<Unicode>
ထိုနေ့ညနေကြာမြိုင်နန်းလယ်ကိုJaelပြန်ရောက်တော့လက်တိုလက်တောင်းကိစ္စလေးတွေကူညီပေးရင်းမအားနိုင်အောင်ကိုရှိခဲ့လေသည်။စားဖိုဆောင်မှာကူပေးလိုက်A-Yueတို့အဝတ်လျှော်သိမ်းကိစ္စများကိုကူပေးလိုက်နှင့်ချာလည်လိုက်နေခဲ့သည်။ဒါတောင်မှသူမလုပ်ရသောအလုပ်တို့သည်သာမန်အစေခံတစ်ယောက်နှင့်စာလျှင်အတော်သက်သာသည်ဟုဆိုရပေမည်။သို့သော်လည်းတသက်လုံးရွှေပေါ်မြတင်နေလာခဲ့သောနှစ်ဆယ့်တစ်ရာစုမှသခင်မလေးJaelအတွက်တော့ထိုအလုပ်တို့ကအလုပ်ကြမ်းလိုပင်ဖြစ်နေတော့သည်။Jaelတစ်ယောက်ပင်ပင်ပန်းပန်းနှင့်သူမအိပ်ဆောင်ရှိရာသို့ပြန်လာခဲ့သည်။ဟောခန်းအရှေ့ကအဖြတ်ရုတ်တရက်သခင်မယွီနှင့်ကျန်းဂိုဏ်းချုပ်ကိုတွေ့လိုက်ရတော့မှသူမတစ်စုံတစ်ခုကိုသတိရသွားတော့သည်။ဟုတ်ပေသည်ပဲ။သူမသာအမှတ်မမှားဘူးဆိုလျှင်မနက်ဖြန်တွင်သခင်မယွီနှင့်ကျန်းဂိုဏ်းချုပ်တို့စကားအခြေအတင်ဖြစ်ကြပေဦးမည်။ဘာမဟုတ်သည့်ကိစ္စတို့နှင့်ဒေါသကိုမီးမွှေးရင်းဇနီးမောင်နှံနှစ်ယောက်ကျောခိုင်းခဲ့ကြသည်။ထို့နောက်ဖြစ်သည့်ကိစ္စများကတော့လည်းအားလုံးသိသည့်အတိုင်းပင်။နောင်တရစရာများဖြစ်ကုန်ရတော့မည်လေ။ဘာလို့များတစ်ယောက်ပေါ်တစ်ယောက်မာနတွေခံပြီးစိတ်ရင်းအမှန်ကိုဖွင့်မပြနိုင်ကြပါလိမ့်နော်၊သူမတွေးမိသည်။Jaelအနေနှင့်လည်းအချစ်ရေးကံကောင်းသူမဟုတ်သည့်အတွက်ကျန်းဂိုဏ်းချုပ်တို့ဇနီးမောင်နှံအပေါ်စာနာမိသည်။ဖြစ်နိုင်လျှင်နောင်တရစရာတွေမဖြစ်ရစေရန်သူမတတ်နိုင်သလောက်ကူညီပေးမည်ဟုဆုံးဖြတ်လိုက်သည်။ထိုနေ့ကအတွေးများစွာဖြင့်သူမအိပ်ရာဝင်ခဲ့သည်။တစ်ချိန်တည်းမှာပင်ဝမ်ဂိုဏ်းရုံးစိုက်ရာဖြစ်သောညဥ့်မဲ့မြို့တော်တွင်မူ.....
"စိတ်ဝင်စားစရာပါပဲလား။အဲ့ဒီ့ကောင်မလေးကိုငါ့ရှေ့ရောက်အောင်ခေါ်လာခဲ့"
~~~~~~~~~~~~~~~~~~~~~~~~~~~~~~~
မျက်လုံးမှိတ်ထားသည့်ကြားထဲကပင်စူးစူးဝါးဝါးဝင်လာသောနေရောင်ခြည်ကြောင့်Jaelတစ်ယောက်လူးလွန့်ကာနိုးလာသည်။အစပထမတော့သူမကိုယ်သူမDCကသူမ၏အိပ်ခန်းထဲတွင်ပင်ရှိနေသည်ဟုထင်မိကာမျက်နှာကျက်ကိုငေးကြည့်နေမိသည်။သို့သော်လည်းတဖြည်းဖြည်းကြည်လင်လာသောအမြင်အာရုံနှင့်အတူသူမမြင်လာရသောအရာတို့ကသူမကိုသူမ၏နေအိမ်မှဝေးကွာခဲ့ရပြီဖြစ်ကြောင်းသက်သေပြနေသယောင်။Jaelတစ်ယောက်သက်ပြင်းချပြီးသာရေရွတ်လိုက်တော့သည်။
YOU ARE READING
Now I Understand.
FanfictionEver since I fell into Mo Dao Zu Shi fandom,I've always wanted to create my own fanfic and save all those poor souls who deserve better.And this is how this story was born into reality. Disclaimer: :This fiction is purely for entertainment purpose...
