شـيـنـة لـكـن النصيب قال كـلـمـته 💓

الجزء ال 30

المزين : حبيبتي راح نديرلك تسريحة فلو بسيطه
خالدة : تمام حاضر بس مدابيا متكرتيش مكياج
المزين : ههههه بس راجلك لما حجز قالي كتري مكياج و متسمعيش كلامها
خالدة : من راجلي 🤣احمد ؟!
المزين : اي اسمه احمد هوا اللي حجزلك
خالدة : مبررده هذا خوي 🤣ويبيني نتغير
المزين : ههههه نيالك فيه بجد 😆😅
***************
الساعة 3:30
رواد : مرحبا احمد وينك
احمد : في الحوش نجهز في الورد
رواد : هههههه ياربي حضرني عرسك و نوتي الورد
احمد : امين يارب
رواد : اساسا أجرت في صالة متعبش روحك
احمد : 😨 انعم ؟! شن قلت
رواد : ايه في صاله حجزت من امس ياريت تعرف العويله اللي عندك للصالة
احمد : وليش الصاله
رواد : بعد مانعقد اعليها نديروا حفلة بسيطه و بنرفعها
احمد : بترفعها 😨 كيف هكي خالدة موافقة
رواد : افهمني ...
******************************
خالدة :😣 حي اعيوني خلاص خشلي في عيني
المزين : شكلك مش متعودة علي المكياج
خالدة : ايه والله 😅
*******************
ولاء مدايره جوو في الحوش و ترقص هيا وصغارها
عبد الباسط راجل ولاء: ولاء ولاء
ولاء : هلا حبي خيرك
عبد الباسط : طلعت الخطوبة في صاله
ولاء : 😍😻 بجد من حجزها و اما صاله
عبد الباسط : منندريش المهم قالك احمد وتوا ارواحكم
******************
احمد : يا عبدووو
عبد الباسط : انعم حميده
احمد : اللي حكيتهولك منبيش حد يعرف بيه نعيد ونكرر
عبدو : تم سرررك في بير
احمد : خليهم عارفين ان خطبة عاديه و بعد تنقرا الفاتحة يسمعوا غادي
عبدو : فهمت
**************
برنية : يحليلي محلاها الصاله تهبل
ريناد : هذي كلها ع خاطر خطبة خالدة هه
برنية : لازم تفرحي لخوك حرام اعليك
اسماء : ماندري كنها البنت انقلبت علي صاحبتها
ريناد : اسكتي حتي انتي
ام اسماء : ناعليا و كنها خالدة البنت كويسه و خشت خاطري
امل : اوووف والله جيت ع خاطرك يا ريناد
ريناد : صحيتي حبيبتي وين دعاء ؟
امل : شوفيها وين تصور غادي
ريناد : حلو قفطاني
امل : واااااو فخم هلباااااا😍🔥
ريناد : هه بنطلع احلا وحده اليوم
*****************************************
المزين : واااااو قفطانك محلااااه
خالدة : ذوق خوووي
المزين : فخم و متع خطوبات قنين الحق ربي
خالدة : تسلملي
المزين : ربي يسعدكم و يخليكم لبعض 😍
*****************************
الساعة 5:30
احمد : 😣😔😔😔😔😔😔
سند : كنك هذي سنة الحياة تبيها ديمة معك
احمد حضن سند : تعودت اعليها و ماليه اعليا الحوش 😔😢😔😣
رواد : احمد شني تبكي ؛ تي نسيبي انت امتي ماتبي دف الباب و خش خيررك الزفت
احمد : رد بالك علي اختي 😣😔
رواد : في عيوني
معز : مبروك رواد مبروك 🥺😣😭
رواد : خيركم توا كلكم بتبكوا
رياض : الف مبروك ياراجل سامحني 😔
رواد : تي حتي رياض زعلان خيركم الزززفت فررح راه ليش الزعل
معز : حضن رواد
رواد : حبيبي و صاحبي 😢😔😣 سامحني كان فيوم زعلتك
معز : انت اللي سامحني
ولقوا احمد قاعد لوطه يبكي بعبرته
رواد : خيرك ياراجل
احمد : مكنتش نبيلها عرس زي هكي ع السريع لا زفة لاشي
رواد : بنزفها زي عرس العادي و احسن انت مزال مريتش شي
احمد : 🤨
************************
رواد. : بعت مسج لخالدة مبروك اعلينا مرتي
خالدة : 🥺😣
المزين : خيرك
خالدة : قروا فاتحتي توا
المزين : 😨 حسبتك خطوبه بس
***************
احمد يا رواد خالدة قاتلي ان كملت خلاص
رواد : توا نمشيلها اني نجيبها و لما نبيكم تكونوا بحدا المزين السيارات كلهم لما بنطلعوا تمام
احمد : تم
***************
رواد : ها مرتي الغاليه مبروووووك فرختي
خالدة : الو رواد مبروك اعلينا
رواد : ربي يخليك ليا مرتي
خالدة : 😍😻 اووف احمد عطل اعليا نبي نروح للحوش قبل ماتجوا انتم تاخرت
رواد : انا البرا اطلعلي
خالدة : انت تروح بيا
رواد : اي مدام
خالدة : لبست عبايتها وطلعت
