كارمن

خطه مجنونه

طائش مجنون متهور مراهق هذا ان اغفل انه اصبح مثار علي طول الوقت....هذه الرائعه اعادت بناء كل شيء بداخله.... ربتت بحب علي جراح الماضي وفتحت ابواب نور تشع له وحده ليسير بداخلها... مشاكسه قطته شرسه ولكنها عندما ترتدي ثوب الدلال- والنعومه تكون اخطر بكثير... وعي الان- القول الذي يتردد عن عشق الرجل...... عندما يعشق الرجل تموت كل النساء في عينيه..... انه يعيش هذا مع فاتنته بصخبها ومرحها ودموعها وسلاطه- لسانها التي لاتنتهي-...... تشعل كل مشاعره بلحظه وتنقله من اقصي اليمين الي اقصي اليسار بسلاسه- منقطعه النظير..... حنانها الفطري اغرقه..... تستمتع بشده بتنفيذ دور الام- عليه... الم يكره مسبقا حتي تلك الكلمه .....حسنا لقد مسحت كل شيء بداخله.... نعم حال يارا يقلقه.. ويقلقها هي ايضا ...... اعتاد علي توسد ساقها ومداعبتها الرقيقه في خصلات- شعره الامس- كان يجلس هكذا حتي غلبه النوم ليستقيظ ويجدها نائمه وهي جالسه.....انها.... فقط حياه......تنبض تشرق تبعث نور تضيء ظلمه.. تزيح هم تزرع فرح هذه هي كارمنه الرائعه.. منذ الصباح وهي بالمطبخ حسنا لقد اعتاد علي الطعام بنكهتها الخاصه.... كارمن ستجعله دب في خلال- شهرين علي الاكثر- ....علي الاقل- زاد وزنه بمعدل خمسه كجغ في خلال- اسبوع واحد... والعجيب انها لاتذيد- انش .......كارمن تنتهي من الطعام لتاكل ثم لتصنع طعام... عجيبه هي حقا...... لم يري في حياته امراه تقضي وقت فراغها في تناول الطعام..... نوبات جنونه تغرقها هو يعي ذلك ولكنه دوما يفشل في تحجيمها...... لايتركها- حتي تسقط نائمه بين ذراعيه... جنوووووووون مايعيشه معها هو الجنون المطلق...
#انت خلاص- عيارك فلت... خت علي البرطعه
اعتدل جالسا ليطالعه وجهها الباسم
#اشمعني ياام لسان طويل
اقتربت لتصعد فوق الفراش جالسه علي ساقيه
#انت يابني مش رجل اعمال ايييه مفيش شغل
احتضن خصرها ليقربها منه
#زهقتي مني عاوزاني امشي
لثمت شفتيه وقالت
#مين دي اللي تزهق من الموز اللذود ده.... وبعدين هو انت هتروح مني فين مانا معاك في كل حته
قال بجديه
#انت ناويه تكملي شغل
رفعت يدها بتهديد
#لاء- هسيبك للست انجي تعملك القهوه مش كدا
التهم مغويتها الكرزيه وهمس
#ياحبيتي انا معنتش شايف غيرك في الدنيا بس مش عاوزك تتعبي وبعدين ماهو عمر نزل الشغل من تلت ايام
قالت بقلق
#مهو دا اللي قلقني انا خايفه يكون زهق
تنهد بقوه
#اتكلمت معاه قلي انه حاسس انه عملها ضغط بوجوده قدمها علي طول
اراحت راسها علي صدره وقالت
#يارا صعبانه عليا اوي يامالك وعمر كمان.... عارف لما بتيجي هنا مش بتتكلم بتفضل سرحانه وعنيها مدمعه...
