيت وبتهتم بيك وانت لسه بيبي... بس مكملتش في القصه دي اكترمن سنه ورجعت ريمه لعادتها القديمه.... وبعدين اجت يارا..... انا كمان مكنتش الراجل اللي يستحق واحده تصونه ..... كل يوم عشيقه شكل..... الراحه اللي مكنتش بتلقاها مع امك كنت بدور عليها بره واهملت حاجه مهمه ان ليه اولاد- ....
قال بحيره
#طب وانت ياباشا ماانت من نفس العينه وجاسر يشهد
وكزه في كتفه وقال
#يلا- احترم نفسك..... ابوك بس صحته كويسه شويه مش اكتر.... يمكن اكون عنيف احيانا.. ..بس مش لدرجه الاذيه- اللي انت متخيلها... بس عمري ماربجت واحده عشان اخدها عافيه ولاايه-..... اللي عايز اقوله انك سعات ممكن تعمل حجات متبقاش من طبعك... بس انا مش زي معتز ولاعمري هكون زييه،،،،،،،،، اصلا- معتز مكنش كده.... زيك انت عمرك ماكنت قاسي بقيت كده من اللي انت شفته اللي انا برضه كنت جزء من السبب فيه ..... صدقني يامالك مش من السهل اني اقعد ااقولك الكلام-.. لكن انا غلطت في حقك كتير اوي ......كل اللي انا عاوزه انكوا تسامحوني وتفضلوا حواليا
#انت تعرف ان معتز دافع من تحت الطربيزه عشان ياخد المزاد
#عارف.... معتز عايز يكسرني في السوق.... وداير يقول اني هفلس صدقني معدتش فارقه.... حتي لو الادهم- جروب وقعت شغلك موجود وشايل اسمك.....
ابتسم وقال بفخر
#انا فخور جدا بيك... كنت ديما بتابعك بس من بعيد.....حاربت وحفرت في الصخر ورفعت راسي..... كنت بشوف شركتك هنا بتحربني اتنرفز واتصعب بس من جوايا فرحان.... مالك راجل وقف علي رجله لوحده انا اشتغلت بفلوس ابويا..... لما وصلني كلام- عادل واتصلت بيك قفلتها في وشي
#قررت تلوي دراعي بيار... مش كده
قال باسما
#يعني حاجه زي كده.. ...لحد ماظهرت كارمن فجرت كل حاجه..... البت دي علي قد لسانها اللي متبري منها ده... بس اخدت حنيه امها.... انا عمري مااتكلمت معاها..... بس برضه كنت بتبعها من بعيد. ....مجرد ظهوري في حياتها كان هيحطها تحت عين معتز ودا اللي امها وصتني انه ميحصلش انا كنت بنقل اخبار معتز ليها اول باول يمكن عشان اكرهها فيه بس هي رسمتله صوره ملاك وصدقتها وربت عليها كارمن....
قال بحيره #طب وليه اهلها مطلقهاش منه
# محدش يعرف من العمرانيه ان جوزها هاجرها غير محمود خالها اللي انت شوفته وهوده اللي كان بيجلها كان عايز يرجعها البلد بس انا اللي وقفتله وضغط علي ورثها سعتها وقلتله خليها بعيد عشان لوبقت في البلد هيبقي ميراثها قدمها ....وعشان كده سبها.... بس حظه الزفت وقعه مع كارمن... ودي بقي مبتسبش حقها..... سلوي كانت ضعيفه اوي عامله زي ورده البنفسج رقيقه وبتدبل بسرعه.... كارمن مش كده خالص... كارمن قطه شرسه بتخربش وتعض
انفجر ضاحكا
#انت بتضحك ليه
#ولاحاجه- ليه شبهتها بالبنفسج بالذات
#اصلها كانت بتحب البنفسج اوي كنت باخدلها في جيبي كل شهر واحده كانت بتفرح بيها اوي وعنيها تلمع كارمن كمان بتحب البنفسج..... هي عامله معاك ايه في الشغل سمعت انك ممرمطها
قطب متسائلا-
#هي اللي قلتلك
#لاء- عمر اللي قالي...... هاه شاطره في الشغل زي ماعمر بيقول
#جدا عنيده ومخها جزمه بس بتتعلم بسرعه.... خلصت شغل ياخد اسبوعين في يومين.... بثبت انها بنت الادهم- صح
هز راسه رفضا
#بتثبت انها شبهك اوي..... لما بتحط حاجه في دماغها بتعملها مهما كانت صعبه مبتياسش
تنهد بقوه
#فعلا-
#هسيبك بقي تطلع تنام شكلك مرهق اوي ..تصبح علي خير
هب واقفا وقال بسرعه
#وانت من اهلهو
استغرب رده الهاديء عليه،،،،،،، يشعر بالتشتت كلمات مهاب رغما عنه مست شيء ما بداخله شعور مدفون ،،،، شعوره ببنوته لهذا الرجل... شيء ما بنبرته وانكساره هزه من الداخل ،،،،،زعزع جموده نحوه تذكر كلمه حبيبته الحمقاء
#ابا الحج دا راجل طيب عايز حد يطبطب عليه
بدل ثيابه ودخل غرفتها ببطء استلقي علي الفراش ليشدها بين ذراعيه يستنشق بنفسجها العطر لتسبح عيناه في راحه افتقدها منذ يومين راحه الغرق في النوم اللذيذ .......