ف اقل من خمس دقائق بعد م سيد ضرب البووق إتلمو الموحشين وعمت الريحة الكريها المكان!! وكانو بيصدرو اصوات غريبة ومعاها خبطة رجل ف الارض!!؟
إتكلم معاهم بلغة م مفهومة قريبة للهمهمة وكوركو وبدو يتلفتو!!؟ المهم الكان منتظر جماعتنا م شوية!! ودا كلو ومنتصر كان متابع وشايف بس كيف يقدر يساعد اهلو لانو سيد وجماعتو قافلين المكان! وم عرف هم بقولو ف شنو بس كان متأكد انو هم سبب الاجتماع دا!؟ والغضب الفي عيونهم خوفو شوية لانو م مستعد ليهم وإن كان مستعيد مستحيل يقدر للعتاولة ديل!؟ لانو الكثرة بتغلب الشجاعة!!
مع انهم بتسلحين كانو!! بس سيد مرق ليهم شوال بتاع اسلحة تقليدية...فيهم الشايل ساطور وفيهم الشايل نشاب والشيء الخوف منتصر كلهم شايلين حاجة زي العصايات بس لافتها بسلك شائك!!؟ بالجد منظرها بخوف!!؟ دي لو خبطو بيها زول لحمو بيطلع فيها! ولو هبشت جسمو ساي حتمزقو!!؟ فكر إنو يلبد لحدي م يطلعو يفتشوهم وبعداك هو بحاول يخش!! واستبعد فكرة انو يمشي ويجيهم بالعربيه ويقتحم بيها المكان!! لانو لو لمحوها اتحركت ساي حيكونو ف خبر كان!!؟ واحتمال يقلبوها بيهم وهي ماشة ولا يعطلو اللساتك والله لا وراكم البيحصل بعداك!!
اما خالد والبنات طلعو من البيوت بس ولا قربو حتى لمكان العربية!! هو لو بيدو يشيلهم التلاته ويجر لانهم بطيئين شديد!؟ وفجأة اسوم جات واقعة من التعب!! البت المعاها تصحي فيها بس بدون فائده والتانية ديك تتلفتت وتقول خلاص شافونا خلاص حنموت! صدقوني خالد شماهم اكتر من المتوحشين!؟ ع دنقيتو عشان يرفع اسوم جا خنجر قصادو بالضبط!! يعني لو م كان دنقر كان بيكسر سلسلتو الفقرية!! خالد لمن بطنو عملت تتتك!! والبنات صرخن!! خمش اسوم ف كتفو وقامو جارين!؟ وجماعة سيد وراهم!! وبدو يكوركو للبقية...اسوم ع فتيحتها شافت تلاتة عتاولة وراهم وبفكو فيهم سكاكين!!؟ مع انو شايلنها لكن خافت من بشاعة الموقف وفكت ف الكواريك!؟ وشتتو انتباه خالد ودخلو فيهو خوفة!!! وبقى بس جاري وم عارف يتصرف!!؟ البت المتشائمة عترت!! والتانية المعاها قبضتها من يدها وجرو سوا!! وبقولو لخالد انتظرونا وخالد كاتح كتح صاح!؟ لحدي م البت قالت ااااااه وفكت يد التانية!؟ ديك جارية وتقول ليها مالك وقفتي ارح م عندنا زمن!!؟ الوقت قالت ليها حاسة بضهري تقيل بكون اتضربتا!! التانية عايزة ترجع ليها بالرغم من انو جماعة سيد قربو يصلو بس م قدرت تجر تخليها!! وقبل م تحصلها دلاك فكو فيها سيف ولا ساطور شالو الراس برا!!؟ التانية من الخلعة عايزه تجن!! كوركت وجرت جري مبالغ فيهو فاتت ناس خالد! وبقول ليها وين التانيه لم اتلفت شاف احد بطعن فيها والاتنين جارين وراهم!؟ قال لاسوم بتقدري تجري براك!!؟ انا عايز اعطلهم!؟ قالت بحاول!؟ نزلها ومن الخوفة كتحت كتح صاح!! قال ليهم بخلي ليكم واحد اتصرفو معاهو!؟ وغير مسارو وفعلا واحد من المتوحشين تبعو والتاني جاري ورا البنات وكل مره بفكهم بحاجة بس الله بشوف ليهم وم بيتصابو!! البت التانية قالت لاسوم اجري بطريق وانا بطريق والجرا وراها تجي التانية بوراهو وتضربو ولا بحصلونا بالبطريقة دي!!؟ وفعلا نفذو خطتهم وجرا ورا صاحبة الفكرة واسوم بعد غيرت مسارها وقفت اخدت ليها نفس ولمن كانت بتلهث بس رجعت بنفس الطريق عشان تحاول تشتت انتباه داك!! وفعلا جارية وراهم بس م عندها حاجة تضربو بيها!!؟ ولم داك حسى بانو جاري وراهو زول اتلفت شاف اسوم جارية عليهو بتدروخ!!! وقف منتظرها وبقول ف نفسو جاتني لحدي عندي!!! لم اسوم شافتو حكت فرملة رجلينها وبقت تكورك !! وقبل م يقوم كاتح عليها ناشتو البت القدام بحجر ف فاخورتو لم قبل عليها جلتو بتراب ف عيونو وقالت لاسوم اجري!!؟ واشرت ليها بمعنى تعالي؟ واسوم قامت كاتحة!! شالت نفس الحجر وداك كان بيجعر وبضرب بسكينو ف الهواء وبحاول يفتح عيونو بس التراب حارقو!! اسوم تاني ادتو خبطة وقبل م يقومو جارين شالو منو سكين طويلة زي الساطور اسوم بعد كانت عايزة تطعنو بس خافت وقامت جارية!!! التانية قبضتها من يدها وخمشت منها السكين رجعت ع المتوحش اول غزتو ف ضهرو خلتو يبرك واشتغلت شغل صاح ف جسمو م خلت حتة م شلختها!! وتكوك وتبكي وتقول ليهو دي حقت فلان وتضرب هنا وتقول ليهو دي حقت فلان!! واسوم م عرفت منهم الا البت الاتقتلت قبل شوية اللهي اخت البت الكان شافت جثتها ديك!!! فعرفت انو البت خسرت كل جماعتها الكانو معاها وبكت بحرقة!! وخافت انها تفقد اهلها!! البت بعد خلصت كان جسمها كلو دم! لمن منظرها بخوف؟! وقالت لاسوم ارح قبل باقي الكلاب م يجو!! ومسكتها من يدها وبالتانية شايلة السكين وقامو جارين...اما خالد تعب مع زولو وبقو عليهو اتنين الاول الضرب البت والتاني الكان ساكيهو اصلا وجهجوه شديد وكل مره فاكنو بشيء!! وقف ورا شجرة وشال نفسو حبة!! وداك حصلو بس جرا طويل م عرف انو خالد لبد ورا الشجرة!!! ولفى بالجنبة عشان لو القدام اتلفت م يشوفو ولو الورا جا م يلمحو بس الورا كان نبيهة وتقريبا لمح خالد وفكاهو بكسين جات ف يد خالد بالمرصاد لمن اخترقت كفة اليد واستقرت ف الشجرة!!! وجا جاري عليهو وهنا خالد بجابد ف السكين وعايز بطلعها من يدو بس كانت كابسة ف الشجرة واقل حركة فيها بتقطع مصارنو جوووة من شدة الالم داك خلاص جاري بكورك وبقى فاصل بينو وبين خالد اقل من عشرة امتار!!!؟
نواصل بعدييين....
