ف حاله جوطة وهيجان ودخان ونيران ملتهبة يمين وشمال،منتصر قدر يتلب ف الحوش الفيهو ناس عمو بس مستحيل يقدر يصل الباب لانو قرابة العشرة اشخاص من جماعة سيد بتحاومو وبنقلو ف الموية وبحاولو يخمدو الحريق!؟
وهناك ريان بالرغم من انو منتصر نبه عليها م تتحرك بس شالت الباقة بتاعة البنزين وتشعلل ف النار اكتر وتكب ف كل حتة...لحدي م لمحها واحد وجا جاري عليها بس جلتو باخر واحد ف الباقة وكان قريب منها شديد م قدرت تطلع الولاعة من جيبها!!؟ ف اضطرت رجعت ع النار الوراها لدرجة انو النار مسكت ف اطراف شعرها بس حركتها الكتيرة ومزاوغتها من الراجل م خلت النار تمسك فيها كويس!؟ وبحركة سريعة منها إتحولت بالإتجاه التاني وقبل م الراجل يلف معاها دفرتو ف النار ولانو الوقود ف جسمو سرع إشتعالو!؟ بس مسكها الكلب وكان هو مشتعل وماسكها معاهو وجابدتو كدا حتى قدرت تفك منو!؟ ولو م النار حرقتو م كان فكها بس بقى يكورك وطقش يمين وشمال وهو مشتعل!؟ وجرت من محلها داك عشان م يجو كابسين فيها!؟ وبعد صعوبة حتى دخلت الديوان!؟ وكان فاضي بس م ادست تحت السرير وقالت بينها وبين نفسها يمكن زول يجي داخل وم يطلع تاني وبكدا حتكون اتحجزت تحت!؟ عشان كدا لبدت ورا الباب!! وسامعة الجوطة برا وسامعة مشيهم بس ماف زول دخل الديوان وكل م تمرق راسها عشان تشوف لو ماف زول وتطلع... عينها بتلمح ليها واحد وبتجي منزقمة!؟ لحدي م جا الشافع الزمان داك الشافو حسن وكان بياكل ف اضان داك!! بس دخل الديوان وفتح كم شنطة كدا بفتش فيهم تقريبا حقت ضحايا سابقين!! ونزل تحت السرير وكان مقاصد ريان وهي بتقول ي الله م يشوفني!؟ وكان بيلعب بحاجة تحت وفجاة جا داخل واحد من رجال سيد لم سمع الحركة تحت السرير سلا ساطورو ورفع الملاية بحرقة وغضب وقرب يقتل الشافع!!؟ لمن الشافع صرخ الكبير داك جاط فيهو ومسكو من اضانو وطلعو من تحت السرير!! والشافع كان بيبكي ولمح ريان بس م اتكلم ولا ورا الراجل الكبير!! بكون غضب منو عشان نهرو وقرصو!! والكبير م انتبه لورا الباب ف شنو ودفر الشافع قدامو وطلعو!! ريان من الخلعة لمن جسمها مات وقعدت ف الواطا!!؟ وع قعدتها لمحت مسدس ابوها!؟ اتاري الشافع كان بيلعب بالمسدس!!؟
حبت عليهو بكل سرعتها وخمشتو وطلعت وقالت الشافع يمكن م يكون كريم شديد ويكلم اهلو!!؟ فعلا شعقت مسدس ابوها ف بنطلونها وطلعت سريع من الديوان!؟ وكان شكها ف محلو دقيقتين م تمتهن جو رجال سيد جارين ع الديوان والشافع قدامهم!!؟ بس لم م لقو حاجة دقو الشافع مرق بيبكي!!؟ صاح ريان الله نجاها بس بكدا هم عرفو انو ف بت ف البيت وكسفو تفتيشهم!؟ منتصر وصل وبقى قريب من الغرفة بس يلقى المفتاح وين؟ ولا يكسر القفل بشنو ويكسرو كيف!؟ مستحيل يقدر يسوي كل الحاجات دي بدون م يشوفوهو!! احتار يتصرف كيف! وريان ع بعد امتار من العرفة ومنتصر مدسية ورا كومة قش!! ومنتظرة الوقت المناسب عشان تطلع!! اما هناك ناس اسوم وخالد والبقية قعادهم مرتاحين م عاجبهم!؟ وف نفس اللحظة ف واحد من رجال سيد قريب منهم لو حركو المشمع ساي بحس بيهم!! بس الله ساعدهم بالولو الكديسة حقت مروة!! كانت ف المستودع وساكة ليها فاره ولا حشرة م معروف بس كانت جارية ليها ورا شيء!! الكديسة الكانت لو ختو ليها طعام القطط المعلب بعلبتو م بتاكلو إلا يكبو ليها ف صحن!! الليلة الجوع رجعها لطبيعتها الحيوانية وخلاها تسك الحشرات!؟