داعب شعرها بحنان
#انا كمان زعلان- قوي عشانها حاولت بس افتح معاها الموضوع عيطت
اعتدلت جالسه وقالت بحماس
#اما انا عندي حته فكره بس هتاخد وقت ومحتجين مساعده عمر
اعتدل امامها فاكملت بحماس
#شوف بقي عمر يتاخر في الشغل اليومين الجايين دول.... ولما يروح تمسكه في التليفون بس تكلمه من رقم تاني
#انا مش فاهم حاجه
#شوف يارا بتحب عمر انا متاكده من دا ومهما كان خوفها مجرد انها تحس انه هيضيع منها هتحاول تتمسك بيه باي طريقه... هنلبخها عن الخوف
فرك ذقنه وقال
#يعني نخليه يخونها
وكزت كتفه وقالت بحنق
#يخربيت التفكير الشمال المسيطر علي عقلك دا..... يخونها يبقي هتكرهه ياعبقري.... احنا بس هنخلي الفار يلعب ومفيش مانع نحطله حته طعميه
#بس بس فار ايه وطعميه ايه
قالت بحنق
#يعني هنخليها تقلق انه هيبص لوحده غيرها.... رسالتين علي تليفونه من رقم غريب.... تتصل بالرقم محدش يرد...... نوسخله منديل بشويه روج ونحطه في جيبه. ... حبه برفان حريمي علي الجاكيت..... هتستحمل يوم واتنين التالت هتكون ماسكه في خناقه وعندها.... يحدث الصدام ...
#عارفه هي فكره مجنونه.....بس ممكن تنجح..... خلاص- بكره هكلمه
#خير البر عاجله انت تكلمه وتديني الاوكيه- وبعدين هبدا انا بقي بزرع بذور الشك في قلبها
انفجر ضاحكا واتصل بعمر الذي رد سريعا الصقت راسها به لتستمع الي عمر
#ايه ياعم انا اتنفخت
#انت معاك حد
#لاء- انا في مكتبي في ايه
#اسمع انت تفضل في الشغل النهارده متاخر شويه ولو يارا اتصلت بيك متردش عليها وياريت تقفل التليفون خالص....
#طب ليه
#فكره كده طلعت في دماغ المجنونه... عايزه يارا تشك فيك... انت بتضحك علي ايه
#كارمن دي دماغها جامده بشكل.. ماشي انا هخلص واروح لخالتي عشان اسر عاوزني وهو بالمره اشوف مها مبلطه هناك ليه ....
كارمن #قله لو اتصلت بخالته متقلش انك هناك ووويشتري ازازه برفان حريمي ويرش منها شويه صغيرين علي الجاكت
مالك بغيض #سمعت يابني التعليمات
عمر ضاحكا #هيه معانا علي الخط
كارمن بحنق #لاء- بلمع اكر ياخفيف
ازاحها مالك وهب واقفا
#خلاص- بقي هو فهم روحي اعمليلي قهوه
تابعها بعيناه وقفت علي الباب لتشير بيدها علامه- ستري تابعها حتي اختفت وهو يكتم ضحكاته ثم قال بجديه
#مفيش اخبار عن الزفت
#رجع امبارح بيته متبهدل علي الاخر- والهانم كانت هناك
#هيه عايشه معاه
#لاء- بتروح بمزجها ووو
#وايه متنطق
#بتقضي معظم وقتها عند عادل
#اممم' معرفتش حد نعرف نجيب منه اخباره
#بن اخوه... عادل قتل ابوه قدامه عشان رفض يشتغل معاه هو مستعد يساعدنا بس عنده شرط
#شوفه عايز كام
#لاء- شرطه انه ميظهرش في الصوره وميتلطش في الموضوع
#تمام طب هو هيساعدنا ازاي
#هو قال ان عادل شغله بتاع بره ميعرفش عنه حاجه بس عارف كل شغله هنا هو اللي يقدر يعمله دلوقتي يحطلنا ميكروفنات في مكتبه... مالك الموضوع كبير اوي الحكايه فيها سلاح- واثار والهانم شغاله معاه والزفت كمان
#ودا ايه اللي لمه عليه ...وبعدين انت مش قلت انه مبيدخلش عنده حد غريب
#معتز بيشغل معاه من زمان في السر محدش يعرف الاعاصم- دا.... ومش كده وبس دا خرج اخر صفتين باسم شركه ناريمان.... واللي سهله شغل الجمرك الزفت.... الشحنه خرجت بعروسه فروعني والقبض عليه كان غطي عشان يخرج ناريمان من الشبهه
#تمام كده تخدلنا ميعاد مع انس ونبدا نتحرك
#ربنا يستر احنا كده بنحط ادنا في عش الدبابير
مالك بسخريه
#الدبابير عاوزه بس تترش بشويه مبيد هتتلاقها- تحت رجليك ميته....
