الرجال كانو جارين بالكارو جري مبالغ فيهو!!؟ لدرجة انو البنات قربو يقعو بس مثبتين ف امهم! لم وصلو حمدو الله وإستغربو لانهم م شافو اهالي ولا زول حايم كأنو ف حظر تجول!؟
نزلو والبنات بعاينو لامهم والام بتعاين لراجلها!! الراجل صاحب المنطقة اسمو سيد قال ليهم اتفضلو علي البيوت واشر ليهم يتبعوة واثناء م هم ماشين سمعو صوت جعييير وكانو ف زول بيضبح ف ناقة مروة خافت ووقفت ابوها مسكها من يدها ومشى معاها دخلوهم ف غرفة طويلة وريحتها خلت ريان تستغرق!!؟ لانها عوافة شدييد!!؟ الراجل صرا حواجبينو وحمر ليها؟ امها قالت ليهو بتي عيانة..الراجل الاسمو سيد شال نغسو وطلع،الابو وصاهم قال ليهم اعملو حسابكم نحنا هنا ضيوف دلعكم هنا م ينفع وانتي ي ريان م باكل دا ودا لشنو وتنظيراتك ديك هنا م عايزنها!! الراجل جاب موية وجا قال لحسن ارحكم الديوان عشان النسوان ياخدو راحتهم بتو اسوم قالت لابوها لا م تمشو خليكم!!؟
الراجل ادها عين لمن جسمها كششي واقال ليها نسوانا م بيجو إذا الرجال ديل قاعدين هنا!!؟ الاب اتفهم الوضع وقال للاولاد ارحكم وطلعو!! البنات قالو لامهم امي نحنا خايفين!! هي زاتها كانت م مطمئنة بس م حبت تخوف بناتها اكتر!؟ قالت ليهم ماف شيء ابوكم معانا والله معانا!! جو مرتين متخمخمات وم ظاهرات إلا عيونهم...سلمو عليهم وقعدو جمب بعض بيتهامسو لدرجة ملفتة للنظر خلو الام وباتها بتشاوفو!! الام سألت المرا قالت ليها منطقتكم دي اسمها شنو!؟ المرا عاينت للتانية وقامت ع حليها وطلعت من الغرفة بدون م ترد ع امال!!
اسوم خافت لمن بطنها وجعتها قالت للمره التانية انا ماشة الحمام،ديك م ردت!؟ واسوم تاني كررت كلامها لم م لقت إستجابة ريان نهرت المرا وقالت م بتسمعي انتي!؟ امها حمرت ليها طوالي سكتت!؟ المره برضو ابت ترد قامت علي حيلها واشرت لريان بيدها يعني تعالي!!اسوم اترددت بس لانها مزنوقة قامت وقبل م تطلع مع المرا ريان مسكتها من يدها وقالت ليها ارح ماشة معاك!؟
وطلعو مع المرا ابوهم لمحهم بالباب رسل وليد يشوفهم ماشين وين!؟ لم عرف انهم ماشين الحمام رجع ع الديوان...لم دخلت شمت ريحة رمة ف الحمام!؟ وكأنو ف حيوان ميت رامينو جوة!؟ اترددت انها تقعد والريحة كانت فظيعة! طلعت من الحمام وهي بتتوع!!؟ ريان قالت ليها مالك!؟ م قدرت ترد عليها لانو المرة واقفة...بس ريان لسانها سليط ابتسمت وقالت ليها عرفت السبب إذا كانت الغرفة كدا كيف يكون الحمام!! واسوم تقرص فيها نظام يابت بطلي وقاحة المرا واقفة!! بس ريان م بتخاف ولسانها متبري منها!! رجعو الغرفة وخلو المرا واقفة ف محلها بتعاين لريان من ورا!!
قعدو شوية كدا وجابو ليهم الغدا! ريان مستحيل تاكل قالت عايزه ليمونة!! لم جابوها ليها حلبتها ف الإندومي نية واكلتها وامها ولا جبرتها لانو عارفين طبعها كويس...وكانو بياكلو وبطنهم طامة وقلبهم كاشي من الاكل!؟
بس جبرو نفسهم عليهو وماف زول اكل معاهم المرتين قاعدين ف السرير وبعاينو ليهم...طوالي الام وبتينها الإتنين قامو مع انهم م شبعو بس غلبهم!؟ لم طلعو يغسلو اسوم قالت لامها دي لحمة شنو من الله خلقني م ضغت طعم زي دا ولا اتبلعت لي زي البلاستيك!! مروة ضحكت وقالت انها كانت بتاكل ف الرز وشافت فيهو حشرات ميتة مطبوخة فيهو طوالي قامت...المهم وف اثناء م هم بعيبو ف الاكل اتلفتو لقو المرا وراهم مروة لمن صرحت واسوم من الخلعة وقعت الابريق من يدها!!
ابوهم جا جاري بس لم لقاهم م حاصل عليهم شيء شاغلهم وسألهم عن امهم وريان ورجع الديون...اليوم عدا سريع والمساء جا وم كان عندهم كهرباء ولا حتى إنارة وامال اتكلمت بزعل مع راجلها وقالت انو النسوان زي الماراضين مبيتنا معاهم ولا خشمهم م فتحوة معانا!! قال ليها اصبري كلو يوم واحد بس ونمشي منهم خلي بالك من نفسك ومن البنات ومشي ع الديوان...المرا اخيرا اتكلمت وقالت ليهم الماشي الحمام يمشي عشان اقفل الباب!! زول قال طالع ماف؛طوالي طلعت من الغرفة ريان قالت لامها المره دي حتجلطني!!؟ ضحكو ورقدو لانهم مرهقين ورغم انو ماف كهرباء بس الجو كان بارد لانهم ف محل خلوي والبيوت زاتها م كتيره فالهواء هابي...وبدون م يشعرو نامو ف نص اليل كان ف صوت ضجيج برا!! اول صحت الام وقلبها بقى يدق وقالت ان شاءالله بناتها م يصحو عشان م يتجرسو فيها!؟ وع كلمتها دي مروة الصغيرة قالت ماما دا صوت شنو!؟ ونطت لامها ف حضنها وحركتها صحت ريان!! قامت مخلوعة!!؟ وتلبت من السرير وجرت ع الباب لقتو قافل!؟ اصلا كانت عايزه تقفلو بس إستغربت انو مقفول من برا!! جرت ع امها واخواتها بس الصوت زاد وبقت هرجلة وبردبة زي حقت الحمييير واصوات مخيفة بكشش الجسم! ورغم انهم خايغين بس الفضول قتلها وقالت إلا تشوف الشي الرا دا شنو وقربت ع الشباك وفتحتو براحة وإتاوقت بجزء صغيييير منو بس الواطا ضلام م قدرت تشوف شيء!؟ ففتحت الشباك اكتر وكان فيهو نملي شفاااف بيمنع الجوة يطلع يدو وبيمنع البرا انو يخش!!؟ فقربت وشها شديد عليهو وحاولت غصب تشوف الشي البتصارع ف الواطا دا شنو والصوت دا مصدرو شنو!؟ وقربت شديييييد وم قادرة تشوف والاصوات زايدة وفجأة حست بشيء اتنفس ليها ف وشها ونفث فيها زي التور الهايج!؟ ضرخت ودفرت الشباك بس يدها رحخفت وم قدرت تتربسو!؟ والشيء الرا كان بيدفر ف الشباك من برا!؟؟
نواصل بعدين