المهم المتوحش لم شافها جدع قوسو وسهامو وجرا وراها ويخش معاها من تحت عربية للتانية!؟ لحدي م قبضها وجا طالع من تحت العربية فرحان!! خالد قال ليهو مفاجأة!؟ وطاخ لطشو بالساطور الكان شايلنو ناس اسوم!! المتوحش جا واقع!! جرو كلهم ع العربية وشالو معاهم ساهم الراجل المتوحش وقوسو وخالد شال وليد ونزلو من الشاحنة وركبو ف العربية وخلا اسوم والبت المعاها يسندو بيناتهم ورا وقال ليهم اربطو الاحزمة حنمش جولة قد تكون الاخيرة ف حياتكم!! ولولو طلعت لاسوم ف رجلينها ومن صوت مؤاها ظاهر عليها جيعانة اسوم بكت وقال ليهم مريوة حتفرح لم تشوف لولو!! وانطلقو علي القرية بس قبال م يتحركو خالد ولع تحت الشاحنة المنتصر قدا خزان وقودها ديك وخلا النار بدت تشعلل مع الوقود ومن اتحركو الشاحنة إنفجرت والحريق وصل باقي العربات واي واحدة فيها وقود إنفجرت وهناك خالد بيضحك ويقول لازم نعمل شوو ويكون دخولنا ملفت للانظار!!؟ واسوم والمعاها غضبانين منو!! بس مضطرين يستحملوه!! قال ليهم اها البيعرف الرماية منو!!؟ اسوم قالت وليد بس ايديهو واحدة مكسورة والتانية معوقة!؟ قال ليها جربي انتي!؟ وفعلا فتحت القزاز جهزت قوسها والبت المعاهم مسكت ليها السهام!! هناك ناس سيد اتخلعو من قوة الانفجار وكلهم رافعين رؤسهم وبشوفو ف النار!!؟ هنا ريان إستغلت إنشغالهم وجرت ع الباب وسبقها منتصر وإتلاقو وش ف الباب!؟ قبل م يمسك الطبلة طلعت مسدس ابوها وناشت القفل طلقة!؟ لفتت انتباه سيد والمعاهو!! قبل م يجو جارين عليهم!؟ هناك ناس خالد وصلو ف الوقت المناسب!؟ واسوم بدت تضرب بالسهام!! فجهجوه الجماعة جزء جرا علي ناس خالد وسيد ومعاهو اتنين جرو ع ناس ريان!؟ وهم هناك قدرو يفتحو الباب بس م دخلو!؟ وريان بقت تكورك لامها وابوها وتقول ليهم اطلعو!!
اول واحد من جماعة سيد ناشتو طلقة جابتو واقع!؟ وقبل م تضرب تاني سيد ناشها بعصاية ع يدها رما المسدس!؟ منتصر رفع نفس العصاية الضربو بيها ريان واتواجهة مع واحد فيهم..إلا ضربتو م اثرت!! وخمش منتصر من بطنو رفعو فوق ودقة بيهو الواطا!! وريان مسكها سيد وكانت بتجابد فيهو!!؟ بما انو سيد والتاني اتمكنو من منتصر وريان...سيد امر التالت الكان معاهم يطلع ويساعد البرا! فعلا داك طلع وكانو ناس خالد شغالين شغل تمام خالد بفحط بالعربية ودقش اقرب واحد ليهو واسوم بمرة تصيب الهدف ومرا تجلي!! لحدي م السهام خلصت وقالت ليهو خش جوة بكونو محتاجين لينا!! بس ف اتنين عمالقة التقول م بشر بحاول يدعسهم بالعربية ي شبو فيها ي مسكوها من ورا عشان يثبتوها وخالد لم زهج منهم حكى فرملة خلا الشابي فيها بقدام وقع وطلع فيهو بالعربية!؟ وتقول طلع ف صخرة صوت عضامو وهي بتتكسر تحت اللساتك!؟ وانطلق باقصي سرعة لمن العربية هوت!؟ وقربت تتقلب وخشى الحوش لقى آمال طلعت تجابد ف سيد عشان يفك بتها!؟ وهناك منتصر بفرفر تحت الراجل التاني بس للاسف سدد لمنتصر طعنة ف صدرو وقبل م يديهو تاني واحدة الابو طلع يزحف ع بطنو ومسك المسدس الوقع من بتو وناش الراكب ف منتصر طلقة ف صدرو جابو واقع ف منتصر!؟ هناك جا خالد جاري ومخلي العربية مدورة والبت المعاهم إستلمت الدركسون وخبط سيد بالقوس حق السهام الكان شايلاهو اسوم!؟ واسوم جرت حضنت ابوها وبتبكي وشافت مروة جوة جثة هامدة جرت عليها رفعتها وجرت ع العربية وكل م واحد من رجال سيد يجي جاري البت السايقة العربية اسمها راوية تدعسو!! لحدي م قربت ليهم العربية ورفعو مروة وجرت تساعد ابوها لم م قدرت اسوم نادت امها وخلت خالد وريان شغالين ضرب ومجابدة ف سيد وم قدرو ليهو لانو قوي شديد وهم الإتنين متصابين!؟ وفعلا الام ساعدت اسوم ورفعو حسن ومترتبنو ع العربية!؟ جات جارية المرا الخرصاء ديك وقرت تشب فيهم إلا اسوم مسكت المسدس من ابوها وناشتها طلقة م ماتت بس عطلتها شوية!! اسوم ركبت امها وابوها ووجهت المسدس ع سيد بس يدها رجفت وخافت تضرب اختها ولاخالد بس لم شافتو سلا سكينو وعايز يطعن خالد غمضت وفكت الطلقة لم فتحت اتخلعت وم عرفت ضربت منو بس سيد برك ريان قالت ليهو خليهو لي اجر ساعد منتصر!؟ لم رفع الراجل الكان واقع ف منتصر لقاهو منتهي ولا نفس ماف!! جراهو ع العربية وركبو وخلا اسوم وامها بحاولو ينفسوه!! اما ريان شغالة شلاليت وضرب ف سيد وهناك ينادو فيها عشان تسرع خالد استلم العربية من رانية واتجه ع الطريق وبيضرب لريان بوري وبكوركو ليها وسامعين صوت جري برا وكواريك وعرفو انو باقي جماعة سيد وصلو!؟ وقرب يمشي يخليها وهي بعد ادتو كم سكين غزتها ليهو ف راسو وقامت جارية بضلع ومن ركبت استلموها رجال سيد من ورا وبعد تعب حتى فكت منهم لانها كنكشت ف ناس اسوم وخالد كان سايق شديد!؟ امنو عليهم عربيتهم وانطلقو وباقي رجال سيد وراهم وشتروهم بالسكاكين والسيوف والسواطير بس بدون نتيجة!! وطلعو منهم لمن كوركو!؟ وماشي بسرعة والارض وعرة قرب يقلب العربية وسألهم عن شبكة تلفوناتهم ولا واحد فيهم عارف تلفونو وين!!؟ دخل يدو ف بنطلونو وطلع ربيكتو لمن ضحك وقال ليهم دي فائدة التلفونات الصغيرة شبكة فل وكهرباء م بتنزل سريع!؟ بعد كذا محاولة حتى طوارئ الشرطة خشت معاهو بس الشبكة كعبة وكورك معاهم!! حتى حكي ليهم ملخص الحصل ووصف ليهم المحل ولقى استجابة ووراهم انو معاهم حالات حرجة وناس الشرطة وروهم اقرب مستشفى ليهم وقالو حتتحرك قوة للمكان!!خالد قال ليهم تعالو كتار الناس ديل خطرين!؟ والبقية حاولو ينقذو منتصر قدر يتنفس بس كان بينزف شديد!! اما اسوم وريان بحاولو يفوقو ف مروة ويخبطو فيها ويكوركو!! بس للاسف مريوة ماتت من الجوع والعطش!؟ والكواريك علت وكلهم م مصدقين وقالو ف غيبوبة! وحتبقى كويسة! وفجاءة لقو نفسهم ف الشارع الرئيسي!؟ خالد لمن كورك واتجه ع المستشفى الوصفو ليهم ناس الشرطة!؟ بس وهم ماشين شافو الراجل الزمان داك الكان عايز توصيلة ريان وامها واسوم صرحو!؟ واشرو لابوهم وشافو وقف عربية ووقفو ليهو!؟ !! وليد قال لابوه ساعدهم!؟ كلهم إتلفتو حمرو ليهو مخلوعين!؟ ولم جو مارين بجنب العربية الركب فيها شافو فيها اطفال!؟ وهو بكل عين قوية عاين ليهم وابتسم!!ريان مدت لابوها المسدس وقالت ليهو اخر طلقة!؟ الابو استلمو منها وقال ليها بتفي بالغرض!!؟ ونشن بإتجاه خالد وصوب بالشباك وفكى الطلقة!؟ قال ليهو دي لمروة بتي!؟ يعني عرف انو بتو ماتت..خلا الناس المركبنو معاهم بكوركو والراجل وقع ميت!؟ بطلقة ف الجبين..حتى قدرو شالو نفسهم واتجهو علي المستشفى.
#النهاية.