رواد : واااااو نزل من السيارة و جري ليها حضنها
خالدة : 😨😭🥺 ياروحي انت خلاص قصدك نحنا لبعضنا توا
رواد : ايه يا عمري ومش راح يفرقنا حد ركبها في السيارةومشي بيها
احمد : نحنا قريب نوصلوا للمزين
رواد : تمام نراجي هيا
خالدة : شن القفطان هذا اللي خلف لمن
رواد : متع ريناد
خالدة : تمام ؛؛؛ 😱 شني هذا جماعة المطوات😍😍😍 الله شكلهم زافين وحده ؛ رواد شووف سيارات الشرررطه محلاااااهم
رواد : انتي اللي محلاك 😍
خالدة : ليش درسوا خلفنا و قدامنا
معز : مبرووووك يارواد
رواد : عززززووو
خالدة : معز شن جابه
رواد : شايفه الناس هذي كلهم
خالدة : خيررهم
رواد : جايين علي خاطرك
خالدة : 😱😨
احمد من روشن السيارة : مبروك وخيتي 😍
خالدة : حميدة حبيبي 🥺😣😢
احمد : 🥺 ربي يسعدكم
**************
طلعوا السيارات و ماشين رواد ماسك في يد خالدة و يسوق
خالدة : حبيبي وين ماشين
رواد : للصالة
خالدة : اعلاش
رواد : بتلبسيلي الفيلو
خالدة : كييييف 😨😱
*****************
خشت خالدة للصاله و دخلتها اختها ولاء وكانت لابسه قفطان بسيط ع الاكحل طويل و ظهرها مفتوح و شعرها فلو
ولاء : محلاك يا فرخة
خالدة : 😍😻
اسماء : كبيدتي
خالدة : رايفت اعليك. عروستي السمحة
اسماء : نا اكتر 😍
ريناد : قفطانها بسيط 🤨
امل : مش راح تنوضي تسلمي
ريناد : غير يلبسها الدبله وبعدها ساهل
********
برنيه سلمت علي خالدة : محلاكي ربي يتمم علي خير
خالدة : يسلمك عميمة
قيس : خويلة تهبلي طالعه
خالدة : نجك ليا خالتي حت انت بدلتك تهبل 😻😍
**********
خش رواد : لسبها الدبله في اليمين ولابس جاكة زرقاء و سروال جينز
خالدة : محلاك بيه تهبل
رواد : انتي اللي تهبلي وباسها علي راسها
رواد : شدها من ايدها و نزلها
ريناد : شن بيدروا هادو
امل : حي وين رافعها
رواد : انتي خشي لدار هذي بدلي و هيا الاظ معك انا نلبس بدلتي الرسميه و نجيك نطلعك
الاء : خليها اعليا
رواد : سلمك 😉
الاء : يحليلي يا خالدة محلاه راجلك يهبل من كل النواحي
خالدة : ايه اضربي دين امه بعين و جيبيه طايح
الاء : هههههه تحسابيني حنان ؛؛ البسي هيا اسمعي شن بتكون ردة فعل الناس لما يعرفوا انك عقدتي 🤣 والله ريناد و امل يموووتو بقهرتهم
خالدة : خاااايفة الحق
الاء : معش فيه انسحاب توا حاربي للنهايه
خالدة : تي شني في محور طريق المطار نحنا 😒
الاء : و حتي تحت الضغوط دمك مشالله 🙂 عسسسل
خالدة : اوووف مزال ماشبعتش مع صغارك 🥺
الاء : توا نجيبهم لك في حوشك ياوخيتي 🥺😣😢 ربي يهنيك و يسعدك
خالدة : بنستاحشكم 😭🥺😣
الاء : 🥺🥺
******************************
رواد لبس تكسيدوا ( بدله رسميه ) ابيض في الاكحل وقرواطه حمرة معهم كندرة كحله و ساعة فضة
طقطق الباب
رواد : الاء شني كملتوا
الاء فتحت الباب : ايه
خالدة : وقفت قدامه و كانت لابسه قفطان ابيض 😍 تسريت ماشي علي جسمها مع فتحة بسيطه من الرقبه من قدام قصير و من خلف طويل عنده كمام ومشبك من الايدين مع كندرة بيضة كعب و طاقم لولي ؛ مع باقة ورد حمرة بسيطه ؛ ولاء رفعتلها شعرها رفعه بسيطة و حطلها الطرحة
الاء : محلاها لمستي
رواد : والله صار منك يا الاء
خالدة : اوووف القفطان ضاغط اعليا هلبا منقدرش نمشي بيه
رواد : حبيبي نبيك تشديني من ايدي و تطلعي بكل ثقه و ماتشوفيش لحد خليك واثقة من نفسك ؛ اني وياك اليوم هذا لينا فتره نستنوا فيه ولازم نعيشوا بكل لحظه فيه لان راح يقعد ذكري غدوا نحكوها لصاغرنا ؛ نعرف انه خاطرك اديري عرس زيك زي البنات و تحني و كل شي بس سامحني مقدرتش نحقق رغبتك هذي بس حبيت نشوفك بالابيض 😍 وطلعتي بيه خياااال اكتر مما توقعت ربي يخليك ليا و يقدرني نسعدك
الاء : 😭🥺🥺🥺🥺🥺🥺
خالدة : 😔🥺🥺🥺🥺
رواد : هيا نطلعوا
وطلعوا علي اغنيه ناصيف زيتون بدي ياها
العيون كلهم كانوا عليهم ولاسئلة اللي بدت تتسأل ليش لبست الابيض و ليش غيروا زعمك قروا فاتحتها و لاشني ؟! شن قصدهم بالحركة هذي ووووو