#تمام انا هخلص شغل وافوت علي انس الاول- اخد ميعاد معاه ..
#كده تمام اهم حاجه مش عايز حد يحس بحاجه........ وعاوزك تتقل اوي علي يارا يعني متدلهاش وش.... تروح تنام متتكلمش معاها يعني
#هي كارمن رجعت
#يعني اه.... يلا- بقي بطل رغي
اغلق الهاتف ونظر لجميلته التي تتواعد له بنظراتها قال بمرح
#امووووت انا في النظره الشرسه دي
ابتسمت بفتور وقالت بغيض
#بتزحلقني يامالك دي اخرتها... كنت بتقوله ايه ومش عاوزني اسمعه اعترف حالا-
وكز راسها وقال باسما
#يابت اتهدي بقي .... كنت بساله عن الشغل
#ياااااراجل بتساله عن الشغل برضه. .
رفعها من خصرها حيث اصبحت في مواجهته
#ايون.... قليلي بقي. .انت حلوه اوي كده ليه
امسكت خديه وقالت
#انتي اللي حلوه ياملوكتي ياخلاشي طعمه ولذيذه خاااالص وبتكلي بعقلي حلاوه يابيضه ....نزلني بقي لانفجرفي وشك
انفجر ضاحكا وقال
#انفجري دا حتي انفجاراتك طعمه زيك ياكرملتي
اسندت ذراعيها الي كتفه واقتربت من شفتيه وهمست المجنونه
# بحبك
اربع احرف اكثرمن كافيه لان- تزعزعه وتقلب كيانه راسا علي عقب... ليدخلها مملكته المشتاقه علي طول الخط..... اصبح موقن ان تلك الصغيره جزء من تكوينه... الجزء الناقص الذي يكمله..... دافئه ممتعه شهيه لابعد- الحدود ...لن ينكر ان ظهور معتز يقلقه علي تلك الصغيره ومجرد ربطه بعادل الشافعي يزيد من الامر- بداخله.... لم يعتاد علي الخوف ولكن تلك صغيرته خط احمر غير قابل للاقتراب- منه
...........جنون من السعاده تعيشها معه رائع كروعه السماء الممتلئه غيوم في عينيه..... نعم كل شيء معه له رونق خاص بشده.... حتي جنون اطاحته بها...... مالك ادمل كل جراحها.... اصبح لها كل شيء الابن- المشاغب الاب- الحنون الام- المهتمه... و العاشق المجنون .....يطيح بها في ثانيه... صارت تحفظ جميع انفعالاته- الهاديء منها والثائر...تعشقها كما تعشق صاحبها.. مالك يستطيع التحكم بانفعلاته- بصوره مزهله ولكن يظهر بريق انفعاله بعيناه وهذا لايراه- غيرها... وهذا ماراته عندما دخلت عقب مكالمته مع عمر... حبيبها قلق.. متوتر يحاول التحكم بقلقه وكتمانه ولكنها تراه جيدا واضح كوضوح الشمس المشرقه.... تعلم ان انفعاله الحالي ماهو الانتيجه- لهذا التوتر... ... انه يحاول ان يسيطر علي هذا ولكن يبدو واضح في عيناه التي برغم اشتعالها تري جيدا لمحه الخوف بها...لمسته المتملكه....همسه المهزوز
#اوعي تبعدي عني... ابدا
احتضنت وجهه بيديها لتلتقي بعيناه تلك العيون التي ترفع حواجزها لتربها كل مشاعره ...... همست من خلال- انفاسها اللاهثه-
#عمري ماهبعد عنك..
