اسوم من شدة م ضغطوها بقدت الاحساس بفكها بس شعرت بأنو ف يد بتجر ف لسانها ولانو اللسان لزج وصغير يصعب مسكو من اول مره!؟ فمرت سيد قشت يدها ف التراب عشان تقدر تمسكو!؟ ولحسن حظ اسوم جا راجل ف اواخر الاربعينات،وقال لسيد دا شنو؟! المره دي بتسوي ف شنو!!؟
مرت سيد والتانية المعاها لم دخلو الغرفة م قفلوها عليهم!! وراجل زاتو حيكون مصيرو زيهم بس لمح بالباب وهم مارين!!؟
سيد إتخلع وجرا الراجل من يدو بطريقة قريبة وجرا ع مرتو دخل ولزا عليهم الباب قرب يضرب مرتو!! وإتكلم معاهم بلغة م مفهومة ونهر المرا الكانت قاعدة لاسوم ف بطنها طوالي نزلت منها وطلعت من الغرفة!؟ حمر لمرتو وطلع!؟ بعد طلع المره إتنرفزت وهمهمت وغزت السكين ف الارض!؟ اسوم كانت متمددة لا قادرة تجر يد ولا رجل!؟ مرت سيد حمرت ليها وإتركزت فيها بقوة لمن اسوم قنتت!! وشالت سكينها وشخطت اسوم ف يدها وقالت ليها راجعة ليك تاني!؟ ومشت...اسوم بكت بحرررقة! وواحدة من المعاها ف الغرفة جات جارية ليها لكن بعد م إتأكدت انو مرت سيد قفلت الباب ومشت! لانها شرانية اكتر من راجلها!؟
حضنت اسوم وقالت ليها معليش انتي محظوظة احمدي ربك م أذتك!؟ اسوم وهي بتتخق قالت ليها اذية اكتر من كدا!؟ طيب اهلي بكون عملو فيهم شنو!! البت جات قايمة من جمبها شاتت ليها حاجة برجلها لمن دنقرت لقتو المفتاح بتاع الغرفة البت لمن صرخت ولمو فيها حتى اسوم قامت مخلوعة افتكرتها حشرة!؟ رغم الظرف الهي فيهو دا وخايفة من الحشرات!!؟ البت القتو بقت ترجف وقالت ليهم نسو المفتاح حنطلع من هنا!!؟ اسوم قالت يارب يارب تساعدنا! ام اخت البت الماتت احبطتهم وقالت ليهم انتو مقفولين من برا م من جوا يعني وجود المفتاح م زا اهمية!؟ ولنفترض انكم لقيتو واحد منهم مخبول واديتوهو المفتاح وطلعتو من الغرفة دي!؟ هل عندكم ولو ذرة امل انكم تطلعو من القرية دي!؟ م تفرحو وراجعو انتظرو الموت! احبطتتهم فعلا لدرجة انو البت جدعت المفتاح من يدها...واسوم قعدت جمب الحيطة وبتعاين إتجاه المفتاح وفجأة حبت عليهو وشالتو اول صرخت وجدعتو من يدها لانو رابطتو بحبل مليان سنون واضراس!؟ بس إتشجعت ومسكتو تاني!؟ وابت تلبسو ف رقبتها بس حشرتو جوووة جيب البنطلون،وقالت دي مساعدة من ربنا ولازم نحنا نتصرف ونساعد روحنا!!
اما البرا كانو متوترين بفتشو ف منتصر!؟ متأكدين انو م حيقدر يطلع من المنطقة بس عايزنو حي ولا ميت عشان يضمنو انو سرهم م ينكشف وقسمو كم مجموعة عشان يفتشوه!! الراجل البي سببو الله نجا اسوم اسمو خالد قال لسيد جماعتكم ديل متوترين كدا مالهم وماشين وين!؟ سيد عاين ليهو مسافة حتى قال ليهو عندنا ولد مجنون وشرد ماشين يفتشوه!! الراجل ضحك وقال ليهو دي إسمها قرية المجانين ولا شنو!؟ البت الخانقنها قبيل مش برضو قلت مجنونة!؟ سيد بينو وبين نفسو قرب يطلع سيفو ويقطع رأس خالد!! من شدة م اتغاظ منو!! وحتى خالد لاحظ انو سيد غضب بس اتأكد انو الجماعة ديل عندهم سر وهو لازم يكشفو!؟
قال ليهو اها المكنيكي وين يصلح لي الموتر لاني اتأخرت شديد،وقبل م سيد يرد جاهو واحد وشوش ليهو ف اضانو خلا سيد يقوم بدون م يقول لخالد حاجة!؟ وطلع مع الولد الجاهو مشو غرفة كدا بانينها تحت الارض وم عندها باب مخلينها فاتحة للتهوية وكان حابسين فيها وليد مجنزرين رجلينو ف حاجة كدا زي العمود بس صابنها باسمنت!!
لم دخل لقى وليد راقد وشبة ميت من شدة الإستفراق ومعرينو م لابس غير شورت!؟ محطو بسلك ف ضهرو خلاهو يتململ وبيبكي!! قال ليهو قوم اختك ارجل منك!؟ شوف شغلك ولا سلختك حي!!
إتضحت دي الجزارة حقتهم بس ياريت لو ببيعو ضان ولابقر ولا إن شاءالله حمير ولاكلاب!؟ ببيعو فيها لحم بشر واجبرو وليد يشتغل مع جزارهم وم يبيع ياريت لو كان بيع!؟ المطلوب منو يلم الفضلات!! من اصابع وشعر وحاجات من دي!؟
وم قدر كل م يشوف بيجي دايخ!؟ وهم عايزين يضبحوة بس ضعيف شديد عشان كدا معرينو وعايزنو يسمن شوية وبعداك يكون هو الضبيحة!؟ ف الوقت داك كان الرجال المتوحشين بفتشو ف منتصر وهو بدورو كان مدسي ف الشجرة البعييييدة العالية ديك وماف زول اتصور انو ممكن يكون طالع فوق!؟ وجو جمبو متين بس ماف واحد فيهم قال اطلع الشجرة يمكن يكون فوق!؟ وشاف كمية من العربات وكانهم فاتحين معرض وعرف انو العربات دي راجعة لضحاية تانين!! بالرغم من انو جيعان وعطشان إلا شايل هم عمو واولادعمو وبقول لازم اوفي بوعدي لعمي واحمي اسرتو!! وضع ليهو خطة وقال بعد يجي المساء حيبدا ينفذ!!؟
نواصل بعدين..
