احمد : بارك الله فيهم علي الغذي
خالدة : صحتين اوخي في بالها ( سلمه ها الرواد ) 😊
احمد : رواد اتصل بيا امس
خالدة : خيره 😨
احمد : عزمني علي العرس
خالدة : اها 😌
احمد : حدديلي الزبون ووتيه 🙂
خالدة : حاضر 😇
احمد : مريضة انتي ؟ نرفعك مستشفي
خالدة : لا خيرني 😨
احمد : خيرك وليتي محترمة 😒
خالدة : العشية بنمشي للعرس راه عندها حنه اليوم
احمد : تمام خلي نرتاح شويا العصر نوضيني
خالدة : نوم العوافي 😇
احمد : سلمها خيتي 😉
خالدة ضمت الماعين و غسلتهم شيكت علي الحوش كله و بخراته و خشت دارها
خالدة : هاااا شن بنلبس توا 🧐🤨 خلي نكلم حنان 😅
حنان : يا القاطعة 😡
خالدة : اعذريني والله مشغوله هالايامات
حنان : ايه مشغوله بالناس الاكابر 😒
خالدة : حنان مستحيل ننساك 😒 انتي الاصل اكابر شني تعرفيني منحبش الجو هوا مهما صار مش ح ننساك و ننسي وقفتك معايا 😊
حنان : باهي يسلمك ليا شن بتلبسي العشيه
خالدة : منعرفش 😢
حنان : تعالي عندي قفطان طويل ع الاكحل يعجبك
خالدة : باهي تعاليلي سلم جارتي 🥺
حنان : مش فاضيه توا ياذن العصر نجيك 😇
خالدة : تمام نراجي فيك 😍
دائمًا الإنسان بحاجة للمُساعدة حتى
لو كانت على هيئة كلمة لطيفة❤💜.
خالدة : اوووف حت الرقم معطاشي شن الغبي هذا 😳 لي امتا هكي 😌 اكيده يستنا في ردي 🤨 يحليلي 😍 منه ومن حركاته كل شي فيه حلو 😌 ربي يخليه ليا وخلاص 🥰
بس خايفة شن قصده من اعدائه 🥺 وشن يبوا منه بالزبط 😓
أنا فتاة لا تهتم أبدا بالتفاصيل في كل شي ،، الا مع شخص واحد ،، ذاك الأقرب الي قلبي هو فقط من أهتم بكل التفاصيل معه ،، بالرسائل والكلمات والأغاني والألحان وحتي الدقائق والثواني ،، أحب التفاصيل معه ،، ولا أعطي لها إهتماما مع غيره ..✨🖤
في مركز الامن الداخلي ::
معز : 😉 هذا كله يطلع منك ؟!
رواد : منعرفش خيرني😇
معز : تحبها 😍
رواد : ايه 😓
معز : يعني العشيه ترد اعليك
رواد : ايه خايف من ردها مرات تكون خايفة من الكلام اللي حكتيلها اعليه
معز : لا كويس انك حكيتلها بيش ادير بالها
رواد اتكي علي الكرسي : ان شاء الله ما يوصل فيها شي خايف اعليها
معز : خيرك ؟ شن الكلام هذا
رواد : تعرف لو عرفوا الجماعه انه انا مرتبط شن يديروا ولا بيش يحاولوا يخوفوني! 😤
معز : 😰
رواد : بس باذن الله مش راح نخلي ولد كلب يوصل فيها ولا يمس ظفرها
معز : حتي انت حاول تخلي الموضوع سر بينكم و متبينش انك مرتبط
رواد : اووووف كمشة كلاب نقعدوا نحسبولهم في حساب 😡😤
معز : هوا هذا مش راح نستريحوا لين نوصلوا لرأسهم 🤨
رواد : نبي نعيش حياتي زيني زي الناس الزززفت و ضرب الطاوله 😤
معز : هدي روحك وقف و مشي عند رواد و يهدي فيه
رواد مطبس و حاط راسه علي الطاوله : ياريتني محبيتهاش شن ذنبها تتعذب معايا
معز : 😠 شن الكلام هذا شن بتخليها توا غيرت رايك بعد ما علقتها فيك
رواد : من خوفي اعليها بندير هكي 😣
معز : حرام اعليك البنت سادها بكي لو سمعت الكلام هذا شن بيصر فيها خمم فيها بس
رواد : اووووف
أشعر أنها على مقاس قلبي تماماً ، من هول الطمأنينه التي تراودني وانا معها.
خالدة : هيا احمد نوووض اذن العصر
احمد : اسمعي ندوش و نطلع للقهوة لما تكوني واتيه اتصلي بيا
خالدة : تمام وتيته الزبون
احمد : سلمها 😊
خالدة مشت لدارها تجررري : هاااا شن جبتيلي
حنان : صكري الباب و قيسيلي هذا
خالدة : 🤨 ظهره مفتوح 😱
حنان : وكان😒
خالدة : منعرفش
حنان : و الشعر هذا 🤨 شن بديرله
خالدة : بنخليه كيرلي 😌 احلا
حنان : مش احلا تبي راحتك و بس 🤣
خالدة : بس بالتريس عاري هلبا القفطان
حنان : البسيه و اسكتي
خالدة قاساته 😱😱😱😱😱 معش نقدر نستطيع 😨 لا اووووفر
حنان : وااااو يجننن و شعرك زادك جمال 🥰😍 اسمعي بتلبسيه يعني بتلبسيه 😡 مع الكعب هذا 😠
خالدة : خيره هكي 🤨 كعب حاد
حنان : إقتلي بيه أمل 🤣
خالدة : هههههه 🤣
حنان : احكيلي شن قصتك مع خو ريناد نحسك تحبيه كان هذا ليش الاهتمام هذا كله
خالدة : يعني ميصيرش الواحدة تلبس و تفرح 😳
حنان : مش انتي
خالدة : واطيه 😌 اي نحبه
حنان : كيييف و امتااااا وليش😱
خالدة : خليه سررررررر بيننا 😡
حنان : احكي ..
خالدة : يا ستي هذا ...... وحكتلها كل شي
حنان : لا خلاص ذبت 🥰😍 محلااااه
خالدة : هلباااا قريب نهبل اعليه
حنان : ربي يجعله من نصيبك ؛ بس انتي ادلعي شويا مش تكوني جااافه معه يقلق راااه و صوتك دلعيه شويا 😳🤨 معش تحكي بشكل رجولي و .......
YOU ARE READING
شـيـنـة لـكـن النصيب قال كـلـمـته 💓
Romanceرواية ليبيه واقعية صارت في طرابلس 😍 و البنت صاحبتي و نعرفها معرفه شخصية ان شاء الله ربي يسعدها