هناك شيء ما به هي لاتفهمه- لمحت نظره خوف دفين بعيناه لاتعي- سببها ولكنها تركته ....تعلم جيدا انها تستطيع ان تعبر بداخله..... وان تمحو خوفه وتوتره بين ذراعيها ..... العشق والعشق وحده هو دواءه هذا ماتعلمته جيدا اغمضت عيناها واستسلمت لعاصفته الهوجاء... لكي تمنحه الهدوء بعدها
اهدا مالك... هكذا صرخ عقله مجرد شعوره بالخطر عليها الغي كل شيء بداخله لم يبقي سوي العشق وخوفه عليها وتلك المبهره استسلمت لجنونه انه يسحقها حرفيا.... وكأنها علمت طرق طمانته لما لايخبئها- بداخله ويغلق عليها صدره الصارخ بلوعته... سيحميها ولو حتي بعمره.... معتز الاحمق- لن يصمت ويقينه انه سيؤذيه فيها يذهب عقله...
مغمضه العينين وجهها احمر بشده والعرق يتجمع علي جبينها الحار تحاول تجميع انفاسها... اللعنه انها تحتاج من يحميها منه ومن جنونه الاحمق- شدها بين ذراعيه خمس دقائق كامله لتستجمع انفاسها ...دفنها بين ضلوعه وهمس
#انا اسف كنت بس اااا
رفعت راسها لتواجهه وهمست
#خايف.... من ايه يامالك
قال بانفعال
#انتي عرفتي ازاي ان
قاطعته للمره الثانيه
#انا اعرفك اكتر ما انت تعرف نفسك.... عمر قلك ايه خلاك- تخاف بالشكل دا.
بلع ريقه بصعوبه وقال
#انا بطلت اخاف من زمان اوي لدرجه اني نسيت الخوف ...او جمدت كل مشاعري عشان محسش بيه ...عارفه انا وجهت الموت كتير وبرضه مخفتش... سوق الحديد زي مافيه ناس نظيفه فيه ناس بتضرب تحت الحزام متقبلش بالمنافسه... لما بدا اسمي يكبر في السوق حاولوا يطلوني كذا مره.. وجهتهم ومخفتش مكنش عندي حاجه اخاف عليها بس
تنهدت بقوه
#خالي سعيد ساب معتز وهو دا اللي قلقك مش كده ...
#عشان عارف انه مش هيواجهه... عارفه نفسي اخبيكي جوايا عشان مفيش حاجه توصلك
نظرت في عيناه وقالت بتاكيد
#بس انا مش خايفه عارف ليه... عشان انت معايا... انا اقدر اواجهه الدنيا كلها بحبك.... وبعدين هو هيطلني فين وانا علي طول معاك
اراحت رأسها علي صدره لتعتنق خصره بذراعيها
#وطول مانا معاك انا في امان ياحبيبي
الصغيره تحاول ان تطمئنه ولكنها لاتفهم- ان الامر- بالفعل اكبر كثيرا من معتز زفر بقوه وطبع قبله في شعرها المنسدل وقال
#صح عندك حق
رفعت عيناها له وقالت بمرح
#جعت صح
قال بغيض
#جعت ايه بس انت مش بتشبعي حرام عليكي دا انا قربت ابقي دبدوب
قالت بحماس
#شوف داانا عملالك- شويه ورق عنب وكوارع من اللي وصي بيهم لقمان هتكلهم وتنام زي القتيل
انفجر ضاحكا ولدغ خدها
#معدتش بتحوق معايا بس قليلي بقي جبتيها منين
#قلت لصباح من يومين فجبتهالي امبارح يلا- قوم خد حمام وانزل هات بوب من تحت عشان ياكل معانا عشان نبدا تنفيذ الخطه ف
#ايه الخطه ف دي
فركت كفيها وقالت
#فرفره اختك ...يلا- بقي اصل انا اخاف اقول تاكل معانا..تفرفر بجد ....
تابعها تتحرك صغيرته قادره علي تبديله بلحظه ومنحه السلام- الكامل
لم يحظي بهذا الجو العائلي من قبل ضحكاتها تمليء حياته عن اخرها تنير كل شيء.. مستمتع لابعد- الحدود بمشاكستها المرحه له ويشعر بالغيظ عندما تدلل اباه وتشاكسه بعد قليل ذهبت الي يارا وجلس هو مع مهاب
تاملت يارا الجالسه بشرود امام التلفاز في صاله بيتها وعيناها دامعه
#ايه يابنتي دا احنا حتي جيران
رسمت ابتسامه زائفه علي وجهها وقالت
#ازيك ياكارمن وحشتيني
جلست بجوارها
#لاياشيخه- عشان كده بتسالي دا انا بشوفك صدفه.... هاه بروجرامك ايه النهارده
#ولاحاجه-
:#اصل مالك عاوز نخرج وقلي اشوف رايك اصل عمر مش بيرد
قالت بدهشه
:# يمكن معندوش شبكه
#لاء- دا تليفونه بيرن وهو مش بيرد دا حتي مالك سال عليه في الشركه قالوا انه نزل هو مقلكيش انه رايح حته بعد الشغل
:#لاء- بس يمكن يكون راح لمها
قالت بمكر
#انتي يابت عبيطه لازم- تبقي عارفه جوزك راح فين وجي منين لوحده كده ولاكده- تلوف عليه
قالت بقلق
#تقصدي ايه ياكارمن.. عمر بيخوني
قالت بتاكيد
#لاء- ازاي تقولي كده يايارا دا عمر بيحبك....بس برضه لازم- تخدي بالك دا الرجاله دول كلمه توديهم وكلمه تجبهم المهم هتخرجي
#هاه لاء- انا ااااا هتصل بعمر اشوفه فين
اتصلت به سمعت رنين الهاتف دون رد عاودت الاتصال- رفعت الهاتف وقالت بعصبيه
#دا قفل التليفون
ببراءه- #لاء- تلاقي- بس مفيش شبكه ولاحاجه-
عاودت الاتصال- ونفس الرد الهاتف مغلق قالت بعصبيه
#قفله ياكارمن شوفتي
#اهدي بس يايارا الغايب حجته معاه بتتصلي بمين
#بمها ....ازيك يامها عامله ايه
#########
#هو عمر عندك
######
#طيب مقلكيش انه جايلك
###############
#مفيش حاجه بس تليفونه مقفول وانا قلقت عليه
###########
#ماشي يامها سلام-
اغلقت الهاتف وتركته علي الطاوله وهي تهز ساقها بعصبيه
#الاستاذ- مرحش لمها ومقلهاش انه رايح اصلا- طب راح فين
ربتت علي كتفها وقالت
#اهدي بس يايارا .....بصي انا متاكده ان عمر مستحيل يخونك.... بس ااااا
#بس ايه ياكارمن
قالت بجديه #لاء لاء مش معقول
قلت بعصبيه #كارمن لو تعرفي حاجه قوليها
كارمن بدهاء#يعني انا هعرف حاجه واخبي عنك.... المفروض لوهو يعرف واحده تانيه انتي اول واحده تعرفي
#ازاي يعني
قالت بمكر
#يعني هيتغير معاكي.... هتتلاقي علي هدومه شعرايه مش بتعتك ريحه برفيوم غير اللي انتي بتحطيه.... فتشي تليفونه شوفي فيه ارقام غريبه كدا يعني.... اصل بصراحه انا استغربت لما لقيته نزل الشغل دا انا بقالي يومين عماله اتحايل علي مالك عشان ينزل الشغل وهو مش راضي انتي حاسه ان في حاجه متغيره
هزت كتفها وقالت بعجز
#معرفش اصل هو بيرجع من الشغل ياكل ويدخل ينام ....بس انا هعمل زي ماانتي قلتي
#طيب يا يارا انا هقول لمالك يكنسل الخروج النهارده مش عاوزه مني حاجه
هزت راسها بشرود خرجت كارمن فوجدت مالك في الحديقه قال بقلق
#ايه الاخبار
#صحبك ممكن يتشرح النهارده.... دي بتطلع نار من ودنها
#تفتكري ممكن الحكايه دي تنجح
حكت راسها وقالت بمرح
#هي اكيد هتنجح مهي ياتتغلب علي خوفها عشان متخسروش ياهتقتله وفي الحالتين تبقي خطتي نجحت
دفعها امامه وهو يضحك
#يخرب بيت شرك